Month: December 2022

Categories
мэдээ нийгэм цаг-үе

Замын хөдөлгөөн ачаалалгүй, тогтмол хурдтай байна DNN.mn

Замын хөдөлгөөний удирдлагын төвөөс Улаанбаатар хотын замын хөдөлгөөний нөхцөл байдлыг 08:30 цагийн байдлаар танилцууллаа.

Энхтайваны өргөн чөлөө-Төв шуудангийн уулзвар Чингисийн өргөн чөлөө-Энхтайваны гүүр рүү урдаасаа хойш чиглэх хөдөлгөөн тогтмол хурдтай. Эсрэг урсгалын зам хойноос урагш чиглэх хөдөлгөөн хэвийн үргэлжилж байна.

Гадаад харилцааны яам руу баруунаас зүүн чиглэх хөдөлгөөн болон эсрэг хурдтай зам тогтмол хурдтай, хэвийн. Цэцэг төвийн уулзвар руу зүүнээс баруун чиглэх хөдөлгөөн хэвийн.

Ташрамд мэдээлэхэд өнөөдөр 1,6 тоогоор төгссөн автомашин замын хөдөлгөөнд оролцохгүй байх зохицуулалттай.

Categories
мэдээ спорт цаг-үе

Лионел Месси мөрөөдлөө биелүүлж, Аргентин дэлхийн гурван удаагийн аварга боллоо DNN.mn

Ням гаригийн орой Катар 2022 хөл бөмбөгийн ДАШТ-ий шигшээ тоглолт Аргентин, Францын багуудын хооронд өрнөж, тус тэмцээний түүхэнд хоёрт орох олон гоолтой өндөрлөлөө.

Үндсэн болон нэмэлт цагт тус бүр гурван гоолтой тэнцсэн багууд торгуулийн цохилтоор тоглолтын хувь заяаг шийдэхэд Аргентинчууд 4:2 харьцаагаар илүүрхсэн юм.

Аргентины од Лионел Месси ийнхүү мөрөөдлөө биелүүлж, үндэсний шигшээ багийнхаа гурав дахь дэлхийн аваргын цомыг өргөлөө.

Францын залуу од Килиан Мбаппе түүний замд саад болох гол хүн болж, ДАШТ-ий шигшээ тоглолтын түүхэнд хэт трик (гурван гоол) хийсэн хоёр дахь тамирчин болсон ч Аргентины шигшээ багийг хожиж чадсангүй.

Lionel Messi has finally won the FIFA World Cup, and can claim to be the greatest male footballer of all time - ABC News

Өмнө нь зөвхөн 1958 оны ДАШТ-ий шигшээ тоглолт долоон гоолтой (Бразил:Швед 5:2) өндөрлөж байсан нь өчигдрийн тоглолтын дээр гарах үзүүлэлт байв.

Өөр гурван шигшээ тоглолт 1930, 1938, 2018 онуудад зургаан гоолтой өндөрлөж байсан ч 4:2 харьцаагаар дуусаж байжээ.

Харин өчигдрийн тоглолт нийт зургаан гоолоор 3:3 харьцаатай тэнцэж өндөрлөсөн ДАШТ-ий цорын ганц шигшээ тоглолт болж байна.

Килиан Мбаппегаас өмнө шигшээ тоглолтод хэт трик хийсэн ганцхан тохиолдол байсан нь 1966 оны ДАШТ-д гаргасан Жоф Харстын үзүүлэлт байжээ.

Үүнээс гадна өчигдрийн тоглолт ДАШТ-ий шигшээ тоглолт торгуулийн цохилтоор шийдэгдсэн гурав дахь тохиолдол болж, түүхэнд бичигдэж байна.

Лионел Месси авсан цомынхоо цуглуулгад дутаж байсан хөл бөмбөгийн ДАШТ-ий цомыг ийнхүү нэмж авлаа.

Тэрбээр Ballon d’Or шагналыг долоон удаа, Аваргуудын Лигийн цомыг дөрвөн удаа, Копа Америка тэмцээний цомыг нэг удаа, Испанийн Ла Лигагийн аваргын цомыг 10 удаа, Францын Ligue 1 лигийн цомыг нэг удаа тус тус өргөж байсан юм.

Аргентины шигшээ баг гурван удаа (1978, 1986, 2022) дэлхийн аварга болсон амжилтаар улс орнуудаас дөрөвдүгээрт бичигдэх боллоо.

Одоогоор ДАШТ-д Бразил 5 удаа, Герман, Итали 4 удаа тус тус түрүүлсэн бол Аргентин 3 түрүүлээд байгаа юм.

