Монголбанк 2024 оны дөрөвдүгээр сард 850,7 кг үнэт металл худалдан авч, оны эхнээс өссөн дүнгээр 4.3 тонн үнэт металл худалдан авчээ.
Оны эхнээс өссөн дүнгээр Дархан-Уул аймаг дахь Монголбанкны хэлтэс 19.6 кг, Баянхонгор аймаг дахь Монголбанкны хэлтэс 357.5 кг үнэт металл тус тус худалдан авсан байна.
Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны дөрөвдүгээр сард алт худалдаж авах дундаж үнэ 252,256.24 төгрөг байв.
2024 оны элсэлтийн шалгалтын хуваарийг танилцуулж байна.
Суралцагч аль сургуульд, ямар мэргэжил, хөтөлбөрөөр элсэхээс хамаарч хамгийн багадаа хоёр, ихдээ 10 хичээлийг өөрийн хүссэнээр сонгож өгөх боломжтой.
Тэгвэл энэ жил ЭЕШ-ын хуваарь энэ оны долдугаар сарын 04-ний өдрөөс 07-ны өдрүүд хүртэл үргэлжлэх юм.
Баянгол дүүргийн 3 дугаар хороо, ТБД андуудын уулзвараас Улаанбаатар төмөр замын төв буудал хүртэлх авто зам засвар, шинэчлэлтийн ажлыг 2024 оны тавдугаар сарын 10-ны өдрийн 23:00 цагаас 2024 оны тавдугаар сарын 13-ны өдрийн 06:00 цагийн хооронд хааж, авто замын засвар, шинэчлэлтийн ажлыг хийж гүйцэтгэнэ.
Тодруулбал, хашлага өндөрлөж зорчих хэсгийн түвшинд тааруулах, зорчих хэсгийн гадаргуугийн усыг шингээх худаг суурилуулах, тэгшилгээний үе болон асфальтбетон хучилтын ажил хийж гүйцэтгэх юм байна.
Улаанбаатар хотод орон сууцны үнэ энэ оны гуравдугаар сарын байдлаар өмнөх оны мөн үеийнхээс 9.1 хувиар өсөж, харин өмнөх сарынхаас 0.6 хувиар багасжээ.
Шинэ орон сууцны нэг метр квадрат талбайн дундаж үнэ үнэ гуравдугаар 3.98 сая төгрөг болж, Хан-Уул дүүрэгт хамгийн их буюу 4.22 сая төгрөг, хуучин орон сууцны нэг метр квадрат талбайн дундаж үнэ 3.71 сая төгрөг болж, Сүхбаатар дүүрэгт хамгийн их буюу 4.30 сая төгрөгийн үнэтэй байв.
Тяньжин боомтын нөхцөл байдлын энэ долоо хоногийн мэдээ хүргэж байна.
Улаанбаатар хотын гаалийн хяналтын талбайд нийт 1181 чингэлэг байгаагаас: Ачаатай: 465 Хоосон: 716 чингэлэг байна.
Өнөөдөр 14:05 цагт СБД-ийн 16-р хороонд хашаанд шар өвс шатаж байна дуудлага ирсэн.
Дуудлагын дагуу дүүргийн Онцгой байдлын хэлтсийн Гал түймэр унтраах, аврах 34 дүгээр ангийн бүрэлдэхүүнийг очиход 0.5га газарт шар өвс шатаж байсныг 14:19 цагт гал түймрийн тархалтыг зогсоож, 14:27 цагт бүрэн унтраалаа.
Нийслэлийн ногоон бүсэд хуурайшилт нэмэгдэж байгаа тул хашааны шар өвс шатаахгүй байхыг иргэдэд анхааруулж байна.
Он гарснаас Монгол Улс 3426.2 сая ам.долларын бараа, түүхий эдийг импортоор оруулж ирсэн байна.
Энэ нь 2023 оны мөн үеэс 765.9 сая ам.доллараар буюу 28.8 хувиар өссөн байна.
Импортоор нийлүүлэгдсэн барааны 96.5 хувийг валютын төлбөртэй худалдаа, 0.8 хувийг гадаадын зээлийн хөрөнгөөр нийлүүлсэн бараа, 1.1 хувийг гадаадын тусламжийн бараа, 1.3 хувийг гадаадын хөрөнгө оруулалтаар нийлүүлсэн бараа, 0.3 хувийг төлбөрт зориулсан бараа эзэлж байна.
Парисын олимпийн бамбарыг зохион бүтээгч Матью Леаннеур бамбарыг байршуулах тогоог олонд танилцуулжээ.
Олимпийн бамбарыг энэ сарын 9-нөөс Францын 400 гаруй хотоор аялуулахаар төлөвлөсөн. 10 гаруй хоног Грек орноор тойрч байгаад дөрөвдүгээр сарын 27-ноос Газар дундын тэнгисээр дамжаад тавдугаар сарын 8-нд Францын Марсельд очих аж.
Францын 400 гаруй хотоор явсны эцэст долдугаар сарын 14-нд Парист ирнэ.
Тогооны хэмжээ:
Эх сурвалж: Olympics.com
Төрийн үйлчилгээний нэгдсэн систем “E-Mongolia 4.0” шинэчлэгдсэн хувилбарыг өнөөдөр танилцууллаа.
Ерөнхий сайд Л.Оюун-Эрдэнэ “E-Mongolia 4.0” хувилбар нь иргэдийн хэрэгцээт багц үйлчилгээг санал болгосон, дуу хоолойгоор дамжуулж үйлчилгээ авах, чатботоор хүссэн мэдээллээ авах боломжийг бий болгож, иргэд хоорондоо харилцах үндэсний чатыг багтаажээ. Мөн эрүүл мэндийн үйлчилгээнүүдийг цахимжуулж, олон нийтэд хүргэх шаардлагатай сонордуулга, мэдээллийг цаг алдалгүй хүргэдэг болж байна. Үр дүнд нь тухайлбал, далд эдийн засаг ил болж эдийн засаг 43 их наядаас 69 их наяд болж тэллээ. Мөн нийгэмд авлигыг үл тэвчих сэтгэл зүй бий болжээ. Монгол Улсын иргэн бүр баялгийнхаа үр өгөөжийг хүртэх Үндэсний баялгийн сангийн тухай хуулийг баталсан. “E-Mongolia 4.0” Үндэсний баялгийн сангийн мэдээлэлтэй мөн холбогдож байна” гэв.
Мөн төрийн үйлчилгээг цахимжуулах ажилд оролцсон, дэмжсэн хүмүүст талархал илэрхийлээд E-Mongolia төрийн үйлчилгээ цахим, шуурхай, мэдээлэл ил тод болсныг онцоллоо.
Он гарсаар Монгол Улс 24.7 сая тонн нүүрс экспортолжээ. Энэ нь өнгөрсөн оны мөн үеэс 27 хувиар өссөн дүн юм.
Энэ хугацаанд Хөрөнгийн биржийн арилжааны үнийн дүнгийн 90 гаруй хувийг эрдэс бүтээгдэхүүний арилжаа бүрдүүлжээ. Энэ онд 20 гаруй сая тонн нүүрс, хоёр сая гаруй тонн төмрийн хүдэр арилжаалахаар тооцоолж байгаа аж.
Монголын түүхий нүүрсний спот үнэ дөрөвдүгээр сарын сүүлийн долоо хоногт тогтвортой байна.