Монгол Улсын Ерөнхий сайдын ивээл дор зохион байгуулагдаж буй “Адуучин” тэмцээн маргааш “Хүй долоон худаг”-т болно. Уг тэмцээнд аймаг бүрээс шалгарсан 21 адуучин өрсөлдөж шилдгээ шалгаруулна.
Тэмцээнд оролцогчид уурга шүүрэх, морьтой болон явганаар шургуулж уургалах, бугуйлдах, эмнэг хангал булгиулах гэсэн дөрвөн төрлөөр уралдах ба ялагч нь “Аварга адуучин” цол, найман сая төгрөгийн эзэн болно. “Адуучин” тэмцээний үеэр Хүй долоон худагт үндэсний хувцас загвар, адуучны хэрэглэлийн үзэсгэлэн худалдаа, урлагийн тоглолт болно.