Month: November 2023

Ямааранз овогтой Эрдэнэбилэгийг залилах, хуурамч бичиг үйлдэх, ашиглах, мөнгө угаах хэрэгт эрэн сурвалжилж байна.

Содон шинж тэмдэг:

Гэмт хэрэгт сэрдэгдсэн этгээд 50 настай 185-190см өндөртэй. 100 орчим кг жинтэй, шар царайтай, өтгөн хөмсөгтэй, буржгар урт хар өнгийн үстэй, хар өнгийн нүдтэй.

Улаанбаатар хотод болон хөдөө орон нутагт орогнож байж болзошгүй.

Энэ хүний талаарх мэдээллийг Цагдаагийн байгууллагын 102 тусгай дугаар болон 86225533, 91863399 дугаараар хүлээн авна.

Мэдээллийн нууцлалыг чанд хадгална.

Эх сурвалж : ЦЕГ

Анх 2022 оны гуравдугаар сарын 03-ны өдөр зохион байгуулсан “Бид байгаль хамгаалагчид” үндэсний чуулганыг зохион байгуулж, байгаль хамгаалагчдын ажиллах нөхцөл, нийгмийн баталгааны хөтөлбөрийг амжилттай хэрэгжүүлсэн  юм. Энэ удаагийн чуулганд 21 аймаг, нийслэл, Улсын тусгай хамгаалалттай газруудын 500 байгаль хамгаалагчид ирж анхдугаар чуулганаас гарсан зөвлөмжийн хэрэгжилтийг дүгнэж, цаашдын хөгжлийн зорилтоо тодорхойлно.

“Байгаль хамгаалагчдын II чуулган” 11 дүгээр сарын 25-ны өдөр төрийн ордны “Их Монгол” танхимд болн

Авлигатай тэмцэх газрын Авлигатай тэмцэх үндэсний хөтөлбөрийг хэрэгжүүлэх хэлтэс нь 2023 оны 11 дүгээр сарын 13-17-ны өдрүүдэд Авлигатай тэмцэх үндэсний хөтөлбөрийг хэрэгжүүлэх чиглэлээр Монголын Үндэсний худалдаа аж үйлдвэрийн танхим, Боловсрол шинжлэх ухааны яам, Үндэсний аудитын газар зэрэг байгууллагатай хамтран ажиллах санал солилцлоо.

Өнгөрсөн долоо хоногт тус хэлтсээс “Монгол Улсын бүх түвшний сургалтын агуулга, хөтөлбөрт авлигыг үл тэвчих, ёс суртахууныг төлөвшүүлэх үйл ажиллагааны өнөөгийн суурь түвшин, олон улсын сайн туршлагын судалгаа”, “Мөрдөн шалгах ажиллагаанд технологийн дэвшлийг ашиглаж мэдүүлэг авч буй гадаад орнуудын туршлага эрх зүйн зохицуулалт сэдэвт судалгаа”-тай холбоотой материалд дүн шинжилгээ хийсэн.

Мөн “Хуурамч эмийн тухай ойлголт, Монгол Улсад ямар байдлаар тархаж байгаа, хуурамч эмийн борлуулалтыг бууруулах нь” сэдэвт судалгааны ажлыг холбогдох мэдээллийн хамт Мөрдөн шалгах хэлтэст хүргүүлж, мөрдөн байцаах ажиллагаанд дэмжлэг үзүүлэн, хамтран ажиллав.

Эх сурвалж: АТГ

Өнөөдрийн Засгийн газрын ээлжит хуралдаанаар нийслэл дэх Гэр бүл, хүүхдийн хэргийн шүүх байгуулахаар тусгалаа.

