3 нүүр
Month: June 2023
Тайландын агаарын тээвэрлэгч Бангкок-Улаанбаатар чиглэлд шууд нислэгийг эхлүүллээ.
ThaiVietJet компани нь 165 хүний суудалтай Airbus A-321 маягийн агаарын хөлгөөр долоо хоногт нэг удаа хуваарьт нислэг үйлдэх бөгөөд, цаашид зорчигч урсгалаас хамаарч нислэгийн давтамжийг нэмэгдүүлж ажиллана.
- Засгийн газрын Агаарын тээврийг либералчлах бодлогын хэрэгжилт.
- “Монголд зочлох жил 2023-2025”-д шинэ зах зээл, шинэ урсгал.
- ШУУД-ХЯМД-ХҮРТЭЭМЖТЭЙ нислэг
- “МИАТ” компани нь Тайландын чиглэлд 10 дугаар сараас 4 дүгээр сар хүртэл зөвхөн улирлын чанартай нислэг үйлддэг байсан бол ThaiVietJet компаний нислэг эхэлснээр хоёр талын аялагч, жуулчид, бизнесийн төлөөлөл, иргэдийн урсгал жилийн турш тасралтгүй шууд зорчих боломжтой боллоо
“Трио” уран сайхны кино Энэтхэг Улсад зохион байгуулагдсан “Будда” олон улсын кино наадмаас бүрэн хэмжээний уран сайхны шилдэг кино номинацийн ялагчаар тодорч, арав дахь шагналаа хүртлээ.
Өнгөрсөн хоёрдугаар сарын 23-нд Монгол Улсад нээлтээ хийж, үзэгчдийн хүртээл болсон тус кино нь Тайланд, АНУ, Польш, Монгол, Эстони, Канадын олон улсын хүндтэй кино наадамд оролцож шилдэг кино, шилдэг зураглаач, шилдэг продюсер, шилдэг найруулагч, үзэгчдийн нэрэмжит болон кино наадмын шилдэг кино, шилдэг эрэгтэй жүжигчин зэрэг шагналын эзэн болсон билээ.
Манай улсын хувьд сургуулийн орчинд 2006 оноос эхлэн “Үдийн цай” хөтөлбөрийг хэрэгжүүлэх болж үе шаттайгаар нэмэгдүүлсээр ирсэн.
ЕБС-ийн хоол үйлдвэрлэл, үйлчилгээний тухай хуулийг 2019 онд баталсан бол 2021 онд “Үдийн цай”-г “Үдийн хоол” болгон өргөжүүлж, 1500 төгрөгт багтаан халуун хоолоор бага ангийн сурагчдад үйлчлэх болсон юм.
Сургуулийн өмнөх боловсролоос эхлээд мэргэжлийн сургалтын байгууллагын дотуур байрны оюутнууд гээд нийт 730 орчим мянган хүүхдэд 1500-4300 төгрөгийн хоолоор үйлчилж байна.
Нийт дүнгээр нь авч үзвэл, 2022-2023 оны хичээлийн жилд суралцагчдын хоолонд 176.5 тэрбум төгрөгийг зарцуулжээ.
2023 оны зургаадугаар сарын 05-ны байдлаар Улаанбаатар хотод хүнсний гол нэрийн барааны дундаж үнэ өмнөх сараас 4.4 хувиар, өмнөх 7 хоногоос 1.0 хувиар тус тус өссөн байна.2023 оны зургаадугаар сарын 05-ны байдлаар аймгийн төвүүдэд зарагдаж байгаа хүнсний зарим гол нэрийн барааны дундаж үнийг танилцуулж байна.
ТОЙМ: Нэрт нийтлэлч Баабарын “Юмжээ гуай” хэмээх нийтлэл хэвлэгдлээ DNN.mn
-Угаарын хордлогоор нас барсан хүмүүсийн гурав нь хүү хэд байжээ –
Хүүхдийн баярын урьд шөнө буюу өнгөрсөн тавдугаар сарын 31-ний шөнө нийслэлд олон тооны хүн угаартаж, нас барсан ноцтой хэрэг гарчээ.
Энэ талаар Нийслэлийн онцгой байдлын газраас тодруулахад “Тийм үйл явдал болоогүй” гэсэн тайлбар өгсөн юм. ОБЕГ-аас тодруулахад “Дорнод аймагт айлын гэр шатаж хоёр хүн нас барснаас өөрөөр ноцтой хэрэг гараагүй” гэв. ЦЕГч “Угаарын хордлогоор нас барсан мэдээлэл бүртгэгдээгүй” хэмээн тас нуув.
