Month: November 2022

Баруун аймгуудын нутгийн зүүн өмнөд хэсэг болон говийн аймгуудын нутгийн зарим газраар цас орно DNN.mn

Малчид, тээвэрчид, тариаланчдад зориулсан мэдээ:

Өнөө маргаашдаа баруун аймгуудын нутгийн зүүн өмнөд хэсэг болон говийн аймгуудын нутгийн зарим газраар цас орж, нутгийн зүүн хэсгээр хүйтэн, салхитай байна.

2022 оны 11-р сарын 01-ний 20 цагаас 11-р сарын 02-ны 20 цаг хүртэлх цаг агаарын урьдчилсан мэдээ:

Хур тунадас: Нутгийн өмнөд хэсгээр үүлэрхэг, бусад нутгаар солигдмол үүлтэй. Шөнөдөө баруун аймгуудын нутгийн зарим газар, говийн аймгуудын нутгийн баруун хэсгээр, өдөртөө баруун аймгуудын зүүн өмнөд, говийн аймгуудын нутгийн баруун хэсгээр цас орно. Бусад нутгаар цас орохгүй.

Салхи: Ихэнх нутгаар баруун хойноос секундэд 5-10 метр, тал, хээрийн нутгаар секундэд 13-15 метр хүрч ширүүснэ.

Агаарын температур: Шөнөдөө Дархадын хотгор, Хөвсгөлийн уулархаг нутгаар 24-29 градус, Хэнтийн уулархаг нутаг, Тэс, Эг-Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 19-24 градус, говийн бүс нутгийн өмнөд хэсэг, Хангайн нурууны өвөр бэлээр 3-8 градус, бусад нутгаар 11-16 градус, өдөртөө Дархадын хотгор, Хөвсгөлийн уулархаг нутгаар 10-15 градус, Хангай, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг-Үүр, Тэрэлж, Хэрлэн, Онон, Улз, Халх голын хөндийгөөр 4-9 градус хүйтэн, Алтайн өвөр говиор 6-11 градус дулаан, говийн аймгуудын нутгийн өмнөд хэсгээр 2 градус хүйтнээс 3 градус дулаан, бусад нутгаар 0-5 градус хүйтэн байна.

УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 20-22 градус, бусад хэсгээр 12-14 градус, өдөртөө 1-3 градус хүйтэн байна.

БАГАНУУР ОРЧМООР: Багавтар үүлтэй. Цас орохгүй. Салхи баруун хойноос секундэд 6-11 метр. Шөнөдөө 22-24 градус, өдөртөө 7-9 градус хүйтэн байна.

ТЭРЭЛЖ ОРЧМООР: Багавтар үүлтэй. Цас орохгүй. Салхи баруун хойноос секундэд 6-11 метр. Шөнөдөө 22-24 градус, өдөртөө 4-6 градус хүйтэн байна.

2022 оны 11 дүгээр сарын 03-наас 11 дүгээр сарын 07-ныг хүртэлх цаг агаарын урьдчилсан төлөв:

3-нд баруун аймгуудын нутгийн зүүн өмнөд, говийн аймгуудын нутгийн баруун өмнөд хэсгээр нойтон цас, цас орно. Бусад хугацаанд цас орохгүй. Салхи ихэнх хугацаанд секундэд 4-9 метр. Дархадын хотгор, Хөвсгөлийн уулархаг нутгаар шөнөдөө 24-29 градус, өдөртөө 10-15 градус, Хангай, Хэнтийн уулархаг нутаг, Завхан голын эх, Хүрэнбэлчир орчмоор шөнөдөө 19-24 градус, өдөртөө 3-8 градус, Монгол-Алтайн уулархаг нутаг, Идэр, Тэс, Эг, Үүр, Орхон, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 15-20 градус, өдөртөө 0-5 градус, говийн бүс нутгийн өмнөд хэсгээр шөнөдөө 3-8 градус хүйтэн, өдөртөө 0-5 градус дулаан, бусад нутгаар шөнөдөө 10-15 градус хүйтэн, өдөртөө 2 градус хүйтнээс 3 градус дулаан байна. 4-нөөс ихэнх нутгаар өдөртөө бага зэрэг дулаарна.

