Month: November 2023

Categories
мэдээ нийгэм нүүр-хуудасны-онцлох онцлох-нийтлэл туслах-ангилал

ТОЙМ: “Баагисан хар”-тайгаа хэвээр, байшин бариад л сууж байсан бол өдийд утаанаас бараг салчих байв” хэмээн өгүүллээ DNN.mn

Өдрийн сонин”-ы даваа гаригийн дугаар хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт УИХ-ын гишүүн Ж.Бат-Эрдэнэ ” Эхлээд давхар, тойрог замтай болох хэрэгтэй”  хэмээн ярьсныг “Улс төр” нүүрээс үргэлжлүүлэн уншаарай.

Үндэсний бөхийн 16 дахь аварга, Хөдөлмөрийн
баатар, МҮБХ-ны дэд тэргүүн О.Балжинням “Есдүгээр ангидаа аймгийн начин, аравдугаар ангидаа аймгийн заан болж байлаа” хэмээв.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Баагисан хар”-тайгаа хэвээр, байшин бариад л сууж байсан бол өдийд утаанаас бараг салчих байв” хэмээн өгүүллээ.

Элчин сайд Зафер Атеш “Хоёр улс хоорондын дээд хэмжээний
харилцан айлчлалууд сүүлийн жилүүдэд эрчимжсэн” гэлээ.

Нийслэлийн Нийтийн тээврийн газрын дарга Д.Отгонжаргал “Таваншараас Офицеруудын ордон хүртэл богино эргэлтээр автобусууд үйлчилж, хүртээмжийг нэмэгдүүлж байна” гэв.

Хугацаат цэргийн алба хаагч Л.Төгөлдөр “Цэрэгт ирээд
эхний хэд хоног л жаахан хэцүү байсан” хэмээв.

Хоолзүйч А.Уянга “Насанд хүрсэн хүн өдөрт 90 грамм л
мах хэрэглэх нь тохиромжтой” гэлээ.

 Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы баасан гаригийн дугаараас уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375, 99130850 дугаарт холбогдож дэлгэрэнгүй мэдээлэл аваарай.

“Өдрийн сонин”-той холбоотой мэдээ мэдээллийг 1900-1987-гоос лавлана уу

 

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Жил бүр 297 мянган хүүхэд суулгалт өвчнөөр нас барж байна DNN.mn

Жил бүрийн арваннэгдүгээр сарын 19-нийг “Дэлхийн 00-ын өдөр” болгон тэмдэглэн өнгөрүүлдэг. Энэ жил тус өдрийг “Өөрчлөлтийг хурдасгая” уриан дор зохион байгуулж байна. Эрүүл, аюулгүй ундны ус, ариун цэврийн байгууламжаар хангагдаагүйн улмаас дэлхий нийтэд жилд таваас доош насны 297 мянга орчим хүүхэд (өдөр бүр 800 хүүхэд) суулгалт өвчнөөр нас барж байна.

Ахуйн хэрэглээ болон үйлдвэр аж ахуйн үйл ажиллагаанаас гарч буй хаягдал бохир усны 80% нь ямар нэг байдлаар цэвэрлэгдэхгүй эсвэл эргэн ашиглагдахгүй экосистемд хаягдаж байгаа юм. Иймд уур амьсгалын өөрчлөлтөд тэсвэртэй, найдвартай ус хангамж, ариутгах татуурга, ариун цэврийн байгууламжийн хүртээмжийг сайжруулснаар жилд 360 мянган нярайн амь насыг хамгаалах боломжтой.

Улмаар “Дэлхийн 00-ын өдөр”-ийн хүрээнд тус өдрийг үндэсний түвшинд таниулах зорилгоор 21 аймгийн нийгмийн эрүүл мэндийн мэргэжилтүүдэд “Өөрчлөлтийг хурдасгая” сэдэвт цахим сургалтыг зохион байгууллаа.

