Month: September 2023

“Монголын сайхан орон” бүрэн хэмжээний тоглолт Сиднейн дуурийн театрт тоглогдлоо DNN.mn

Монгол Улсын Филармонийн Морин хуурын чуулга анх удаагаа Австралийн Холбооны Улсын Сиднейн дуурийн театрт Монгол Улсын Урлагийн гавьяат зүтгэлтэн Д.Түвшинсайхан удирдаачаар удирдуулан “Монголын сайхан орон” бүрэн хэмжээний тоглолтоо толилууллаа.

“Монголын сайхан орон” тоглолтод Монгол Улсын Хөдөлмөрийн баатар, Ардын жүжигчин, Төрийн хошой шагналт, хөгжмийн зохиолч Н.Жанцанноров, Монгол Улсын Хөдөлмөрийн баатар, Чингис хаан одонт, Төрийн шагналт, Урлагийн гавьяат зүтгэлтэн, хөгжмийн зохиолч Б.Шарав нарын бүтээлүүд эгшиглэсэн юм.

Мөн тоглолтод Улсын Дуурь, бүжгийн эрдмийн театрын гоцлол дуучин МУГЖ Б.Гомбо-Очир, дуурийн гоцлол дуучин МУГЖ Ө.Уянга нар оролцлоо гэж Монгол Улсын Филармониос мэдээллээ.

мэдээ эдийн-засаг

Чанаргүй зээлийн өрийн үлдэгдэл 2.2 их наяд төгрөг болжээ DNN.mn

Post author By Админ
Post date 2023-09-15
No Comments on Чанаргүй зээлийн өрийн үлдэгдэл 2.2 их наяд төгрөг болжээ DNN.mn

Монгол Улсын нийгэм, эдийн засгийн 2023 оны эхний найман сарын голлох үзүүлэлтүүдийг ҮСХ-ны Хөдөө аж ахуй, байгаль орчин, үйлдвэрлэлийн статистикийн хэлтсийн дарга Э.Мягмарханд танилцууллаа.

Мөнгөний нийлүүлэлт (М2) энэ оны наймдугаар сард 32.6 их наяд төгрөг болж, өмнөх оны мөн үеэс 5.7 их наяд төгрөгөөр буюу 21% нэмэгджээ.

Өмнөх оны мөн үетэй харьцуулахад:

Анхаарал хандуулах зээлийн өрийн үлдэгдэл 1.4 их наяд төгрөг болж, 16.2 хувиар өсөж,
Чанаргүй зээлийн өрийн үлдэгдэл 2.2 их наяд төгрөг болж, 11.7 хувиар (294 тэрбум төгрөгөөр) буурсан үзүүлэлт аж.

Нийт зээлийн өрийн энэ оны наймдугаар сард 25.8 их наяд төгрөг болж, өмнөх оны мөн үеэс гурван их наяд төгрөгөөр өссөн байна.

мэдээ нийгэм

Хүүхдээ хоёр нас хүртэл харж байгаа эцэг, эхийн ЭМД-ын шимтгэл төлөлтийг төрөөс 100 хувь хариуцна DNN.mn

Хүүхдээ хоёр нас хүртэл, ихэр хүүхэд бол гурван нас хүртэл харж буй эцэг, эхийн ЭМД-ын шимтгэлийг төрөөс хариуцан төлөхийг Эрүүл Мэндийн Даатгалын Ерөнхий Газраас мэдээллээ.

Тодруулбал ЭМД-ыг нь төрөөс хариуцан төлдөг иргэнд 0-18 насны хүүхэд, тэтгэврээс өөр мөнгөн орлогогүй, нийгмийн халамж дэмжлэг зайлшгүй шаардлагатай, цэргийн алба хаагч, хүүхдээ хоёр нас (ихэр бол 3 нас) хүртэл харж буй эцэг, эх, тодорхой хугацаагаар эрхээ хязгаарлуулсан иргэд багтдаг.

Хэрэв хүүхдээ асарч буй хугацааны ЭМД-ын шимтгэл төлөгдөөгүй бол 1800-1363 дугаарын утсанд хандах боломжтой юм байна.

цаг-үе эдийн-засаг

ҮСХ: Улсын дундаж цалин 1.9 сая төгрөг байна DNN.mn

Post author By Админ
Post date 2023-09-15
No Comments on ҮСХ: Улсын дундаж цалин 1.9 сая төгрөг байна DNN.mn

Үндэсний Статистикийн Хороо(ҮСХ)-ноос өнөөдөр манай улсын оны эхний найман сарын эдийн засгийн үзүүлэлтүүдийг танилцуулав.

Тухайлбал улсын дундаж цалин 1.9 сая төгрөг гарлаа. Харин медиан цалин 2023 оны хоёрдугаар улиралд 1.4 сая төгрөг байна. Энэ нь өмнөх улирлаасаа 82.3 мянган төгрөгөөр нэмэгдсэн үзүүлэлт юм.