Messi-led Argentina defeats France on penalties to cap thrilling men's World Cup final | CBC Sports

Франц болон Уругвайн шигшээ багууд хоёр түрүүтэй, Англи, Испанийн шигшээ багууд нэг нэг түрүүтэй удаалцгааж байна.

ДАШТ-ий цомыг нийт 8 улс өргөж байснаас шигшээ тоглолтод хоорондоо хамгийн олон удаа буюу гурван удаа таарсан багууд нь Аргентин, Герман хоёр юм.

Эдгээр шигшээ багууд 1986, 1990, 2014 онуудын ДАШТ-д аваргын цомын төлөө тоглоход зөвхөн 1986 онд Аргентины шигшээ хожиж байжээ

Categories
мэдээ нийгэм онцлох-нийтлэл туслах-ангилал

Д.Содном: Парламентыг хоёр танхимаас бүрдүүлж, Дээд танхим буюу Ардын их хуралтай болох өөрчлөлтийг Үндсэн хуульд хиймээр байна DNN.mn

Ерөнхий сайд асан Думаагийн Содномтой цаг үеийн асуудлаар товчхон ярилцлаа.

-Залуучууд Сүхбаатарын талбайд цуглаж Нүүрс хулгайлж, хөгжлийн боломж алдагдуулж байгаатай тэмцэхийг төр засгаас шаардаж байна. Жагсаалын талаарх таны байр суурь ямар байна вэ?

-Залуучууд Нүүрсний хулгайг таслан зогсоох асуудлаар арванхоёрдугаар сарын 4-ний өдрөөс эхлүүлсэн шаардлагаа тодорхой үр дүнд хүргэхийг хүсч олон хоног жагсаж байна. Нүүрсний хулгайг илчилж засах, алдагдаж байгаа боломжийг ашиглахын төлөөх Засгийн газрын үйл ажиллагааг дэмжиж байгаа залуучуудын энэ хөдөлгөөн олон талын ач холбогдолтой. Хулгайлах, завших явдал зөвхөн нүүрсний салбарт биш, бусад салбарт байгаа, ямар аргаар завшиж байгаа, тэдгээрт оролцдог гэмт этгээдүүд төрийн захиргааны албан хаагчид дотор байгаа нь энэ өдрүүдэд тодорхой болж байна. Хөгжилд саад болж байгаа эдгээр гэмт үйлдлүүдийг таслан зогсоож, хойшид гаргахгүй байх байнгын хяналттай болох нь чухал.

-Ийм хэмжээний хулгай гарах болсон шалтгааныг та юу гэж дүгнэж байна. Цагаан захтнуудын хулгайг таслан зогсоож байнгын хяналттай болоход бид ямар арга хэмжээ авбал зохилтой гэж та харж байна?

-Миний бодлоор хулгайн хэрэг гарч байгаа гол шалтгаан нь төр засгийн үйл ажиллагаанд ард түмний байнгын хяналт дутагдаж байгаа явдал. Бүр тодорхой хэлбэл, Үндсэн Хуулийн Засгийн бүх эрх ард түмний мэдэлд байвал зохих тухай заалтын дагуу Парламентын хууль тогтоох үндсэн үүрэгтэй нэг танхим буюу Улсын Их Хурал, Гүйцэтгэх засаглал буюу Засгийн газар, Шүүх засаглалын үйл ажиллагаанд тавих ард түмний хяналт дутаж байгаа явдал юм. Ийм учраас хойшид ийм завхрал гаргахгүй байх зорилгоор парламентыг хоёр танхимтай болгох, Дээд танхим буюу Ардын Их Хуралтай болох өөрчлөлтийг Үндсэн хуульд хийж, Засгийн бүх эрхийг ард түмний мэдэл, тэдний хяналтад өгөх асуудлыг шийдэх хэрэгтэй. Телевизээр жагсагчид, улс төрийн намуудын төлөөлөл, УИХ Засгийн газрын гишүүдийн уулзалтууд болж байгааг сонсож байхад асуудлын шалтгаан, шийдэх арга замыг тодорхойлж тохиролцсон үр дүнтэй ухаалаг хэлэлцүүлэг болохгүй байна. Ард иргэд Үндсэн хуулийн дагуу өөрсдийн сонгосон төрийн эрх барих дээд байгууллагад байх төлөөлөгчдөөр уламжлан төрийн үйл хэрэгт оролцож байх боломжгүй байгаа учраас талбайд жагсаж шаардлага тавихад хүрч байдгийг ухаарах юмсан.

