Гэмтэл согог судлалын үндэсний төвөөс энэ оны хоёрдугаар сарын 23-ны өдрийн тоон мэдээг танилцууллаа.
Тодруулбал, тус эмнэлгийн хүлээн авах яаралтай тусламжийн тасгаар 346 хүн үйлчлүүлжээ. Үүний 260 нь нийслэл, 86 нь орон нутгаас ирсэн иргэд аж.
Мөн тус өдөр 330 хүн хэвтэн эмчлүүлсэн буй бөгөөд 19 хүн эрчимт эмчилгээ хийлгэсэн байна.
Монгол Улсын гавьяат тамирчин Э.Цэндбаатар мэргэжлийн боксын АНУ дахь анхны тулаанаа Жиованни Гитеррезийн эсрэг Нью Йорк хотын Sony Hall цэнгэлдэхэд өнөөдөр хийлээ.
Э.Цэндбаатар гуравдугаар үед хүнд цохилтоор өрсөлдөгчөө буулган авав. Ингэснээр тэрбээр мэргэжлийн боксод таван удаа тулалдахдаа бүгдэд нь ялсан буюу 5-0 гэсэн амжилттай байна.
Тулааны дараагаар гавьяат тамирчин Э.Цэндбаатар “Би хүсэл мөрөөдлөө биелүүлэх гэж Америкт ирсэн. Өнөөдрийн тулаан гайхалтай байлаа. Би өдрөөс өдөрт сайжирсаар байх болно. Намайг дэмжиж буй бүх хүний итгэлийг алдалгүйгээр улам илүү гялалзана” хэмээн сэтгэгдлээ хуваалцлаа.
ӨДРИЙН СОНИНЫ АРХИВААС…….
Өчигдөр Хятадын цагаан сар боллоо. Цаад шөнө, шөнөжин буу тавьж, түн тан хийлгэсээр хонов. 12 цаг дуусч шинэ он гарч байгаа юм гэнэ. Хятадууд төдийгүй тэдэнтэй цус зүс холилдсон монголчууд мөн энэ өдөр шинэлцгээв. Өглөө маш олон хүн зүг чигээ гаргаж, цаас чулуу шидэлж байхыг харж ээ байхад өнөөдөр Улаанбаатарт өмнөд хөршийн уг гарвалтай хүмүүс багагүй хувь эзэлдэг бололтой. Яваандаа цагаан сар хоёр тусдаа, улаан хөхөөрөө хоёр тусдаа гэх мэтээр хуваагдал үүсэхээр болоод явчихлаа. Төр энэ талаар юу ч хэлэхгүй байсаар энэ өдрийг хүргэсэн. Бодвол бидний цагаан сар сарын дараа юмдаг уу. Энэ талаар цааш бичихээ азнаад хоол идэх хятад янз маягийн талаар ажигласнаа өгүүлэв. Хятадууд их урт насалдаг. Насладгийн учир нь хоолондоо гэдэг. Хоол гэвэл тэд нар одоогоор нисдэгээс онгоц, явдгаас галт тэрэгнээс бусдыг иддэг. Тарган хонины махыг хар халуунд өлгөөд тавьчихна. Дор нь түмпэн тавиад өтийг нь тосч авдаг. Тэр өтөө дараа нь тосонд хуураад иднэ. Гэх мэтчилэнгээр хятад хоолыг яриад дуусашгүй. Эд биднээс нэг л зүйлийг машид нууж байсан байдаг. Тэр нь аливаа хоолыг идэхдээ гүнээ мэхийн сэтгэлээсээ сүсэглэн иддэг юм байна. Сая цагаан сараар ажиж байхад хонины гэдэс идэж байна. Бөөрийг нь савхдав. Бөөр бөөрөнд сайн гээд л баахан магтах юм… Орчин үед усыг маш сайнаар магтан дуулахад тэнд сайн энерги хуримтлагдан ходоодонд орохдоо эм болдгийг шинжлэх ухаан нотлоод байгаа. Яг энэ аргыг хятадууд үеийн үед хэрэглэсээр урт насалсныг үхэр монгол бээр сая л анзаарах юм даа.
