Гадаадын иргэн, харьяатын газраас иргэн, аж ахуйн нэгж, байгууллагад үзүүлж буй төрийн үйлчилгээг хүндрэл чирэгдэлгүй хүргэх зорилгоор визийн зөвшөөрөл, оршин суух сунгалтыг үйлчилгээг бүрэн цахимжуулсан.

Өнгөрсөн тавдугаар сарын хугацаанд 727 аж ахуйн нэгж, байгууллагын 3,334 гадаадын иргэний хүсэлтийг цахимаар хүлээн авч, хянан шийдвэрлэжээ.

Тодруулбал, 496 аж ахуйн нэгж, байгууллагын 1,935 гадаадын иргэн виз зөвшөөрлийн хүсэлт, 231 байгууллагын 1,935 гадаадын иргэн оршин суух зөвшөөрлийн хугацаа сунгуулах хүсэлт гаргаснаас 1,844 гадаадын иргэнд визийн зөвшөөрөл олгож, эрх бүхий байгууллагын зөвшөөрлийг үндэслэн 1,076 гадаадын иргэний оршин суух зөвшөөрлийн хугацааг сунгасан байна.

Мөн еvisa.mn цахим системээр нийт 33 улсын 1,327 иргэнд цахим виз олгож, гурван улсын гурван иргэний визийн хүсэлтэд татгалзжээ.

Гадаадын иргэнийг урьж буй иргэн, аж ахуйн нэгж, байгууллагууд дээрх үйлчилгээг immigration.gov.mn сайтад хандан цахимаар авах боломжтой гэж Гадаадын иргэн харьяатын газраас мэдээллээ.

Тулгар төрийн 2231 жил, Их Монгол Улс байгуулагдсаны 816 жил, Ардын хувьсгалын 101 жилийн ой, Үндэсний их баяр наадмыг энэ жил тэмдэглэхээр болж баярын нээлт, хаалтын тоглолтыг Төрийн соёрхолт Н.Наранбаатар найруулахаар ажилдаа ороод байгаа.

Манай улсад тархаад байсан коронавирусийн халдварын улмаас өнгөрсөн 2020, 2021 онд Үндэсний их баяр наадмаа цахимаар хийсэн юм.

Өнгөрсөн жилийн тухайд Ардын хувьсгалын 100 жилийн тэгш ой тохиосон ч цуцлах бус нэг жилээр хойшлуулах шийдвэрийг Засгийн газраас гаргаж байлаа. Тэгэхээр энэ жил 100, 101 жилийн ойг хамтатган тэмдэглэх болов уу гэсэн таамаг байна.

Баяр наадмын төсвийн тухайд цахимаар тэмдэглэсэн жилүүд буюу 2020 онд ₮2.8 тэрбум, 2021 онд ₮2.5 тэрбумыг зарцуулжээ. Энэ жилийн наадмын төсөв батлагдаагүй байна.

ГРАФИК: Жил, жилийн наадмын төсөв

Өнөөдрийн байдлаар баяр наадмын бэлтгэл ажил хийгдэж байгаа бөгөөд хөтөлбөр зэргийг бэлэн болохоор нийтэд мэдээлэх юм байна.

УИХ-ын чуулганаар Баяр наадмын тухай хуулийн шинэчилсэн найруулгын төслийг хэлэлцэж буй. Уг хуулийг наадмаас өмнө батална. Энэхүү хуулийн төсөлд үндэсний бөхийн допингийн асуудлыг цэгцлэх заалтуудыг оруулсан тухай МҮБХ-ны дэд тэргүүн, улсын аварга О.Балжинням ярилцлагадаа дурдсан байдаг. Тодруулбал допинг хэрэглэсэн бөх улсын цол авах боломжийг нь хязгаарлах аж.

Тэрбээр “Энэ хуулийн төсөл батлагдахад допингийн зөрчил гаргасан тамирчинд тооцох эрх зүйн орчин илүү боловсронгуй болно. WADA-ын дүрмийн хүрээнд допингийн зөрчил гаргасан тамирчин ямар хариуцлага хүлээх юм, яг тэр хариуцлагыг л тооцоод явна гэсэн үг” хэмээн ярьжээ.

Байт харвааны 2022 оны Улаанбаатар хотын аварга шалгаруулах 21 дэх удаагийн тэмцээн өнгөрсөн амралтын өдрүүдэд нээлттэй болж аваргуудаа тодруулав.

Тус тэмцээнийг Нийслэлийн Биеийн тамир, спортын газар, Монголын байт харвааны холбоо хамтран зохион байгууллаа. Тэмцээнд Улаанбаатар хот болон орон нутгийн 70 гаруй тамирчин рекурв, компаундын төрлөөр зургаан багц медалийн төлөө цэц мэргэнээ сорин өрсөлдсөн юм.

