Month: April 2024

Хил хамгаалах байгууллагаас мэдээлснээр Монгол, ОХУ-ын хилийн зарим боомт энэ сарын 28-наас ажиллахгүй нь.

Тодруулбал Цагааннуур, Тэс, Арцсуурь, Ханх, Ульхан зэрэг таван авто замын боомт гурван өдөр буюу 2024 оны дөрөвдүгээр сарын 28, 29, 30-нд түр хаах хуваарьтай байна.

Мөн Боршоо боомт дөрөвдүгээр сарын 29, 30-нд хаагдана.

Харин агаарын болон Сүхбаатар төмөр замын боомт, Алтанбулаг, Эрээнцав авто замын боомт цагийн хуваарийн дагуу ажиллана.

ОХУ-ын нийтээр тэмдэглэх буюу Хөдөлмөрчдийн баярын өдрүүдэд ийнхүү боомтуудыг түр хаах юм байна.

Монгол, ОХУ-ын Засгийн газар хоорондын хэлэлцээрийн дагуу хоёр талын нийтээр тэмдэглэх баяр, амралтын өдрүүдэд хилийн боомтуудыг түр хаахаар Хилийн бүрэн эрхт төлөөлөгчид харилцан тохиролцжээ.

УИХ дахь АН-ын бүлэг ээлжит хуралдаанаа хийлээ. Энэ удаагийн бүлгийн хурлаа өргөтгөсөн бүрэлдэхүүнтэйгээр зохион байгуулав. Бүлгийн өргөтгөсөн хуралдаанд АН-ын дарга, удирдлагууд болон 2008 оноос хойш УИХ-д сонгогдсон гишүүдийн төлөөлөл оролцлоо. Бүлгийн хурлаар хэлэлцсэн асуулуудын талаар тус бүлгийн дарга, гишүүд мэдээлэл хийлээ.

УИХ дахь АН-ын бүлгийн дарга О.Цогтгэрэл: -С.Зориг агсны амь насаа алдсан хэргийн асуудал сонгууль бүрээр яригдаж нэг улс төрийн хүчин дандаа хожиж, нэг нь бурууддаг боллоо. Энэ хэрэгтэй холбоотой мэдээллийг нууцаас бүрэн гаргахгүй нууц хэвээр нь байлгасаар байна. Нууц байлгах нь нэг улс төрийн хүчинд ашигтай байдаг боллоо. Тиймээс хууль дүрмийн хүрээнд бүх мэдээллийг нь ил тод нээлттэй болгохыг шаардаж байна. Нээлттэй болгох эрх нь Засгийн газарт бий.

УИХ-ын гишүүн Д.Ганбат: -Засгийн газраас зохион байгуулалттайгаар хэд, хэдэн нэвтрүүлэг бэлтгэж, нийгмийг маш их талцуулж, ард иргэдийг бухимдуулж байна. Үндэсний аюулгүй байдалд нөлөөлөх хэмжээний болчихлоо. 1998 оны аравдугаар сарын 2-ноос хойш 26 жил өнгөрсөн. Энэ хугацаанд хийж хэрэгжүүлсэн ажлыг аваад үзэхэд тухайн аллагын эзэд нь илэрсэн ч юмуу, илрээгүй ч юм уу эргэлзээнд оруулсан байна. Ийм учраас Бүлгээс Үндэсний аюулгүй байдлын зөвлөлд албан бичиг явуулъя. С.Зориг агсантай холботой асуудлыг нууцаас гаргаж ил болго. Эрүүдэн шүүсэн гээд байгаа асуудлыг ч ил гаргах ёстой.

Элсэлтийн шалгалтын бүртгэл 2024 оны хоёрдугаар сарын 19-ны 09.00 цагт эхэлсэн. Тэгвэл шалгалтын бүртгэл энэ долоо хоногт буюу 2024 оны дөрөвдүгээр сарын 26-ны 18:00 цагт дуусна. Шалгуулагч шалгалтад бүртгүүлэхийн тулд зөвхөн өөрийн и-мэйл хаягаар eec.mn  /eyesh.eec.mn/ цахим хаяг руу хандан бүртгэлээ хийнэ. Ингэхдээ дараах материалыг бэлтгэсэн байна.

Үүнд:

• 1. Иргэний үнэмлэх
• 2. Өнгөт цээж зураг /цээж зураг нь 3*4 хэмжээтэй, сүүлийн 3 сарын дотор авхуулсан, урагшаа цэх харсан, арын фон нь цайвар цулгуй өнгийн, нарны шил болон малгайгүй байна/ Жич: Дээрх шаардлага хангаагүй зураг оруулж бүртгүүлсэн тохиолдолд программаас устгах ба та бүртгэлийн хугацаанд зургаа дахин шинэчилж оруулна уу!!!
• Бүртгэлийн хуудас зураггүй буюу шаардлага хангаагүй зурагтай хэвлэгдсэн тохиолдолд шалгалтад оруулахгүй болохыг анхаарна уу.
• 3. Бүх банкны интернэт гүйлгээ хийх эрхтэй төлбөрийн карт, интернэт банкны QPay үйлчилгээ

ЭШ-ын нэг хичээлийн бүртгэлийн хураамж 5 800 төгрөг байх юм. Хөгжлийн бэрхшээлтэй иргэн болон тусгай сургуулийн суралцагч элсэлтийн шалгалт өгөхөөр бүртгүүлсэн бол холбогдох бичиг баримтыг бүртгэлийн хугацаанд БҮТ-д ирүүлнэ.

• Өргөдөл хүсэлт
• Эмчийн магадалгаа
• Сургуулийн тодорхойлолт

Цахим орчинд 2024 оны дөрөвдүгээр сарын 14-ний өдөр ерөнхий боловсролын сурагчийн биед багш нь халдаж буй дүрс бичлэг нийтлэгдсэнтэй холбогдуулан цагдаагийн байгууллагаас гэмт хэрэг, зөрчлийн шинжтэй үйлдлийг шалгажээ.

Баян-Өлгий аймгийн цагдаагийн газар уг тохиолдлыг бүртгэлд авч, зөрчил шалган шийдвэрлэх ажиллагаа явуулахад 2023 оны 11 дүгээр сарын 28-ны өдөр Баян-Өлгий аймгийн нутаг дэвсгэрт байх ерөнхий боловсролын сургуулийн багш О нь тус сургуулийн сурагчийн биед халдсан үйлдэл тогтоогдсон тул Зөрчлийн тухай хуулийн 5.2 дугаар зүйлд заасан шийтгэл оногдуулах саналтай шилжүүлсэн байна. 

Улмаар тус аймгийн шүүхээс дөрөвдүгээр сарын 19-ний өдөр шүүгчийн захирамжаар зөрчилд холбогдогчид 20 цагийн албадан сургалтад хамруулах, 10 хоног баривчлах шийтгэл оногдуулж, шийдвэрлүүлсэн байна гэж ЦЕГ-аас мэдээллээ.