Month: July 2024

Categories
мэдээ нийгэм

Сэрэмжлүүлэг: Сүхбаатар дүүрэгт могой орж иржээ DNN.mn

Сүхбаатар дүүрэг, Дөлгөөн нуур орчимд могойн дуудлагаар ажилласан тухай Нийслэлийн Байгаль орчны газраас мэдээллээ.

Тус мэдээлэлд “Могой хүүхдийн тоглоомын талбай, авто зогсоол, ногоон байгууламж, айлын хашаа, хүүхдийн зуслан зэрэг хүнтэй ойр газруудад байгаа тул иргэд сонор сэрэмжтэй байгаарай” хэмээн сэрэмжлүүлсэн байна.

Хэрэв Нийслэлийн иргэд могойтой тааралдвал Шуурхай удирдлага зохицуулалтын төвийн 11-310005, Нийслэлийн Байгаль Орчны Газрын 72720303 дугаарын утсанд холбогдох боломжтой.

Харин хатгуулсан бол нэн яаралтай эмчид хандах бөгөөд эмнэлэгт очих хүртэл хатгуулсан хэсгийн хувцсыг тайлж, цусыг боож, шингэн зүйл их уухыг зөвлөдөг.

Өнгөрсөн долоо хоногт Нийслэлийн Түргэн тусламжийн төвд могойд хатгуулсан гэх дуудлага өдөрт 8-10 удаа иржээ.

Categories
мэдээ нийгэм

“Даншиг наадам- Хүрээ цам” ирэх сарын 3,4 -нд Хүй долоон худагт болно DNN.mn

Монголчуудын өв соёлын наадам “Даншиг наадам- Хүрээ цам”-ыг ирэх сарын 3,4- нд Хүй долоон худагт болно.

“Даншиг наадам- Хүрээ цам” Монголын шашин, соёлын томоохон ёслол бөгөөд бурханы шашны бага таван ухааны бүжиглэлийн ухаанд багтах цам нь Даншиг наадмын гол онцлог билээ.

Өглөөний эртэд  Батцагаан цогчэн дуганы өмнө цамын бүжигчид дэг ёсоо бэлтгэж буй байдал:

Categories
мэдээ цаг-үе

Н.Ариунзаяа: Германы лабораторид илгээсэн сорьцоос 44-т допинг илрээгүй, дөрвийг нь нарийвчлан шинжилж байгаа DNN.mn

Үндэсний их баяр наадмын бөхийн барилдаанд шөвгөрч үлдсэн 32 бөх, үндэсний сурын харвааны эрэгтэй, эмэгтэй тус бүр найман харваач, нийт 48 тамирчнаас авсан допингийн шинжилгээний хариу Герман улсын Дрезден хотын лабораториос иржээ.

 

Үүнтэй холбогдуулан Үндэсний бөхийн салбар хороо, Монголын үндэсний допингийн эсрэг байгууллага хамтран допингийн шинжилгээний талаар мэдээлэл өглөө.

 

Монголын үндэсний допингийн эсрэг байгууллагын Ерөнхий нарийн бичгийн дарга Н.Ариунзаяа “Үндэсний бөхийн барилдаанд дөрөв давсан нийт 32 бөх, 16 сурын харваач, нийт 48 шинжилгээний сорьцыг шинжлүүлэхээр дээрх гэрээт лабораторид битүүмжилсэн шинжилгээний сорьцыг холбогдох байгууллагын төлөөлөл орон нутгийн цагаар 2024 оны долдугаар сарын 13-нд биечлэн хүргэж өгсөн.

 

Тус лабораториос 2024 оны долдугаар сарын 15-ны орой 22:00 цагт цахим шуудангаар нийт 44 сорьцын хариуг Монголын үндэсний допингийн эсрэг байгууллагад ирүүлсэн.

 

Энэхүү 44 сорьцод допингийн төрлийн хориотой бодис илрээгүй байна. Харин дөрвөн сорьц нь лабораторийн нарийвчилсан шинжилгээнд орж байгаа тул хариу нь ирээгүй.

