Month: November 2023

 Засгийн газрын хэрэгжүүлэгч агентлаг Усны газраас нүхэн жорлонгоос үүдэлтэй ундны усны бохирдлын талаар мэдээлэл хийлээ.

Тус газрын дарга З.Батбаяр “Улаанбаатар хотод барилга барьж байгаа компаниудын хөрсний усны шавхалтын асуудлыг өнгөрсөн есдүгээр сараас ярьж эхэлсэн. Хотыг усаар хангадаг УСУГ жилд 48 сая метр, куб усыг бидэнд нийлүүлдэг. Гэтэл 10 компанийн дүгнэлтийг харахад хоёр сая метр куб хөрсний ус шавхан зайлуулсан байна. Өөрөөр хэлбэл, энэ хоёр тоог хуваагаад үзвэл Улаанбаатар хотын хагас сард хэрэглэх усыг 10-хан компани зайлуулж байна гэсэн үг. Тэгэхээр нэгэнт усыг шавхан зайлуулж байгаа бол газар дор байсан усыг ил гаргаж буй учраас, үүнийг усны ашиглалт гэж үзээд их хэмжээний төлбөр ногдуулах ёстой.

Хоёрдугаарт, автомашин угаалгын газрууд. Ирэх оны нэгдүгээр сарын 1-нээс Улаанбаатар хотод үйл ажиллагаа явуулж байгаа автомашин угаалгын газруудад цэвэр ус нийлүүлэхгүй байя гэдэг саналтай байна. Үүнийг УСУГ маань дэмжих байх гэж найдъя. Улаанбаатар хотод 600 гаруй мянган автомашин бий. Иргэн сард нэг удаа автомашинаа угаалгалаа гэж бодоход сар болгон 600 мянган машин угааж байна гэсэн үг. Нэг автомашиныг 250 орчим литр усаар угаадаг.

Хөрсний усыг шавхан зайлуулсан 10-хан компанийн ус хоёр сая метр куб болж байгаа бол машин угаалгын газрууд энэ компаниас ус авах бүрэн боломжтой. Монголын томоохон компаниуд хаягдал усаа цэвэршүүлсэн ч түүнийгээ зарж чадахгүй, хэнд өгөхөө мэдэхгүй байна. Тэгвэл энэ усыг авах ёстой газрууд нь автомашин угаалгын газрууд байя. Тэдэнд цэвэр ус нийлүүлэхгүй. Тэд энэ компаниудын хаягдал усыг болон хөрсний ус шавхдаг компаниудаас очиж усаа аваарай гэдэг байя” гэв.

Мөн тэрбээр “Нүхэн жорлонгоос болж ундны ус бохирдож байна. УСУГ-ын ус найдвартай, өглөө бүр шинжилгээ авдаг. Үлдсэн хэсэг нь 17 мянган худгаас ус ууж байгаа. Зайсангийн аманд байгаа гурван хотхоны иргэдийн ууж байгаа уснаас гэдэсний савханцар илэрсэн. Нэг худгийг тойроод 40 жорлон байна. Тэгэхээр худгийн ус цэвэрхэн байх үндэслэл алга. Дараагийн нэг эрсдэл асар өндөр байгаа асуудал бол Сэлбэ голын уснаас гэдэсний савханцар илэрч байна. Цаашид Улаанбаатар хотод худаг ухахыг зөвшөөрсөөр байх уу. Шинээр барьж байгаа хашаанд жорлон гарах нь ойлгомжтой, тэгвэл Улаанбаатар хотод дахиад газар шинээр олгох уу. Ийм асуудлууд байна” гэж ярилаа.

НҮБ-ын Хүүхдийн эрхийн конвенц баталсан өдөр буюу арваннэгдүгээр сарын 20-ныг 2017 оноос эхлэн “Дэлхийн хүүхдийн өдөр” болгон 130 гаруй орон тэмдэглэх болсон юм.

Энэ өдрийг хүүхдүүд өөрсдөд нь тулгамдсан асуудлаар томчуудад дуу хоолойгоо өргөж, томчууд хүүхдээ сонсож, тэдний төлөө “За” гэж хэлэх өдөр гэж тодотгож болох юм. Дэлхийн улс орнууд хүүхдийн дуу хоолойг сонсох өндөр хэмжээний арга хэмжээнүүд, санал санаачилгууд өрнүүлдэг.

Цагдаагийн байгууллагаас өнгөрсөн долоо хоногт /2023.11.13-2023.11.20/ 32.586 хэрэгт мөрдөн шалгах ажиллагаа явуулж, шүүхэд шилжүүлэх саналтай прокурорын байгууллагад 565 хэргийг хүргүүлсэн байна. Үүнээс

• Хүний амьд явах эрхийн эсрэг 4,
• Хүний эрүүл мэндийн халдашгүй байдлын эсрэг 171,
• Хүний бэлгийн эрх чөлөө, халдашгүй байдлын эсрэг 14,
• Өмчлөх эрхийн эсрэг 290,
• Олон нийтийн аюулгүй байдал, ашиг сонирхлын эсрэг 2,
• Хүрээлэн байгаа орчны эсрэг 32,
• Хөдөлгөөний аюулгүй байдал, тээврийн хэрэгслийн ашиглалтын журмын эсрэг 35,
• Бусад 17 хэрэг байна.

Мөн Цагдаагийн байгууллагаас өнгөрсөн долоо хоногт гэр бүлийн хүчирхийлэл үйлдсэн 220 хүнд баривчлах шийтгэл оногдуулах саналыг шүүхэд хүргүүлж, шийдвэрлүүлсэн бол хүүхдийн эрхийг зөрчсөн 54 иргэнд 16.200.000 төгрөгийн торгох шийтгэл оногдуулжээ.

Усны газраас нүхэн жорлонгоос үүдэлтэй ундны усны бохирдол болон бусад цаг үеийн асуудлаар мэдээлэл хийж байна. Энэ үеэр Усны газрын дарга З.Батбаяр дараах мэдээллийг өглөө. Тэрбээр,

“Гэр хорооллын жорлонтой холбоотойгоор жорлонг 3 ангилж үзэж болохоор байгаа юм.

• Нэгдүгээрт, Айлын жорлон
• Хоёрдугаарт, Зуслангийн бүсэд буй жорлон
• Гуравдугаарт, ААН, байгууллагуудын жорлон.

Тиймээс эхний ээлжид зуслангийн бүсэд байгаа жорлонгуудыг яаралтай нурааж, нэгдсэн байдлаар шийдэх ёстой. Мөн ААН-үүдийн жорлонгийн асуудлыг тулгаж, стандартад нийцсэн жорлон барихыг шаардана. Үүнтэй холбогдуулан бид жорлонгийн тооллого хийнэ. Энэ нь жорлонг 1 гэж тоолох биш. Харин тэр жорлон 2015 онд батлагдсан стандартад нийцэж байна уу гэдгийг тооцно.

Жорлонгийн тооллого гэдэг үгний ард усны нөөцөө хамгаалах гарц байна. 750 мянган гэр хороололд амьдарч байгаа хүнд хэдэн жорлон хэрэгтэй вэ. Миний тооцооллоор 75-100 мянган жорлон байхад л хангалттай” хэмээв.