АНУ-ын Майами-Дэйдийн баруун өмнөд хэсэгт дөрөвдүгээр сарын 15-нд ой, хээрийн түймрийн аюулт үзэгдэл хоёр удаа дэгдэж, 16-ны байдлаар нийт 95 мянган га талбай шатсан байна.
Үүний 45 хувийг унтраасан талаар Флорида мужийн Ойн албанаас мэдээллээ. Түймрийн голомтод Гал түймэр унтраах 18 ангийн бие бүрэлдэхүүн үүрэг гүйцэтгэж байгаа аж.
Эх сурвалж: https://www.cbsnews.com/miami/news/grass-fire-burning-in-southwest-miami-dade-large-plume-of-smoke-seen-across-county/
Орчуулсан: Б.Гэрэлзаяа
Сүүлийн өдрүүдэд цахим орчинд тархаад байгаа “Шинээр орж ирсэн тээврийн хэрэгсэлд дугаар олгохгүй, худалдан авах хүсэлт 300 мянган төгрөг болсон” гэдэг нь худал мэдээлэл хэмээн Автотээврийн Үндэсний төвөөс мэдэгдлээ.
Автотээврийн хэрэгслийн бүртгэл хөтлөх, улсын дугаар олгох журмын дагуу тээврийн хэрэгслийн бүртгэлийн 18 салбараар улсын дугаар хэвийн олгож байна.
Улаанбаатар-Өндөрхаан, Улаанбаатар-Замын-Үүд, Улаанбаатар-Мандалговь чиглэлийн авто замд удаа дараа даац хэтрүүлэн тээвэр хийж, авто зам эвдсэн зөрчил илэрлээ.
Тодруулбал, Багануур авто зам АЗЗА ТӨХК-ийн хариуцан ажилладаг Улаанбаатар-Өндөрхаан чиглэлийн авто замд том оврын машинууд даац хэтрүүлэн тээвэр хийж, тус замын 88 дахь км-т эвдрэл, гэмтэл үүсгэжээ. Даац хэтрэлтээс үүдэлтэй автозамын эвдрэл гэмтлийн улмаас тухайн хэсэгт осол аваар гарах цаашлаад иргэдийн амь нас, аюулгүй байдалд эрсдэл тулгарч байна. Иймд даац хэтрүүлэн тээвэрлэлт хийхгүй байхыг анхааруулж байна.
Монгол Улс 2024 оны эхний гурван сард нийт 128 улстай гадаад худалдаа хийж, нийт бараа эргэлт 6.1 тэрбум ам.долларт хүрсэн нь өмнөх оны мөн үетэй харьцуулахад 367.2 сая ам.доллароор буюу 6.4 хувь өссөн байна.
2024 оны эхний гурван сард нийт 2.4 тэрбум ам.долларын бараа бүтээгдэхүүн импортолсон. 3.7 ам.долларын экспорт хийж гадаад худалдааны тэнцэл 1.2 тэрбум ам.долларын ашигтай гарсан байна. Энэ нь өмнөх оны мөн үеэс 582.2 сая ам.доллароор буюу 31.9 хувиар буурсан үзүүлэлт аж.
Экспорт энэ оны эхний гурван сард 3.7 тэрбум ам.доллар болж өмнөх оны мөн үеэс 107.5 сая ам.доллароор буюу 2.9 хувиар буурсан байна.
Уг бууралтад:
Импорт энэ оны эхний гурван сард 2.4 тэрбум ам.доллар болж өмнөх оны мөн үеэс 474.7 сая ам.доллароор буюу 24.5 хувиар өссөн байна.
Уг өсөлтөд:
НЗДТГ-аас Монголын Хуульчдын холбоотой хамтран сар бүрийн 3 дахь долоо хоногийн лхагва гарагт иргэдэд хууль, эрх зүйн зөвлөгөө үнэ төлбөргүй өгөх өдөрлөгийг тогтмол зохион байгуулдаг. Энэ сарын өдөрлөгийг өнөөдөр буюу дөрөвдүгээр сарын 17-ны 09:00-17:00 цагийн хооронд Нийслэлийн Үйлчилгээний нэгдэн төвийн Дүнжингарав, Драгон, Мишээл, Сэлбэ, Баянгол, Баянхошуу салбарт зохион байгуулж байна. Мөн 75050801, 75050802, 75050803, 75050804 дугаарын утсаар иргэдэд хууль, эрх зүйн анхан шатны зөвлөгөөг үнэ төлбөргүй өгөх юм.
Иргэн та өнөөдөр 09:00-17:00 цагийн хооронд Нийслэлийн Үйлчилгээний нэгдсэн төвүүдэд очиж болон дээрх дугаарын утсаар холбогдож, иргэний, захиргааны, эрүүгийн, гэр бүлийн, гэрээний эрх зүй зэрэг өөрт тулгарч буй хууль, эрх зүйн асуудлаар үнэ төлбөргүй зөвлөгөө, туслалцаа авах боломжтой.
Төлбөрийн тэнцэл 2024 оны эхний хоёр сарын урьдчилсан гүйцэтгэлээр 38.7 сая ам.долларын ашигтай гарчээ.
Гэхдээ энэ нь өмнөх оны мөн үеэс 27.5 сая ам.доллароор буюу 41.6 хувиар буурсан үзүүлэлт аж.
Урсгал дансны тэнцлийн бүрэлдэхүүнийг авч үзэхэд 2024 оны эхний хоёр сард 454.3 сая ам.долларын алдагдалтай гарч, өмнөх оны мөн үеэс 577.2 сая ам.доллароор нэмэгдсэн байна.