Ж.ГАНГАА
ӨДРИЙН СОНИНЫ АРХИВААС…….
Жүжигчин Кейт Уинслет, Леонардо ди Каприо нар “Титаник” киноны гол дүрд тоглож олны танил болсон билээ. Харин Кейт Уинслет “Өөрчлөлтийн зам” киногоороо саяхан хоёр “Алтан бөмбөрцөг”-ийн эзэн болсон юм.
-Та хоёр ч шинэ кинонд тоглож, хоёр хүүхдээ эрүүл саруул өсгөж байна. Таны хоёр дахь нөхөр Сэм Мендес Оскарын эзэн. Та хоёр их аз жаргалтай байгаа бололтой, тийм үү?
-Тиймээ, миний амьдрал үнэхээр ер бусын. Бурхан минь гэхдээ зүв зүгээр байж байгаад ийм болохгүй шүү дээ. Би бусад ажилсаг эмэгтэйч үүдийн адил завгүй байдаг. Хийх юмаа мартахгүйн тулд дандаа бичиж авдаг. Би чинь уралдах гэж байгаа морь шиг л яарч байдаг хүн. Нөхөр Сэм маань намайг үргэлж тайвшруулдаг. Саяхан гэхэд өглөө завтай байхдаа хүүхдийнхээ хувцасны шүүгээг янзалсан.
-Сэм та хоёр таван жил цуг амьдарч байна. “Өөрчл өлтийн зам” кино та хоёрын анхны хамтын бүтээл… -Миний хувьд түүнтэй хамтран ажиллах нь маш чухал байсан л даа. Түүнийг нөхөр, эцгийнх нь хувьд сайн мэддэг шигээ найруулагчийнх нь хувьд мэдрэх хэрэгтэй байсан. Ийм боломж ч гарсан. Жастин Хэйсийн бичсэн “Өөрчлөлтийн зам” киноны зохиолыг би уншаад л дурласан. Тиймээс Сэмд үзүүлсэн. Түүнд ч их таалагдсан.
-XX зууны дунд үед амьдарч байсан гэрийн эзэгтэй, түүний нөхөр хоёрын тухай түүх яагаад сэтгэлийг тань татав? -1950-иад оны үед яагаад гэрийн эзэгтэй нар тайвшруулах эм ихээр хэрэглэдэг байсныг би ойлгосон. Кино зураг эхлэхээс өмнө би Бетти Фридманы “Феминизмийн нууц” номыг уншсан. Энэ ном Жүжигчин Кейт Уинслет, Леонардо ди Каприо нар “Титаник” киноны гол дүрд тоглож олны танил болсон билээ. Харин Кейт Уинслет “Өөрчлөлтийн зам” киногоороо саяхан хоёр “Алтан бөмбөрцөг”-ийн эзэн болсон юм. 1963 онд хэвлэгдсэн юм. Өндөр боловсролтой мөртлөө сайн дураараа гэрийн боол болж, аз жаргалгүй амьдарч байсан тэр үеийн хүүхнүү- дийн тухай. Өдрийн хоолноос өмнө хүүхдүүд нь сургуулиасаа ирээгүй байхад л архи ууж эхэлдэг, орой нөхөр нь ажлаасаа ирэхэд үргэлжл үүлэн хамт уудаг байсан гэдэг.
-Та феминист үзэлтэн үү?
-Тийм гэж бодож байна. Гэхдээ жагсаал цуглаан хийдэг тэр утгаараа биш л дээ. Би эх хүн, гэртээ бол дарга нь, бүгдийг удирдах дуртай. Гэхдээ үүнд зарим нь дург үйцдэг. -Леонардо ди Каприог энэ кинонд тоглуулах санааг хэн гаргасан юм бэ?