Одоогоор дараах хоёр асуудлыг шийдэх нь зүйтэй байна. Нэгдүгээрт, Засгийн газар Нүүрсний хулгайд холбогдсон гэмт этгээдүүдийг илрүүлж, хуулийн байгууллагад шилжүүлэх, зохих ял шийтгэл оногдуулах арга хэмжээ авахад цаг хугацаа хэрэгтэйг анхаарах. Хууль зүйн сайдаас гэмт хэрэгтнүүдийн нэрийг зарла гэж шаардахын зэрэгцээ, хуулийн дагуу шалгалтыг шуурхай явуулж хариуцлага хүлээлгэж үр дүнг мэдээлэх шаардлага нь зөв. Хоёрдугаарт, парламентыг хоёр танхимтай болгох, Дээд танхим буюу Ардын Их Хуралтай болгох өөрчлөлтийг Үндсэн хуульд оруулах төслийг яаралтай боловсруулж, 2023 онд багтаан шийдвэрлээд 2024 онд шинэчилсэн хуулийн дагуу сонгууль явуулах. Миний энэ санал Засгийн бүх эрхийг ард түмний мэдэлд, тэдний хяналтад өгөх ач холбогдолтойг УИХ онцлон анхаарч шийдвэл үр ашигтай ажил болно.

-Таны дэвшүүлж байгаа санал зөвхөн нүүрсний хулгайгаар хязгаарлагдах санал биш гэж ойлгогдож байна…

-Тийм. Сүхбаатарын талбайд болж байгаа залуучуудын шаардлага бол зөвхөн нүүрсний хулгайчдын талаар тавьж байгаа шаардлага төдий юм биш, Монгол Улсын эдийн засаг, нийгмийн хөгжлийн 30 гаруй жилийн үр дүнгээр манай ард иргэд хийж байдаг дүгнэлтдээ үндэслэж, Үндсэн хуулиар олгогдсон эрхээ эдэлж төрийн хэрэгт оролцон, улс орноо хөгжүүлэх төлөө ард түмний тавьж байгаа зүй ёсны шаардлагын илрэл гэж ойлгох хэрэгтэй. Өнгөрсөн 30 гаруй жилд Монгол Улс хөгжсөн, улс орон, монгол хүн өөрчлөгдсөн. Гэвч хөгжлийн хүрсэн түвшин хангалтгүй байна. Үйлдвэрлэж байгаа бүтээгдэхүүний нэг хүнд оногдох хэмжээ дөрвөн мянга орчим ам.долларт хүрээд зогсонги байдалд орсон байна. Энэ үзүүлэлтээр хөрш хоёр улсын хүрсэн түвшингээс бараг гурав дахин доогуур байна. Ядуу иргэдийн хувь бараг буурсангүй. Үнэ тариф тасралтгүй өсч, төгрөгийн чадвар суларсаар байна. Гадаад өр 30 гаруй тэрбум ам.доллар боллоо. Чухам ийм учраас төр засаг урт, дунд хугацааны жилүүдэд эдгээр асуудлыг шийдэх, хоцрогдлыг арилгахад чиглэсэн тодорхой төсөл төлөвлөгөө боловсруулсан, тэр нь ард түмэнд ойлгогдсон, хэрэгжүүлэлтэд нь иргэн бүр идэвхтэй оролцдог байх нь чухал. Энэ үүднээс л ард түмэнд төрийн хэрэгт шууд оролцож байх эрхийг нь эдлүүлэх асуудалд анхаарах саналыг дэвшүүлж байгаа юм. Үндсэн Хуулийн нэг дүгээр бүлгийн 3 дугаар зүйлд “Засгийн бүх эрх ард түмний мэдэлд байна” гэсэн заалт бий.

Энэ бол Парламентын баталж байгаа хууль тогтоомж, Засгийн газрын үйл ажиллагаа, Шүүх засаглалын ажлыг ард түмэн хянаж байна гэсэн үг. Гэтэл Үндсэн хуулийн төрийн байгуулал хэмээх гуравдугаар бүлгийн заалтуудаар парламентыг хууль тогтоох онц эрхтэй, төрийн эрх барих дээд байгууллага болох УИХ гэсэн нэг танхимтай байхаар заасан учраас ард түмэн засгийн бүх эрхэд хяналт тавих, төрийн хэрэгт шууд оролцож байх эрхээ эдлэх аргагүй болсон. Одоо манайд засгийн бүх эрх ард түмний мэдэлд гэхээсээ улс төрийн намын мэдэлд байгаа.

