Сүхбаатар дүүргийн 15, 16-р хорооны авто зам барилгын ажил (Дамбадаржаагийн авто замаас Дарь-Эхийн авто зам ) хүртэлх 1.8 км авто замын ажлын 1.1 км зорчих хэсэг болон 32.95 урт метр төмөр бетон гүүрийн барилгын ажил хийгдэж авто замын хөдөлгөөнийг нээсэн.
Авто замын трасст өртсөн 99 байршилд газар чөлөөлөлт хийгдэхээс 65 байршилд газар чөлөөлөгдөж авто замын барилгын ажил хийгээд байна. 34 нэгж талбар чөлөөлөгдөөгүйн улмаас 0.7 км авто зам, барилгын ажил удаашралтай байна.
Цагдаагийн байгууллагад 2023 оны есдүгээр сарын 13-ны өдрийн 16:15 цагт Чингэлтэй дүүргийн 3 дугаар хорооны нутаг дэвсгэрт байрлах байрны орцонд “Хүүхдийн биед халдаж, гар утсыг нь булаагаад зугтсан” гэх дуудлага, мэдээлэл бүртгэгдсэн.
Тус дүүргийн цагдаагийн газрын Нэгдүгээр хэлтсээс шалгахад 13 настай, эмэгтэй хүүхдийг орцондоо лифтэнд суух гэж байхад нь 19 настай, эрэгтэй “М” гэгч нь биед нь халдаж, “iPhone-13” загварын гар утсыг нь дээрэмдсэн үйлдлийг илрүүлэн мөрдөн шалгах ажиллагаа явуулж байна.
Иймд иргэд Та бүхэн сэжигтэй үйлдэл, этгээдийн талаарх мэдээллийг цагдаагийн байгууллагын 102 тусгай дугаарт цаг алдалгүй мэдээлэл ирүүлж, гэмт хэрэг, зөрчлөөс урьдчилан сэргийлэхийг цагдаагийн байгууллагаас зөвлөж байна.
Эх сурвалж: Цагдаагийн Ерөнхий Газар
Улсын хэмжээнд 2023 оны наймдугаар сарын байдлаар 288,092 зөрчлийн хэрэг бүртгэгдсэн нь өнгөрсөн сартай харьцуулахад 35.7%-аар өссөн байна.
Нийт зөрчлийн хэргийн 68.7 хувь нь нийслэлд, 31.3 хувь нь орон нутагт бүртгэгдсэн бол 96.2 хувийг Цагдаагийн байгууллага, 3.8 хувийг бусад байгууллагын эрх бүхий албан тушаалтнууд шалгаж, шийдвэрлэжээ.
Дээрх хугацаанд 277,434 хүн, 524 хуулийн этгээд Зөрчлийн тухай хуульд зааснаар шийтгүүлсэн ба өмнөх сараас шийтгэл оногдуулсан хүн 37 хувиар өссөн бол хуулийн этгээд 2.8 хувиар буурсан байна.
Зөрчил үйлдсэн хүмүүсийн 78.7 хувь нь эрэгтэй, 21.3 хувь нь эмэгтэйчүүд байгаа бол дийлэнх буюу 64.4 хувь нь 26-45 насныхан.
Өнгөрсөн наймдугаар сард үйлдэгдсэн зөрчлийг долдугаар сартай харьцуулахад нийгмийн даатгалын тухай хууль зөрчих зөрчил хоёр дахин, замын хөдөлгөөний аюулгүй байдлын тухай хууль зөрчих зөрчил 40 хувиар, Гаалийн тухай хууль зөрчих зөрчил 16.8 хувиар тус тус өссөн байна.
Харин татварын хууль зөрчих зөрчил 30.4 хувиар, төрийн албан тушаалтны шийдвэрийг үл биелүүлэх зөрчил 30.4 хувиар, хулгайлах зөрчил 14.3 хувиар, хүүхдийн эрхийг зөрчих зөрчил 2.8 хувиар, гэр бүлийн хүчирхийлэлтэй тэмцэх тухай хууль зөрчих зөрчил 1.6 хувиар буурчээ.
