Month: July 2024

Categories
мэдээ цаг-үе

Өнөөдөр хулгана өдөр DNN.mn

2024.07.11 / ПҮРЭВ ГАРИГ

ЗУНЫ АДАГ ЦАГААГЧИН ХОНЬ САРЫН
ДОЛООН УЛААН УЛААН ХУЛГАНА ӨДӨР

Үс засуулвал: Эд,мал арвижна.
Наран ургах, шингэх: 05.05-20.50
Барилдлага: Хотол чуулган

Шүтэн барилдлага: Төрөхүй

Суудал: Гал

Аргын тооллын 7 сарын 11, Бархасбадь гараг. Билгийн тооллын 5, Харцага одтой, улаан хулгана өдөр. Өдрийн наран мандах, жаргах цаг нь 5:05-20:50. Тухайн өдөр бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх,гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд, мал арвидна. Дашням өдөр.

 

Categories
мэдээ цаг-үе

Улаанбаатарт өдөртөө 28 хэм дулаан байна DNN.mn

Хур тунадас: Ихэнх нутгаар солигдмол үүлтэй. Шөнөдөө Монгол-Алтай, Хэнтийн уулархаг нутаг, Дарьгангын тал нутгаар, өдөртөө Увс нуурын хотгор, Алтай, Хангай, Хөвсгөл, Хэнтийн уулархаг нутгаар бороо, дуу цахилгаантай аадар бороо орно. Бусад нутгаар бороо орохгүй.

Салхи: Ихэнх нутгаар баруун өмнөөс секундэд 5-10 метр, борооны өмнө түр зуур ширүүснэ.

Агаарын температур: Шөнөдөө Дархадын хотгор, Монгол-Алтай, Хангайн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр +5…+10 градус, Увс нуурын хотгор, Хөвсгөл, Хэнтийн уулархаг нутаг, Эг, Үүр, Ерөө, Туул, Хэрлэн, Онон, Улз, Халх голын хөндийгөөр +11…+16 градус, говийн бүс нутгийн өмнөд хэсгээр +20…+25 градус, бусад нутгаар +15…+20 градус, өдөртөө Монгол-Алтайн уулархаг нутаг, Завхан голын эх, Хүрэнбэлчир орчмоор +18…+23 градус, говийн бүс нутаг болон Орхон, Сэлэнгэ, Хараа, Ерөө, Халх голын хөндийгөөр +31…+36 градус, бусад нутгаар +25…+30 градус дулаан байна.

УЛААНБААТАР ХОТ ОРЧМООР: Үүлшинэ. Шөнөдөө бороо орохгүй, өдөртөө дуу цахилгаантай бага зэргийн аадар бороо орно. Салхи баруун өмнөөс секундэд 5-10 метр, борооны өмнө түр зуур ширүүснэ. Шөнөдөө +15…+17 градус, өдөртөө +28…+30 градус дулаан байна.

БАГАНУУР ОРЧМООР: Үүлшинэ. Шөнөдөө бороо орохгүй, өдөртөө дуу цахилгаантай аадар бороо орно. Салхи баруун өмнөөс секундэд 5-10 метр, борооны өмнө түр зуур ширүүснэ .Шөнөдөө +12…+14 градус, өдөртөө +26…+28 градус дулаан байна.

ТЭРЭЛЖ ОРЧМООР: Үүлшинэ. Шөнөдөө бороо орохгүй, өдөртөө дуу цахилгаантай аадар бороо орно. Салхи баруун өмнөөс секундэд 5-10 метр, борооны өмнө түр зуур ширүүснэ. Шөнөдөө +8…+10 градус, өдөртөө +25…+27 градус дулаан байна.