Энэ бүхнийг л тогтолцооны гажуудал гэж үзэх ёстой байх. Энэ гажуудлыг засч Ардын Их Хурлыг байгуулж төр засгийн ажилд хяналт тавих эрхийг ард иргэдэд эдлүүлбэл Монгол Улсад парламентын засаглал төгөлдөржинө.

-Улс орны удирдагчид ямар аргаар ажиллах ёстой юм бол. Энэ талаар баримталдаг нийтлэг дүрэм журам байдаг болов уу?

-Улс орныг төдийгүй ямар нэг байгууллага, хамт олныг удирдаж байгаа хүний баримталдаг нийтлэг журам дүрэм байдаг. Тэр нь нэгдүгээрт, шийдэх шаардлагатай асуудлаа тодорхойлох. Хоёрдугаарт, тэр асуудлын шалтгааныг олж тогтоох. Гуравдугаарт, асуудлыг шийдэх аргуудыг тодорхойлж түүнээс хамгийн оновчтойг сонгох. Дөрөвдүгээрт, сонгосон арга хэмжээнүүдийн үр өгөөжийг хянаж дутууг нөхөж байх. Эдгээр асуудлаар хамт олон, мэргэжил туршлагатай хүмүүсийн саналыг авдаг байх нь чухал гэдэг.

Дээр дурдсан дэс дараагаар, тулгамдсан асуудал, түүний шалтгаан, шийдвэрлэх арга хэмжээг оновчтой тодорхойлох чадвартай, хамт олны дэмжлэг авч хэрэгжүүлдэг удирдагчидтай байх нь чухал.

Categories
мэдээ нийгэм цаг-үе

Үс засуулахад амгалан жаргалантай сайн DNN.mn

2022-12-19, Даваа гараг / БИЛГИЙН ТООЛЛЫН: 26

Аргын тооллын: 2022-12-19, Даваа гараг

Наран ургах шингэх: 08:37-17:01.

Үс засуулбал: Үс засуулахад амгалан жаргалантай сайн

Барилдлага: үл зохилдохын барилдлагатай өдөр.

-Билгийн тооллын 26, улаан морь, салхины эх-14 од, суудал мод, мэнгэ 1 цагаан, үл зохилдохын барилдлагатай өдөр.
-Өдрийн нар ургах/шингэх цаг: 08:37-17:01.
-Өдрийн сайн цаг: Морь(11:40-13:40), бич(15:40-17:40), хулгана(23:40-01:40), үхэр(01:40-03:40) болой.
-Хүний сүлд өвдөг, хацар, өвчүүнд, гэрийн сүлд гэр дотор орших болой.
-Үс засуулахад амгалан жаргалантай сайн. Гэвч хулгана, луу жилтнээ муу цээрлэвэл зохилтой.
-Хол газар явагсад зүүн урд зүгт мөрөө гаргавал зохистой.
-Нохой, бар, морь жилтнээ аливаа үйлийг хийхэд эерэг сайн. Харин хулгана жилтнээ сөрөг муу.
-Аливаа санасан үйлс сэтгэлчлэн бүтмүй. Харин байр сууц тохижуулах, гэр барих, засах, морь худалдах, уралдуулах, улаан идээ авах, ном сонсох, замд гарах, шинэ хувцас өмсөх, эд юм өгөх, мал худалдах, арилжаа хийхэд муу.
Categories
мэдээ нийгэм цаг-үе

Улаанбаатарт өдөртөө -14 хэм хүйтэн DNN.mn


УЛААНБААТАР ХОТ ОРЧМООР: Шөнөдөө багавтар үүлтэй, өдөртөө үүлшинэ. Цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор -28…-30 градус, бусад хэсгээр -21…-23 градус, өдөртөө -12…-14 градус хүйтэн байна.

Хур тунадас: Баруун болон төвийн аймгуудын нутгаар үүлшинэ, бусад нутгаар багавтар үүлтэй. Шөнөдөө баруун аймгуудын нутгийн хойд хэсэг, төвийн аймгуудын нутгийн баруун хойд хэсгээр, өдөртөө баруун аймгуудын нутгийн зүүн хэсэг, төвийн аймгуудын нутгийн зарим газраар цас орж, зөөлөн цасан шуурга шуурна.

Салхи: Нутгийн баруун хагаст баруун хойноос, бусад нутгаар баруунаас секундэд 6-11 метр, Алтайн уулархаг нутаг, говь, тал, хээрийн нутгаар секундэд 15-17 метр хүрч ширүүснэ.

