Month: October 2022

Улаанбаатар хот үүсэн байгуулагдсаны 383 жилийн ойн хүрээнд нийслэлийн шилдэг менежменттэй сургууль, цэцэрлэгийг шалгаруулан, индексийн урамшуулал олголоо.

Тодруулбал, НИТХ, НЗДТГ, Нийслэлийн Боловсролын газраас сургууль, цэцэрлэгийн менежментийг сайжруулах, хүүхэд бүрд сурч, хөгжих тэгш боломжийг бүрдүүлэн, боловсролын үйлчилгээний чанар, хүртээмжийг нэмэгдүүлэх үйлсийг манлайлсан шилдэг менежменттэй сургууль, цэцэрлэгийг зургаа дахь шилдээ шалгаруулж байна.

Тус хүндэтгэлийн арга хэмжээнд Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө, Нийслэлийн Боловсролын газрын дарга Б.Амартүвшин тэргүүтэй албаныхан оролцож, сургууль, цэцэрлэгийн удирдлагуудад шагналыг нь гардуулсан юм.

Энэ үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар “Ерөнхий боловсролын шилдэг сургууль, цэцэрлэгийг шалгаруулж, мөнгөн урамшуулал олгон, туршлагыг нь түгээн дэлгэрүүлдэг болсноор нийслэлийн сургууль, цэцэрлэгийн бүхий л үйл ажиллагаанд ахиц, дэвшил бий болсон. Өнөөдөр Хотын даргын хувьд боловсролын салбар, тэнд ажиллаж буй багш, ажилтнуудаа дэмжин, шилдэг менежменттэй сургууль, цэцэрлэгийг шинэ шалгуур үзүүлэлтийн дагуу шалгаруулан, нийслэлийн ерөнхий боловсролын 20 сургууль, 20 цэцэрлэгийг шагнаж урамшуулах гэж байна. Улс, нийслэлийн төсвөөс 2022 онд сургууль, цэцэрлэгийн хүртээмжийг нэмэгдүүлэх, засвар, тоног төхөөрөмжийн зардал зэрэгт нийт 164 тэрбум төгрөг зарцуулсан. Цаашид боловсролын салбарын хөрөнгө оруулалтыг улам нэмэгдүүлж, цахим боловсролыг хөгжүүлэн, багш ажилтны нийгмийн асуудлыг дэмжих чиглэлээр холбогдох байгууллагуудтай хамтран ажиллаж байна. Монголчууд бид багш, ном хоёрыг эрхэмлэн дээдэлдэг нандин уламжлалтай ард түмэн. Эрдэм мэдлэг нь улс, нийгмийн хөгжлийн хамгийн гол хүчин зүйл болж байгаа 21-р зуунд багш, сурган хүмүүжүүлэгчид маань эх орон ард түмнийхээ итгэлийг дааж, улам ихийг бүтээнэ гэдэгт итгэж байна. Эрдэм номын цагаан буян арвижин дэлгэрэх болтугай” хэмээсэн юм.

2017-2021 онд ерөнхий боловсролын шилдэг 132 сургууль, цэцэрлэгийг шалгаруулж, мөнгөн урамшуулал олгожээ. Энэ хичээлийн жилээс Нийслэлийн шилдэг менежменттэй сургууль, цэцэрлэг шалгаруулах, индексийн урамшуулал олгох журмыг шинэчлэн баталсан. Шинэ журмаар төрийн болон төрийн бус өмчийн сургууль, бага сургууль, тусгай сургууль, цэцэрлэг гэсэн таван ангиллаар 20 сургууль, 20 цэцэрлэгийг шалгаруулжээ. Шинэчилсэн журам нь төвлөрлийг сааруулах, түгжрэлийг бууруулах ажлын хүрээнд сургууль, багш нарын хамтын ажиллагааг бэхжүүлэх, сургууль, цэцэрлэгийн удирдлагын сайн менежмент, сургалтын технологийг бусдад түгээн дэлгэрүүлж, зөвлөн тусалж, хамтран ажилласан байдлыг үнэлж байгаагаараа онцлог аж.