Categories
мэдээ нийгэм

Гол, нуур, усны ослоос урьдчилан сэргийлэхийг анхааруулж байна DNN.mn

Зуны урин дулаан цагт иргэдийн амралт зугаалгын үе эхэлж гэр бүл, найз нөхдөөрөө байгалийн сайханд цагийг өнгөрүүлэхээр хөдөө орон нутагт зорчих, орон нутгийн иргэд гол усны эрэг дагуу зусдаг.
Энэ үедээ иргэдийн анхаарал болгоомжгүй байдлаас шалтгаалан бага насны хүүхэд усанд живж амь нас эрсдэх тохиолдол цөөнгүй бүртгэгддэг.
Энэ төрлийн осол жилээс жилд нэмэгдэж байна. Тухайлбал, энэ оны эхний 6 сард 12 хүүхдийн амь нас хохирсон бол долоодугаар сарын эхний 10 хоногт 5 хүүхдийн амь нас хохирлоо.
Амь насаа алдсан хүүхдүүд 2-15 насныхан бөгөөд эцэг эх нь хамт байсан, бага насны хүүхэд гэрийнхээ ойр урсах голд живсэн, тогтоол ус, бассейнд сэлж сурсан хүүхэд байх жишээний олон шалтгаан тогтоогдож байна.
Иймд иргэд та бүхэн гол мөрний ойр орчим амарч зугаалах, зорчихдоо өөрсдийн болон үр хүүхдийнхээ аюулгүй байдлыг ханган дараах зөвлөмжийг хэрэгжүүлнэ үү.
1.Архи согтууруулах ундааны зүйл хэрэглэсэн үедээ гол, нууранд сэлэхгүй байх;
2.Хүүхдийг харгалзах хүнгүйгээр гол мөрөн, тогтоол усны орчимд тоглуулахгүй, ганцаар орхихгүй, тэдэнд усанд осолдох эрсдэлийг энгийн, ойлгомжтой үгээр хэлж ойлгуулах;
3.Цаг агаарын мэдээтэй тогтмол танилцаж, аяллын цаг хугацааг зөв сонгон, салхи шуургатай үед болон түргэн урсгалт голын усанд сэлэхээс зайлсхийх;
4.Малчид, тээврийн хэрэгслийн жолооч та бүхэн гол мөрний усны түвшин нэмэгдсэн, бороотой үед баталгаат гүүр,тэмдэглэгээ бүхий гарц, гармаар зорчихыг цагдаагийн байгууллагаас анхааруулж байна.
Categories
мэдээ нийгэм

Туул гол Лүн сум орчимд үерийн аюултай түвшинг 30 см давсан байна DNN.mn

Өнөөдөр буюу долоодугаар сарын 10-ний өдрийн байдлаар Сэлэнгэ мөрөн Хялгант тосгон, Хэнтий нурууны баруун хажуугийн Туул /Заамар , зүүн хажуугийн Хэрлэн /Чойбалсан/ зэрэг голуудын усны түвшин өмнөх өдрийнхөөс 5-15 см нэмэгдсэн байна.
Түүнчлэн Хэрлэн, Буянт, Хархираа гол үерийн түвшинг 5-20 см, Туул гол Лүн сум орчимд үерийн аюултай түвшинг 30 см давсан байдалтай байна.
Ойрын өдрүүдэд ихэнх нутгаар түр зуурын бороо орох төлөвтэй тул дээрх голууд болон гол мөрний сав дагуух хот, суурин газрын ард иргэд, зусаж, суурьшиж буй малчид, аялж амарч яваа ард иргэдийг үерийн аюулаас сэрэмжтэй байхыг онцгойлон анхааруулж байна.
Categories
мэдээ цаг-үе

Үнэ төлбөргүй үйлчлэх нийтийн тээврийн чиглэлүүд DNN.mn

Үндэсний их баяр наадмын өдрүүдэд иргэдэд үнэ төлбөргүй үйлчлэх нийтийн тээврийн чиглэлүүдийг танилцуулъя.

Долоодугаар сарын 10, 11, 12, 13-ны өдөр дараах 7 чиглэлд нийт 32 тээврийн хэрэгслээр 07:20-21:00 цагийн хооронд үнэ төлбөргүй үйлчилнэ.

Үүнд:

-БЭ:1 “Мишээл сити- Төв цэнгэлдэх хүрээлэн”

-БЭ:2 “Дүнжингарав худалдааны төв- Төв цэнгэлдэх хүрээлэн”

-БЭ:3 “Нарантуул худалдааны төв-Төв цэнгэлдэх хүрээлэн”

-БЭ:4 “Вокзалын 1000 машины зогсоол- Төв цэнгэлдэх хүрээлэн”

-БЭ:5 “Давааны зөрлөг-Хүй 7 худаг

-Хүй7:1 “Төв цэнгэлдэх хүрээлэн-Хүй 7 худаг”

-Хүй7:2 “МУБИС-Хүй-7 худаг”

Categories
мэдээ цаг-үе эдийн-засаг

Баяр наадмын өдрүүдэд арилжааны банкуудын ажиллах цагийн хуваарь DNN.mn

Тулгар төрийн 2233, Их Монгол Улс байгуулагдсаны 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын өдрүүдэд арилжааны банкуудын ажиллах цагийн хуваарийг хүргэж байна.

Хаан банк

Голомт банк

Төрийн банк

Худалдаа хөгжлийн банк 

 

Капитрон банк

Богд банк

Ариг банк

Categories
мэдээ цаг-үе

“Улаанбаатар” цэцэрлэгт хүрээлэнд Монгол Улсын төрийн далбааг байнга мандуулах ёслол болов DNN.mn

Төрийн далбаандаа хүндэтгэлтэй хандах, байнга мандуулж байх үүднээс Монгол Улсын Ерөнхийлөгч У.Хүрэлсүх Төрийн бэлгэ тэмдгийн тухай хуульд нэмэлт оруулах тухай хуулийн төсөл санаачлан боловсруулсныг өнгөрсөн тавдугаар сард УИХ-ын чуулганаар хэлэлцэн баталсан юм.

