Month: April 2022

Categories
мэдээ нийгэм

ЭМД-ын үндэсний зөвлөлийн гишүүдийг томилох сонсгол болно DNN.mn

Эрүүл мэндийн даатгалын үндэсний зөвлөлийн даатгуулагчийг төлөөлсөн гишүүнийг томилохтой холбогдуулан Монгол Улсын Их Хурлын Нийгмийн бодлогын байнгын хорооноос “Нэр дэвшигчийн сонсгол”-ыг 2022 оны 04 дүгээр сарын 18-ны өдрийн 15.00 цагт Төрийн ордны ордны “Их Эзэн Чингис хаан” танхимд зохион байгуулна. Иргэн, хуулийн этгээд, хэвлэл мэдээллийн байгууллагуудын төлөөлөл Та бүхнийг оролцохыг урьж байна.

Бүртгэл: 2022 оны 04 дүгээр сарын 14-ний өдрийн 17:30 цаг хүртэл явагдах тул нэр дэвшигчийн сонсголд оролцох хуулийн этгээдийн төлөөлөл, иргэн бол овог, нэр, холбогдох утасны дугаар, нэр дэвшигчдээс асуулт асуух эсэх зэргийг бүртгэлийн хуудасны дагуу бөглөж илгээн бүртгүүлнэ үү.

Оролцогчдын талаарх мэдээлэл: Оролцогчдын тоо хязгаартай тул хүсэлт ирүүлсэн дарааллаар баталгаажуулах бөгөөд бүртгэл дуусмагц нэрсийг Улсын Их Хурлын цахим хуудаст байршуулна.

Нэр дэвшигчдийн мэдээлэл: Эрүүл мэндийн даатгалын үндэсний зөвлөлийн гишүүнд нэр дэвшигч Ч.Нарантуяа, З.Цогтгэрэл нарын мэдээлэлтэй танилцана уу.

Шуудангийн хаяг: 14201 Улаанбаатар хот, Сүхбаатар дүүрэг, Жанжин Д.Сүхбаатарын талбай 1, Төрийн ордон-312, Нийгмийн бодлогын байнгын хороо. /Лавлах утас: 51-265010/

Цахим шуудангийн хаяг: nyamsuren@parliament.mn

Жич: “Монгол Улсын Төрийн ордны хамгаалалт, үйлчилгээний журам”-д заасны дагуу оролцох хүмүүсийн иргэний үнэмлэхийг үндэслэн албаны болон үндэсний хувцастай Төрийн ордонд нэвтрүүлнэ.

Эрүүл мэндийн даатгалын үндэсний зөвлөлийн гишүүдийг томилох сонсгол болно

Categories
мэдээ цаг-үе

Үнийн өсөлтөөс болж 18 настай охин жагсаж байна DNN.mn

Өнөөдөр Сүхбаатарын талбай дээр 18 настай охин Сүхбаатарын талбай дээр жагсаж байна. Жагсагчид ихэвчлэн 20-оос дэш насны хүмүүс байдаг бол энэ удаад оюутан охин цаг үеийн тулгамдаж буй асуудлаар үзэл бодлоо хэлж байгаагаараа онцлох юм.

Тэрбээр жагсаж буй шалтгаанаа хэлэхдээ “Үеийнхэн маань гадаад улсад амьдрах бодолтой байдаг. Би тийм байгаагүй ч өдөрт өч төчнөөн төгрөгөөр юмны үнэ өсөж байгаад бухимдаж байна. Энэ их үнийн хөөрөгдлөөс болж Монгол Улсад амьдрах хүсэл буурч байна. Өмнө нь ийм бодол надад байгаагүй.

Сургалтын төлбөр нэмэгдэж байна. Ээж маань 2018 онд 600 мянган төгрөгийн цалинтай байсан. Одоо ч тэр цалингаа авсан хэвээр л байна. Гэтэл тэр цагаас хойш юмны үнэ хоёр дахин өсчихлөө. Цалинг нь нэмсэн ч юмны үнэ цалинг дагаад л өснө. Би үеийнхнээ хамт жагсъя гэж хэлсэн ч “Төрийн төлөө оготно боож үхнэ” гэсэн үзэл санаатай байсан учраас хамт ирээгүй.