Бид энэ мэдээллийн мөрөөр Цэргийн төв эмнэлгийг өчигдөр зорьж очсон юм. Тус эмнэлгийн хоёрдугаар давхарт Хордлогын яаралтай тусламжийн үндэсний төв байрладаг. Нийслэлийн хэмжээнд бүхий л хордлоготой холбоотой дуудлага мэдээлэл, өвчтөнүүд тус төвд хүргэгдэж ирдэг. Биднийг явж очсон 15:00 цагийн үед тус төвөөр хөл хөдөлгөөн ихтэй, голдуу цэрэг цагдаагийн хүмүүс угтах ажилтнаас ямар нэгэн үйлчилгээ авч байгаа харагдав.
Харин эргэлтийн хаалган дээр ахимаг насны хоёр хүн сууж харагдана. Тэд хэрэг явдлын талаар дуулаагүй бололтой, дээрх мэдээлэлд өөрсдөө ч цочирдож байв. Сувилагч бололтой тариа барин алхаж явсан залуухан бүсгүйгээс тодруулахад “Лавлаад ирье” гээд тасаг руугаа явж оров.
Нэлээд удсаны дараа гарч ирээд “Угаартсан хүмүүс ирсэн нь үнэн. Гэхдээ дэлгэрэнгүй мэдээлэл өгөхгүй” хэмээн явж одов. Нэрээ нууцалсан нэгэн албан тушаалтантай цөөн хором уулзлаа. Тэрбээр “Манайх батлан хамгаалах салбарынх. Тэгэхээр зөвшөөрөлгүйгээр ямар нэгэн мэдээлэл задлах боломжгүй. Угаарын хордлоготой холбоотой нэгдсэн мэдээлэл Нийгмийн эрүүл мэндийн үндэсний төв дээр нэгтгэгддэг. Тэндээс асууж болох байх” гэсэн юм.
Үнэхээр ч Цэргийн төв эмнэлэг дээр энэ мэдээлэл нэлээд хаалттай байгаа нь ажиглагдав. Хүн бүр зөвшөөрөлтэй ярина гэх нь хүмүүс олноор угаартаж, эндсэн үйл явдлыг батлах шиг. Тиймээс Нийгмийн эрүүл мэндийн үндэсний төвийг зорьж очлоо. Үүдний угтагч эмэгтэй угаарын хордлогыг хариуцдаг албан тушаалтнуудын оффислодог өрөөг зааж өглөө. Явж орвол дөрвөн хүн сууж байх аж. Тэднээс өнгөрсөн сарын 31-нд угаартсан иргэдийн талаар тодруулахад “Зөвхөн 31-ний угаарын хордлогыг асууж байгаа хэрэг үү. Удирдах албан тушаалтны зөвшөөрөл хэрэгтэй” гэцгээн, нэг нь дарга руугаа утас цохиж зөвшөөрөл хүслээ. Мэргэжилтэн бүсгүй нэлээд тайлбарласны эцэст зөвшөөрөл авч, бид ярилцлага авах эрхтэй болов. Гэхдээ ярилцлагыг тус төвийн Хими, цацрагийн аюулгүй байдлыг хариуцсан Г.Номуунтуул хэмээх мэргэжилтнээр яриулахаар өрөөнийхөн тохиролцов. Ийнхүү бид энэ сарын 31-нд болсон угаарын хордлогын талаар дараах мэдээллийг авлаа.
-Нэг шөнийн дотор олон хүн угаартаж, нас барсан хэрэг гарсан талаар дууллаа. Ийм хэрэг гарсан уу?
-Өнгөрсөн тавдугаар сарын 31-ний шөнө 25 хүн угаартсан. Тэднээс найм нь нас барсан харамсалтай явдал болсон. Нас барсан хүмүүс дунд таван настай хоёр, 17 настай нэг хүүхэд байсан. Бусад нь насанд хүрэгчид.
-Бусад хүмүүсийн биеийн байдал ямар байгаа вэ. Хаана эмчлэгдэж байна вэ?
-Цэргийн төв эмнэлэг дээр 17 хүн эмчлүүлж байгаа. Хоёр нь хүнд, бусад нь биеийн байдал хүндэвтэр байгаа гэсэн мэдээлэл авсан. Угаар гэдэг химийн бодисын хордлого гэж явдаг. Тиймээс Цэргийн төв эмнэлгийн Хордлогын яаралтай тусламжийн үндэсний төвийнхөн тусламж үйлчилгээ үзүүлдэг шүү дээ. Насанд хүрэгчдийг энэ төв рүү, бага насны хүүхэд нь ЭХЭМҮТ рүү хүргэдэг.