Агаарын температур: Шөнөдөө Увс нуур болон Дархадын хотгор, Хүрэнбэлчир орчим, Завхан, Идэр, Тэс, Халх голын хөндийгөөр -32…-37 градус, Их нууруудын хотгор, Хангай, Хөвсгөл, Хэнтийн уулархаг нутаг, Эг-Үүр, Туул, Тэрэлж голын хөндийгөөр -25…-30 градус, Хангайн нурууны өвөр бэл болон говийн бүс нутгийн өмнөд хэсгээр -14…-19 градус, бусад нутгаар -20…-25 градус, өдөртөө Увс нуур болон Дархадын хотгор, Завхан голын эх, Тэс голын хөндийгөөр -22…-27 градус, Их нууруудын хотгор, Хангай, Хөвсгөлийн уулархаг нутаг, Хүрэнбэлчир орчим, Эг-Үүр, Халх голын хөндийгөөр -18…-23 градус, Монгол-Алтай, Хэнтийн уулархаг нутаг, Тэрэлж, Улз голын хөндий, Дорнод-Дарьгангын тал нутгаар -13…-18 градус, Хангайн нурууны өвөр бэл болон говийн бүс нутгийн баруун хэсгээр -4…-9 градус, бусад нутгаар -9…-14 градус хүйтэн байна.

БАГАНУУР ОРЧМООР: Шөнөдөө багавтар үүлтэй, өдөртөө үүлшинэ. Цас орохгүй. Салхи баруун хойноос секундэд 7-12 метр. Шөнөдөө -26…-28 градус, өдөртөө -14…-16 градус хүйтэн байна.

ТЭРЭЛЖ ОРЧМООР: Шөнөдөө багавтар үүлтэй, өдөртөө үүлшинэ. Цас орохгүй. Салхи баруун хойноос секундэд 7-12 метр. Шөнөдөө -25…-27 градус, өдөртөө -13…-15 градус хүйтэн байна.

Categories
мэдээ нийгэм онцлох-нийтлэл туслах-ангилал

ТОЙМ: “Цагдаа, прокурор, шүүх нүүрсний хулгайгаас сэргийлэх ёстой юу, гоё оффис бариулж алтан бөгж зүүгээд орхих ёстой юу?” хэмээн өгүүллээ DNN.mn

Өглөө бүр тантай хамт байдаг “Өдрийн сонин”-ы даваа гаригийн дугаар 12 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт УИХ-ын гишүүн Ц.Сэргэлэн “Монгол Улсын хуулийг
зөрчиж, хазгай гишгэж явсан
түүх надад хэзээ ч байхгүй” гэснийг XI нүүрээс үргэлжлүүлж уншаарай.

Жагсагчид: Нүүрсний хулгайн хэрэгт шалгагдаж буй хүмүүст
яаралтай хилийн хориг тавь

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Цагдаа, прокурор, шүүх нүүрсний хулгайгаас сэргийлэх ёстой юу, гоё оффис бариулж алтан бөгж зүүгээд орхих ёстой юу?” хэмээн өгүүллээ.

“Л.Оюун-Эрдэнэ
үнэн байна” нийтлэлийг II нүүрээс уншаарай.

Гэмтэл согог судлалын
үндэсний төвийн Түлэнхийн
нөхөн сэргээх мэс заслын
тасгийн их эмч, Анагаах
ухааны магистр, клиникийн
профессор, тэргүүлэх
зэргийн эмч Х.Туяа “Хөлдөлт бол маш эрсдэл ихтэй, эдгэшгүй гэмтэл” гэв.

Монгол Улсын соёлын
тэргүүний ажилтан
дуучин П.Идэржавхлан “Аавыгаа санахаар” дууг
тайзан дээр дуулахад
өмнө минь сууж байсан ах
цурхиртлаа уйлсан” хэмээв.

Ариун Оюун”
академийн үүсгэн байгуулагч
О.Ариунзаяа “Боловсрол гэдэг ямар чухал,
гоё зүйл болохыг ойлгосон учраас
түүнийгээ эргүүлж түгээмээр байна” гэлээ.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы даваа гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу




“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

ЦАГ АГААР: Улаанбаатарт шөнөдөө 23 хэм хүйтэн DNN.mn

ЦАГ АГААР: Улаанбаатар хотод өдөртөө 28-30 градус дулаан байна

Малчид, иргэд, тээвэрчдэд зориулсан мэдээ: 19-нд баруун аймгуудын нутгийн зүүн хэсэг, төвийн аймгуудын нутгийн зарим газраар, 20-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар цас орж, цасан шуурга шуурахыг анхааруулж байна.