76 сая малтай байж, 500 гр сүүг 2000 төгрөгөөр авч байгаа нь өнөөдрийн нийгмийн үнийн өсөлтийг шууд харуулна байх гэж бодож байна. Миний сургалтын төлбөрийг ээж маань зээл авч, хамаатан саднаас мөнгө зээлж байгаа. Миний сургалтын төлбөрийг гэнэт л 400 мянган төгрөгөөр нэмсэн. Юу ч хэлээгүй. Гэнэт л ийм их мөнгө олох хэрэг гарсан.

Залуусаа төрийн төлөө оготно боож үхнэ гэж байхгүй. Энэ нийгмийг хамт жагсаж сайхан болгож чадна шүү дээ гэж хэлмээр байна” гэлээ.

Categories
гадаад мэдээ

Хятадын зүүн хэсэгт “омикрон”-ы шинэ хувилбар илэрчээ DNN.mn

БНХАУ-ын Жянсү мужийн Сүжоу хотод коронавирусний “омикрон” хувилбарын BA.1.1 дэд хувилбар илэрчээ.

Хятадын “Global Times” хэвлэл мэдээлснээр, Сүжоу хотын Өвчнийг хянах, урьдчилан сэргийлэх төв дэд хувилбарыг гуравдугаар сарын 28-нд илрүүлж, геномын дарааллыг тогтоосон байна. Шинэ дэд хувилбарын талаар илүү их мэдээлэлтэй болохын тулд задлан шинжилгээ, харьцуулсан судалгаа явуулах шаардлагатай аж.

Дэлхийн эрүүл мэндийн байгууллагын мэдээллээр, коронавирусний цар тахал дэгдсэнээс хойш дэлхийн хэмжээнд нийт 487 сая хүн халдвар авч, 6.1 сая энджээ.

Categories
мэдээ цаг-үе

ЭМЯ: Коронавируст халдварын 81 тохиолдол шинээр батлагджээ DNN.mn


Улсын хэмжээнд өнгөрсөн хоногт коронавируст халдварын 81 тохиолдол шинээр батлагджээ. Үүнээс 44 нь Улаанбаатар хотод, 37 нь орон нутагт бүртгэгдсэн байна.

Халдварын улмаас нийт 218 хүн эмнэлэгт, 753 хүн гэрийн хяналтад эмчлүүлж байгаа бөгөөд маш хүнд оноштой найман хүн байгааг Эрүүл Мэндийн Яамнаас мэдээллээ.

Эмчлүүлж буй иргэдийн тоо 971 байгаа нь халдварын тархалт зогсоогүйг илтгэх тул амны хаалтаа зүүхийг зөвлөж байна.

Орон нутгийн хувьд Өмнөговь аймгаас бусад аймагт халдваргүй болжээ.

зураг

Categories
арын-нүүр булангууд мэдээ

СОНИНЫ АРЫН НҮҮР: Кофе чанагч машинтай албан газрын ажилчдын ажиллах чадамж 40 хувиар өсдөг DNN.mn