гадаад мэдээ

Анналена Баербокийн Казахстан улсад айлчилж байна DNN.mn

Post author By
Post date 2022-11-02
No Comments on Анналена Баербокийн Казахстан улсад айлчилж байна DNN.mn

ХБНГУ-ын Гадаад хэргийн сайд Анналена Бербокийн Казахстан, Узбекистан улсад хийж буйайлчлалыг барууны хэвлэл мэдээллийн хэрэгслүүд “Шинэ түншүүдийн эрэлд ” гэж нэрлээд байна. Төв Азийн хоёр гол улс руу нисэхийн өмнө Германы дипломатын тэргүүн “Миний айлчлалын гол зорилго нь эдгээр улсыг Оросын арын хашаанд номхруулагч хантаазтай байж Хятадын аяыг харсаа байх уу, эсвэл бие даасан бодлого явуулдаг болох уу гэдгийг сонгоход нь туслах явдал ”гэж мэдэгдсэн билээ. Эдийн засгийн асуудлаас гадна Анналена Бербокийн Казахстанд хийсэн айлчлалын хоёр дахь гол сэдэв нь хүний эрхийн асуудал байсан гэж барууны хэвлэлүүд мэдээлж байна. Анналена Бербокийн Астанад хийсэн айлчлалынхаа үр дүнгийн талаар “Reuters” агентлаг “Гадаад хэргийн сайд Анналена Бербок Казахстан улс Оросоос зай барьж, хууль дээдлэх ёсыг бэхжүүлэхэд чиглэсэн шинэчлэл хэрэгжүүлж байгааг сайшаалаа” гэж тэмдэглэсэн бол “ZDF” телевизийн суваг “Оросууд Украин руу дайрсны дараа энэ улс Оросыг шүүмжлэгчид, болохЕвроп руу үүд хаалгаа нээж байна” гэж онцолжээ.

арын-нүүр булангууд мэдээ

СОНИНЫ АРЫН НҮҮР: Цахилгаан машины ирээдүй хаалганы цаана ирчихжээ DNN.mn

Хүн төрөлхтний хөгжил дэвшил өдөр хоногоор ахиж, өчигдөр шинэхэн гэгдэж байсан зүйл өнөөдөр хуучинд тооцогдох нь холгүй байна. Дэлхий ертөнц цаг минутаар хувьсан өөрчлөгдөж байгаа өнөөгийн ертөнцийн гол түлхүүрийн нэг нь яалт ч үгүй технологийн шинэчлэл юм. Хэдхээн жилийн өмнө фэйсбүүк, твиттер өнөөдрийнх шиг өндөрлөгт хүрнэ гэхэд итгэх хүн цөөн байсан. Ухаалаг гар утас гэдэг зүйл хэзээ ч ингэж хурднаар хүний амьдралд нэвтэрч, хүн бүрийн хэрэглээ болчихно гэж алдарт “Нокиа” ч төсөөлөөгүй. Гэлээ ч энэ бүхэн ухаант хүний амьдралын салшгүй хэсэг болж чаджээ.

Сүүлийн хэдэн жилд цахилгаан машины хөгжил нэгэнт эрчийг авлаа. Заавал цахилгаантай утсанд “дүүжлэгдэж” явдаг троллейбуснаас өөр цахилгаан машины төсөөлөлгүй шахуу байсан монголчууд өнөөдөр бүрэн цахилгаан машин хэрэглэдэг болоод багагүй хугацааг өнгөрөөжээ. Эдийн засгийн хувьд асар хэмнэлттэй, байгаль орчин ээлтэй гэгдэх бүрэн цахилгаан машинууд хотын төвөөр хэдэн арваараа явахыг бид бүхэн харж байна. Нэг цэнэгээрээ 500 км хүртэл явдаг гэх машинуудын давуу талууд үнэхээр их юм билээ. Дугаарын хязгаарлалтад орохгүй, агаар бохирдлын татвар төлөхгүй, бас тун хүчтэй гэх мэт. Нэг цэнэглээд авахад бараг долоо хоногоо даачихдаг гэж байгаа. Өөр нэг чухал давуу тал нь дуу чимээ багатай. Дотоод шаталтын хөдөлгүүргүй учраас.