-Угаарын шалтгаан юу байсан юм бол?
-Тавдугаар сарын 31-ний өдөр нийслэл даяар нэлээд бороотой байсныг санаж байгаа байх. Нэлээд сэрүүн байсан учраас айл өрхүүд гэртээ галлагаа хийсэн. Ихэнх нь сайжруулсан түлшээ түлсэн. Бороотой өдөр айл өрхүүд яндангаа аваад, өрхөө бүтээдэг. Сайжруулсан түлш угаасаа үнэргүй, утаа униар нь харагддаггүй болохоор хүмүүс угаартаж байгаагаа мэдээгүй. Дулаан орчихсон болохоор хүмүүс гэрээ галлахгүй байж байгаад гэнэт бороо ороод хүйтрэнгүүт галлаад, гал бүрэн унтарч амжаагүй байхад яндангаа авах зэргээр угаартдаг гэсэн юм.
Б.ЗАЯА
Ө.АНХЗАЯА
Нийгмийн халамжийн тэтгэвэр, тэтгэмж, хөнгөлөлт, тусламжийг олгох зургадугаар сарын хуваарь гарчээ.
Тухайлбал, ахмад настнуудын тэтгэвэр, асаргааны тэтгэмж, насны хишиг, хүнсний талон зэрэг 10 төрлийн тэтгэмж, тусламжийг зургаадугаар сарын 15-наас олгоно.
Харин хүүхдийн мөнгө болон олон хүүхэдтэй өрх толгойлсон эцэг, эхэд олгох тэтгэмжийг зургаадугаар сарын 20-нд шилжүүлэх хуваарьтай байна.
Дэлгэрэнгүй хуваарь:
Францын нийгмийн сүлжээнд дор хаяж 150,000 орчим иргэдийн “тархи угаах” зорилготой идэвхтэй нөлөөлөгч маркетинг буюу инфлүүнс (iinfluencer) маркетинг ажиллаж байдаг аж. Нийгмийн сүлжээний YouTube, Instagram, TikTok, Facebook болон бусад платформ дээр олон дагагчидтай блогчид, алдартнууд нөлөөлөх маркетингийн сурталчлагчид болдог байна. Сүүлийн таван жилийн хугацаанд дэлхийн нөлөөллийн маркетингийн зах зээл бараг 10 дахин өссөн бөгөөд үүнд оруулсан доллар бүр эзэндээ 5.5 доллар авчирч байгаа нь тогтоогджээ. Судалгаагаар нөлөөллийн бизнес нь цар тахлын үед хямралд өртөөгүй бөгөөд зар сурталчилгааны зардал нь 2019 оноос хойш хоёр дахин нэмэгдэж, 10.5 тэрбум еврогоос 25.5 тэрбум евро болж өссөн байна. Мэргэжилтнүүдийн таамаглаж буйгаар энэ зах зээл цаашид ч өсч, 2025 он гэхэд түүний хэмжээ 38 тэрбум гаруй еврод хүрэх гэнэ.
Францын Эдийн засаг, нийгмийн асуудал эрхэлсэн комиссоос гаргасан тайланд эдгээр нөлөөлөгч инфлүүнсэр хүмүүсийн 80 хувь нь жилд 4000 еврогоос бага орлого олж, тэдний ердөө 15 хувь нь энэ ажлаар орлого олж амьдардаг болохыг дурджээ. Иймд Францын Үндэсний ассемблей өнгөрсөн сарын 9-нд нөлөөлөгчдийн үйл ажиллагааг зохицуулах, нийгмийн сүлжээний хүчирхийлэлтэй тэмцэхэд чиглэсэн хуулийг хэлэлцэж гишүүд анхны хэлэлцүүлгээр уг хуулийг санал нэгтэй баталсан байна. Францын сенаторууд уг хуулиар зар сурталчилгааны хоригийг дагаж мөрдөөгүй эсвэл арилжааны зорилгыг нуун дарагдуулсан нөлөөлөгчдийн шийтгэлийг чангатган хоёр жил хүртэл хорих ял оноох эсвэл 300,000 еврогийн торгууль оногдуулахаар болжээ. Мөн гоо сайхны мэс заслыг сурталчлах, эмчилгээ хийлгэхээс татгалзахыг дэмжих, никотины уутны сурталчилгаа, спорт бооцооны таамаглалыг сурталчлах, захиалга авах, гэртээ байлгахыг хориглодог амьтадтай хийсэн үзүүлбэр зэргийг нийгмийн сүлжээнд байршуулахыг хоригложээ. Гэхдээ мөрийтэй тоглоом, согтууруулах ундаа, хэт өөх тос, давслаг, чихэрлэг хоол хүнсийг сурталчлахыг хориглосон нэмэлт өөрчлөлтийг батлаагүй байна.