2022 оны 12-р сарын 18-ны 20 цагаас 12-р сарын 19-ний 20 цаг хүртэлх

цаг агаарын урьдчилсан мэдээ

Хур тунадас: Баруун болон төвийн аймгуудын нутгаар үүлшинэ, бусад нутгаар багавтар үүлтэй. Шөнөдөө баруун аймгуудын нутгийн хойд хэсэг, төвийн аймгуудын нутгийн баруун хойд хэсгээр, өдөртөө баруун аймгуудын нутгийн зүүн хэсэг, төвийн аймгуудын нутгийн зарим газраар цас орж, зөөлөн цасан шуурга шуурна.

Салхи: Нутгийн баруун хагаст баруун хойноос, бусад нутгаар баруунаас секундэд 6-11 метр, Алтайн уулархаг нутаг, говь, тал, хээрийн нутгаар секундэд 15-17 метр хүрч ширүүснэ.

Агаарын температур: Шөнөдөө Увс нуур болон Дархадын хотгор, Хүрэнбэлчир орчим, Завхан, Идэр, Тэс, Халх голын хөндийгөөр 32-37 хэм, Их нууруудын хотгор, Хангай, Хөвсгөл, Хэнтийн уулархаг нутаг, Эг-Үүр, Туул, Тэрэлж голын хөндийгөөр 25-30 хэм, Хангайн нурууны өвөр бэл болон говийн бүс нутгийн өмнөд хэсгээр 14-19 хэм, бусад нутгаар 20-25 хэм, өдөртөө Увс нуур болон Дархадын хотгор, Завхан голын эх, Тэс голын хөндийгөөр 22-27 хэм, Их нууруудын хотгор, Хангай, Хөвсгөлийн уулархаг нутаг, Хүрэнбэлчир орчим, Эг-Үүр, Халх голын хөндийгөөр 18-23 хэм, Монгол-Алтай, Хэнтийн уулархаг нутаг, Тэрэлж, Улз голын хөндий, Дорнод-Дарьгангын тал нутгаар 13-18 хэм, Хангайн нурууны өвөр бэл болон говийн бүс нутгийн баруун хэсгээр 4-9 хэм, бусад нутгаар 9-14 хэм хүйтэн байна.

УЛААНБААТАР ХОТ ОРЧМООР: Шөнөдөө багавтар үүлтэй, өдөртөө үүлшинэ. Цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор 28-30 хэм, бусад хэсгээр 21-23 хэм, өдөртөө 12-14 хэм хүйтэн байна.

БАГАНУУР ОРЧМООР: Шөнөдөө багавтар үүлтэй, өдөртөө үүлшинэ. Цас орохгүй. Салхи баруун хойноос секундэд 7-12 метр. Шөнөдөө 26-28 хэм, өдөртөө 14-16 хэм хүйтэн байна.

ТЭРЭЛЖ ОРЧМООР: Шөнөдөө багавтар үүлтэй, өдөртөө үүлшинэ. Цас орохгүй. Салхи баруун хойноос секундэд 7-12 метр. Шөнөдөө 25-27 хэм, өдөртөө 13-15 хэм хүйтэн байна.

2022 оны 12 дугаар сарын 20-ноос 12 дугаар сарын 24-нийг

хүртэлх цаг агаарын урьдчилсан төлөв

20-нд баруун аймгуудын нутгийн зүүн хойд, төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 21-нд төв болон зүүн аймгуудын нутгийн зарим газраар, 22-нд баруун аймгуудын нутгийн баруун, зүүн аймгуудын нутгийн зүүн хэсгээр, 23-нд баруун аймгуудын ихэнх нутаг, төвийн аймгуудын нутгийн баруун хэсгээр цас орж, цасан шуурга шуурна. Салхи 20-нд нутгийн зарим газраар, 21, 22-нд говь, тал, хээрийн нутгаар секундэд 14-16 метр хүрч ширүүснэ. Дархадын хотгор, Завхан голын эх, Тэс голын хөндийгөөр шөнөдөө 33-38 хэм, өдөртөө 22-27 хэм, Увс нуурын хотгор болон Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Туул, Тэрэлж голын хөндийгөөр шөнөдөө 26-31 хэм, өдөртөө 17-22 хэм, говийн бүс нутгийн өмнөд хэсэг, цас багатай газраар шөнөдөө 14-19 хэм, өдөртөө 2-7 хэм, бусад нутгаар шөнөдөө 21-26 хэм, өдөртөө 8-13 хэм хүйтэн байна.