НИЙСЛЭЛИЙН ШИЛДЭГ МЕНЕЖМЕНТТЭЙ СУРГУУЛИУД

1. Багануур дүүргийн З.Болормаа захиралтай Гүн галуутай цогцолбор сургууль
2. Баянгол дүүргийн Ч.Отгондаваа захиралтай 38 дугаар цогцолбор сургууль
3. Баянгол дүүргийн Л.Амартуяа захиралтай 93 дугаар сургууль
4. Налайх дүүргийн Д.Цэрэндолгор захиралтай 109 дүгээр сургууль
5. Баянзүрх дүүргийн Ч.Ганбилэг захиралтай 55 дугаар сургууль
6. Баянзүрх дүүргийн Б.Эрдэнэчимэг захиралтай 48 дугаар сургууль
7. Баянзүрх дүүргийн Н.Энхбат захиралтай 33 дугаар сургууль
8. Баянзүрх дүүргийн Б.Болортуяа захиралтай 92 дугаар сургууль
9. Сонгинохайрхан дүүргийн Г.Цагаанцоож захиралтай Ирээдүй цогцолбор сургууль
10. Сонгинохайрхан дүүргийн Ч.Хишигмаа захиралтай 65 дугаар сургууль
11. Сонгинохайрхан дүүргийн С.Энх-Ариун захиралтай Хөгжил цогцолбор сургууль
12. Сүхбаатар дүүргийн В.Хоролгарав захиралтай 3 дугаар сургууль
13. Сүхбаатар дүүргийн Н.Цэнгэлмаа захиралтай 2 дугаар сургууль
14. Сүхбаатар дүүргийн М.Мөнхбаатар захиралтай МУБИС-ийн ерөнхий боловсролын сургууль
15. Хан-Уул дүүргийн Г.Цэлмүүн захиралтай Хобби сургууль
16. Хан-Уул дүүргийн Ч.Ундармаа захиралтай 32 дугаар сургууль
17. Хан-Уул дүүргийн Д.Тунгалаг захиралтай 75 дугаар сургууль
18. Чингэлтэй дүүргийн Т.Нарантуяа захиралтай 24 дүгээр сургууль
19. Чингэлтэй дүүргийн Ц.Цолмонбаатар захиралтай 23 дугаар сургууль
20. Чингэлтэй дүүргийн Э.Уранзаяа захиралтай 139 дүгээр сургууль шалгарав.

НИЙСЛЭЛИЙН ШИЛДЭГ МЕНЕЖМЕНТТЭЙ ЦЭЦЭРЛЭГҮҮД

1. Баянгол дүүргийн С.Уламбаяр эрхлэгчтэй 85 дугаар цэцэрлэг
2. Баянгол дүүргийн Н.Нансалмаа эрхлэгчтэй 15 дугаар цэцэрлэг
3. Баянгол дүүргийн Ц.Болормаа эрхлэгчтэй 162 дугаар цэцэрлэг
4. Баянгол дүүргийн О.Баянжаргал эрхлэгчтэй 77 дугаар цэцэрлэг
5. Баянзүрх дүүргийн З.Цацрал эрхлэгчтэй 22 дугаар цэцэрлэг
6. Баянзүрх дүүргийн С.Уранчимэг эрхлэгчтэй 59 дүгээр цэцэрлэг
7. Баянзүрх дүүргийн Б.Даваасамбуу эрхлэгчтэй 62 дугаар цэцэрлэг
8. Налайх дүүргийн Ж.Алтан-Од эрхлэгчтэй 152 дугаар цэцэрлэг
9. Сонгинохайрхан дүүргийн Ж.Алтанчимэг эрхлэгчтэй 226 дугаар цэцэрлэг
10. Сонгинохайрхан дүүргийн Ц.Гэрэлхүү эрхлэгчтэй 104 дүгээр цэцэрлэг
11. Сонгинохайрхан дүүргийн Н.Атаржаргал эрхлэгчтэй 119 дүгээр цэцэрлэг
12. Сүхбаатар дүүргийн Д.Оюунчимэг эрхлэгчтэй 16 дугаар цэцэрлэг
13. Сүхбаатар дүүргийн С.Одсүрэн эрхлэгчтэй 175 дугаар цэцэрлэг
14. Хан-Уул дүүргийн С.Мөнхцэцэг эрхлэгчтэй 67 дугаар цэцэрлэг
15. Хан-Уул дүүргийн Ц.Алтантуул эрхлэгчтэй 209 дүгээр цэцэрлэг
16. Хан-Уул дүүргийн Б.Баясгалан эрхлэгчтэй Эрхий мэргэн цэцэрлэг
17. Чингэлтэй дүүргийн Ц.Дэлгэрмаа эрхлэгчтэй 174 дүгээр цэцэрлэг
18. Чингэлтэй дүүргийн Ш.Нямхүү эрхлэгчтэй 43 дугаар цэцэрлэг
19. Чингэлтэй дүүргийн Т.Сэлэнгэ эрхлэгчтэй 83 дугаар цэцэрлэг
20. Чингэлтэй дүүргийн Я.Энхтуяа эрхлэгчтэй 220 дугаар цэцэрлэг шалгарлаа.