Алдагдалтай гарахад:
Санхүүгийн дансны тэнцэл 2024 оны эхний хоёр сард 771 сая ам.долларын ашигтай гарч, ашиг өмнөх оны мөн үеэс 1 тэрбум ам.доллароор өссөн байна. Ингэхэд гадаадын шууд хөрөнгө оруулалт 527.9 сая ам.долларт хүрч өмнөх оны мөн үеэс 2.6 дахин өссөн үзүүлэлттэй байгаа нь голлон нөлөөлсөн аж.
Шинжлэх ухаан, технологийн тухай хуулийн шинэчилсэн найруулгын төслийг хэлэлцэн дэмжээд УИХ-д өргөн мэдүүлэхээр тогтлоо.
Хуулийн төсөл батлагдсанаар Монгол Улсын Үндсэн хуулиар баталгаажсан шинжлэх ухаан, технологийн бодлого, урт болон дунд хугацааны бодлогын баримт бичигт шинжлэх ухаан, технологи, инновацыг хөгжүүлэх чиглэлээр тусгагдсан зорилтуудыг үр дүнтэй хэрэгжүүлэх хууль, эрх зүйн орчин бүрдэхийн зэрэгцээ шинжлэх ухаан, технологийн үйл ажиллагаанд оролцогчдын эрх, үүргийн хуваарилалтыг оновчтой тогтоож, удирдлага, бүтэц, зохион байгуулалт, үйл ажиллагааны хувьд олон улсын жишигт нийцүүлэн шинэчлэх замаар шинжлэх ухаан, технологийг хөгжүүлэх тогтолцоог системтэйгээр бүрдүүлж, нийгэм, эдийн засаг, хүний амьдралын чанарын үзүүлэлт дээшилж, дэвшил гарна гэж дүгнэж байна.
Иргэдийн санал, хүсэлт, өргөдөл, гомдолд хууль тогтоомжийн хүрээнд хариу өгч, төрийн үйлчилгээг түргэн шуурхай үзүүлэхийг үүрэг болголоо
Яам, агентлаг, аймаг, нийслэлийн Засаг даргын Тамгын газар болон албан тушаалтанд хандаж 2022-2024 онд Иргэд, олон нийттэй харилцах 11-11 төвд иргэдээс ирүүлсэн санал, хүсэлт, өргөдөл, гомдлын талаарх тайлан мэдээний талаар Засгийн газрын гишүүдэд танилцуулав. Иргэдийн санал, хүсэлт, өргөдөл, гомдолд хууль тогтоомжийн хүрээнд хариу өгч, төрийн үйлчилгээг түргэн шуурхай үзүүлж ажиллахыг Засгийн газрын гишүүд, агентлагийн дарга, аймаг, нийслэлийн Засаг дарга нарт үүрэг болголоо.
Засгийн газрын Иргэд, олон нийттэй харилцах 11-11 төвд 2022 онд 173717 иргэн, 2023 онд 150849 иргэн утсаар болон сошиал сувгуудаар хандсан байна. Утсаар тус төв 2022 онд 72679, 2023 онд 94080 дуудлага хүлээн авч дунджаар 64,5 хувийн гүйцэтгэлтэй ажиллажээ. Үүнээс 2022 онд 51453 иргэний санал, хүсэлт, гомдлыг бүртгэн холбогдох байгууллагад шилжүүлж 97,3 хувийг, 2023 онд 68580 иргэний санал, гомдлыг шилжүүлж 96,3 хувийг тус тус шийдвэрлэсэн үзүүлэлттэй байна.
11-11 төв иргэдийн санал, хүсэлт, гомдлыг утсаар, вэб хуудсаар, и-мэйлээр, Дуут шуудангаар, фэйсбүүкээр, биечлэн, И-Монголиа-гаар хүлээн авдаг байна.
Монгол Улсын Их Хурлын сонгуулийн тухай хуулийн дагуу бие даан нэр дэвшигч нь дараах үүрэг хариуцлагыг хүлээнэ.
Үүнд:
Мөрийн хөтөлбөрийг дараах байдлаар хүлээн авна.
“Төрийн өмчийн дээд боловсролын сургалтын байгууллагын эзэмшиж, ашиглаж байгаа хөрөнгийн төрийн өмчийн тогтмол зардлыг санхүүжүүлэх журам”-ыг баталж, “Төрийн өмчийн дээд боловсролын сургалтын байгууллагын эзэмшиж, ашиглаж байгаа хөрөнгийн төрийн өмчийн тогтмол зардал, хөгжмийн дээд боловсролын сургалтын байгууллагын санхүүжилтэд шаардагдах зардлыг жил бүрийн улсын төсөвт тусган, санхүүжүүлэхийг Боловсрол, шинжлэх ухааны сайд, Сангийн сайд нарт даалгалаа.
Төрийн өмчийн их сургуульд тогтмол зардал олгох замаар оюутны байр, суралцах орчин, багшийн хөгжлийг дэмжих тогтолцоог бүрдүүлнэ.
Мөн тус журмаар Консерваторын сургалтын орчныг сайжруулах арга хэмжээ, сургалтын хэрэглэгдэхүүн, хөгжмийн зэмсэг, дагалдах хэрэгсэл худалдан авах болон засвар үйлчилгээний зардалд Улсын төсвөөс нэмэлт санхүүжилт олгоно.
Олимпийн гал Грекийн Олимпиадаа бадамлаж, Парис хүртэлх аялалдаа гарч байна.
“Парис 2024” Олимпийн бамбар нь 10 гаруй хоног Грекийн газар нутгаар аялсны дараа дарвуулт хөлөг онгоцоор газар дундын тэнгисийг туулан тавдугаар сарын 8-нд Францын Марсель хотноо очих хуваарьтай.