Монголын эрс тэс нөхцөлд асуудалтай байх гэж олон хүн эргэлздэг. Мэдээж хэт халуун, хүйтэнд цэнэгээ хурдан алдах магадлал өндөр. Гэхдээ хот дотор бол асуудалгүй гэж цахилгаан машины хэрэглэгч ярьж байсан. Мөн хотод суурин цэнэглэх станцууд цөөн байгаа нь энэ төрлийн машин сонирхож байгаа хүмүүст нэг бэрхшээл байх л даа. Яахав удахгүй цэнэглэх байгууламжууд энд тэндгүй баригдаад эхлэх биз. Саяхан бид эрлийз хөдөлгүүртэй машинд таатай бус ханддаг байсан бол одоо хүн бүхэн шахуу унаж хэрэглэж байна. Тиймээс бүрэн цахилгаан машин бидний хэрэглээ болох нь цаг хугацааны л асуудал биз. Ирээдүйгээ хараад цэнэглэх станцуудаа байгуулж эхлэх цаг нь болсон байх шүү. Цахилгаан машины ирээдүй хаалганы цаана ирчихжээ.

мэдээ нийгэм

НҮБ-ын аюулгүйн зөвлөл ОХУ үр тариа экспортлох хэлэлцээрийг зогсоосон асуудлыг хэлэлцэв DNN.mn

НҮБ-ын Аюулгүйн зөвлөл даваа гарагт Оросын талын хүсэлтээр шуурхай хуралдсан байна. Москва “Хар тэнгисийн үр тарианы санаачилга” хэлэлцээрт оролцохоо зогсоож байгаагаа зарласны маргааш нь энэ хуралдаан боллоо. Улмаар Аюулгүйн зөвлөлийн гишүүд Хар тэнгисээр дамжуулж Украины үр тариаг экспортод гаргах тухай хэлэлцээрт эргэж нэгдэхийг ОХУ-д уриалсан байна.