Энэ талаар ХЗДХ-ийн сайд Б.Энхбаяр “Гэр бүл, хүүхдийн шүүхийг Монгол Улсад анх удаа байгуулна. Улаанбаатар хотод гэр бүл, хүүхдийн асуудал хариуцсан анхан болон давж заалдах шатны шүүхийг шинээр байгуулна. Энэ шүүхийг 2026 оны нэгдүгээр сарын 1-ний өдрөөс албан ёсоор үйл ажиллагаагаа явуулах саналыг дэвшүүлсэн. Энэ хүрээнд хоёр жилийн хугацаанд байр, шүүгч нар, шүүгчийн туслах гэсэн нарийн мэргэшсэн бэлтгэж ажилд нь оруулах болно” гэлээ.

Зэвсэгт хүчний ….. дугаар ангид алба хааж буй хугацаат цэргийн алба хаагч уушги өвдсөн шинж тэмдгээр Цэргийн эмнэлэгт хүргэгджээ. Хүүгийн ээж Зариг.мн сайтад уг хэргийн талаар мэдээлэл өгчээ.

Иргэний ярилцлагад “цэргийн албанд татагдсан хүү нь бусдад зодуулсан” талаар дурджээ. Уг мэдээлэл нь гэмт хэрэг, зөрчлийн шинжтэй байж болзошгүй тул мэдээллийн дагуу Хан-Уул дүүргийн цагдаагийн газрын хоёрдугаар хэлтсийн жижүүрийн шуурхай бүрэлдэхүүн Зэвсэгт хүчний ….. дугаар ангид шалгалтын ажиллагааг эхлүүлээд байна.

Хуульд заасан үндэслэл журмын хүрээнд эргэн мэдээлэх болно хэмээн ЦЕГ-аас мэдээллээ.

Засгийн газрын хуралдаан боллоо.

Нийслэлийн засаг захиргаа, нутаг дэвсгэрийн нэгжийн хуваарийг шинэчлэх асуудлаар Нийслэлийн Засаг дарга бөгөөд Улаанбаатар хотын Захирагч Х.Нямбаатарын танилцуулгыг сонслоо. Үүнтэй холбогдуулж нийслэлийн засаг захиргаа, нутаг дэвсгэрийн нэгжийн хуваарийг өөрчлөн зохион байгуулах асуудлаар холбогдох хууль тогтоомжийн төсөл боловсруулах чиг үүрэг бүхий Ажлын хэсэг байгуулж, мэргэжил арга зүйн туслалцаа үзүүлж ажиллахыг Засгийн газрын холбогдох гишүүдэд даалгалаа.
Нийслэлийн есөн дүүрэг, 204 хорооны хуваарилалт нь хүн амын тоо, шилжилт хөдөлгөөн, төвлөрөл, эдийн засгийн чадавхи, нийгмийн дэд бүтцийн нөхцөл байдал харилцан адилгүй үзүүлэлттэй бөгөөд бүтцийн хувьд нэгж бие даан тэлж хөгжих, иргэдэд төрийн үйлчилгээг чанартай, хүртээмжтэй хүргэхэд ихээхэн хүндрэл үүсдэг байна. Нийслэл хотын засаг захиргааны нийт 213 нэгжийн үйл ажиллагаанд чиг үүргийн шинжилгээ хийж, үр дүнтэй, оновчтой засаг захиргааны нэгжийн хуваарилалт хийх зайлшгүй шаардлага үүссэн байна.
Монгол Улсын урт, дунд хугацааны хөгжлийн бодлогод нийцүүлэн төвлөрлийг сааруулах, төрийн үйлчилгээг үр дүнтэй хүргэх, эдийн засгийн хувьд бие даан хөгжих боломжийг хангахуйц засаг захиргаа, нутаг дэвсгэрийн нэгжийн хуваарилалт хийх зорилтын хүрээнд Улаанбаатар хотын хөгжлийн ерөнхий төлөвлөгөө болон хэсэгчилсэн ерөнхий төлөвлөгөө, хүн амын төвлөрөл, нийгмийн дэд бүтэц, газар зүйн байршил зэргийг харгалзан үзэж нийслэл Улаанбаатар хотын засаг захиргаа, нутаг дэвсгэрийн нэгжийг 42 нэгжид хуваан зохион байгуулах төлөвлөлтийн саналыг хот, дүүргийн удирдлагууд боловсруулжээ.