Монгол улсын Ерөнхий сайдад ”Оросын төмөр зам” НХН-ийн дарга В.И.Якунин захидал илгээжээ. Энэ нөхөр Оросын төмөр замыг удирддаг хүн. туурга тусгаар улсын Ерөнхий сайд Н.Алтанхуягт хандаж байгаа гэхээсээ илүү өөрийн харьяаны жижиг гарын компанийн захиралд хаяглаж байгаа аятай байх юм. тэрээр бүхэл бүтэн тусгаар тогтносон Монгол Улсын дотоод хэрэгт хөндлөнгөөс шууд оролцож байна.
Улмаар биднийг юу хийж болох, юу хийж болохгүйг зааварлаж байгаа нь ямар учиртай юм бэ. түүний энэ дураараа авир олон улсын харилцааны хэм хэмжээнд нийцэж байгаа болов уу. Цаашлаад олон улсын конвенци, хууль эрх зүйн актууд, НҮБ-ын дүрэмд харшлах юм биш биз.
в.И.Якунин захидалдаа “Монголын хэвлэл мэдээллийн зарим хэрэгсэл Монголд 1435 мм-ийн өргөнтэй төмөр зам тавих тухай “РЖД”НХН ойлгон нааштай хандаж байгаа мэт мэдээллийг тарааж байна. Энэ мэт мэдээлэлтэй холбоотойгоор “УБЖД” (УБТЗ)-ын оросын талын багц хувьцааг захиран удирдаж, Монгол улстай явуулж байгаа төмөр замын харилцаанд ОХУ-ыг төлөөлж байгаагийн хувьд “РЖД” НХН нь зарчмын хувьд Монголд нарийн царигтай төмөр зам барих шийдвэрийг алдаатай шийдвэр байсан гэж үзэж байгаагаа онцлох шаардлагатай гэж үзэж байна” хэмээжээ.
Тэрбээр Н.Алтанхуягт юу хийхийг заах нь улаан цагаан дээрэлхэж байгаа хэрэг биш үү. түүний бичсэнд хариу болгоход төмөр замын ямар царигтай байх нь цэвэр Монгол улсын асуудал. Үүнийг ард түмний эрх ашиг шаардахаас хэн ч зааж зааварлах эрхгүй юм. Хэрвээ бид тусгаар улс юм бол ийм л байх ёстой. Одоогийн эрх баригчид хойд хөршид дагаар орчихоогүй юм бол шүү дээ.
М.МӨНХЦЭЦЭГ