-Леотой нөхөрлөсөн нь миний амьдралын нэг том ололт. Би Сэмтэй танилцахаас бүр өмнө Леотой танилцсан. Тэр миний найз залуу байгаагүй нь бидний харилцааг улам хялбар болгодог. Леог залуухан байхад бид “Титаник” кинонд тоглож бидний амьдрал өөрчлөгдсөн. Энэ бүхнээс үлдсэн сайхан зүйл гэвэл бидний нөхөрлөл. Бид хоёр хамтран ажиллаж байхдаа бие биеэ шууд л ойлгодог. Би юмыг хэрхэн хүлээж авдгийг Лео сайн мэддэг, түүний юу бодож байгааг ч би мэддэг.
-Та “Титаник”-ийг үздэг үү?
-Би нэг л удаа үзсэн. Гэхдээ хүүхдүүдээ том болохоор хамт үзэх юмсан гэж боддог. Охин маань найман настай, намайг жүжигчний мэргэжлээрээ мөнгө олдог гэдгийг сайн ойлгодог. Энэ нь түүний хувьд чухал биш. Түүний хувьд бол би ээж нь. Өглөө хичээлд нь хүргэж өгөхөд бусад хүүхдүүдийн ээжээс илүү анхаарлын төвд байдаг.
-”Өөрчлөлтийн зам” кинонд Эприл хүүхдүүдтэйгээ салах ёс гүйцэтгэхээр болдог. Тэгснээ шийдвэрээ өөрчилдөг. Энэ хэсгийн зургийг олон хувилбараар авсан уу?
-Би энэ хэсэгт анх тоглохдоо тэр хүн бол миний үеийн хүн бас над шиг охин, хүүтэй гэж төсөөлөн бодоход дотор маань муухайрч билээ.
Та охин Миагийнхаа ааваас салснаасаа хойш харилцаатай байдаг уу?
-Тэр дахин гэрлэсэн, эхнэр нь маш найрсаг эмэгтэй шүү. Бид хоёр сайн харилцаатай.
-Та нөхөр Сэм Мендестой яаж танилцсан бэ?
– 2001 онд миний тоглосон “Айрис” киног үзээд анх анзаарч “Donmar Warehouse” театр урьж тоглуулахаар шийдсэн гэсэн. Анх уулзаад түүний санал болгосон хоёр жүжгийн алинд нь ч тоглож чадахгүй гэдгээ хэлсэн. Учир нь яг тэр үеэр нь би кино зураг авахуулах ёстой байсан. Түүний утасны дугаарыг асуумаар байсан хэдий ч тэгээгүй. Түүнтэй анх уулзсан шөнө дотор маань эвг үйрч би сэрсэн. Чухам яагаад гэдгийг тэгэхэд ойлгосон. Дахин Сэмтэй уулзмаар санагдаж билээ. Миний найз Эмма Томпсон надад туслах гэж Сэм бид хоёрыг шорлогонд урьсан. Бид хоёр чинь их хуучинсаг үзэлтэй хүмүүс шүү дээ. Сүй тавиад бүтэн жил болсны дараа Карибийн тэнгист хуримаа хийсэн. Түүнээс таван долоо хоногийн дараа энэ тухай өөрсдөө хэвлэлийнхэнд мэдэгдсэн.
“Gala”
Сар шинийн баярын өдрүүдэд зах, худалдааны төв, сүлжээ дэлгүүрүүдийн ажиллах цагийн хуваарийг Улаанбаатар хотын Захирагчийн ажлын албанаас танилцууллаа.
Улаанбаатар хотод өнөөдөр суурин 22 цэгт 22 багийн 81 эмч, ажилтан ажиллаж коронавирусийн эсрэг вакцин хийж байна.
Та өөрт ойр вакцины аль ч цэгт очиж дархлаажуулалтад хамрагдах боломжтой.
Дархлаажуулалтын цэгүүд 10:00-15:00 цаг хүртэл ажиллана.
Сар шинийн баяр, амралтын өдрүүдэд Сүхбаатар аймгийн Дарьганга сумын нутагт орших Шилийн богд уулыг зорих иргэдийн тоо нэмэгддэг.