НҮБ болон Туркийн зуучлалтайгаар энэ хэлэлцээр байгуулагдсан. НҮБ-д суугаа Оросын байнгын төлөөлөгч Василий Небензя энэ хуралдааны үеэр, оросын Хар тэнгисийн флот өнгөрөгч бямба гарагт Украины талаас нисгэгчгүй онгоцууд ашигласан халдлагад өртсөн. Тус флот “үр тарианы коридор”-ын аюулгүй байдлыг сахиулахад оролцдог гэсэн Москвагийн байр суурийг дахин илэрхийлсэн байна. Улмаар Украины тал хэлэлцээрийг ийнхүү зөрчсөн тул Орос улс иргэний усан онгоцуудын аюулгүй байдалд баталгаа өгөх аргагүй болж хэлэлцээрт оролцохоо тодорхойгүй хугацаагаар зогсоохоос аргагүй болсон гэж мэдэгджээ. АЗ-ийн хуралдааны үеэр АНУ болон Европын орнуудын элч төлөөлөгчид хэлэлцээрийг Орос дангаараа зогсоосныг буруутгажээ. Мөн африкийн орнуудын төлөөлөгчид энэ санаачилга хэлэлцээр дэлхий нийтийн хүнсний хямралаас сэргийлэхэд зайлшгүй шаардлагатайг мэдэгдэж байжээ. Кенийн суурин төлөөлөгч Мартин Кимани тухайлбал, хэлэлцээрийн үйлчлэлийг зогсоох нь Украины дайнаас хол хөндий байгаа сая сая хүмүүсийн амь амьдралыг аюулд оруулна гэж мэдэгдсэн байна. НҮБ-ын Енбд-ын Хүмүүнлигийн асуудал эрхэлсэн орлогч бөгөөд яаралтай тусламжийн зохицуулагч Мартин Гриффитс тус хуралдаан дээр мэдээлэл хийхдээ, тухайн халдлага болсон бямба гарагийн шөнө нэг ч усан онгоц аюулгүйн коридороор зорчоогүйг нотолсон байна. Гэхдээ Оросыг хэлэлцээрт оролцохоо зогсоож байгаагаа зарласнаас хойш ч Украинаас үр тарианы экспортын тээвэрлэлт үргэлжилсээр байгаа гэж НҮБ-ын энэ төлөөлөгч нотолсныг “Дойче велле” уламжилж байна. “Тиймээс хэлэлцээр болоод хэлэлцээрийн хэрэгжилт хүчинтэй хэвээр байгаа гэж бид ойлгож байна” гэж Мартин Гриффитс Нью-Йорк хотноо АЗ-ийн хуралдаан дээр мэдэгджээ. Тэр бас, Орос улс Үр тарианы санаачилга хэлэлцээрээс гарсан бус, гагцхүү хэрэгжүүлэлтэд оролцохоо түр зогсоож байна гэж мэдэгдсэн нь бидэнд маш их итгэл найдвар төрүүлж байна” гэж хэлсэн байна. Түүний хэлснээр, даваа гарагт гэхэд 12 хөлөг онгоц украины боомтуудаас замд гарсан бол, 2 хөлөг ачаа авахаар Украин руу нэвтэрчээ. Түүнээс гадна Туркийн Ерөнхийлөгч Рэжеп Таип Эрдоган өнгөрсөн 3 сарын хугацаанд Украинаас 9 сая гаруй тонн үр тариа экспортод гаргасан хэлцлийг үргэлжлүүлж хүнлэг ёсонд үйлчлэхэд Турк улс шийдвэр төгс байна гэж мэдэгджээ. Тэгвэл Оросын Ерөнхийлөгч Путин өнөөдөр Сочи хотноо Армен, Азербайжаны удирдагчидтай хийсэн уулзалтынхаа дараа хэвлэлийн хурал дээр дээрх хэлэлцээрээс түр гарах оросын шийдвэрийн тухайд тайлбар хийлээ. Үүнд тэрээр Орос улс энэ санаачилгад анхнаасаа нэн ядуу буурай орнуудын эрх ашгийг бодож нэгдсэн боловч эндээс тээвэрлэлтэд гарсан үр тариа хамгийн хэрэгцээтэй улсууд руу хүргэгдээгүй гэж ярьсан байна.

мэдээ энтертаймент-ертөнц

Твиттерийн хөх тэмдэглэгээнд сар бүр 8 доллар төлнө DNN.mn

Post author By
Post date 2022-11-02
No Comments on Твиттерийн хөх тэмдэглэгээнд сар бүр 8 доллар төлнө DNN.mn

Илон Маск “Твиттер хаягаа хөх тэмдэглэгээгээр баталгаажуулсан хэрэглэгчдэд уг тэмдэглэгээг сар бүр 8 доллараар ашиглуулах болно” гэж мэдэгджээ. Энэ нь Твиттер платформыг худалдан авсны дараа хийж буй өөрчлөлтүүдийн нэг хэсэг юм. Ингэснээр спам болон скамыг багасгахад чухал нөлөөтэй гэж үзсэн.

Ихэвчлэн олны танил хүмүүсийн нэрний хажууд байх цэнхэр тэмдэглэгээ нь үнэ төлбөргүй байдаг. Энэ нь найдвартай эх сурвалжийг тогтооход хүндрэл учруулах боломжтой гэж шүүмжлэгчид үзсэн.