Нийтэлсэн: Цаг Уур Орчны Шинжилгээний Газар
Categories
мэдээ нийгэм

Улаанбаатар хотод 2023 оноос скүүтэр түрээсийн үйлчилгээг нэвтрүүлнэ DNN.mn

Улаанбаатар хотын төвлөрлийг сааруулах, түгжрэлийг бууруулах арга хэмжээний хүрээнд төр, хувийн хэвшил хамтран скүүтэр түрээсийн үйлчилгээг 2023 оны хавраас нэвтрүүлэх гэж байна. Үүнтэй холбогдуулан НЗДТГ, “Евро-хан” ХХК, “Нордик кристал стар” ХХК хамтран ажиллах гэрээг өчигдөр байгууллаа.

Гэрээний хүрээнд 2023-2024 онд нийт 1000 ширхэг цахилгаан скүүтэр оруулж ирэх юм.

Нийслэлийн Засаг даргын Захиргаа, хууль эрх зүйн асуудал хариуцсан Ахлах зөвлөх Д.Мөнх-Эрдэнэ “Дэлхийн томоохон хотуудад байдаг жишиг үйлчилгээ Улаанбаатарт нэвтэрч байна. Энэ бол залууст чиглэсэн, түгжрэлийг бууруулах арга хэмжээний нэг. Энэхүү скүүтэр нь -16 градус хүртэл хүйтэнд тэсвэртэй ажиллах учраас гуравдугаар сараас арваннэгдүгээр сар хүртэлх хугацаанд ашиглах боломжтой. Түрээсийн үнэ, төлбөрийг бизнес төлөвлөгөөнийхөө дагуу хувийн хэвшил өөрсдөө тогтооно. Харин төрийн зүгээс уг үйлчилгээг нэвтрүүлэх боломж, нөхцөлийг бүрдүүлэн өгөх юм. Иргэд автомашины хэрэглээнээс аль болох татгалзах, нийтийн болон бусад тээврийн хэрэгсэл ашиглахыг нь дэмжих чиглэлд Нийслэлийн удирдлага явган хүний болон дугуйн замыг засаж, шинэчилж байгаа. Скүүтэрээр зорчих зам, боломжийг нэмэгдүүлэхийн тулд уг ажлыг ирэх жил ч мөн үргэлжлүүлнэ” хэмээлээ.

Түрээсийн скүүтэрийн үйлчилгээг Улаанбаатар хотноо нэвтрүүлэх төслийг санаачлагч, “Нордик кристал стар” ХХК-ийн гүйцэтгэх захирал Б.Мөнх-Од “Хоёр жилийн өмнөөс уг төслийг санаачлан, хэрэгжүүлж байна. Иргэд хотын төвийн богино зайд зорчихын тулд автомашин унаж түгжрэлд сааталгүйгээр, зорьсон газраа саадгүй хүрээсэй гэж хүсэн энэ төслийг санаачилсан. Өнгөрсөн жил 100 гаруй иргэнээс цахимаар судалгаа авч үзэхэд 95 хувь нь скүүтэр хэрэглэхийг дэмжсэн, мөн 10 орчим хувь нь өдөр тутамдаа скүүтэр хэрэглэдэг гэсэн үр дүн гарсан. Төслийн гол зорилго нь түгжрэлийг бууруулж, автомашинаас татгалзан, эко хэрэглээг дэмжихэд оршиж байна” гэсэн юм.

Энхтайваны өргөн чөлөө болон Чингисийн өргөн чөлөөний дагуу скүүтрийн зогсоол байгуулахаар төлөвлөжээ. Иргэд тус зогсоол дээрээс аппликейшнээ уншуулан, төлбөр төлсний дараа ашиглах юм. АНУ болон Европын холбооны улсууд руу их хэмжээгээр нийлүүлдэг, 2022 оны “X6” хэмээх загварын уг скүүтэр:

-120 кг даацтай, 19 кг жинтэй;

-25 км/цаг хүртэл хурдлах, 500 ваттын хүчин чадалтай мотортой;

-Усны хамгаалалттай;

-13 ампер, сольдог зайтай;

-Байршил тогтоогчтой;

-5 инчийн, хатуулаг дугуйтай;

-25 градус налууд өгсөх чадвартай;

-16 градуст ажиллах;

-Зайн цэнэгээрээ нийт 36-45 км туулах;

-Гар утасны аппликейшнтэй хоршин ажиллах боломжтой ажээ.

Categories
мэдээ нийгэм

ИБУИНХУ 2024 оноос гар тээшний дүрэм журмыг хөнгөвчлөхөөр болжээ DNN.mn

Аялалд та гарах гэж байна уу?

