Month: October 2023

Categories
мэдээ нийгэм

Дорноговь аймаг: Хүүхдийг зодох, хүүхдийн дэргэд гэр бүлийн хүчирхийлэл үйлдэх, архидан согтуурах зэрэг 21 зөрчил бүртгэгджээ DNN.mn

Дорноговь аймгийн Замын-Үүд сум дахь сум дундын прокурорын газраас 2023 оны эхний хагас жилийн байдлаар харьяа нутаг дэвсгэрийн хэмжээнд үйлдэгдсэн Хүүхдийн эрхийг зөрчих зөрчлийг судалж, холбогдох арга хэмжээг авчээ.

Дээрх хугацаанд тус прокурорын газрын хяналтад хүүхдийг зодох, хүүхдийн дэргэд гэр бүлийн хүчирхийлэл үйлдэх, архидан согтуурах зэрэг 21 зөрчил шалгагдаж, зөрчил үйлдсэн 8 хүнийг албадан сургалтад хамруулж, баривчилсан бол 13 хүнд торгох шийтгэл оногдуулсан байна.

Үүнээс зөрчил үйлдсэн субъектийг судалж үзвэл, гэр бүлийн хамаарал бүхий 17, багш сурган хүмүүжүүлэгч 1,  эцэг эхийн ойр дотно, танил 2 хүн хүүхдийн эрхийг зөрчсөн байжээ.

Судалгаагаар тогтоогдсон нөхцөл байдалд үндэслэн хүүхдийн эрхийг зөрчих зөрчил үйлдэгдэхээс урьдчилан сэргийлэх, шалтгаан нөхцөлийг арилгуулах зорилгоор Дорноговь аймгийн Замын-Үүд сумын гэмт хэргээс урьдчилан сэргийлэх ажлыг зохицуулах салбар зөвлөлд танилцуулга, 1, 4 дүгээр багт прокурорын мэдэгдэл хүргүүлсэн байна.

Мөн ерөнхий боловсролын 2 дугаар сургуулийн ахлах ангийн  200 орчим сурагчдад хүүхдийн эрхийн талаар мэдээлэл өгч, цаашид хүүхэд хамгааллын чиглэлээр арга хэмжээ зохион байгуулахаар төлөвлөжээ.

Categories
мэдээ нийгэм

Өвдөгний үе солих хагалгааг орон нутагт амжилттай хийлээ DNN.mn

Дорноговь аймгийн Нэгдсэн эмнэлгийн Мэс засал-гэмтлийн тасаг нь Гэмтэл согог судлалын үндэсний төвийн эмч нартай хамтран өвдөгний үений маш хүнд хэлбэрийн остеоартрозтой, зовуурь ихтэй дөрвөн иргэнд өвдөгний үе солих хагалгааг хийжээ.

Уг хагалгааг орон нутагт хийснээр эмч мэргэжилтнүүд ажлын байрандаа чадавхжих,  иргэдийн Улаанбаатар явах зардал чирэгдэл багасах, лавлагаа шатлалын ачаалал буурах зэрэг олон талын ач холбогдолтой ба энэхүү хагалгааг орон нутагт хоёр дахь удаагаа амжилттай хийж, нутагшууллаа.

Мөн цээжний олон хавирганы зөрүүтэй хугарал, цээжний хөндийд шингэн хуралттай, цээжний хэнхэрцгийн хэлбэр алдалт оноштой үйлчлүүлэгчид хавирга хадах, эгэм хадах мэс заслыг орон нутагт анх удаа  амжилттай хийсэн байна.

Categories
мэдээ спорт

Морьт харваачид ДАШТ-д оролцох эрхээ авлаа DNN.mn

Энэ жилийн морьт харвааны ДАШТ-д оролцох эрх олгох тэмцээн Малайзад аравдугаар сарын 3-5-ны өдрүүдэд болжээ.

Тэмцээнд Монгол, Хятад, Солонгос, Индонез, Япон, Тайланд зэрэг найман орны тамирчид гурван төрлөөр өрсөлдсөн байна.