Дундаж цалинг салбараар нь авч үзвэл олон улсын байгууллага, суурин төлөөлөгчийн үйл ажиллагааны салбарт ажиллаж буй хүмүүсийн цалин хамгийн их буюу 5.5 сая төгрөг байгаа бол хамгийн бага цалинтайд урлаг, үзвэл үйлчилгээ болон тоглоом наадмын салбарын ажилтнууд оров. Тэдний дундаж цалин 1.2 сая төгрөг байгаа юм.

Мөн уул уурхай, олборлолтын салбарынхан 4.6 сая төгрөгийн цалин авч байна.

Түүнчлэн дундаж цалинг хүйсээр нь авч үзвэл эрчүүдийнх 2.1 сая, эмэгтэйчүүдийнх 1.7 сая төгрөг байгааг ҮСХ-ноос танилцуулав.

нийгэм цаг-үе

Нийслэлд 492 цэгээр шахмал түлш борлуулж эхэллээ DNN.mn

Post author By Админ
Post date 2023-09-15
No Comments on Нийслэлд 492 цэгээр шахмал түлш борлуулж эхэллээ DNN.mn

Тавантолгой түлш” компаниас мэдээлэл хийлээ.

Галлагааны улирал эхэлж байгаатай холбогдуцлан Улаанбаатар хотын 7 дүүргийн хэмжээнд нийт 492 борлуулалтын цэг ажиллаж эхэлсэн байна.

Өнгөрсөн жил нийслэлд 655 борлуулалтын цэг ажилласан. Тэдгээр цэгүүдийн үйл ажиллагаанд хийсэн ажлын хэсгийн дүгнэлтээр 492 цэг сайн үнэлгээ авсан бөгөөд тэд нээлттэй сонгон шалгаруулалтад орж тэнцсэн байна. Үлдсэн 163 цэгийн борлуулагчдыг тодорхой сургалтад хамруулж мэдээлэл, арга зүйгээр хангасны дараа ирэх сарын 1-ээс үйл ажиллагааг үе шаттай эхлүүлнэ.

Өнөөдрийн байдлаар шахмал түлшний 118 мянган тоннын нөөцтэй байна.

Шахмал түлшний түгээлтийн үйл ажиллагаа эрхлэх 31 компанийн 400 гаруй тээврийн хэрэгсэл үйлдвэр болон агуулахаас шахмал түлшийг тээвэрлэн борлуулалтын цэгүүдэд түгээж байна.

нийгэм цаг-үе

Уулархаг нутгаар нойтон цас орж, ихэнх нутгаар сэрүүснэ DNN.mn

Post author By Админ
Post date 2023-09-15
No Comments on Уулархаг нутгаар нойтон цас орж, ихэнх нутгаар сэрүүснэ DNN.mn

Малчид, иргэд, тариаланчид, хадланчдад зориулсан мэдээ: Өнөө, маргаашдаа төв болон зүүн аймгуудын нутгаар үргэлжилсэн бороо, ялангуяа өнөөдөр Сэлэнгийн өмнөд, Төв аймгийн зүүн, Хэнтийн нутгаар ахиухан хэмжээний бороо, Хангай, Хөвсгөлийн уулархаг нутгаар нойтон цас орж, ихэнх нутгаар сэрүүсэхийг онцгойлон анхааруулж байна.

2023 оны 09-р сарын 15-ны 08 цагаас 20 цаг хүртэл: Нутгийн төв болон зүүн аймгуудын нутгаар үүлэрхэг, бусад нутаар солигдмол үүлшинэ. Баруун аймгуудын нутгийн хойд, говийн аймгуудын зүүн хэсэг, төв болон зүүн аймгуудын ихэнх нутгаар бороо, уулархаг нутгаар нойтон цас орно.

Салхи нутгийн зүүн өмнөд хэсгээр баруун өмнөөс хойш эргэж, бусад нутгаар баруун хойноос секундэд 5-10 метр, говь, тал, хээрийн нутгаар секундэд 13-15 метр хүрч ширүүснэ.

Агаарын температур ихэнх нутгаар сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Орхон, Хараа, Ерөө, Туул, Тэрэлж голын хөндийгөөр 7-12 хэм, говийн бүс нутгийн өмнөд хэсэг, Дарьгангын тал нутгаар 19-24 хэм, бусад нутгаар 13-18 хэм дулаан байна.

мэдээ улс-төр

Ерөнхийлөгч У.Хүрэлсүх Бүгд Найрамдах Куба Улсын Ерөнхийлөгчтэй уулзав DNN.mn

Монгол Улсын Ерөнхийлөгч Ухнаагийн Хүрэлсүх Бүгд Найрамдах Куба Улсад болох Хөгжиж буй орнуудын 77-гийн бүлгийн дээд түвшний уулзалтад оролцохоор тус улсад хүрэлцэн ирэв.

Монгол Улсын Ерөнхийлөгчийг Хавана хотын “Хосе Марти” олон улсын нисэх онгоцны буудалд Монгол Улсаас Бүгд Найрамдах Куба Улсад суугаа Онц бөгөөд Бүрэн эрхт Элчин сайд С.Золжаргал, Бүгд Найрамдах Куба Улсын Сангийн сайд Владимир Рэгейро нар угтан авав.