Их Британийн засгийн газар 2024 оноос нисэх онгоцны буудлуудын аюулгүй байдлын үзлэгт ашигладаг төхөөрөмжүүдэд шинэчлэлт хийн хяналтын хэсгүүдэд нарийвчилсан үзүүлэлт бүхий 3D сканнер суурилуулахаар болжээ. Ингэснээр, 2024 оноос гар тээшний журамд өөрчлөлт оруулж зарим хатуу дүрмүүдийг хөнгөвчлөх боломжтой болох юм байна.

Английн Засгийн газар 2024 оны 6-р сар гэхэд тус улсын ихэнх нисэх буудалд хяналтын төхөөрөмжийн шинэчлэлт хийсэн байхаар төлөвлөжээ. Зорчигчдын ачаа тээшинд хяналт шалгалт явуулахад аялагчдын цүнхэн дэх эд зүйлсийг илүү нарийвчилсан зургаар харуулдаг шинэ өндөр технологийн 3D сканнеруудыг нисэх онгоцны буудлуудын хяналтын цэгүүдэд суурилуулах юм байна. Энэ ажлын үр дүнд, зорчигчдод зөвхөн 100 мл-ээс хэтрэхгүй шингэн зүйл гар тээшиндээ авч орохыг заасан байдаг бол үүнийг хоёр литр болгон нэмэгдүүлэх юм байна. Үүнээс гадна, одоогийн байдлаар, онгоцны буудлуудын аюулгүй байдлын үзлэгт хамрагдахын тулд хүмүүс гар тээшнээсээ таблет, зөөврийн компьютер, шингэн зүйл зэргийг авч гаргаж хянуулаад нэвтрэх шаардлагатай байдаг.

Харин энэхүү журмын өөрчлөлтийн дагуу 3D сканнерт шууд хянуулаад орох юм байна. Их Британийн Тээврийн яамны мэдээлснээр, үүнийг бүрэн хэрэгжүүлэхэд хоёр жилийн хугацаа шаардагдах бөгөөд шинэ технологи нь зорчигчдын аюулгүй байдлын хяналтад орох хүлээлтийн хугацааг багасгаж, ачаа тээшнээс аюултай зүйлсийг илүү сайн илрүүлэх юм байна.

Categories
булангууд мэдээ нийгэм шинжлэх-ухаан-технологи

“NASA” дэлхийн гадаргын усыг судлах хиймэл дагуул хөөргөжээ DNN.mn

NASA” дэлхийн гадаргын усыг судлах хиймэл дагуул хөөргөжээ | Sonin.MN

АНУ-ын Агаарын нислэг, сансрын уудмыг шинжлэн судлах төв /NASA/ дэлхийн гадаргын усыг ерөнхийдөө бүхэлд нь судлах хамгийн сүүлийн үеийн хиймэл дагуулыг баасан гарагт хөөргөжээ.

Гадаргын ус, далай тэнгисийн топографийг судлах аппаратыг /SWOT/ Калифорни муж улсын сансрын хүчний баазаас “SpaceX” компанийн пуужингаар хөөргөсөн байна.

“NASA”-гийн мэдээлснээр, хиймэл дагуул дэлхийн гадаргын 90 гаруй хувийн усыг судлах бөгөөд түүнээс уур амьсгалын өөрчлөлтөд далай тэнгис хэрхэн нөлөөлж байгаа, дэлхий дулаарч байгаа нь нуур, гол мөрөнд хэрхэн нөлөөлж байгаа, мөн дэлхий нийт үер зэрэг байгалийн гамшигт хэрхэн бэлтгэлтэй байх талаар дүн шинжилгээ хийх ажээ.

Хиймэл дагуул “SpaceX”-ийн “Falcon 9” пуужингийн хоёр дахь хэсгээс салсны дараа хянагч төхөөрөмжүүд хиймэл дагуулын дохиог амжилттай хүлээн авсан байна. Шинжлэх ухааны мэдээллийг ойролцоогоор зургаан сарын дараагаас цуглуулж эхлэхээсээ өмнө хиймэл дагуул хэд хэдэн хяналт шалгалт, тохируулгыг хийх гэнэ.

“NASA”, Францын Сансрын судлалын агентлаг хамтран Канад, Их Британийн Сансар судлалын агентлагуудын оролцоотойгоор бүтээсэн “SWOT” нь дэлхийн гадаргын усыг ерөнхийдөө бүхэлд нь судлах анхны хөтөлбөр болж байгааг “NASA” цохон тэмдэглэжээ.