Австри улсад “Зар сурталчилгааны зөвлөл” нь нөлөөллийн маркетингийг хариуцан ажиллаж хэвлэл мэдээллийн хэрэгсэл, хэрэглэгчийн эрхийг хамгаалах хуулийн дагуу шийтгэл оногдуулах этгээдийг холбогдох байгууллагад шилжүүлдэг байна. Харин Бельги улсад сүүлийн жилүүдэд энэ талаар хэд хэдэн зөрчилдөөнтэй хууль тогтоомжууд батлагдсан бөгөөд үүний үр дүнд зохицуулалтын эмх замбараагүй байдал үүсчээ. Иймээс 2022 оноос Эдийн засгийн яам, Хэрэглэгчийн эрхийг хамгаалах зөвлөл нөлөөлөгчдөд “Эдийн засгийн хууль”-д заасан зар сурталчилгааны заалтуудыг дагаж мөрдөхийг шаардах болж зөрчвөл 80,000 еврогийн торгууль ногдуулдаг болжээ. Их Британийн Засгийн газар нөлөөллийн маркетингтай холбоотой шинэ хууль батлахаас татгалзсан тул энэ салбарыг одоо мөрдөгдөж буй “Зар сурталчилгааны практикийн дүрэм”, 2008 оны “Шударга бус худалдааны журмын эсрэг хэрэглэгчийн эрхийг хамгаалах” хуулиар зохицуулж байна. Их Британийн зар сурталчилгааны салбарыг “Advertising Standards Alliance” хянадаг бөгөөд тэд саяхан зах зээлийн нөхцөл, байдлыг нарийвчлан тайлбарласан “Нөлөөллийн гарын авлага”-ыг нийтэлсэн байна. Энэ улсад хууль зөрчвөл хорих хүртэл ял оноож байна. Германд Шударга бус өрсөлдөөний тухай хууль, Телемедиа хууль, Германы холбооны улс хоорондын өргөн нэвтрүүлгийн гэрээ нь зар сурталчилгааны дүрмийг тогтоож өгдөг. Энд нөлөөллийн маркетингийн талаар тусгайлсан хууль байхгүй ч олон нийтийн мэдээллийн хэрэгсэлд буй нөлөөлөгчдийн талаар ирсэн гомдлын дагуу шүүхээр оруулж асуудлыг шийддэг байна. Ирландын Хэрэглэгчийн эрхийн тухай хууль нь хэрэглэгчдийг худал, төөрөгдүүлсэн зар сурталчилгаанаас хамгаалдаг байна. Итали улс 2019 онд нийгмийн сүлжээний нөлөөлөгчид болон компаниудад заавал дагаж мөрдөх дүрэм гаргасан нь амжилттай хэрэгжиж байна. Итали улс уг дүрмээр зах зээлд оролцогчдоос хамгийн ил тод байдлыг шаарддаг.
Хэрэв контентыг зохисгүй байрлуулсан бол брэнд болон нөлөөлөгч хоёулаа хариуцлага хүлээх бөгөөд хоёр талд таван сая еврогийн торгууль ногдуулдаг байна. Испани улсад нөлөөллийн маркетинг нь шударга бус өрсөлдөөний хуульд захирагддаг аж. 2020 онд зар сурталчилгаанд нөлөөлөгчдийг ашиглах ёс зүйн дүрмийг нийтэлсэн бөгөөд үүнд 900 гаруй компани бүртгүүлжээ. Зар сурталчилгааны тангарагтны шүүх нөлөөллийн талаарх гомдлыг хүлээн авч хэлэлцэн шийдвэрлэдэг аж. Нидерланд улсын нөлөөллийн маркетингийн хууль нь Италитай бараг ижил байдаг онцлогтой юм байна. Италиас ялгаатай нь нөлөөлөгч эсвэл брэндийн аль нэг нь л хариуцлага хүлээж 450,000 еврогийн торгууль төлдөг аж. Энэ нь контентыг хэн хянаж байснаас хамаарч торгууль оногдуулна гэсэн үг ажээ.
Г.АМАРСАНАА