Байт харвааны рекурв төрлийн эрэгтэй ганцаарчилсан харваанд:

Ж.Гантөгс алтан медаль /Хангарьд Спорт Клуб

Б.Отгонболд мөнгөн медаль /Алдар Спорт Хороо/

Ө.Нэхийт хүрэл медаль/Алдар Спорт Хороо/

Байт харвааны рекурв төрлийн эмэгтэй ганцаарчилсан харваанд:

П.Мишээлт алтан медаль /Алдар Спорт Хороо/

Д.Сэлэнгээ мөнгөн медаль /Добу Мэргэн клуб/

Ж.Дагийжанчив хүрэл медаль /Хангарьд спорт клуб/

Байт харвааны Компаунд төрлийн эрэгтэй хувийн харваанд:

Л.Мөнхбаатар алтан медаль /Aлдар Спорт Хороо/

П.Жамьянгомбо мөнгөн медаль/ Зэвт Хасар клуб/

М.Тэлмүүн хүрэл медаль/ Зэвт Хасар клуб/

Байт харвааны рекурв төрлийн холимог багийн харваанд

Ж.Гантөгс Ж.Дагийжанчив нар алт / Хангарьд Спорт клуб/

Б.Отгонболд П.Мишээлт нар мөнгө / Алдар Спорт Хороо/

Д.Өсөхбаяр Д.Сэлэнгээ нар хүрэл медаль /Добу Мэргэн клуб/

Байт харвааны рекурв төрлийн эрэгтэй багийн харваанд:

Ж.Гантөгс, Д.Дашнамжил Э.Нармандах нар алт /Хангарьд Спорт клуб/

Ө.Нэхийт, Б.Отгонболд БТэнгисболд нар мөнгө /Алдар Спорт Хороо/

Э.Батбилэг, Б.Буянтүшиг М.Энхбаяр нар хүрэл/Баянзүрх дүүрэг/

Байт харвааны рекурв төрлийн эмэгтэй багийн харваанд:

Ш.Бямбасүрэн Б.Жавхлантөгс Д.Сэлэнгээ нар алт /Добу Мэргэн клуб/

П.Мишээлт Э.Одонгуа О.Халиунсайхан нар мөнгө /Алдар Спорт хороо/

Ж.Дагийжанчив Б.Мөнхчимэг Г.Энхжин нар хүрэл /Хангарьд Спорт клуб/ медаль тус тус хүртэв.

Цахим орчинд Нийслэлийн орон сууцны корпораци /НОСК/ ХК-ийн нэрийг ашиглан хуурамч хаяг, хуудаснаас иргэдийг орон сууцны төсөл хөтөлбөрт хамруулж өгөх талаар төөрөлдүүлсэн, худал мэдээлэл гарч байна. Орон сууцанд хамрагдах хүсэлтэй иргэд дээрх хууль бус үйлдлийн улмаас эд хөрөнгө, сэтгэл санааны хохирол хүлээх явдал гарч буй. Иймд уг эрсдэлээс сэргийлэх зорилгоор иргэдэд албан ёсны сэрэмжлүүлэг хүргэж байна.

НОСК-ийн үйл ажиллагаа, хэрэгжүүлж буй төсөл, хөтөлбөрийн талаар албан ёсны мэдээ мэдээллийг та бүхэн дараах эх сурвалжаас хүлээн авна уу.

Үүнд:

• Фэйсбүүк хуудас – Нийслэлийн орон сууцны корпораци
• Веб сайт – nosk.ub.gov.mn
• Холбогдох утас – 70006953

Анхан шатны шүүхийн шүүгчийн сонгон шалгаруулалтад нэр дэвшигчдийн хууль зүйн мэдлэг чадварын шалгалт зургаадугаар сарын 2-ны өдөр эхэлж өчигдөр дуусав. Эрүү, иргэн, захиргааны шүүхийн шүүгчид нэр дэвшигчдээс ирүүлсэн нийт давхардсан тоогоор 107 материалыг шалгасан байна.

Улмаар эдгээрээс хууль зүйн мэдлэг чадварын шалгалтад хуулийн дагуу 50-аас дээш оноо авсан дараах дөрвөн нэр дэвшигч дараагийн шатны шалгаруулалт буюу мэргэшил, ёс зүй, зан төлөвийн шалгалтад оролцохоор шалгарчээ.

Иймд Шүүхийн ерөнхий зөвлөл хуралдаж тус хуульчдыг Анхан шатны шүүхийн шүүгчийн сонгон шалгаруулалтын хууль зүйн мэдлэг чадварын шалгалтад тэнцсэнийг баталж тогтоолоо гаргасан байна.

Манай улсад хүүхдийн хөдөлмөр эрхлэлт сүүлийн 5 жилд буураагүй, хөвгүүд, хөдөөний хүүхдийн хөдөлмөр эрхлэлтийн хувь их байгааг Үндэсний статистикийн хороо мэдээлэв.

Хүйсээр нь авч үзвэл хөвгүүдийг охидтой харьцуулахад эдийн засгийн үйл ажиллагаанд оролцох болон аюултай нөхцөлд ажиллах нь илүү байна.

Хүүхдийн аюултай хөдөлмөр эрхлэлтэд боловсролгүй эхийн хүүхэд 13.9 хувь байгаа бол дээд боловсролтой эхийн хүүхэд 3.3 хувийг эзэлжээ.

Мөн нийт хөдөлмөр эрхэлж буй хүүхдийн 48 хувь нь амьжиргааны түвшин доогуур өрхийнх бол амьжиргааны түвшин сайжрах тусам хүүхдийн хөдөлмөр эрхлэлтийн хувь багасаж байгаа аж.

Япон улс руу зорчих зорчигчдын хамрагдсан коронавируст халдвар /Ковид-19/-ын эсрэг дархлаажуулалтын вакцины төрлөөс хамаарч дараах байдлаар тусгаарлалтыг хэрэгжүүлнэ.