“WHAF WORLD CUP QUALIFIER-2023” олон улсын Морьт харвааны тэмцээнд Монгол Улсын тамирчин Н.Алтанхуяг, О.Мөнхбаясгалан (хоёул “Намнаа” академи) П.Пүрэв-Очир, О.Түмэнбаяр (хоёул “Хан-Монгол” морьтоны холбоо) нар амжилттай оролцжээ. Тэмцээний дүн гарахад, СОЛОНГОС сериал шот төрөлд О.Түмэнбаяр алтан медаль, QABAQ буюу агаарт өлгөсөн таваг намнах төрөлд О.Түмэнбаяр хүрэл медаль, KASSAI буюу Унгар харвааны төрөлд П.Пүрэв-Очир мөнгөн медаль,О.Түмэнбаяр хүрэл медаль хүртжээ.

Тэмцээний нийлбэр дүнгээр  Монголын баг тамирчид тэргүүн байрыг эзэлж алтан цомын эзэд болсон бөгөөд Саудын Арабд арванхоёрдугаар сарын 14-16-ны хооронд зохион байгуулагдах “HORSEBACK ARCHERY WORLD CUP” тэмцээнд оролцох эрхээ авлаа.

Categories
мэдээ нийгэм цаг-үе

Ажилласан тос масло шугамд нийлүүлснээс үүссэн байж болзошгүй гэх урьдчилсан дүгнэлт гарчээ DNN.mn

Нийслэлд газ үнэртэж, угаартай байна гэдэг асуудлаар Нийслэлийн Онцгой Байдлын Газар, Нийслэлийн Байгаль Орчны Газар, Нийслэлийн Цагдаагийн Газар, Ус сувгийн удирдах газрын алба хаагчид Дүнжингарав орчимд хяналт шалгалт хийж байна.

Тус асуудал нь бохирын магистрал шугамны худагнаас хүчтэй үнэр үнэртэж байна. Багажаар үнэрийг нь үзэхэд ажилласан тос масло шугамд нийлүүлснээс болсон байж болзошгүй гэсэн урьдчилсан дүгнэлттэйгээр Налайх чиглэлд хяналт шалгалтын ажил үргэлжилж байгаа.

Голомтыг тогтоохоор ажиллаж байна хэмээн НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Categories
мэдээ улс-төр

Улсын төсөв 2024: Ирэх онд сайд нарын захиран зарцуулах мөнгөн дүн DNN.mn

2024 оны Улсын төсвийн төслийг Улсын Их Хуралд есдүгээр сарын 29-нд өргөн барьж, Сангийн яам өөрийн цахим хуудсандаа байршуулсан.

Ирэх жилийн төсөв өмнөх оноосоо 5 их наяд төгрөгөөр тэлж, 2.1 их наядын алдагдалтай байхаар байна.
Сангийн яамнаас өгсөн мэдээллээр манай улс ирэх онд 25.3 их наяд төгрөгийн орлоготой, 27.2 их наяд төгрөгийн зарлагатай байх юм. Гэхдээ УИХ-аар хэлэлцэх үеэр эдгээр дүн өөрчлөгдөх магадлалтай.

Цахим хуудсанд байршсан мэдээллээс ирэх онд сайд нарын захиран зарцуулах мөнгөн дүнг онцлон танилцуулж байна.

Categories
мэдээ нийгэм

Гэрээсээ гараад сураггүй болсон малчныг эрэн хайж байна DNN.mn

Дорнод аймаг, Баянтүмэн сумын Жаргалант багийн “Хашаатын цаана”гэдэг газар тус сумын харьяат малчин Д аравдугаар сарын 11-ний өдрийн 08:00 цагийн орчим гэрээсээ гараад сураггүй болсон байна.

Энэ талаар дуудлага мэдээлэл ОБГ-т ирсэн бөгөөд тус аймгийн Онцгой байдлын газрын Эрэн хайх, аврах ангийн алба хаагчид, Хилийн цэргийн 0132 дугаар ангийн 1 дүгээр заставын алба хаагчид, иргэдтэй хамтран иргэн Д /72 настай, эрэгтэй, мартаж, санах өвчтэй/-ыг эрэн хайх ажиллагааг зохион байгуулан ажиллаж байна.

