Month: July 2024

Цэцэрлэгийн бүртгэл 2024 оны наймдугаар сарын 1-ний пүрэв гарагаас, ерөнхий боловсролын сургуулийн нэгдүгээр ангид элсэх сурагчдын бүртгэлийг 2024 оны 8 дугаар сарын 12-ны даваа гарагаас эхлэх талаар Боловсролын ерөнхий газраас мэдээллээ.

Бүртгэлийг emongolia цахим портал, esis боловсролын салбарын мэдээллийн системээр явуулна.

Боловсролын ерөнхий хуулийн 28 дугаар зүйлийн 28.8-д “Боловсролын асуудал хариуцсан төрийн захиргааны байгууллагаас баталсан аргачлалын дагуу хамран сургах тойргийг боловсролын асуудал эрхэлсэн орон нутгийн байгууллага тогтооно” гэж заасан юм байна.

Боловсролын ерөнхий газрын даргын 2024 оны гуравдугаар сарын 25-ны өдрийн “Сургуулийн өмнөх боловсролын байгууллага, ерөнхий боловсролын сургуулийн хамран сургах тойрог тогтоох аргачлал батлах тухай” А/82 дугаар тушаалыг Захиргааны хэм хэмжээний актын эмхэтгэлийн 2024 оны 11-д 6771 дугаартай нийтлүүлж /улсын нэгдсэн санд/, 2024 оны 04 дүгээр сарын 12-ны өдрөөс хүчин төгөлдөр мөрдөж эхэлсэн байна.

Дээрх хууль, эрх зүйн орчны хүрээнд аймгийн Боловсрол, шинжлэх ухааны газар, нийслэлийн Боловсролын газрын даргын тушаалаар тухайн орон нутгийн хамран сургах тойргийг тогтоожээ.

Эрүүл мэндийн даатгалын ерөнхий газартай байгуулсан гэрээний дагуу даатгуулагчдад үйлчилгээ үзүүлэх амралт, сувиллын 2024 оны жагсаалт гарсан. Энэ жил Эрүүл мэндийн даатгалын үндэсний зөвлөл /ЭМДҮЗ/ -өөс ЭМД-ын сангаас олгох санхүүжилтийн чиглэлээр хэрэгжиж байгаа журам, тогтоолд өөрчлөлт оруулжээ.

Тодруулбал, 2024 оны дөрөвдүгээр сарын 5-ны өдрөөс хүчин төгөлдөр мөрдөгдөж буй ЭМДҮЗ-ийн 06 дугаар тогтоолоор даатгуулагчдад үйлчилгээ үзүүлэх амралт, сувиллын хөнгөлөлтийн үнэд өөрчлөлт орсон тухай мэдээллийг ЭМДЕГ-ын тусламж үйлчилгээний багц зохицуулалтын хэлтсийн дарга Б.Баярболдоос тодрууллаа. Тэрбээр,“ЭМДҮЗ-ийн шинээр батлагдсан тогтоол хэрэгжилтийнхээ түвшинд явж байна. Уг тогтоолд сувиллаас үзүүлж байгаа тусламж үйлчилгээний оношийн хамааралтай гурван бүлгийг шинэчлэн баталсан. Тодруулбал, сувиллын тусламж үйлчилгээний хөнгөлөлт 260 мянга, сувиллаас үзүүлэх уламжлалтын сэргээн засах тусламж үйлчилгээ 416 мянга, сувиллаас үзүүлэх сэргээн засах тусламж үйлчилгээ 414 мянган төгрөгийн хөнгөлөлттэй байхаар өөрчлөлт оруулсан” гэв.

Эрүүл мэндийн даатгал төлөгч иргэн бүр жилд нэг удаа сувиллаас тусламж үйлчилгээ авах боломжтой.

Даатгуулагчдад үйлчилгээ үзүүлэх амралт, сувиллын 2024 оны жагсаалт:

Улаанбаатар хотод гэмт хэрэг, зөрчлийг таслан зогсоох, илрүүлэх, үер усны аюулаас урьдчилан сэргийлэх зорилгоор морьт эргүүл ажиллаж байна. Морьт эргүүлийн албаны адуун сүргийг нийслэлийн Сонгинохайрхан дүүргийн “Мал бордох” гэх газар жүчээ байгуулан байрлуулжээ.

Морьт эргүүл ажиллуулахаар 112 сая төгрөгийн төсвийг НИТХ-аар шийдүүлж, ОХУ-аас “Будейн” үүлдрийн 20 адуу худалдан авчээ.