Categories
мэдээ цаг-үе

Улсын нэгдсэн төсвийн тэнцвэржүүлсэн орлого 6 их наяд төгрөгөөр өсчээ DNN.mn

Улсын нэгдсэн төсвийн тэнцвэржүүлсэн орлого, тусламжийн хэмжээ 19.0 их наяд төгрөгт хүрч, өмнөх оны мөн үеэс 6.0 (46.2%) их наяд төгрөгөөр өссөн байна.
Нийт зарлага, эргэж төлөгдөх цэвэр зээлийн хэмжээ 2023 оны эхний 10 сард 16.9 их наяд төгрөгт хүрч, тэнцвэржүүлсэн тэнцэл 2.1 их наяд төгрөгийн ашигтай гарчээ гэж Үндэсний Статистикийн Хорооноос мэдээллээ.
Categories
мэдээ цаг-үе эдийн-засаг

ҮСХ: Дотоодын нийт бүтээгдэхүүн 1.4 их наяд төгрөгөөр өсчээ DNN.mn

Дотоодын нийт бүтээгдэхүүн (үйлдвэрлэлийн аргаар тооцсон) 2023 оны эхний 9 сард урьдчилсан гүйцэтгэлээр оны үнээр 46.5 их наяд төгрөг болж, өмнөх оны мөн үеэс 10.6 (29.5%) их наяд төгрөгөөр өссөн бол 2015 оны зэрэгцүүлэх үнээр 21.7 их наяд төгрөг болж, өмнөх оны мөн үеэс 1.4 (6.9%) их наяд төгрөгөөр өслөө гэж Үндэсний Статистикийн Хорооноос мэдээллээ.

Categories
мэдээ спорт

О.Төгс-Эрдэнэ ДАШТ-ээс хүрэл медаль хүртлээ DNN.mn

Мексик улсад хүндийн өргөлтийн залуучуудын дэлхийн аварга шалгаруулах тэмцээн дөрөв дэх өдрөө үргэлжилж байна. Манай улсын тамирчин О.Төгс-Эрдэнэ эмэгтэйчүүдийн 64 кг-ын жинд өрсөлдсөн байна. Уг жинд 32 тамирчин оролцсоноос О.Төгс-Эрдэнэ огцом өргөлтөөр (95, 113 кг-ыг өргөж) хүрэл медаль хүртжээ. Ийнхүү тэрээр залуучуудын ДАШТ-ий Монголын тамирчдын долоо дахь медалийг эх орондоо авчирлаа.

1978 оны Болгарын Софи хотод болсон тус тэмцээний эрэгтэйчүүдийн ангилалд Д.Энхбаатар хүрэл медаль хүртэж байсан бол дараа нь гавьяат тамирчин М.Анхцэцэг нэг алт, хоёр мөнгө, О.Дархижав хоёр хүрэл хүртэж байжээ.

Categories
мэдээ цаг-үе

Гашуунсухайт боомтын барилга угсралтын ажил 44 хувийн гүйцэтгэлтэй байна DNN.mn

Засгийн газраас хэрэгжүүлж буй Боомтын сэргэлтийн бодлогын хүрээнд “Хөгжлийн хөтөч-дэд бүтэц” төслийн нэгжээс хилийн 13 боомтын ТЭЗҮ болон зураг төслийн ажлуудыг гүйцэтгэж байна. Хилийн боомтуудын ТЭЗҮ болон зураг төслийн ажлын гүйцэтгэл:

  • Сүмбэр боомт: 90 хувь,
  • Баянхошуу: 90 хувь,
  • Ханх:100 хувь,
  • Ульхан: 98 хувь,
  • Булган: 92 хувь,
  • Ханги: 89 хувь,
  • Хавирга: 100 хувь,
  • Шивээхүрэн: 100 хувь,
  • Бургастай: 98 хувь,
  • Цагааннуур: 98 хувь,
  • Арц суурь: 30 хувь,
  • Эрээнцав: 20 хувь,
  • Цагаандэл-Уул: 70 хувьтай байна.

Бүтээн байгуулалт хийгдэж буй боомтын хувьд Замын-Үүд боомтын зорчигч тээврийн терминалын барилгын ажил бүрэн дуусаж, үйл ажиллагаагаа хэвийн явуулж буй бол ачаа тээврийн цогцолборын барилгын ажлыг өнгөрөгч аравдугаар сард улсын комисс хүлээж авчээ. Мөн Гашуунсухайт боомтын барилга угсралтын ажил 44 хувийн гүйцэтгэлтэй байна хэмээн Боомтын сэргэлтийн үндэсний хорооноос мэдээллээ.

