Month: March 2024

2024 оны 03 дугаар сарын 16-ны 08 цагаас 03 дугаар сарын 17-ны 08 цаг хүртэлх цаг агаарын тойм мэдээ хүргэе.

Цасны зузаан: Өнөө өглөөний цаг уурын станц, харуулын цасны зузааны мэдээгээр Алтайн уулархаг нутаг болон говийн бүс нутгаас бусад нутгаар 0.0-46.0 см зузаан цасан бүрхүүл тогтсон байна. Үүнээс хамгийн их нь Увсын Түргэнд 46.0 см, Хяргасд 45.0 см, Сагилд 42.0 см, Малчин, Баруунтуруунд 39.0 см, Улаангомд 36.0 см, Зүүнговьд 35.0 см, Давстад 33.0 см, бусад хэсгээр 0.0-30.0 см цасан бүрхүүл тогтсон байна.

Хур тунадас: Өнгөрсөн хоногт баруун аймгуудын нутгийн хойд хэсгээр, зүүн аймгуудын ихэнх нутгаар 0.0-7.0 мм цас оров. Үүнээс хамгийн их нь Дорнодын Халхголд, 4.0-7.0 мм, Хэнтийн Баян-Адрагад 1.2 мм, Дорнодын Матадад 1.0 мм, бусад нутгаар 0.0-0.8 мм цас орсон байна.

Агаарын хамгийн их температур: Өчигдөр Увс нуурын хотгор, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр 5-11 хэм, Хангайн нурууны өвөр бэл болон говийн бүс нутгийн баруун хэсгээр 2-9 хэм, бусад нутгаар 4 хэм хүйтнээс 2 хэм дулаан байв.

Агаарын хамгийн бага температур: Өнгөрсөн шөнө Увс нуурын хотгор, Хөвсгөд, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр 22-30 хэм, Орхон-Сэлэнгийн сав газар болон говийн бүс нутгийн хойд хэсэг, Дорнод-Дарьгангын тал нутгаар 8-15 хэм, говийн бүс нутгийн өмнөд хэсгээр 1-8 хэм, бусад нутгаар 15-22 хэм хүйтэн байв.

Cалхи: Ихэнх нутгаар секундэд 5-10 метр, говь, талын нутгаар секундэд 13-15 метр, зарим үед секундэд 19 метр хүрч ширүүсэж, шороон шуурга шуурсан байна.

Улаанбаатар хот орчмоор: Өчигдөр өдөр 0.0 мм ялимгүй цас орсон, өнгөрсөн шөнө цас ороогүй байна. Салхи баруун хойноос секундэд 3-8 метр. Өчигдөр өдөр 2-3 хэм дулаан, өнгөрсөн шөнө Яармаг-Сонгины орчмоор 22 хэм, бусад хэсгээр 14-16 хэм хүйтэн хоносон байна.

Улсын онцгой комиссоос ээлжит мэдээллийн үеэр цаг агаарын нөхцөл байдалтай холбоотойгоор сэрэмжлүүлэг мэдээлэл хүргэж буй.

УОК-ын нарийн бичгийн дарга Т.БАЯРХҮҮ: 

-Аймаг орон нутагт хүргэж байгаа хүнсний тусламжийн бараа бүтэгдэхүүнтэй цуг иргэд аж ахуй нэгж байгуулгаас  хандивласан бараа материалиудыг аймгуудад хувиарлан хүргэх ажиллагааг зохион байгуулж байгаа.

Сүүлийн өдрүүдэд цаг агаар дулаарч мөсний зузааны асуудлаар цаг уур орчины шинжилгээний газраас, хөдөө аж ахуй, мал аж ахуй чиглэлд ямархуу өөрчлөлт гарч байгаа талаар мөн ус цаг уур орчны хүрээлэнгээс мэдээлэл хүргэнэ.

ЦУОШГ-ийн дарга Л.ОЮУНЖАРГАЛ:

-Ус цаг уур орчны судалгааны мэдээллийн хүрээлэнгийн гадаргуйн усны судалгааны хэлтэс монгол орны хэмжээнд байдаг ажиглалт хэмжилт бүхий гол мөрөнүүдийн мөсний зузаан ямар байгаа талаар мэдээлэл хүргэж байна. Гуравдугаар сарын 6-ны байдлаар ихэнх жижиг болон дунд зэргийн голууд ёроолдоо хүртэл хөлдсөн байдалтай байна. Харин томоохон голуудын мөсний зузаан өмнөх 10 хоногийнхоос 5-10 см нэмэгдсэн байдалтай байна.

Тиймээс цаг агаарын гэнэтийн үзэгдлээс сэрэмжилж, цаг агаарын урьдчилсан мэдээтэй тогтмол танилцахыг иргэдэд зөвлөж байна.

Гол, мөрний нийт уртын дагууд мөсний зузаан харилцан адилгүй байна.

Нуурт өрх, цагаан, хар хил үүсэх, томоохон голуудын зарим хэсгээр харз, халиа, тошин гүйж, мөс хэврэгших үзэгдэл ажиглагдаж байна.

Иймд цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна.

Зам тээвэр хөгжлийн яам энэ оныг “Бүсчилсэн хөгжлийг дэмжих, бүтээн байгуулалтын жил” болгон зарлаж, 13 зорилтын хүрээнд 160 гаруй ажил хийж хэрэгжүүлэхээр төлөвлөжээ.

Тодруулбал, автотээврийн салбарт 140 гаруй сая зорчигч, 70 гаруй сая тонн ачаа тээвэрлэж, шинээр таван улстай автотээврийн хэлэлцээр байгуулж, БНХАУ-аар дамжин өнгөрөх тээвэр болон далайн боомтуудаас ачаа тээвэрлэлт эхлүүлэхээр зорьж байна.

“Хавирга”, “Булган” боомтын ачаа тээврийн терминалын барилгын ажлын гүйцэтгэлийг 30 хувьд хүргэж, зорчигч тээврийн авто буудлыг ашиглалтад оруулахаар тооцжээ.