Categories
мэдээ цаг-үе эдийн-засаг

Улсын төсөв 2024: Төрийн нийтлэг үйлчилгээний албан хаагчдын цалинг 20 хувиар нэмэгдүүлэхэд 532.4 тэрбум төгрөг зарцуулна DNN.mn

Цалин, тэтгэвэр, тэтгэмж, халамжийг 2024 оны дөрөвдүгээр сарын 1-нээс нэмэгдүүлэхээр тооцжээ.

Үүнд 881.4 мянган хүн хамрагдах бөгөөд шаардагдах төсөв нь 881 тэрбум төгрөг гэж үзсэн байна.

Categories
мэдээ улс-төр

Хууль зүйн байнгын хорооны даргаар Д.Цогтбаатар ажиллахаар болжээ DNN.mn

Хууль зүйн байнгын хорооны даргаар УИХ-ын гишүүн Д.Цогтбаатарыг сонголоо.

Уг хорооны даргаар ажиллаж байсан Б.Энхбаяр гишүүн Хууль зүй, дотоод хэргийн сайдаар аравдугаар сарын 5-нд томилогдсон юм.

Байнгын хорооны даргыг сонгох тухай тогтоолын төслийг УИХ хэлэлцэж, гишүүдийн олонх дэмжсэнээр батлав.

Categories
мэдээ шинжлэх-ухаан-технологи

“Bennu” -гийн дээжний эхний үр дүн DNN.mn

Манай дэлхий бүрэлдэн бий болж байх үеийн буюу 4.5 тэрбум жилийн настай “Bennu” астероидоос авчирсан хөрсний дээжийг шинжилснээр “Эхний шинжилгээгээр чийгтэй шаварлаг эрдэс хэлбэрийн их хэмжээний ус байгааг илрүүллээ.

Энэ нь манай дэлхийд авчирсан бусад дээжүүдээс нүүрстөрөгчөөр хамгийн баялаг нь болж байна” гэж NASA-гийн захирал Билл Нэлсон мэдэгджээ. Манай гарагийн амьдралын үндэс суурь сансрын уудмаас гаралтай гэсэн онолыг энэ судалгаа улам бататгаж байна.

 

 

Г.АМАРСАНАА

Categories
мэдээ нийгэм цаг-үе

Ойрын хоёр хоногтоо ихэнх нутгаар цаг агаар тогтуун байна DNN.mn

Autumn Reflections Lake Serenity Branches Calm Quiet Sky Colors Water Nature Fall Trees Foliage River Mirrored Clouds Falling Shore Leaves Pictures

Малч­ид, иргэд, тариаланчдад зориулсан мэдээ:

Ойрын 2 хоногтоо ихэнх нутгаар цаг агаар тогтуун байна.

Энэ сарын 14-нд нутгийн зүүн хойд хэсгээр бага зэргийн хур тунадас, 15-нд баруун аймгуудын нутгийн баруун хэсгээр, 16-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр бороо, нойтон цас орно. Салхи ихэнх хугацаанд секундэд 5-10 метр, 14-нд нутгийн зүүн хэсгээр, 15-нд Алтайн уулархаг нутгаар, 16-нд нутгийн зарим газраар зарим үед секундэд 16-18 метр хүрч ширүүснэ. Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс,  Эг, Үүр, Туул, Тэрэлж  голын хөндийгөөр шөнөдөө -3…-8 градус хүйтэн, өдөртөө +8…+13 градус дулаан, говийн бүс нутгийн өмнөд хэсгээр шөнөдөө +4…+9 градус, өдөртөө +17…+22 градус, бусад нутгаар шөнөдөө -2…+3 градус, өдөртөө +13…+18 градус дулаан байна. 14-нд төв болон зүүн аймгуудын нутгийн хойд хэсгээр бага зэрэг хүйтэрч, 16-наас нутгийн баруун хэсгээр хүйтэрнэ.