Иргэдийн эрүүл аюулгүй, таатай орчинд амьдрах нөхцөлийг бүрдүүлэхийн тулд Нийслэлийн Засаг даргын Тамгын газар болон Нийслэлийн орон сууцны корпорациас Хан-Уул дүүргийн 10 дугаар хорооны ашиглалтын шаардлага хангахгүй болсон нийтийн зориулалттай хоёр орон сууцны барилгыг буулгаж, дахин төлөвлөн, шинээр барилгажуулах төслийг хэрэгжүүлж буй. Тухайлбал тус хорооны 34, 35 дугаар байрны 96 айлын нийт 400 орчим иргэн өнгөрсөн 10 жилийн хугацаанд хүн амьдрах нөхцөлгүй, нурах эрсдэлтэй орчинд амьдарч байсан нь мэргэжлийн байгууллагуудын дүгнэлтээр тогтоогдсон. Иймд өнгөрсөн онд тус хоёр барилгыг буулгаж, газрыг чөлөөлөн дөрвөн блок бүрэн тохижилттой, тоглоомын болон чийрэгжүүлэх талбай, ногоон байгууламж бүхий 580 айлын орон сууцны барилгын ажлыг ‘’Мөнх ариун булаг” ХХК гүйцэтгэж эхэлсэн билээ. Ташрамд, эхний хоёр блок буюу 290 айлын орон сууцыг энэ оны дөрөвдүгээр улиралд ашиглалтад оруулахаар төлөвлөсөн бөгөөд инженерийн дэд бүтцийн ажил бүрэн хийгдэж, гадна фасад болон дотор заслын ажлыг эхлүүлэхээр гүйцэтгэгч компани ажиллаж байна.
One reply on “290 айлын орон сууцыг энэ онд багтаан ашиглалтад оруулна DNN.mn”
ИПОТЕКИЙН ЗЭЭЛ ОРОН СУУЦНЫ ҮНИЙГ ХөӨРӨГДӨЖ, ИРГЭДИЙГ ШУЛЖ МӨЛЖӨХӨД ТУСЛАЖ БНА. ИРГЭД ХООСОРЧ, БАРИЛГЫН ХЭДХЭН КОМПАНИ БАЯЖИЖ ДУУСЛАА….!!!!!!!!!!! ЗАСГИЙН ГАЗАР ЯДУУ ИРГЭДЭЭ ДЭМЖСЭН ЗОХИЦУУЛАЛТ ХИЙХ ЁСТОЙ…… ИЙМД ИПОТЕКИЙН ЗЭЭЛИЙГ 1М2 НЬ 3,0 САЯААС ИЛҮҮГҮЙ ОРОН СУУЦАНД ӨГЧ ИРГЭДЭЭ ХЯМД ОРОН СУУЦААР ХАНГАХ ЁСТОЙ. БАЯЧУУД НЬ ТЭР 1 М2 НЬ 4,0 САЯААС ДЭЭШ ҮНЭТЭЙ ОРОН СУУЦАА АВНА БИЗ