 

Дөрвөн сорьцоос допингийн төрлийн хориотой бодис илэрсэн, эсхүл илрээгүй гэсэн хариуг одоогоор гаргах боломжгүй. Хэн нь бөх, харваач гэдгийг мэдэх боломжгүй. Үлдсэн дөрвөн сорьцоос допинг илэрсэн гэдгийг хэлэх эрт байна.

 

Дөрвөн сорьцын шинжилгээнээс ямар нэгэн байдлаар эерэг хариу гараад допингийн зөрчил илэрсэн тохиолдолд тухайн тамирчинд мэдэгдэж, нэрсийг зарлаад үр дүнгийн удирдлагын олон улсын стандартыг хэрэгжүүлнэ” хэмээн ярилаа.

Герман улсын Дрезден хотын лабораторид хүргэж өгсөн 48 сорьцын 32 нь үндэсний бөхийнх, 16 нь үндэсний сурын харвааны эрэгтэй, эмэгтэй тамирчных юм.

Categories
мэдээ цаг-үе

Улаанбаатар-Прага чиглэлийн анхны шууд нислэгээр 234 хүн зорчжээ DNN.mn

Улаанбаатар-Прага-Улаанбаатар чиглэлийн анхны шууд нислэгийг хүлээн авах ёслол 2024 оны долдугаар сарын 10-ны өдөр “Вацлав Хавел” олон улсын нисэх онгоцны буудалд болжээ.

Анхны нислэгээр Чех улсад оршин суугаа манай улсын иргэдээс гадна Австри, Их Британи, Франц зэрэг улсаас дамжин нисэж буй иргэд цөөнгүй байсан байна.

Улаанбаатар-Прага чиглэлийн анхны шууд нислэгээр 81 зорчигч явсан бол Прага хотоос 153 зорчигч эх орондоо иржээ.гаарын харилцааны тухай Монгол Улс, Бүгд Найрамдах Чех Улсын Засгийн газар хоорондын хэлэлцээрийн хүрээнд “Изинис Эйрвэйз” компани шууд нислэг үйлдэх юм байна.

Categories
мэдээ эдийн-засаг

Улсын нэгдсэн төсвийн нийт орлого өмнөх оны мөн үеэс 35.2 хувиар өсчээ DNN.mn

Улсын нэгдсэн төсвийн нийт орлого, тусламжийн хэмжээ 2024 оны эхний хагас жилийн урьдчилсан гүйцэтгэлээр 14.9 их наяд төгрөгт хүрч, өмнөх оны мөн үеэс 3.9 их наяд төгрөг буюу 35.2 хувиар өссөн талаар Үндэсний статистикийн хорооноос энэ сарын 16-ны өдөр мэдээллээ.

Харин тэнцвэржүүлсэн орлого тусламжийн хэмжээ 14.2 их наяд төгрөгт хүрч, 3.6 их наяд төгрөг буюу 34.2 хувиар тус тус өссөн байна.

Нийт зарлага, эргэж төлөгдөх цэвэр зээлийн хэмжээ 2024 оны эхний хагас жилд12.9 их наяд төгрөгт хүрч, тэнцвэржүүлсэн тэнцэл 1.3 их наяд төгрөгийн ашигтай гарчээ.

Татварын нийт орлого 2024 оны эхний хагас жилд 13.3 их наяд төгрөгт хүрч, өмнөх оны мөн үеэс 3.4 их наяд төгрөг буюу 35.1 хувиар өсөхөд орлогын албан татварын орлого 1.7 их наяд төгрөг буюу 67.2 хувь, нэмэгдсэн өртгийн албан татвар 594.6 тэрбум төгрөг буюу 27.3 хувь, ашигт малтмалын нөөц ашигласны төлбөр 376.4 тэрбум төгрөг буюу 21.7 хувь, нийгмийн даатгалын орлого 309.7 тэрбум төгрөг буюу 17.3 хувь, онцгой албан татвар 141.4 тэрбум төгрөг буюу 37.8 хувиар тус тус өссөн нь голлон нөлөөлжээ.

