Сүүлийн хоногт коронавируст халдварын 65 тохиолдол PCR шинжилгээгээр батлагджээ.
Шинэ батлагдсан тохиолдлын 37 нь нийслэлд 28 нь орон нутагт бүртгэгдлээ.
Өнөөдрийн байдлаар халдварын улмаас 825 хүн гэрийн ажиглалтад байгаа бол 227 иргэн эмнэлэгт хэвтэн эмчлүүлж байгаа юм.
Хэвтэн эмчлүүлж буй иргэдийг биеийн байдлаар нь ангилбал:
Ирэх долоо хоногийн Пүрэв, Баасан гарагт /2022.04.07-2022.04.08/ хуралдах Монгол Улсын Их Хурлын 2022 оны Хаврын чуулганы нэгдсэн хуралдаанаар хэлэлцэх асуудлын дарааллыг та бүхэнд танилцуулж байна.
|
ЦАГ |
ЧУУЛГАНЫ НЭГДСЭН ХУРАЛДААН |
ХААНА |
|
|
10.00 |
· Ойн тухай хуульд нэмэлт, өөрчлөлт оруулах тухай хуулийн төсөл /Засгийн газар 2022.03.28-ны өдөр өргөн мэдүүлсэн, хэлэлцэх эсэх/ · Зөрчлийн тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Т.Энхтүвшин нарын 6 гишүүн 2022.03.24-ний өдөр өргөн мэдүүлсэн, хэлэлцэх эсэх/ · Тагнуулын байгууллагын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2022.03.04-ний өдөр өргөн мэдүүлсэн, анхны хэлэлцүүлэг, хаалттай/ · “Хөшигийн хөндийн эдийн засгийн чөлөөт бүс байгуулах тухай” Улсын Их Хурлын тогтоолын төсөл /Засгийн газар 2022.01.17-ны өдөр өргөн мэдүүлсэн, анхны хэлэлцүүлэг/ · Эрдэнэсийн сангийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Улсын Их Хурлын гишүүн С.Бямбацогт нарын 4 гишүүн 2020.01.13-ны өдөр өргөн мэдүүлсэн, анхны хэлэлцүүлэг/ |
“Их хуралдай” |
|
Монголын хөлбөмбөгийн холбоо, Европийн хөлбөмбөгийн холбоотой хамтран сургалт зохион байгуулах гэж байна.
Сургалт энэ сарын 5-ны өдөр 10:00-17:00 цагийн хооронд явагдах бөгөөд МХБХ-ы гишүүн байгууллага, клуб, багуудын удирдлагуудад (эзэд, гүйцэтгэх захирал, менежер) зориулжээ.
Агуулга нь клуб болон тамирчдыг манлайлах, удирдан чиглүүлэх, хөгжүүлэх, клубын хөгжлийн менежментийг сайжруулахад чиглэсэн байна.
Маргааш өдөр төв болон зүүн аймгуудын нутаг, говийн аймгуудын нутгийн зарим газраар хүчтэй салхи, шороон шуургатай байхыг анхааруулж байна.
2022 оны 04 сарын 03-ны 20 цагаас 04 сарын 04-ний 20 цаг хүртэлх цаг агаарын урьдчилсан мэдээ
Хур тунадас: Ихэнх нутгаар солигдмол үүлтэй. Шөнөдөө төвийн аймгуудын нутгийн баруун хойд хэсгээр, өдөртөө төв болон зүүн аймгуудын нутгийн хойд хэсгээр нойтон цас, цас орж, цасан шуурга шуурна. Бусад нутгаар хур тунадас орохгүй.
Салхи: Нутгийн зүүн хагаст баруун өмнөөс баруун хойш эргэж, бусад нутгаар баруун өмнөөс секундэд 7-12 метр, өдөртөө төв, говь, зүүн аймгуудын нутгийн зарим газраар секундэд түр зуур 16-18 метр хүрч ширүүсэж, шороон шуурга шуурна.
Агаарын температур: Шөнөдөө Увс нуур болон Дархадын хотгор, Тэс, Идэр голын хөндийгөөр 9-14 хэм, Монгол-Алтай, Хангай, Хөвсгөл, Хэнтийн уулархаг нутаг, Байдраг, Туул, Тэрэлж голын хөндийгөөр 3-8 хэм хүйтэн, Их нууруудын хотгор болон говийн бүс нутгийн өмнөд хэсгээр 2-7 хэм дулаан, бусад нутгаар 2 хэм дулаанаас 3 хэм хүйтэн, өдөртөө Увс нуур болон Дархадын хотгор, Тэс голын хөндийгөөр 1 хэм хүйтнээс 4 хэм дулаан, Хөвсгөлийн уулархаг нутаг, Орхон, Сэлэнгэ, Хараа, Ерөө, Тэрэлж, Хэрлэн, Онон, Улз голын хөндийгөөр 4-9 хэм, Их нууруудын хотгор болон говийн бүс нутгийн өмнөд хэсгээр 17-22 хэм, бусад нутгаар 11-16 хэм дулаан байна.