Эрдэмтэд кофены талаар янз бүрийн үзэл бодолтой байдаг. Зарим нь магтан сайшааж байхад цөөнгүй хэсэг нь аль болох хэрэглэхгүй байх нь зүйтэй гэсэн талыг баримталдаг. Гэхдээ юм гэдэг хоёр талтай билээ. 12 жилийн турш үргэлжилсэн 25-70 насны нэг сая орчим хүн хамрагдсан томоохон туршилтын үр дүнд кофены тогтмол хэрэглээ нь тархи, зүрх судас, амьсгалын замын болон бусад эрхтэн тогтолцооны үйл ажиллагааг сайжруулдаг болохыг баталсан байна. Мөн дээрх судалгаанаас нэгэн сонирхолтой үр дүн гарсан нь кофе чанагчтай, эсвэл кофе шоптой албан газрын ажилчдын бүтээмж, ажиллах чадамж 40 хувиар өссөн дүн байв. Тодруулбал, кофены үнэр яг тамхины утаа шиг дам нөлөө үзүүлдэг байна. Өөрөөр хэлбэл, та кофе уудаггүй байсан ч ажиллаж байгаа албан газарт тань кофе шоп, эсвэл кофе чанагч машин байдаг бол энэхүү нөлөөнд шууд орно гэсэн үг юм. Дэлхий дахинд сүүлийн үед албан газруудын удирдлагууд ажилчдынхаа бүтээмж, ажиллах чадамжийг өсгөх, цаашлаад компанийнхаа үйл ажиллагааг шуурхайлах, ашиг орлогоо ихэсгэх зорилгоор байгууллагадаа кофе чанагч машин, эсвэл аль нэг булан хэсэгтээ кофе шоп нээн ажиллуулдаг болсон байна. Энэ нь дээрх судалгааны үр дүнтэй шууд холбоотой юм. Та кофе уудаггүй хүн байж болно. Гэхдээ албан газар тань ийм шийдэл буюу кофены үнэр үнэртэж л байгаа бол таны ажиллах чадамж 40 хувиар өсдөг болох нь судалгаагаар нотлогджээ. Кофенд агуулагдах кофейн гэх бодисыг уухаас илүү үнэртэх үед хүнд нөлөөлөх хүчин зүйл нь хоёр дахин илүү өсдөг байна. Кофены үнэр үнэртэх агшинд хүний сэтгэл санаа тогтворжиж, цусны эргэлт сайжирч, улмаар эрч хүч нэмэгддэг аж. Ингэснээр анхаарал төвлөрөх, ой тогтоолт сайжрах, тархины хурдан сэтгэх үйл ажиллагааг дэмжиж өгдөг байна. Улмаар ядралт багасаж, ажиллах эрч хүч өсдөг ба түүнийгээ дагаад бүтээмж мөн адил нэмэгддэг болохыг эрдэмтэд тогтоожээ. Тиймээс та байгууллагынхаа үйл ажиллагааг идэвхжүүлэх, ажилчдынхаа бүтээмжийг өсгөхийг хүсч л байгаа бол албан газартаа кофе чанагч машин авах, эсвэл кофе шоп нээгээрэй.

Categories
гадаад мэдээ

“Grammy” наадмын шагнал гардуулах ёслол эхэллээ DNN.mn

Цар тахлын улмаас хоёр сараар хойшилсон “Grammy” хөгжмийн наадмын 64 дэх удаагийн шагнал гардуулах ёслол АНУ-ын Лас-Вегас хотноо ням гарагт эхэллээ.

“Grammy-2022” наадмыг анх нэгдүгээр сарын 31-нд Лос-Анжелес хотын “Crypto.com” танхимд зохион байгуулахаар товлоод байсан боловч 2021 оны сүүлээр “омикрон” хувилбар тархсаны улмаас хавар хүртэл хойшлуулж, “MGM” танхимд явуулахаар болсон юм.

Энэ удаагийн наадмыг Бруно Марс, Андерсон Паак нарын бүрэлдэхүүнтэй “Silk Sonic” хамтлаг “777” дуугаа үзэгчдийн хүртээл болгосноор эхлүүлсэн бөгөөд тун удалгүй “Leave the Door Open” дуугаараа “Оны шилдэг дуу” шагналын эзэд болжээ.

“Grammy” наадмын хамгийн шилдэг дөрвөн шагналд нэр дэвшээд буй залуу дуучин Оливиа Родригогийн хувьд “Шилдэг шинэ уран бүтээлч”-ээр тодроод байна. Тэрбээр шагналаа гардан авах үеэрээ “хамгийн том мөрөөдөл минь биеллээ” хэмээн хэлжээ.

Энэ орой тайзнаа Осборны ахан дүүс, “BTS хамтлаг, Брэнди Карлайл, Билли Айлиш, Лис Нас Икс болон Жеком Харлоу, Оливиа Родриго, Жон Батисте, “H.E.R” нар уран бүтээлээ толилуулна. Мөн өнгөрсөн 11 дүгээр сард 91 насандаа таалал төгссөн хөгжмийн зохиолч Стивен Сондхейм, ердөө долоо хоног гаруйн өмнө зуурдаар нас барсан, “Foo Fighters” хамтлагийн бөмбөрчин Тейлор Хокинс нарын дурсгалыг хүндэтгэх ажээ.