Эх сурвалж: https://www.1212.mn/mn

Categories
мэдээ цаг-үе

Тээврийн зардал буурч, барилгын материалын үнэ хямдарчээ DNN.mn

Барилгын 100 айл худалдааны төвийн ачаалал нэмэгджээ. Урин дулаан цагтаа холбогдуулан байшингаа засварлах, шинээр байшин барих, дотор засал хийх материал хайсан иргэд ихэссэн байна. Тэдний дунд дийлэнх нь дотор заслын материал хайж байна. Худалдаа эрхлэгчдийн хэлж байгаагаар барилгын материалын үнэ өмнөх оноос буусан.  Тээврийн зардлын үнэ хямд болсон гэв. Мөн иргэдийн худалдан авах чадвар ч өмнөх онтой харьцуулахад сайжирсан байна.

100 айл худалдааны төвд дотор заслын  өргөн хэрэглээний бүтээгдэхүүн олон төрөл үнийн сонголттой зарагдаж байна.

Ханын цаас 10,000-90,000

Дотор хаалга 140,000-280,000

Гадна хаалга 400,000-1,000,000

Лактай рейк 14,000-19,000

Паркет 1м2 15,000-35,000

Дотор кабель 2,500-3,500

Гадна Орос кабель 5,000-12,000

Эдгээрээс хамгийн борлуулалт өндөр байгаа нь лакан рейк, дотор хаалга гэж 100 айл худалдааны төвийн худалдаа эрхлэгчид хэллээ.

Э.Бадамгарав

Categories
мэдээ нийгэм энтертаймент-ертөнц

Дурсгалын 5000 төгрөгийн дэвсгэрт гаргалаа DNN.mn

Монгол Улсад банкны тогтолцоо үүсэж, бэхэжсэний 100 жилийн ойд зориулан Монголбанк гүйлгээнд хүчин төгөлдөр дурсгалын 5000 төгрөгийн мөнгөн дэвсгэртийг цөөн тоогоор үйлдвэрлэж, Монголбанкны Ерөнхийлөгчийн тушаалаар 2024 оны 5 дугаар сарын 31-ний өдрөөс гүйлгээнд гаргаад байна.

Энэхүү 5000 төгрөгийн дэвсгэрт нь УИХ-аар баталсан мөнгөн дэвсгэртийн загвар, тодорхойлолтын дагуу бүх хэв шинжийг агуулахын зэрэгцээ сүүлийн үеийн шинэ технологиор бүтээгдсэн хамгаалалтын элементүүдээр баяжигдсан гэдгээрээ онцлог юм.

Дэвсгэртийн нүүрэн талд дэвшилтэд технологиор хийгдсэн хамгаалалтын элементүүд болох хэт ягаан туяаны гэрэлд гурван өнгөөр тодорч харагдах Соёмбо, 3 хэмжээст, өнгө нь хувирч солонгорон харагдах элемент бүхий банкны тогтолцоо үүсэж, бэхэжсэний 100 жилийн ойн лого болон баруун доод хэсэг дэх морьтон баатар, баруун, зүүн ирмэгт харааны бэрхшээлтэй иргэдэд зориулсан 6 ширхэг ташуу зураасан товгор таних тэмдгүүдийг шинээр байршууллаа. Мөн дэвсгэртийн ар талд хамгийн сүүлийн үеийн тасалдаж харагдах хөдөлгөөнт микро оптик туузтай болов.

Түүхэн ой, үйл явдалд зориулан дурсгалын мөнгөн тэмдэгт гүйлгээнд гаргах нь дэлхийн улс орнуудад түгээмэл байдаг нийтлэг жишиг юм. Төв банкны тухай хуулиар Монголбанк мөнгөн тэмдэгтийг гүйлгээнд гаргах онцгой эрх эдэлдэг бөгөөд нөөцийг нь шинээр бүрдүүлэх шаардлагатай болсон мөнгөн тэмдэгтүүдийг шинэ дэвшилтэт технологиор хийгдсэн өндөр нууцлал бүхий хамгаалалтын элементүүдээр сайжруулахад тогтмол анхааран ажиллаж байна. 2018 онд 5000 төгрөгийн дэвсгэртийн Соёмбыг солонгорч харагдах бэхэн элемент болгон сайжруулж, 2019 онд 50, 20000 төгрөгийн дэвсгэртэд харааны бэрхшээлтэй иргэдэд зориулсан товгор элемент, солонгорч харагдах бэхэн элемент шинээр нэмж, 20000 төгрөгийн дэвсгэртийг гурван хэмжээст, микро оптик, хөдөлгөөнт гадаргуутай цоо шинэ туузтай болгож өөрчилсөн.