Илон Маск “Төлбөр төлсөн хэрэглэгчид хариу илгээх, хайлт хийхдээ давуу эрхтэй байх ба хоёр дахин бага зар сурталчилгаа явуулах болно. Цаашлаад Твиттерийн сурталчилгаанаас хамааралтай байдлыг багасгана” гэж нэмж хэлэв.

Тэрбумтан Илон Маск өөрийн Твиттер хуудсандаа хаяг баталгаажуулах хуучин аргыг “ноёд ба тариачдын систем” гэж шүүмжлэн жиргэсэн байна.

2009 онд хуурамч хаягаас урьдчилан сэргийлэх талаар хангалттай ажиллаагүй хэмээн шүүхэд нэхэмжлэл гаргасны дараа Твиттер уг системийг нэвтрүүлсэн. Твиттерийн хэрэглэгчдийн хаягийг баталгаажуулах хуучин арга нь энгийн богино хэмжээний онлайн өргөдлийн маягт байдаг.

Илон Маскийн Тесла компанийн өрсөлдөгч Женерал Моторс өнгөрсөн долоо хоногт Твиттер дээрх сурталчилгаагаа түр зогсоож байгаагаа мэдэгдсэн.

Үүний зэрэгцээ, даваа гарагт дэлхийн хамгийн том зар сурталчилгааны компаниудын нэг IPG платформ “итгэлцэл, аюулгүй байдлыг” хангах Твиттерийн төлөвлөгөөг илүү тодорхой болгох шаардлагатай гэж үзэн Твиттерийн сурталчилгааг долоо хоногоор зогсоохыг үйлчлүүлэгчдэдээ зөвлөжээ.

мэдээ нийгэм

“Рио Тинто” зарим хувьцаа эзэмшигчидтэй тохиролцоонд хүрчээ DNN.mn

Post author By
Post date 2022-11-02
No Comments on “Рио Тинто” зарим хувьцаа эзэмшигчидтэй тохиролцоонд хүрчээ DNN.mn

“Рио Тинто” компани “Туркойс Хилл Ресурс” компанийн 51 хувийг эзэмшдэг бөгөөд үлдсэн 49 хувийг худалдан авах санал гаргасан билээ. Уг саналыг хэлэлцэн шийдвэрлэх “Туркойс Хилл Ресурс”-ийн хувьцаа эзэмшигчдийн хурлын тов арваннэгдүгээр сарын 8-ны өдрийг хүртэл хойшилжээ.

Дээрх саналтай холбоотойгоор “Pentwater Capital Management” болон “SailingStone Capital Partners”-ын хувьцаа эзэмшигчтэй тохиролцоонд хүрсэн байна. Уг тохиролцооны хүрээнд эдгээр хувьцаа эзэмшигчид энэ сарын 8-нд болох хурлаар саналаа өгөхөөс түдгэлзэж, уг арилжаанд оролцохгүй байх эрхээ эдлэхээр болжээ.

“Рио Тинто” компанийн санал “Туркойс Хилл Ресурс”-ийн хувьцаа эзэмшигчдийн хурлаар дэмжигдсэн тохиолдолд “Pentwater Capital Management” болон “SailingStone Capital Partners” нэгж хувьцааг 34.40 канад доллараар үнэлсэн арилжааг “Рио Тинто” компанитай гүйцэлдүүлж, үнэлгээний зөрүү гарсан тохиолдолд арбитраар шийдвэрлүүлэх аж.

“Рио Тинто” компанийн нэгж хувьцааны үнэлгээний эцсийн санал 43 канад доллар юм байна.

