Монголын Үндэсний Бөхийн Холбоо, Бридж групп хамтран зохион байгуулдаг “Баянзүрх хайрханы хишиг” барилдаан өнөөдөр буюу аравдугаар сарын 12-ны өдрийн 14.00 цагаас Монгол бөхийн өргөөд болно. Энэ цагийн бөхийн өнгийг тодорхойлж буй улс, аймгийн алдар цолтой хүчит 256 бөхийн барилдаан болох бөгөөд үзэгчдээс хагас саятан хоёрыг, азтан үзэгч хоёрыг тус тус тодруулах юм байна.
2007 оноос анхлан зохиогдож эхэлсэн Баянзүрх хайрханы хишиг барилдаанд Г.Эрхэмбаяр аварга хоёр удаа түрүүлжээ. Мөн дархан аварга Г.Өсөхбаяр, улсын арслан Д.Азжаргал, улсын заан Б.Соронзонболд, улсын начин Ду.Батбаяр тус тус нэг удаа түрүүлжээ. Харин өнгөрсөн жил улсын харцага Ц.Содномдорж түрүүлж, улсын харцага Н.Батсуурь үзүүрлэсэн байна.