Categories
мэдээ нийгэм

Давж заалдах шүүх хуралд Э.Бат-Үүлийг биечлэн оролцуулах хүсэлт тавьжээ DNN.mn


Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс өнгөрсөн оны арванхоёрдугаар сард хотын дарга асан Э.Бат-Үүлийг гэм буруутайд тооцож, дөрвөн жилийн хорих ял оноосон билээ.

Э.Бат-Үүл шүүх хурлын шийдвэрийг эсэргүүцэж, өмгөөлөгчөөрөө дамжуулж давж заалдахаа мэдэгдсэн. Улмаар давж заалдах гомдлоо гаргасан байдаг.

Тэгвэл өнөөдөр /2022.04.04/ Хотын дарга асан Э.Бат-Үүлд холбогдох хэргийн давж заалдах шатны шүүх хурлыг 09.00 цагт товлосон ч түр хойшлууллаа.

Учир нь, шүүгчдэгчийн өмгөөлөгчийн зүгээс Э.Бат-Үүлийг шүүх хуралд биечлэн оролцуулах хүсэлт тавьжээ.

Categories
мэдээ улс-төр

УИХ дахь МАН, АН-ын бүлгийн хуралдаан болж байна DNN.mn

Улсын их хурлын хаврын ээлжит чуулганаар дөрөвдүгээр сарын 4-ний даваа гарагт хэлэлцэх асуудал, тов, дарааллыг хүргэж байна.

НЭГ.НАМЫН БҮЛГИЙН ХУРАЛДААН

10.00 Улсын Их Хурал дахь Монгол Ардын намын бүлгийн хуралдаан- “Жанжин Д.Сүхбаатар” танхимд

10.00 Улсын Их Хурал дахь Ардчилсан намын бүлгийн хуралдаан-“Их Эзэн Чингис хаан” танхимд

ХОЁР.АЖЛЫН ХЭСГИЙН ХУРАЛДААН

10.00 Тагнуулын байгууллагын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын дэд хэсгийн хуралдаан-“Их засаг” танхимд

10.00 Ноос, ноолуурын үйлдвэрлэлийг дэмжихтэй холбоотой хууль тогтоомжийн хэрэгжилтийг эрчимжүүлэх, боловсронгуй болгох Монгол Улсын Их Хурлын тогтоолын төсөл боловсруулах үүрэг бүхий Үйлдвэржилтийн бодлогын байнгын хорооны ажлын хэсгийн хуралдаан-“Үндсэн хууль” танхимд

14.00 Олон нийтийн радио, телевизийн тухай хуулийн хэрэгжилттэй танилцах, хянан шалгах үүрэг бүхий Төрийн байгуулалтын байнгын хорооны ажлын хэсгийн хуралдаан-“Жанжин Д.Сүхбаатар” танхимд

14.00 Зөвшөөрлийн тухай хуулийн нэгтгэсэн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан-“Их Эзэн Чингис хаан” танхимд

14.00 Биеийн тамир, спортын тухай хуулийн хэрэгжилт, салбарын хөрөнгө оруулалт, санхүүжилтийн талаар шалгаж санал, дүгнэлт гаргах, шийдвэрийн төсөл боловсруулах үүрэг бүхий Боловсрол, соёл, шинжлэх ухаан, спортын байнгын хорооны ажлын хэсгийн хуралдаан- “Үндсэн хууль” танхимд

14.00 Зарим төрлийн төрийн хяналт шалгалтын үйл ажиллагааг түр зогсоох тухай хуулийн төслийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын дэд хэсгийн хуралдаан -“Их засаг” танхимд

Categories
мэдээ нийгэм

Н.Учрал: Хүмүүс НӨАТ-ын буцаан олголтоор амьдрал ахуйгаа авч явдаг DNN.mn

Нийгмийн Ардчилан Монголын Залуучуудын Холбооны ээлжит бус Их хурал өнгөрөгч амралтын өдрүүдэд “Найрамдал” цогцолборт болов.

Энэ удаагийн хурлаар тус холбоо нэрээ сольж Социал демократ залуучуудын холбоо болгосон байна.

Мөн ээлжит бус Их хурлын үеэр тус холбооны ерөнхийлөгч, УИХ-ын гишүүн Н.Учралын хэлсэн үг багагүй шүүмжлэл дагуулав.