Эх сурвалж: УПЕГ
Энэтхэг-Ойрхи Дорнод-Европыг холбосон тээвэр, эдийн засгийн зам(India-Middle East-Europe Economic Corridor, IMEC) байгуулах тухай санамж бичигт АНУ, Европын холбоо, Энэтхэг, Герман, Франц, Итали, АНЭУ, Саудын Араб, улсууд гарын үсэг зурсан байна. Тээврийн энэ коридор нь дэлхийн эрчим хүчний эх үүсвэрийн нийлүүлэлтийн сүлжээний тогтвортой байдлыг хангах бол Энэтхэг улс нь Ойрхи Дорнодтой урт хугацаагаар холбогдох юм.
“IMEC” байгуулагдаж буйг Саудын Арабын угсаа залгамжлах хунтайж Мухаммед бен Сальман Аль Сауд Шинэ Дели хотноо болсон “Хорийн бүлэг(G20)”-ийн дээд хэмжээний уулзалтын үеэр мэдэгджээ. Түүний хэлснээр, уг санаачилга нь Ойрхи Дорнодын орнуудын хооронд олон салаа салбар төмөр замын сүлжээ, устөрөгч дамжуулах хоолой тавих, цахилгаан эрчим хүч, мэдээлэл дамжуулах кабель татах, түүнчлэн боомтын дэд бүтцийг хөгжүүлэх зорилготой аж.
Тээврийн нэгдсэн коридор бий болгож төмөр зам, боомт барих боломжийн талаар Энэтхэг, Саудын Араб, АНУ хэдэн сарын турш хэлэлцэж байгааг “Reuters” агентлаг урьд нь мэдээлж байсан билээ. Хятадын “Бүс ба Зам” санаачилгыг сөргүүлөн тавигдах энэ төслийг Вашингтон ихээхэн сонирхож байна гэж тус агентлаг мэдээлж байсан юм. Үнэхээр энэ зурваст Хятад, Орос, Турк улсууд хамрагдаагүй байгаа юм.
Г.АМАРСАНАА
Үндэсний номын баяр жилд хоёр удаа зохион байгуулагддаг. Жил бүрийн хавар, намрын улиралд амралтын өдрүүдийг тааруулан гурван өдрийн турш төв талбайдаа зохиолчид, номын хорхойтнууд, уншигчид чуулдаг. Үүнийг УИХ, Засгийн газраас дэмжин, үндэсний хэмжээний арга хэмжээ болон тэмдэглэдэг болоод удаж байна. Энэ удаагийн Үндэсний номын баяр 34 дэх удаагаа маргаашаас эхлэх гэж байна. Энэ сарын 15-17-ны өдрүүдэд Сүхбаатарын талбайд зохиолчид уншигчидтайгаа нүүр тулан уулзана, номын худалдаа өрнөнө. Энэ бол бүх нийтийн боловсролд зориулсан үндэсний том арга хэмжээ юм. Гэтэл энэ удаагийн Үндэсний номын баярын өдрүүдээр Оросын соёлын өдрүүд шахам байхаар товлогджээ. Монгол Улсын үндэсний хэмжээний баяраар өөр улсын зохиолчидыг сурталчлах гэнэ. Тэгэх тэгэхдээ үндэс нэгтэй хөрштэйгөө дайн өдөөсөн ОХУ-ын зохиолчдыг монголчуудад танилцуулах арга хэмжээ болох нь.
Номын баярт бараг арваад орос зохиолчид ирэх юм байна. Тэр нь энгийн нэг өдөр биш монголчуудын оюун санааны боловсролыг дэмжих үндэсний арга хэмжээний өдрүүдээр давхцуулж байгаа нь тун хачирхалтай. Энэ улс түрэмгий дайн өдөөснөөрөө бараг бүх дэлхийн эдийн засгийн хоригт орчихоод байгаа билээ. Үүнийг Монголын зохиолчид хэрхэн хүлээн авч байгаа бол. Үндэсний зохиолчидтойгоо уулзахаар, ном зохиолыг нь судлахаар, худалдан авахаар очих номын хорхойтнуудад ямар байх вэ.