Мөн 2020 онд 100, 500, 1000 төгрөгийн дэвсгэртүүдэд солонгорч харагдах бэхэн элемент, харааны бэрхшээлтэй иргэдэд зориулсан товгор элементтэй болгож, 2021 онд 10000 төгрөгийн дэвсгэртийн Соёмбыг 3 хэмжээст, нарийн шугаман элементтэй, налуу барихад элементүүд нь олон өнгөөр солигдож харагдах мөнгөлөг дардсаар бүтээж, харааны бэрхшээлтэй иргэдэд зориулсан товгор элемент, солонгорч харагдах бэхэн элемент нэмж шинэчлэн сайжруулав. Үүнээс гадна 2021 онд Ардын хувьсгалын 100 жилийн ойд зориулан байрлуулсан Ардын хувьсгалын 100 жилийн ойн лого бүхий гүйлгээнд хүчин төгөлдөр дурсгалын 10000 төгрөгийн мөнгөн дэвсгэртийг цөөн тоогоор үйлдвэрлэн гаргаж байлаа гэж Монголбанкнаас мэдээллээ.

Categories
мэдээ

Хамтарсан Засгийн газрын гэрээг зөрчсөн сайд нарт арга хэмжээ тооцох асуудлыг улс төрийн намууд хариуцна DNN.mn

Засгийн газрын танхим өнөөдөр шинэ бүрэлдэхүүнтэйгээр хурлаа хийжээ. Уг хурлаар бүтэц, бүрэлдэхүүний тухай хэлэлцсэн асуудлыг танилцуулав.

Энэ талаар Засгийн Газрын Хэрэг Эрхлэх Газрын/ЗГХЭГ/ дарга Н.Учрал “Засгийн газрын бүтэц, бүрэлдэхүүний тухай хууль өөрчлөгдсөн ч орон тоо нэмэхгүй байх зарчмыг баримталж байгаа. Шинэ хуулиар яам, сайдын тоо нэмэгдээгүй. Хамтарсан Засгийн газар учраас шадар сайдын тоо нэмэгдсэн, яам болон сайд нарын тоо огт нэмэгдээгүй.

Яамд орон тоогоо нэмэхгүй байх үүрэг чиглэлийг Ерөнхий сайд өгсөн. Яамны чиг үүрэг нь өөрчлөгдсөн, нэгдсэнээс бусад тохиолдолд төрийн жинхэнэ албан хаагчид өөрийн хариуцаж байсан нэгжийг удирдах нөхцөлийг бүрдүүлнэ. Зарим яамны олон салбар нийлсэн хэдий ч ажиллаж буй төрийн жинхэнэ албан хаагч нэмэлт үүргээ авч, ажлаа үргэлжлүүлнэ.

Ирэх долоо хоногт яамдын бүтэц, орон тоог нэмэхгүйгээр Засгийн газрын үйл ажиллагааны хөтөлбөр, 100 хоногийн арга хэмжээний төлөвлөгөөний эхний төсөлтэй танилцана.

Хамтарсан Засгийн газрын гэрээ албажиж УИХ-ын тогтоол болсноор гэрээг зөрчсөн сайд нартай хариуцлага тооцох асуудлыг улс төрийн намуудын шийдвэр гаргадаг дээд байгууллага нь хариуцна.

Засгийн газрын өнөөдрийн хуралдаанд өвөлжилтийн бэлтгэл ажлыг хангуулах талаар шадар сайдын мэдээллийг сонссон.

Тэргүүн шадар сайд, Эдийн засгийн хөгжлийн сайд долоо хоног бүр Монгол Улсын эдийн засгийн нөхцөл байдлыг Засгийн газрын хуралдаанд мэдээлж, үнэлгээ дүгнэлт хийх ажлыг хэвшүүлнэ.