Хуультай холбогдуулан төрийн тэргүүн үндэсний эв нэгдлийг бэхжүүлэх, эх оронч үзлийг төлөвшүүлэх, төрт ёс, түүхэн уламжлалаа хойч үедээ өвлүүлэн үлдээх, эх орноороо бахархах, улс орноо сурталчлах зорилгоор ард түмний түүхэн уламжлал, хүсэл тэмүүлэл, эв нэгдэл, шударга ёс, цог хийморийн илэрхийлэл болсон төрийн далбааг нийслэл Улаанбаатар хотноо байнга мандуулж байх зарлиг буулгасан байдаг.

Өнөөдөр тохиож байгаа “Төрийн далбааны өдөр”-өөр дээрх зарлигийн дагуу төрийн далбааг хүндэтгэлтэйгээр залж, “Улаанбаатар” цэцэрлэгт хүрээлэнд байнга мандуулж байх ёслол боллоо.

Энэ үеэр Ерөнхийлөгч У.Хүрэлсүх “Өнөөдрөөс Монгол Улсын тусгаар тогтнол, бүрэн эрхт байдал, монголчууд бидний эв нэгдлийн бэлгэ тэмдэг, монгол төрийн сүр хүч болсон төрийн далбаа нийслэл хотноо өнө мөнхөд мандах боллоо.

Мөнх тэнгэрийн хүчин дор Монгол Улс мандан бадрах болтугай” гэлээ.

Ийнхүү өнөөдрөөс “Улаанбаатар” цэцэрлэгт хүрээлэнд 60 метрийн өндөрт 16х8 хэмжээтэй төрийн далбаа байнга мандаж эхэллээ.

Ёслолд УИХ-ын дарга Д.Амарбаясгалан, Монгол Улсын Ерөнхий сайд Л.Оюун-Эрдэнэ, албаны бусад хүн оролцлоо.

Төрийн бэлгэ тэмдгийн тухай хуулийн дагуу Төрийн далбааг байнга мандуулах газар, байршлыг Монгол Улсын Ерөнхийлөгч тогтоож, Ерөнхийлөгч, Улсын Их Хурлын дарга, Ерөнхий сайд нар улс орноо сурталчлах, эх оронч үзлийг төлөвшүүлэх зорилгоор Төрийн далбааг иргэн, хуулийн этгээдэд гардуулж өгөх боломжтой болсон юм.

Монгол Улс 2008 онд Төрийн далбааны өдөртэй болгохыг хуульчлан 2009 оноос хойш ёсчлон мандуулж байна.

 

Categories
мэдээ нийгэм

Техникийн хяналтын үзлэгийн дараах төвүүд өнөөдөр 17.30 цаг хүртэл ажиллана DNN.mn

Автотээврийн хэрэгслийг өмчлөгч, эзэмшигч иргэн, аж ахуйн нэгж, байгууллага нь нийтийн тээврийн үйлчилгээний автотээврийн хэрэгслийг хагас жил тутам, бусад автотээврийн хэрэгслийг жилд нэг удаа тогтсон хугацаанд үзлэгт хамруулахаар хуульчилсан байдаг. Тэгвэл наадмын өдрүүд эхэлж буйтай холбоотойгоор өнөөдөр буюу 2024 оны 07 дугаар сарын 10-ны өдөр Техникийн хяналтын үзлэгийн дараах төвүүд 17:30 цаг хүртэл ажиллана.

Categories
мэдээ нийгэм

Бутаны хаан Чингис хаан музейд зочиллоо DNN.mn

Монгол Улсад төрийн айлчлал хийж байгаа Бутаны Хаант Улсын Цог Жавхлант Хаан Жигмэ Гэсэр Намжин Ванчук, Хатан Жэцүн Пэма Ванчук нарыг Чингис хаан Үндэсний музейн захирал, академич, Шинжлэх ухааны гавьяат зүтгэлтэн С.Чулуун угтан авч музейн танхимуудаар зочлуулан тайлбар хийлээ.

Бутаны Хаант Улсын Цог Жавхлант Хаан гэр бүлийн хамт музейн танхимуудаар зочилж, үзмэрүүдтэй танилцаад, Чингис хаан Үндэсний музейн “Хүндэт дэвтэр”-т  сэтгэлийн үгээ бичин, гарын үсгээ зурж үлдээсэн нь түүх болон үлдлээ.

Categories
мэдээ нийгэм

ТЦА: Хүй долоо худагт зөвшөөрөлтэй автомашинуудыг нэвтрүүлэх автомат хаалт байршуулсан DNN.mn

Хүй долоо худагт зөвшөөрөлтэй автомашинуудыг нэвтрүүлэх автомат хаалт байршуулсан талаар ТЦА-наас мэдээллээ. Ингэхдээ наадмын комиссоос зөвшөөрлийн хуудас авсан тээврийн хэрэгслүүдийг автомат хаалтаар таньж нэвтрүүлнэ. Зөвшөөрөлгүй бол НЭВТРҮҮЛЭХГҮЙ аж.