Арабын нэгдсэн Эмират улсын Ал Аин хотноо энэ сарын 7-14 ны хооронд зохион байгуулагдах Дэлхийн Оюутны аварга шалгаруулах буудлагын V тэмцээний албан ёсны нээлтийн ажиллагаа дөнгөж сая өндөрлөлөө.
Тэмцээний эмэгтэйчүүдийн хийн урт бууны дасгалд ОУХМ О.Янжинлхам, Г.Нандинзаяа, СМ М.Түвшинжаргал нар багаараа өрсөлдөж, IV байрт шалгарчээ. Мөн ОУХМ Г.Нандинзаяа финалд шалгарсан ба өнөөдөр оройн 20.00 цагт буудах юм.Харин ОУХМ Э.Даваахүү, СМ Н.Цэрэнтогтох, СМ О.Төгөлдөр нарын бүрэлдэхүүнтэйгээр цэц сорьж буй манай эрэгтэй баг 50 метрийн гар бууны дасгалд шагналт IV эзэлсэн байна. ОУХМ Э.Даваахүү финалд шалгарч буудсан ч медальд хүрч чадсангүй.