ОХУ хөрш зэргэлдээ Украин улс руу довтолсон дайны хөлд хичнээн энгийн номхон ард иргэд, хүүхэд багачууд үрэгдэж байгааг дэлхий нийтээр шимшрэн харж байна. Дэлхийн бүхий л улс гүрнүүд хүн төрөлхтний эсрэг гэмт хэрэг үйлдэхээс татгалзаж, энхийг эрхэмлэн хөгжин дэвшиж буй цаг дор манай хойд хөрш цуст дайн дэгдээн жил дамнав. Тиймээс ч ОХУ руу чиглэсэн бүхий л үйл ажиллагааг дайныг санхүүжүүлсэн үйлдэл гэж буруутгаж буй. Орос иргэдийг хил нэвтрүүлэх битгий хэлээр ОХУ-аар дайран өнгөрсөн тохиолдолд хил дээрээсээ буцааж байгаа тохиолдол ч байна. Манай улсад ч Украины энгийн номхон иргэд рүү гал нээсэн Оросын дайныг эсэргүүцсэн жагсаал цуглаан хэдэн сар үргэлжилсээр байна. Дэлхий нийтээр ч ийм хөдөлгөөн, эсэргүүцлийн жагсаал өрнөсөөр байгаа билээ. Яг ийм эгзэгтэй үед урд нь тэгдэггүйгээ өнөөдөр яагаад монгол үндэсний номын баяр дээр дайн дэгдээгч улсын зохиолчид соёлоо сурталчилна гэв. Зүв зүгээр ямар ч хэл амгүй энгийн номын хорхойтон зохиолчдын цугларалтыг яагаад ингээд улс төржүүлээд унав. Манай эрх баригчид орост долдойдохдоо тэднийг урив уу. Аль эсвэл Хятадын нобелийн шагналт зохиолч ирэх сургаар “заавал бид очно, тэр хятадаас илүү гэдгээ харуулна” гэж хойд нөхөд зүтгэв үү. Ямар ч байсан номын баяр, баяр биш хоёр хөршийн геополитикийн өрсөлдөөний талбар л болж орхив гэж хардахаар болоод явчихав. Яаж ч бодсон энэ буруу шүү. Энийг тэгээд номоо зарах сайхан боломж гэж хагас жилжингээ хүлээдэг зохиолчид нь дэмжиж байдаг юм болов уу. Та нарын номыг авахтай манатай хойд хөршийн РЦНК-ын шоу цэнгээнд сатаарсаар байгаад таарна гэж бодохгүй байна уу.
Ирэх онд улсын төсвийн хөрөнгөөр Төв, Завхан, Баянхонгор, Дундговь, Говь-Алтай, Ховд, Өмнөговь, Булган аймагт есөн хөв цөөрөм байгуулахаа Байгаль орчны яамнаас танилцууллаа.
Ингэснээр цөлжилт, бэлчээр, хөрсний доройтлоос урьдчилан сэргийлэх юм.
Хөв цөөрөм гэдэг нь цас, бороо, шар усны үерийн ус зэргийг тогтоож байгуулсан жижиг нуурыг хэлдэг байна.
Хамгийн сүүлийн мэдээллээр энэ онд Өвөрхангай аймгийн Нарийнтээл сумын нутагт хөв цөөрөм байгуулжээ.
Жич: Засварын ажлыг тухайн тоноглолыг хүчдэлээс бүрэн чөлөөлсний дараа хийдэг хөнцөл байдлыг харгалзан үзэж, хүлээцтэй хандахыг хэрэглэгч та бүхнээс хүсье.
Тодорхой шалтгааны улмаас засварын хуваарьт өөрчлөлт орох тохиолдолд хангагч байгууллагаас зарыг дахин хүргэнэ.
Наадамчдын өргөн чөлөө буюу Яармагийн замын нэгдүгээр эгнээг нийтийн тээврийн хэрэгсэл зорчиход зориулан чөлөөлсөн. Учир нь нийтийн тээврээр үйлчлүүлэгчдийн 10 гаруй хувийг тус чиглэлийн зорчигчид эзэлдэг байна.
Нэгдүгээр эгнээг чөлөөлснөөр гарсан өөрчлөлтийн талаар Нийслэлийн Нийтийн тээврийн газрын Тээвэр, төлөвлөлтийн хэлтсийн дарга Б.Тамир “Нийтийн тээврээр зорчих хүний тоо нэмэгдэж буй тул шинэ чиглэл гаргаж, зарим чиглэлд автобусыг нэмсэн. Тухайлбал, Ч:56 “Архивын ерөнхий газар-120 мянгат” чиглэлд таван автобус нэмж, нийт 13 автобус үйлчилгээнд явж байгаа. Мөн шинээр Ч:77 “Нисэх-120 мянгат” чиглэлийн богино эргэлтийг нэмж, 10 автобусыг үйлчилгээнд гаргаад байна. Цаашид дахин өөр богино эргэлтийн чиглэлүүдийг үе шаттайгаар нэмэгдүүлэхээр судалгаа хийж байгаа.