УЛААНБААТАР ХОТ ОРЧМООР: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 5-10 метр, өдөртөө зарим үед секундэд 13-15 метр хүрч ширүүсэж, шороон шуурга шуурна. Шөнөдөө Яармаг-Сонгины орчмоор 6-8 хэм, бусад хэсгээр 1-3 хэм хүйтэн, өдөртөө 11-13 хэм дулаан байна.
БАГАНУУР ОРЧМООР: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 5-10 метр, өдөртөө зарим үед секундэд 14-16 метр хүрч ширүүсэж, шороон шуурга шуурна. Шөнөдөө 4-6 хэм хүйтэн, өдөртөө 12-14 хэм дулаан байна.
ТЭРЭЛЖ ОРЧМООР: Шөнөдөө багавтар үүлтэй, хур тунадас орохгүй. Өдөртөө үүлшиж, ялимгүй хур тунадас орно. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 5-10 метр, өдөртөө зарим үед секундэд 13-15 метр хүрч ширүүсэж, шороон шуурга шуурна. Шөнөдөө 6-8 хэм хүйтэн, өдөртөө 7-9 хэм дулаан байна.
2022 оны 04 дүгээр сарын 05-наас 04 дүгээр сарын 09-нийг
хүртэлх цаг агаарын урьдчилсан төлөв
5, 6-нд зүүн аймгуудын нутгийн зарим газраар, 8-нд баруун аймгуудын нутгийн баруун болон хойд хэсгээр хур тунадас орно. Салхи ихэнх нутгаар секундэд 7-12 метр, 5, 6-нд тал, хээрийн нутгаар секундэд 15-17 метр хүртэл ширүүсэж, шороон шуурга шуурна. Увс нуур болон Дархадын хотгор, Тэс голын хөндийгөөр шөнөдөө 10-15 хэм хүйтэн, өдөртөө 1 хэм хүйтнээс 4 хэм дулаан, Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 6-11 хэм хүйтэн, өдөртөө 8-13 хэм, Их нууруудын хотгор болон говийн бүс нутгийн өмнөд хэсгээр шөнөдөө 2-7 хэм, өдөртөө 19-24 хэм дулаан, бусад нутгаар шөнөдөө 1 хэм хүйтнээс 4 хэм дулаан, өдөртөө 13-18 хэм дулаан байна.
Олон улсын эрчим хүчний агентлагийн гишүүн улс орнууд үнийн өсөлтийг хязгаарлахын тулд шинэ зохицуулалтаар газрын тосны нөөцөөсөө гаргахаар тохиролцжээ. Хэдий хэр хэмжээтэй нөөцийг ямар хугацаанд гаргах тухайгаа ирэх 7 хоногт зарлах аж.
Тодруулбал, Олон улсын эрчим хүчний агентлагийн гишүүн АНУ, Япон, Европын орнууд баасан гарагт ээлжит бус цахим хурал хийж, Оросын Украинд явуулж байгаа цэрэг дайны ажиллагаанаас үүдэлтэй зах зээлийн хямралыг хэрхэн арилгах тухай хэлэлцлээ.
Тус агентлагийн тооцоолсноор, Өрнөдөөс Оросын эсрэг тогтоосон эдийн засгийн хатуу хориг арга хэмжээний нөлөөгөөр 4 дүгээр сарын 1-нээс эхлэн Оросын хоногт олборлох газрын тосны хэмжээ 3 сая баррелиар буурахаар байна.
Өнөөдөр ногоон бүсийн эргүүл хяналтаар 25 алба хаагч 5 автомашинатайгаар үүрэг гүйцэтгэж байна
Шри Ланкад эдийн засгийн хямралын эсрэг жагсаал цуглаан өргөжин тэлсэнтэй холбогдуулан улс орон даяар онц байдал тогтоолоо. Тус улсын ард иргэд төр засгаа улс орноо эдийн засгийн гүн хямралд оруулсан гэж буруутган ерөнхийлөгчөө огцрохыг шаардаж, хувийн эдлэнгийнх нь гадна жагсаал хийж байгаа аж.
Тодруулбал, Шри Ланка улсын өнцөг булан бүрт төр засгийн эсрэг жагсаал цуглаан болж, жагсаалд нэгдсэн иргэд хот суурин газруудын замын хөдөлгөөнийг хаажээ.
Иймд нийгмийн хэв журмыг сахиулах, ард иргэдийн амьдралд зайлшгүй шаардлагатай хангамж үйлчилгээг хадгалах зорилгоор онц байдал тогтоолоо гэж тус улсын ерөнхийлөгч мэдэгджээ. Үүнтэй зэрэгцэн тус улсын цагдаагийн газраас нийслэл Коломбо хот болон Баруун мужид баасан гарагаас эхлэн шөнийн хөл хорио тогтоож, хориотой бүсийн хүрээг өргөжүүлсэн байна.