Тодруулбал, сар шинийн өдрүүдэд дунджаар 5,000 гаруй тээврийн хэрэгслээр 20,000-30,000 гаруй иргэн зорин очдог байна.
Цагдаагийн байгууллагаас эдгээр өдөр цагийн менежментийн дагуу хяналтын постыг ажиллуулан жолооч, зорчигчдын аюулгүй байдлыг ханган ажиллаж байгаа юм. Мөн орон нутагт зорчиж буй иргэдийг тээврийн хэрэгслийн бүрэн бүтэн байдлыг хангаж, баталгаат замыг сонгон өөрийн болон бусдын аюулгүй байдлыг хангахыг зөвлөв.
2023 оны хоёрдугаар сарын 21-ны өдрийн байдлаар манай орны ихэнх гол мөрний мөсний зузаан өмнөх арав хоногоос 5-30 см нэмэгдсэн хэдийч зарим гол мөрөн нуурын мөсний зузаан өмнөх арав хоногоос 5-10 см нимгэрч, мөс хэврэгшиж эхэлсэн байна.
Иймд Цагаан сарын өдрүүдэд малчид, ард иргэд золгуутаар хөдөө орон нутагт зорчихдоо зам хожих, цаг товчлох зэргээр мөсөн дээгүүр явахгүй байхыг онцгойлон анхааруулж байна.
Японы ерөнхий сайд Фумио Кишида Даваа гаригт Украинд 5.5 тэрбум ам.долларын санхүүгийн шинэ тусламж үзүүлэхээ мэдэгдлээ.
Мөн тэрбээр дайны нэг жилийн ойг тохиолдуулан Украины ерөнхийлөгч Владимир Зеленскийтэй “Их-7” бүлгийн онлайн уулзалтыг зохион байгуулна.
Японы нэгэн судалгааны төвөөс зохион байгуулсан Токиод болсон дэлхийн форумын үеэр Кишида хэлэхдээ, Украин Оросын түрэмгийлэлд өртсөөр байгаа бөгөөд ард түмэн нь оросуудын дайралтаас болж ихээхэн сүйдсэн өдөр тутмын амьдрал, дэд бүтцээ сэргээхэд тусламж хэрэгтэй байна гэжээ.
Энэ жилийн “Их-7” бүлгийн ерөнхийлөгчийн хувьд Кишида Оросын түрэмгийллийн нэг жилийн ойг тохиолдуулан Зеленскийн хамт Баасан гаригт онлайн дээд хэмжээний уулзалт зохион байгуулна гэж мэдэгдэв. Кишида анх удаа “Их-7”-ийн дээд хэмжээний уулзалтыг зохион байгуулах юм.
Япон улс АНУ болон Европын орнуудтай нэгдэн Оросын эсрэг хориг арга хэмжээ авч, Украинд хүмүүнлэгийн болон эдийн засгийн дэмжлэг үзүүлж байна.
БНХАУ-ын зэвсэгт хүчин улам хүчирхэгжиж, Бээжингийн өөрийн нутаг дэвсгэр гэж мэдэгддэг Тайванийг тойрсон хурцадмал байдлыг улам хурцатгаж байгаа энэ нөхцөлд Зүүн Азид дайны үр дагавар гарч болзошгүй хэмээн эмээж байгаа тул Япон яаралтай хариу арга хэмжээ авсан юм.
Кишида хэлсэн үгэндээ “Украин маргаашийн Зүүн Ази болж магадгүй” гэсэн санаа зовниж байгаагаас үүдэн шийдэмгий алхам хийснээ хүлээн зөвшөөрөв.
Япон улс өмнө нь Украинд эдийн засгийн яаралтай тусламж үзүүлэх зорилгоор 70 тэрбум иен буюу 520 сая ам.долларын зээл олгосон байна. Мөн тус улс орон гэрээ орхин дүрвэсэн 2000 гаруй украинчуудыг хүлээн авч, орон сууц, ажлын байр, боловсролыг дэмжихэд тусалсан.
ЭХ СУРВАЛЖ: ASSOCIATED PRESS