Эх сурвалж: RIO TINTO

гадаад мэдээ

Германы хийн нөөц түүхэн дээд амжилт тогтоов DNN.mn

Post author By
Post date 2022-11-02
No Comments on Германы хийн нөөц түүхэн дээд амжилт тогтоов DNN.mn

Германы хийн агуулахуудын байгалийн хийн нөөц түүхэн дээд хэмжээнд хүрсэн байна. Европын хийн хадгалалтын операторуудын мэдээллээс үзэхэд 10-р сарын 24-нд аль хэдийн 239.64 тераватт-цаг хуримтлагдсан нь 2019 оны 11-р сарын 10-ны 239.62 TWh гэж бүртгэгдсэн Украины дайнаас өмнөх оргил үеийг давсан байна. “INES (Initiative Energien Speichern)”-ийн гүйцэтгэх захирал Себастьян Блешке “Өнгөрсөн долоо хоногийн даваа гарагаас Германы хий хадгалах хэмжээ түүхэн рекорд түвшинд хүрсэн” гэж “dpa”-д өгсөн ярилцлагадаа онцолжээ. Блешке мөн байгалийн хийн их нөөц нь ирэх өвлийн бэлтгэл сайн байгааг илтгэж, олон ханган нийлүүлэгчдийн ач тус биднийг хийн хараат бус байдалд хүрэхэд чухал ач холбогдол үзүүлсэнгээд “Бид маш том алхам хийж, байгалийн хийн асуудлаар “тусгаар тогтнох”-д тун ойртсон” гэж онцлон тэмдэглэсэн байна. Европ 10-р сарын 29-ний байдлаар нийт хийн агуулахын түвшин 94.34 хувьтай байна гэж Европын байгалийн хийн дэд бүтцийн операторуудын “Gas Infrastucture Europe” (GIE) холбооноос мэдээлжээ.

мэдээ нийгэм

Насанд хүрээгүй охиныхоо биеийг үнэлүүлж, дансаараа мөнгийг нь авсан байж болзошгүй хэрэг бүртгэгджээ DNN.mn

Төрсөн ээж нь насанд хүрээгүй охиныхоо биеийг үнэлүүлж, төлбөрийг нь дансаараа авдаг байсан байж болзошгүй хэрэг гарчээ.

Уг мэдээллийг цагдаагийн байгууллагаас тодруулахад ийм хэрэг гарсан нь үнэн болохыг батлаад “Гэхдээ насанд хүрээгүй хүүхдийн хүчирхийлэлтэй холбоотой мэдээлэл өгөх боломжгүй” хэмээн хэллээ.

Түүнчлэн одоогоор шалгалтын ажиллагаа үргэлжилж байгаа учир зарим асуудал тодорхой болоогүй байгаа аж.

Албан бус эх сурвалжийн мэдээлж байгаагаар, хохирогч охиныг цагдаагийн байгууллага хамгаалалтад аваад байгаа юм байна.

мэдээ нийгэм

Ч.Маралмааг Монгол Улсын хилээр гарахыг хоригложээ DNN.mn

Post author By
Post date 2022-11-02
No Comments on Ч.Маралмааг Монгол Улсын хилээр гарахыг хоригложээ DNN.mn

Шүүхээс яллагдагч Ч.Маралмаад Монгол Улсын хилээр гарахыг хориглох арга хэмжээ авчээ.

Тодруулбал Баянзүрх дүүргийн Эрүүгийн хэргийн анхан шатны шүүхэд Тээврийн прокурорын газраас Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.2, 2.4 дэх заалтад тус тус заасан эрүүгийн хэрэгт яллагдагчаар татагдсан Ч.Маралмаад Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээг авах талаар ирүүлсэн.

Дээрх саналыг шүүх өнгөрөгч аравдугаар сарын 25-ны өдөр хянан хэлэлцээд Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1, 2 дахь хэсэг, 14.13 дугаар зүйлийн 1, 8 дахь хэсэгт тус тус зааснаар яллагдагч Ч.Маралмаад Монгол Улсын хилээр гарахыг хориглох хязгаарлалт тогтоох таслан сэргийлэх арга хэмжээ авч шийдвэрлэжээ.

Эх сурвалж: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн тамгын газар

мэдээ нийгэм цаг-үе