БНКУ-ын Төрийн хүндэт харуулын захирагч айлтгал өргөсний дараа Ерөнхийлөгч У.Хүрэлсүх мэндчилгээ дэвшүүлэхдээ Латин Америкийн орнуудаас анх удаа Куба Улстай дипломат харилцаа тогтоосныг хэлээд, харилцаа, хамтын ажиллагаа өргөжин хөгжинө гэдэгт итгэлтэй байгаагаа илэрхийлэв.

Монгол Улсын Ерөнхийлөгч Ерөнхийлөгч Ухнаагийн Хүрэлсүх мөн өдөр тус улсын Ерөнхийлөгч Мигель Марио Диаз-Канел Бермудезтай уулзлаа.

Ерөнхийлөгч У.Хүрэлсүх Куба Улс 77-гийн бүлгийг 2023 онд даргалж, шинжлэх ухаан, технологи, инновацын асуудлаарх дээд түвшний уулзалтыг зохион байгуулж буйд баяр хүргэв.

Куба Улсын Засгийн газар олон жилийн турш монголын оюутан залууст олгож ирсэн тэтгэлгийг цаашид нэмэгдүүлэхээр болсныг Ерөнхийлөгч Мигель Марио Диаз-Канел Бермудез хэлэв.

Хоёр улсын төрийн тэргүүн харилцаа, хамтын ажиллагаа, тэр дундаа анагаах ухаан, биотехнологи, соёл, боловсрол, хөдөө аж ахуй, биологийн болон байгалийн гаралтай бүтээгдэхүүн, биеийн тамир, спорт зэрэг салбарын харилцааг өргөжүүлэн хөгжүүлэх, оюутан солилцоог нэмэгдүүлэх болон харилцан сонирхсон бусад асуудлаар ярилцав.

Тус улсын Ерөнхийлөгч Мигель Марио Диаз-Канел Бермудез Монгол Улсад тааламжтай цагтаа айлчлах урилгыг талархан хүлээн авч, 2024 онд айлчилна гэдгээ илэрхийлэв.

Монгол Улс, БНКУ 1960 оны 12 дугаар сарын 07-ны өдөр дипломат харилцаа тогтоосон. Уламжлалт, найрсаг харилцаатай. Монголын талаас 1972 онд Ю.Цэдэнбал тэргүүтэй нам, засгийн дээд хэмжээний төлөөлөгчид, Кубын талаас 1970 онд нам, засгийн удирдагч Раул Кастро нар харилцан айлчилсан түүхтэй.

мэдээ нийгэм цаг-үе

Өнөөдрөөс дугаарын хязгаарлалт хэвийн үргэлжилнэ DNN.mn

Post author By Админ
Post date 2023-09-15
No Comments on Өнөөдрөөс дугаарын хязгаарлалт хэвийн үргэлжилнэ DNN.mn

Жил бүрийн хичээлийн шинэ жил эхлэх үед Улаанбаатар хотын замын түгжрэл нэмэгддэг. Иймд автомашинуудыг улсын дугаарын тэгш, сондгой тоогоор хязгаарлаж хөдөлгөөнд оролцуулах арга хэмжээг авч хэрэгжүүлдэг.

Түгжрэл бууруулах үүднээс улсын дугаарын тэгш, сондгой тоогоор хязгаарлаж хөдөлгөөнд оролцуулах өдрийг 20 хоног болгож сунгасан юм.

Тэгвэл 20 хоногийн хугацаа дуусаж өнөөдрөөс автомашиныг долоо хоногт нэг удаа улсын дугаарын тоогоор хязгаарлаж хөдөлгөөнд оролцуулдаг зохицуулалт хэвийн мөрдөгдөнө.

нийгэм цаг-үе

Буйр нуурын элсний нүүдэл, цөлжилтийн мониторингийн ажлыг хийлээ DNN.mn

Post author By Админ
Post date 2023-09-15
No Comments on Буйр нуурын элсний нүүдэл, цөлжилтийн мониторингийн ажлыг хийлээ DNN.mn

Буйр нуур-Мэнэнгийн талын сав газрын захиргаанаас ажлын хэсэг байгуулагдаж 2023 оны 09 сарын 13-14-ний өдрүүдэд Буйр нуурт ажиллаж Буйр нуурын элсний нүүдлийн мониторинг судалгааны ажлыг хийж гүйцэтгэв. Судалгааны ажлыг жил бүр тогтмол нэг цэгт хийж харьцуулалт тандалт хийнэ.

Мөн Сав газарт хамаарах сумдад уул уурхайн чиглэлээр үйл ажиллагаа явуулдаг байгууллагуудын ус ашиглалт, тоолуур суурилуулалтын ажилд хяналт тавьж мэргэжил аргазүйн зөвлөгөө өгч ажиллаж байна гэж Буйр нуур-Мэнэнгийн талын сав газрын захиргаанаас мэдээллээ.

нийгэм цаг-үе