Тэрбээр “НӨАТ-ын буцаан олголтоор амьдардаг айл маш олон байна. Хүмүүс НӨАТ-ын буцаан олголтоор амьдрал ахуйгаа авч явж, хүлээдэг. Тиймээс НӨАТ-ын буцаан олголтыг нэмэгдүүлэх шаардлага тавигдаад байна” гэсэн юм.

Ташрамд дурдахад, татварын системд бүртгэгдсэн нийт худалдан авалтын хоёр хувийг улирал тутам буцаан олголтоор олгодог бөгөөд сар бүр азтан тодруулдаг.
Categories
гадаад мэдээ

“Путинд яагаад хорт хавдрын мэс засалч хэрэгтэй болов?” DNN.mn

Саяхан эрэн сурвалжлах сэтгүүл зүйн “proekt.media” сайтад “Зачем Путину хирург-онколог?” буюу “Путинд яагаад хорт хавдрын мэс засалч хэрэгтэй болов?” баримт нийтлэл тавигджээ. Уг нийтлэлд өгүүлснээр хэсэг эмч нар сүүлийн дөрвөн жилийн хугацаанд олон удаа Путины өргөөнд зочилж, томилолтоор явахад нь дагалдаж байсан гэнэ.

Тухайлбал, бамбай булчирхайн хорт хавдраар мэргэшсэн хорт хавдрын мэс засалч Евгений Селиванов сүүлийн дөрвөн жилийн хугацаанд 35 удаа Хар тэнгисийн эрэг дэх Путины харшид зочилж, 166 хоног дэргэд нь байсныг мөрдөж тогтоожээ. Чих, хамар, хоолойн эмч нар болох Игорь Есаков, Алексей Щеглов нар үүнээс ч олон удаа ОХУ-ын ерөнхийлөгчийн дэргэд байсан аж. Тухайлбал, Щеглов 2016-aaс 2020 оны хооронд 59 удаа ерөнхийлөгчид бараалхаж, нийтдээ 282 хоногийг дэргэд нь өнгөрүүлжээ. Уг сайтынхан ОХУ-ын засгийн газрын бэлтгэн нийлүүлэлтийг тайлагнадаг вэб сайтаас эмч нарын томилолтын зардлыг судалсны үндсэн дээр тэдний Сочид өнгөрүүлсэн хугацааг тогтоосон гэнэ. Эдгээр эмч нарын Сочи хотын зочид буудалд өнгөрүүлсэн хугацаа Путины тэнд байсан болон олны өмнө ил гараагүй цаг үетэй давхцаж байгаа ажээ. Путиныг эмч нар дагалдсан дундаж давтамж 2016, 2017 онуудад тав байснаа 2019 онд ес болж нэмэгдсэнийг бас илрүүлсэн байна.

Дээр дурдсан эмч нараас гадна мэдээ алдуулагч, мэдрэлийн мэс засалч, халдварт өвчний мэргэжилтэн, эрчимт эмчилгээний эмч зэрэг мэргэжлийн хүмүүс Путиныг дагалдаж байжээ. Бас ОХУ-ын ерөнхийлөгчийг бугын цусан эврийн цусаар хандалсан усанд орж биеэ эмчилж байгаа тухай энэхүү нийтлэлд дурдсан байна. Уг эмчилгээний аргыг батлан хамгаалахын сайд Сергей Шойгу зөвлөсөн гэж мэдээлжээ.

Өнгөрсөн оны есдүгээр сард Владимир Путин нууцлаг шалтгаанаар хэсэг хугацаанд олны нүднээс холдож байсан юм. Энэ үед тэрээр бамбай булчирхайтай холбоотой нэлээд хүнд хагалгаанд орсон байх өндөр магадлалтай гэж уг сайтад мэдээлжээ. Сүүлийн үеийн хэвлэлийн гэрэл зургуудад Путины нүүр нэлээд хавантай харагдах болсон нь бамбай булчирхайн хорт хавдрын үед уудаг стероид төрлийн эмийн нөлөөтэй холбоотой гэсэн яриа олны дунд тараад байгаа юм. Мөн барууны сэтгүүлчид Путин эдгэршгүй өвчин туссан учраас олон улсын шүүхээс айлгүй Украинд дайн эхлүүлсэн гэж бичиж байсан билээ.

Г.АМАРСАНАА