Энэ удаагийн Засгийн газрын онцлог нь өнгөрсөн хугацаанд хүлээгдэж байсан олон төслийг урагшлуулна. Ямар нэг улс төржилтгүйгээр кабинетын зарчмаа баримталж, бодлогоос хэрэгжилтэд анхаарна. Хурдан, шуурхай, гаргасан шийдвэр нь иргэдийн амьдралд ойртсон, тэдэнд ойртож үйлчилсэн зарчмыг баримталж ажиллана” гэж ярилаа.

Categories
мэдээ нийгэм

Ээрмэлийн гудамжийг Туулын гудамжтай холбосон 0.6 км авто зам ашиглалтад орлоо DNN.mn

“Орхон” их сургуулиас урагш 115 дугаар сургууль хүртэл буюу Ээрмэлийн гудамжийг Туулын гудамжтай холбох ажил 2022 онд эхэлсэн. Гэвч газар чөлөөлөлтийн асуудлаас шалтгаалан уг ажил хоёр жил гацсан. Тэгвэл уг замын хөдөлгөөнийг энэ сарын 10-нд нээсэн юм.

Тодруулбал, өнгөрсөн дөрөвдүгээр сард хотын дарга Х.Нямбаатар тус байршилд ажиллаж, “Ариг гал” компанийн төлөөлөлтэй уулзан газар чөлөөлөлтийн асуудлыг шийдэн, авто замын ажлыг эхлүүлсэн юм.

Ээрмэлийн гудамжийг Туул гол гудамжтай холбосон 0.6 км авто замын зорчих хэсэг нь 7 метр өргөн, хоёр талаараа 1.5 метр өргөн явган хүний замтай.  Мөн ус зайлуулах шугам хоолойг угсарсан. Энэ сарын 10-ны өдөр тус замын хөдөлгөөнийг нээсэн бөгөөд өнөөдрийн байдлаар гэрэлтүүлгийн ажил үргэлжилж байна.

Ээрмэлийн гудамжны авто зам ашиглалтад орсноор өглөө, оройн оргил ачааллын үед Туул голын гудамжнаас Зайсангийн гудамж руу зүүн гар тийш эргэх хөдөлгөөн багасаж, ХААИС-ийн уулзвар чиглэлээс Зайсангийн гудамжаар Чингисийн өргөн чөлөө рүү зорчиж байгаа тээврийн хэрэгслийн хөдөлгөөнд саад болох нь багасах юм. Мөн Туул голын гудамжнаас Чингисийн өргөн чөлөө рүү зорчих иргэд Ээрмэлийн гудамжаар зорчиж, Ази-Фарм эмийн сангийн гурван замын уулзварын огтлолцлын цэг багасаж, хөдөлгөөний аюулгүй байдалд үзүүлэх эерэг нөлөө нэмэгдэхийг ЗХУТ-ийн мэргэжилтнүүд хэлж байв.

Нийтэлсэн: НЗДТГ-ын хэвлэл мэдээлэл, олон нийттэй харилцах хэлтэс
Categories
мэдээ цаг-үе

Импорт өмнөх оны мөн үеэс 25.9 хувиар өсчээ DNN.mn

Transportation and logistics of Container Cargo ship and Cargo plane. 3d rendering and illustration.

Монгол Улс 2024 оны эхний 6 сард нийт 148 улстай худалдаа хийж, гадаад худалдааны нийт бараа эргэлт 13.3 тэрбум ам.долларт хүрсэн байна. Үүнээс экспорт 7. 9 тэрбумам.доллар, импорт 5.4 тэрбум ам.долларт хүрч, тэнцэл 2.5 тэрбум ам.долларын ашигтай гарчээ.

Импорт өмнөх оны мөн үеэс 25.9 хувь буюу 1.1 тэрбум ам.доллароор өсөхөд суудлын автомашин 137.3 сая ам.доллар, дизелийн түлш 126.4 сая ам.доллар, ачааны автомашин 114.2 сая ам.доллар, бульдозер, авто хусуур, индүүдэгч, тэгшлэгч, экскаватор 88.0 сая ам.доллар,цахилгаан шуудан утасны холбооны аппарат 60.8 сая ам.доллар, авто бензин 58.3 сая ам.доллароор тус тус өссөн нь голлон нөлөөлжээ.