22 сая хүн амтай Шри Ланка улс 1948 онд Британиас тусгаар тогтнолоо зарласнаас хойш хамгийн том хямралтай тулгарч байгаа юм байна. Тус улсад одоогоор өргөн хэрэглээний бараа бүтээгдэхүүн хомстол, үнэ огцом өсөж, цахилгаан эрчим хүчийг өдөрт 13 цагаар хязгаарлаж байна.
Шри Ланка улсын цахилгаан станцууд ихэвчлэн дизель түлшээр ажилладаг. Гэвч засгийн газар нь дизель түлш импортлох гадаад валютын нөөцгүй болсон учир эрчим хүчний хомстолд оржээ.
Ковид-19 цар тахлын нөлөө болон цагаа олоогүй татварын хөнгөлөлт тус улсын гадаад валютын нөөцийг сүүлийн 2 жилд 70 хувиар бууруулжээ. Засгийн газар нь Энэтхэгээс 500 сая долларын дизель түлш зээлээр авахаар болсон ч энэ нь хямралыг шийдэж чадахгүй гэж эрх баригчид нь үзэж байна.
Эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшнийг тогтоох, сайжруулах зорилго бүхий Монгол хэл, бичгийн шалгалтыг өнөөдөр улсын хэмжээнд нийт 49 шалгалтын байранд амжилттай зохион байгууллаа.
Шалгалтад нийт 37,375 шалгуулагч бүртгүүлсэн ба шалгалтын ирц 95 хувьтай байв.
Шалгалтын дүн оноог 2022 оны дөрөвдүгээр сарын 13-ны өдөр eyesh.eec.mn цахим хуудсанд байршуулна гэж Боловсролын үнэлгээний төвөөс мэдээллээ.
ОХУ-аас Украинд дайралт хийж эхэлснээр түүх, соёлын дурсгалт газар, байшин барилгууд олноороо сүйдсэн гэж ЮНЕСКО мэдэгджээ. Украинд агаарын цохилт өгснөөр түүхийн дурсгалт газрууд, шашны барилгууд, музейнууд гэх мэт сүйджээ. НҮБ-ын боловсрол, шинжлэх ухаан, соёлын байгууллагын тооцоолсноор түүх, соёлын дурсгалт 53 барилга, байгууламж сүйдсэн аж. Тухайлбал, Чернигов хотын төв дэх эртний сүм дуганууд өнгөрсөн хоёрдугаар сард эхэлсэн Оросын агаарын цохилтын улмаас сүйдсэн байна.
Харин ЮНЕСКО-гийн Дэлхийн өвд бүртгэгдсэн долоон газар гэмтсэн эсэхийг хараахан тодруулаагүй байна.
Украины зүүн хэсгийн Харьков мужид түүх, соёлын дурсгалт 20 гаруй барилга, сүм сүйджээ. Мөн нийслэл Киев хотноо соёлын өв болсон таван газар сүйдсэн байна. Нарийвчилсан судалгаагаар шашны 29 сүм, түүхэн 16 барилга, дөрвөн музей, дөрвөн хөшөө дурсгал сүйдсэн аж.
Украины соёлын сайд өнгөрсөн Баасан гаригт мэдээлэхдээ тус улсын соёлын дурсгалын эсрэг 135 гэмт хэрэг бүртгэгджээ. Тухайлбал, Мариуполь хотын театрыг бөмбөгдсөнөөс тэнд түр орогнож байсан 300 гаруй хүн гэмтэж бэрсэн ба Харьков дахь Холокостын амь үрэгдэгсдийг дурсах газар сүйджээ.
ЭХ СУРВАЛЖ: NYPOST
Олон улсын жүдо бөхийн холбооноос зохион байгуулдаг Антальяагийн Их дуулгын эхний өдөр эрэгтэйчүүдийн -60 кг, -66 кг, эмэгтэйчүүдийн -48 кг, -52 кг, -57 кг-ын жингийн барилдаан болов.
Эмэгтэйчүүдийн -48 кг-ын жинд өрсөлдсөн Г.Наранцэцэг, Б.Баасанхүү нар финалд үлдэж, аваргын төлөө барилдсан бөгөөд Г.Наранцэцэг туршлага заан, иппон үнэлгээгээр ялалт байгуулсан юм. Өдгөө 27 настай түүний Их дуулгад түрүүлж буй анхны тохиолдол нь энэ.
Харин 22 настай Б.Баасанхүүгийн хувьд тав дахь Их дуулгадаа зодоглож, гурав дахь медалиа хүртэв. Тэрбээр Парисын Их дуулгаас мөнгө, Тел Авивын Их дуулгаас хүрэл, Антальяагийн Их дуулгаас мөнгөн медаль дараалан хүртээд байна.
Эхний өдөр барилдсан бусад Монгол бөхчүүдийн тухайд эрэгтэйчүүдийн -66 кг-ын жинд хүч үзсэн Ё.Басхүү, эмэгтэйчүүдийн -52 кг-ын жингийн Б.Хорлоодой нар шагналт тавдугаар байр эзэллээ.
Ц.ОРГИЛМӨНХ