Categories
мэдээ цаг-үе

Арваннэгдүгээр сарын 21-нээс хүйтний эрч чангарна DNN.mn

Амралтын өдрүүдэд ихэнх нутгаар цаг агаар тогтуун, өдөртөө хүйтний эрч сулрах боловч арваннэгдүгээр сарын 21-нээс хүйтний эрч чангарахыг цаг уурын байгууллагаас анхааруулж байна.
Ирэх даваа гарагт буюу 2023 оны арваннэгдүгээр сарын 20-нд Монгол-Алтай, Хөвсгөл, Хэнтийн уулархаг нутгаар, 21-нд баруун аймгуудын нутгийн зарим газар, төв, зүүн аймгуудын ихэнх нутаг, говийн аймгуудын нутгийн баруун болон хойд хэсгээр, 22-нд төв, говийн аймгуудын нутгийн зүүн хэсэг, зүүн аймгуудын ихэнх нутгаар цас орж, цасан шуурга шуурах тул болзошгүй эрсдэлээс урьдчилан сэргийлэхийг анхааруулж байна.
Эх сурвалж: ОБЕГ-ын Урьдчилан сэргийлэх газар
Categories
мэдээ нийгэм

Өнөөдөр Олон улсын эрчүүдийн өдөр DNN.mn

Хөвгүүд, эрчүүдийн эрхийг хамгаалах, насанд хүрээгүй хөвгүүдийн бэлгийн хүчирхийллийг таслан зогсоох, эрчүүдийн эрхийн төлөөх байгууллагуудыг нэмэгдүүлэх зорилготойгоор уг өдрийг анх 1992 оны хоёрдугаар сарын 8-нд АНУ-д тэмдэглэж эхэлжээ.

Харин 1999 оноос эхлэн НҮБ хүлээн зөвшөөрснөөр жил бүрийн арваннэгдүгээр сарын 19-нийг Олон улсын эрчүүдийн өдөр болгожээ.

Categories
мэдээ эдийн-засаг

“Эрдэнэс Тавантолгой” ХК-ийн биржийн арилжааны борлуулалт 1 тэрбум ам.доллар давлаа DNN.mn

“Эрдэнэс Тавантолгой” ХК 2023 оны 11 дүгээр сарын 16-ны өдөр Монголын Хөрөнгийн Биржээр 25 багц буюу 160 мянган тонн коксжих нүүрс арилжлаа. Арилжаанд хоёр худалдан авагч оролцсон бөгөөд тонн тутмыг 138 ам.доллароос эхлэн дуудаж, 140 ам.долларт хэлцэл хийгдлээ.

“Эрдэнэс Тавантолгой” ХК  нь энэ оны 2 дугаар сарын 9-ний өдрөөс эхлэн нийт 59 удаагийн арилжаагаар 1,001.6 сая ам.долларын үнэлгээ бүхий 8 сая тонн нүүрсийг Монголын Хөрөнгийн Биржээр дамжуулан борлуулаад байна.

Монголын Хөрөнгийн Биржээр нүүрсний цахим арилжааг зохион байгуулж эхэлснээс хойш нийт 11.1 сая тонн нүүрсийг арилжаалсан бөгөөд үүнээс 8 сая тонн буюу нийт арилжааны 72 орчим хувийг “Эрдэнэс Тавантолгой” ХК дангаар арилжсан байна гэж “Эрдэнэс Тавантолгой” ХК-иас мэдээллээ. 

Categories
мэдээ утга-зоxиол яруу-найраг

Д.Нацагдоржийн нэрэмжит шагналын эзэд тодорчээ DNN.mn

Их зохиолч Д.Нацагдоржийн нэрэмжит шагналын 2023 оны эзэд тодорчээ.

1966 оноос хойш 2 жилд 1 удаа олгож ирсэн тус шагналыг энэ жил доктор, профессор С.Хөвсгөл “Д.Равжаагийн Саран хөхөөний намтрын шинжлэл”, яруу найрагч Х.Байыт “Монгол яруу найраг”, яруу найрагч С.Дамдиндорж “Шүүдэр тарни” бүтээлээрээ тус тус хүртсэн байна.

Монгол Улсын Засгийн газрын 2023 оны 401 дүгээр тогтоолоор “Шилдэг зохиол, бүтээл туурвиж Монголын утга зохиолын хөгжил, ард түмнээ соён гийгүүлэх үйлсэд жинтэй хувь нэмэр оруулсан зохиолч, яруу найрагч, орчуулагч, шүүмжлэгч нарт. Мөн Монголын уран зохиолыг гадаадад сурталчлахад хувь нэмэр оруулсан гадаадын иргэнд Д.Нацагдоржийн нэрэмжит шагнал олгох журам”-ыг шинэчлэн баталж, шилдэг бүтээлд тавигдах шалгуур үзүүлэлтийг болон дагалдах мөнгөн урамшууллыг нэмэгдүүлжээ.