Тус ажлын зохион байгуулалтын талаар ЦЕГ-ын урьдчилан сэргийлэх газрын ахлах мэргэжилтэн, цагдаагийн хошууч С.Баярбилэгээс тодруулахад, “Одоогоор нийслэлийн Баянзүрх дүүргийн “Хар усан тохой”-гоос Хан-Уул дүүргийн Биокомбинат хүртэл Туулын голын эрэг, ай сав газар, төвийн зургаа, алслагдсан нэг дүүргийн нутаг дэвсгэрт гудамж талбай, гэр хороолол, аялал зугаалгын бүсийн 15 чиглэлд 30 алба хаагчтайгаар морьт эргүүлийг зохион байгуулж байна.

Мөн Тэрэлжийн чиглэлд дөрвөн морьт эргүүл ажиллаж байгаа аж.

Урьдчилсан сэргийлэх чиглэлээр ажиллаж байгаа учраас бусад цагдаагийн алба хаагчид шиг дуудлага хүлээн авахгүй. Ерөнхийдөө тээврийн хэрэгсэл болон явган явах боломжгүй гудамж талбай, голын ай сав газарт хүрч ажиллах, хойшлуулшгүй ажиллагаа явуулах гэх зэрэг зохицуулалтаар ажиллаж байна. Мөн гол, устай ойр байгаа иргэдэд зөвлөмж хүргүүлэх гэх мэт урьдчилан сэргийлэх чиглэлд түлхүү ажиллаж байна. Морьт эргүүлийн алба аравдугаар сарын 1-нийг хүртэл ажиллахаар төлөвлөсөн. Гэхдээ тухайн үеийн цаг агаарын нөхцөл байдлаас хамааран, хугацааны хувьд урагшлах, хойшлох асуудал гарч магадгүй” гэв.

Улаанбаатар хотын төвлөрсөн дулаан хангамжийн шугам тоноглолд засвар хийхтэй холбогдуулан зарим байршилд халуун ус хязгаарлаж байгаа билээ. Тэгвэл өнөөдрөөс энэ сарын 30 хүртэл 14 хоног халуун ус хязгаарлаж, шугам тоноглолд засвар хийх байршлыг танилцуулж байна.

1. Зүтгүүрийн депо,
2. 220 мянгат,
3. Хүүхдийн 100, Цирк,
4. ШУТСО, ГХЯ орчим,
5. Залуучуудын соёлын төв,
6. Төв усан бассейн орчим,
7. ШУТИС орчмын хэрэглэгчид
8. Баянгол зочид буудал,
9. Төв шуудан,
10. Хангарьд ордон,
11. Засгийн газрын ордон,
12. Чингэлтэй дүүргийн эрүүл мэндийн төв,
13. УДДТ-37, 42-с хангагддаг хэрэглэгчид,
14. СЭЗДС,
15. Сайд нарын II эмнэлэг,
16. УСУГ-ын орчмын хэрэглэгчид,
17. Нийгмийн эрүүл мэндийн хүрээлэн,
18. Англи ЭСЯ-ны орчмын хэрэглэгчид

 Нийслэлийн хэмжээнд дулааны шугамын засвар, шинэчлэлийн ажил наймдугаар сарын 15-нд дуусна.

Баянгол дүүргийн зургаадугаар хороо Ард Аюушийн өргөн чөлөөний авто замд хэсэгчилсэн засвар, шинэчлэлт хийх учраас өнөөдрийн 22:00 цагаас пүрэв гарагийн 07:00 цаг хүртэл хааж байгаа аж.

Иймд тус замаар зорчдог нийтийн тээврийн 10 чиглэлд түр хугацаагаар өөрчлөлт оруулахаар төлөвлөсөн талаар Нийтийн тээврийн бодлогын газраас мэдээллээ.

Түүнчлэн зам хаах хугацаанд тухайн нийтийн тээврийн чиглэлүүд нь доорх зураглалын дагуу иргэдэд үйлчилнэ. Үүнд:

Ч:21а “Булгийн 19-р гудамж – Вокзал – 3,4-р хороолол”

М:4 Цамбагарав-Гэмтлийн эмнэлэг-Их тойруу-Шархад

Ч:4 “5 шар – 3,4-р хороолол – Сансарын тойрог

Ч:24б “ТЭЦ 4 – 3,4-р хороолол – Гандан”

Ч:38 “ХМК – Саппоро – 3,4-р хороолол – Хайлааст”

Ч:73 “Зунжин худалдааны төв – ТЭЦ 4”

Ч:20б Баянхошуу – Геологийн төв лаборатори – Өнөр хороолол – 3,4-р хороолол

Ч:18а “3,4-р хороолол – 6-р бичил хороолол – Ард кино театр – ТЭЦ 3 /баруун тойрог/”

Ч:69б “Вива сити хороолол-Мөнгөн завъяа-Бөмбөгөр-Гэмтлийн эмнэлэг”

Ч:76 “Архивын ерөнхий газар-Яармагийн гүүр-3,4-р хороолол”