Өнгөрсөн долоо хоногт эхэлсэн НАТО-гийн цөмийн хүчний сургуулилтыг залгуулан, ОХУ нь “Аянга” нэртэй стратегийн цөмийн тогтоон барих хүчний сургуулилтыг өчигдөр буюу 10 дугаар сарын 26-нд эхлүүлж, газар, агаар, тэнгисийн байрлалаас тив хоорондын баллистик пуужин, далавчит болон хэт авианы пуужингуудыг харваж туршсан бөгөөд сургуулилтыг Ерөнхийлөгч В.Путин алсын зайнаас удирдан явуулж байна.

ОХУ жил бүрийн 10 дугаар сард стратегийн тогтоон барих хүчний сургуулилт явуулдаг уламжлалтай бөгөөд энэ удаагийн сургуулилт нь Украинд дахь цэргийн ажиллагааны өнгөн дээр, НАТО-гийн цөмийн хүчний сургуулилт болон Украины “бохир бөмбөг”-ний асуудалтай давхцаж байгаагаараа онцлог юм.ОХУ нь цар тахлын улмаас хойшлогдоод байсан 2021 оны цөмийн сургуулилтаа 2022 оны хоёрдугаар сарын 19-нд хийж, агаараас хэт авианы аэробаллистик “Кинжал” пуужин, далайгаас “Калибр” далавчит пуужин, “Циркон” хэт авианы пуужин, тив хоорондын “Синева” баллистик пуужин, газраас оператив-тактикийн “Искандер-М” далавчит пуужин, тив хоорондын “Ярс” баллистик пуужин харваж, цөмийн гурвалаа туршсаны дараахан залгуулаад Украинд цэргийн ажиллагаагаа эхлүүлсэн билээ.

Энэ удаагийн сургуулилт нь мөн Оросын агаар, газар, тэнгисийн цөмийн гурвалын үүрэг зориулалт, команд удирдлагын төлөвлөлт, харилцан ажиллагаа, стратегийн зэвсэглэлийн найдвартай байдлыг шалгах, улмаар дайсны цөмийн цохилтын хариуд их хэмжээний цөмийн цохилт өгөх ажиллагааг боловсруулах үндсэн зорилгыг агуулж байна.

ОХУ-ын Батлан хамгаалахын сайд С.Шойгу Ерөнхийлөгч В.Путинд цөмийн сургуулилтын ажиллагааг илтгэж, сансрын Плесецк талбайгаас тив хоорондын “Ярс” баллистик пуужин, Хойд флотын “Тула” стратегийн шумбагч онгоцноос “Синева” баллистик пуужинг хөөргөх үеийн болон стратегийн бөмбөгдөгч Ту-95МС-ын агаараас харвасан далавчит пуужингуудын бичлэгүүдийг үзүүлж, цөмийн хэрэгсэлүүд бүгдээрээ тавигдсан үүрэг зорилтоо бүрэн гүйцэтгэсэн хэмээн мэдэгдэж байна.

Эх сурвалж: iss.gov.mn

Монгол Улсын дээд шүүхийн нийт шүүгчийн хуралдаан 2022 оны 10 дугаар сарын 26-ны өдөр боллоо.

Хуралдаанаар Сайн ардчилсан иргэдийн нэгдсэн нам үүсгэн байгуулсныг улсын бүртгэлд бүртгүүлэх тухай иргэн Б.Жагарын өргөдлийг хэлэлцээд тус намын дүрэм нь Улс төрийн намын тухай хуулийн 11 дүгээр зүйлийн 11.2.4, 11.2.5, 13 дугаар зүйлийн 13.8 дахь заалтуудад нийцээгүй зэрэг үндэслэлээр мөн хуулийн 10 дугаар зүйлийн 10.1.1-д зааснаар улс төрийн намын бүртгэлд бүртгэхээс татгалзаж шийдвэрлэв.

“Санчир-Ундрах” XXK-ийн захирал Б.Болд-Эрдэнэ, өмгөөлөгч Л.Бат-Эрдэнэ нараас ирүүлсэн “Эрх зүйн маргааны хэргийн харьяалал тогтоолгох” тухай хүсэлтийг хэлэлцээд харьяалал тогтоолгохоор ирүүлсэн хүсэлтэд дурдсан асуудал нь Шүүхийн тухай хуулийн 25 дугаар зүйлийн 25.7.4 дэх хэсэгт заасан хуулиар харьяалал тогтоогоогүй эрх зүйн маргаан биш, уг үндэслэлд хамаарахгүй гэж үзэж, хүсэлтийг хангахаас татгалзлаа.

Эх сурвалж: Дээд шүүх

Улаанбаатар хот үндэсний томоохон 70 гаруй компанитай хамтран “Нэг тархи, нэг систем” цахим шилжилт хийж байгаа.