Мөн Яармагийн зам гэлтгүй бусад зам дахь нийтийн тээвэр, автомашинаар зорчих хөдөлгөөн өглөө, оройдоо ачаалал ихтэй байдаг. Тиймээс нийслэлийн гол хөндлөн гудамж болох Энхтайваны өргөн чөлөөний Ч:1 “5 шар-Офицеруудын ордон” чиглэлд шинэ үйлчилгээг гуравдугаар сард хоёр удаа туршиж, энэ сарын 8-нд нэвтрүүлсэн. Тус чиглэлийн автобусны 40 зогсоолоос их багтаамжийн 37 автобус өглөөний 06:20 цагт нэгэн зэрэг үйлчилгээнд гарч байгаа. Ингэснээр нэг автобусанд суух хүний тоо нэмэгдэж, хүн багтахгүй үлдэх тохиолдол нь багасаж буй юм. Уг үйлчилгээг Яармагийн зам дахь чиглэлүүддээ ч мөн нэвтрүүлэхээр судалж байна” гэв.
Дохио!!! Цаг агаарын аюултай үзэгдлээс сэрэмжлүүлэх мэдээ:
Маргааш өдөр Архангайн нутаг, Булганы өмнөд хэсгээр их бороо орно.
Малчид, иргэд, тариаланчид, хадланчдын анхааралд:
Өнөө шөнө баруун аймгуудын нутгийн зүүн хойд хэсэг, төвийн аймгуудын ихэнх нутгаар, маргааш өдөр төвийн аймгуудын ихэнх нутаар ахиухан хэмжээний бороо, уулаараа нойтон цас орж, нутгийн хойд хэсгээр сэрүүсэхийг анхааруулж байна.
|
2023 оны 09 дүгээр сарын 15-наас 09 дүгээр сарын 19-нийг хүртэлх цаг агаарын урьдчилсан төлөв: |
15-нд баруун аймгуудын нутгийн хойд хэсэг, төв болон зүүн аймгуудын ихэнх нутгаар, 16-нд нутгийн хойд хагаст, 17-нд баруун, төв, зүүн аймгуудын нутгийн зарим газраар, 18-нд төв, говь, зүүн аймгуудын нутгийн зарим газраар бороо, уулаараа нойтон цас орно.
Салхи ихэнх хугацаанд секундэд 6-11 метр, 15-нд говь, талын нутгаар секундэд 14-16 метр хүрч ширүүснэ. Ихэнх нутгаар сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр шөнөдөө -3…-8 градус хүйтэн, өдөртөө +6…+11 градус, Их нууруудын хотгор, говийн бүс нутгийн хойд хэсгээр шөнөдөө +4…+9 градус, өдөртөө +16…+21 градус, говийн бүс нутгийн өмнөд хэсгээр шөнөдөө +9…+14 градус, өдөртөө +20…+25 градус, бусад нутгаар шөнөдөө -2…+3 градус, өдөртөө +11…+16 градус дулаан байна.
Хичээлийн шинэ жилийн эхэн үед Улаанбаатар хотын замын түгжрэлийг багасгах зорилгоор наймдугаар сарын 26-ны өдрөөс тээврийн хэрэгслийн улсын дугаарын тэгш, сондгойгоор ялгаж, хөдөлгөөнд оролцуулж байгаа юм.
Уг шийдвэр есдүгээр сарын 15-ныг хүртэл хэрэгжих хугацаатай. Тодруулбал, өнөөдөр сондгой буюу 1, 3, 5, 7, 9-өөр төгссөн автомашинууд замын хөдөлгөөнд оролцоно.
Маргаашнаас эхлэн хуучин горимдоо орж, 5 ба 0-ээр төгссөн дугаартай автомашин замын хөдөлгөөнд оролцохгүй бол ирэх амралтын өдрүүдэд дугаарын хязгаарлалт үйлчлэхгүй.
Автомашины улсын дугаарын сүүлийн орноор хязгаарлагдах зохицуулалтыг сануулж байна.
Дугаарын хязгаарлалт 08:00-20:00 цагийн хооронд үйлчлэх журамтай.