Нийслэлийн хэмжээнд улс, нийслэл, дүүргийн хөрөнгө оруулалт зэрэг 11 санхүүжилтийн эх үүсвэрээр 1,076 төсөл, арга хэмжээ хийхээр төлөвлөжээ. Энэхүү ажлын тендер сонгон шалгаруулалт 72 хувьтай буюу 750 төслийн тендерийг зарласан байна. Түүнчлэн 91 ажилд гэрээ байгуулах эрхийг олгож, 76 ажилд гэрээ байгуулжээ.

Одоогоор тендерийн үнэлгээний шатанд яваа 333 төсөл, арга хэмжээ байгаа аж. Мөн зургаан байгууллага 100 хувь тендерээ зарласан байна. Үүнтэй холбоотойгоор хотын дарга тендер, худалдан авалтын арга хэмжээнд хяналт тавьж, ажлаа эрчимжүүлэхийг сануулсан юм.

НЗДТГ Нийслэлийн Цахим хөгжил, мэдээллийн технологийн газартай хамтран цахим системээс аль ажил ямар шатандаа яваа мэдээллийг авах боломжтой. Нийслэлийн Засаг даргаас 617 ажлын эрх шилжихээс 591 ажлын эрх 28 байгууллагад шилжиж, 95.8 хувийн гүйцэтгэлтэй байна.

Өнөөдөр болсон “Аялал жуулчлалын үндэсний чуулган” арга хэмжээн дээр Мобиком Корпорацийн ТУЗ-ийн дарга Тацуяа Хамадаг Монгол улсыг Япон улсад сурталчлах “Аялал жуулчлалын элч”-ээр томилж, БОАЖ-ын сайд Б.Бат-Эрдэнэ өргөмжлөлийг гардууллаа.

БОАЖ-ын сайд Б.Бат- Эрдэнэ өргөмжлөлийг гардуулах үеэр хэлэхдээ, “БОАЖ-ын яамнаас гадаадын 26 оронд Монголын аялал жуулчлалыг сурталчлан таниулах элч төлөөлөгчдийг томилж, тухайн улсын нислэгийн болон аялал жуулчлалын компаниудтай хамтарч ажиллах гэж байна. Монгол улсад ажиллаж амьдарч байсан, Монголын ёс заншил, соёлыг сайн мэдэх, Монгол оронд элэгтэй хүмүүсийг энэхүү элч төлөөлөгчөөр томилж байна. Манай элч төлөөлөгчөөр хамгийн эхэнд томилогдож буй Тацуяа Хамада нь энэхүү ажлаа эхлүүлээд явж байна” гэсэн юм.

Тацуяа Хамада нь Монгол оронд зургаан жил гаруйн хугацаанд амьдрахдаа 21 аймгийг 3 болон түүнээс дээш удаа бүтэн тойрч, Монгол орны байгалийн дурсгалт газруудаас гадна тэр бүр хүмүүсийн мэддэггүй ховор дурсгалт газруудыг хүмүүст сурталчилж, Монгол орон даяар олон төсөл хөтөлбөрийг хэрэгжүүлж байсан билээ. Тэрээр элч төлөөлөгчөөр томилогдож байгаадаа туйлын их баяртай байгаагаа илэрхийлэхийн ялдамд Японд Монголын аялал жуулчлалаас гадна Монгол орны сайхан байгаль, ёс заншил, өв уламжлалыг сурталчлахад өөрийн зүгээс шалтгаалах бүх зүйлийг хийхэд бэлэн байна гэдгээ энэ үеэр мэдэгдлээ.

БОАЖЯ нь тавдугаар сарын 12-14-ний өдрүүдэд Япон улсад Монголын аялал жуулчлалыг таниулах зорилгоор тодорхой хэмжээний ажлуудыг явуулахаар төлөвлөж буй бөгөөд энэхүү ажилд Тацуяа Хамада нь оролцож, өөрийн зүгээс дэмжлэг туслалцаа үзүүлэхээр болжээ.

Тэрбээр “Монгол Улсын болон гадаадын иргэн харьяалалгүй иргэд 20 сая төгрөгтэй тэнцэх хэмжээний биет үнэт металл, бэлэн гадаад валютыг Монгол Улсын хилээр гаргахыг хориглож байна.

Үүнтэй холбоотой хуулийн төслийг УИХ-д нэн яаралтай өргөн мэдүүлэхээр боллоо” гэв.

Увс болон Ховд аймгийг холбосон 163.3 км авто-зам Азийн хөгжлийн банкны санхүүжилтээр баригдана. Монгол Улсын баруун бүсийн босоо тэнхлэгийн авто зам хөгжүүлэх төслийн хүрээнд Улаангом-Өлгий сум-Ховд-Мянгад-Жаргалант чиглэлийн 163.3 км авто-замыг барихаар замын трасс батлагдсан.

Зам, тээврийн хөгжлийн яамны ТНБДарга С.Батболд, Азийн хөгжлийн банкны Зүүн Азийн Газрын тогтвортой дэд бүтцийн хэлстийн захирал Сужата Гупта, Тээвэр хариуцсан ахлах мэргэжилтэн Николас И Дэй Кастели болон төслийн багийнхан энэ сарын 2-3-ны өдрүүдэд Увс аймагт ажиллан авто-зам баригдах трасс, орон нутгийн удирдлагуудын санал болон аймгийн хөгжлийн хэтийн төлөвлөгөөтэй хэрхэн уялдаж байгаа талаар танилцлаа.

АХБ-ны Зүүн Азийн газрын, тогтвортой дэд бүтцийн хэлстийн захирал Сужата Гупта аймгийн удирдлагуудтай уулзах үеэрээ “Замын ажлын хүрээнд Тариалан сум руу 18.5 км, Увс аймгийн баруун бүсийн сум дундын төв болох Өмнөговь сум руу 27.5 км замууд тус тус барина. Монгол Улсын Засгийн газар, Азийн хөгжлийн банкны хооронд байгуулсан Санхүүжилтийн Ерөнхий хэлэлцээр, хэлэлцээр, Засгийн газраас хүлээсэн үүргийн биелэлт, банкнаас тавьсан шаардлагыг цаг тухайд нь биелүүлэн ажиллана” хэмээсэн юм.

Төслийн ажил 2022 оны наймдугаар сард эхлэх бөгөөд Улаангом-Ховд чиглэлийн энэхүү авто-зам Алтай Соёныг тойрог, цаашлаад Ази-Европийг холбосон авто-замын коридор үүсгэж байгаагаараа бүс нутгийн хэмжээнд чухал үүрэгтэй юм. Тодруулбал Монгол Улсыг ОХУ-ын Сибирийн тойрог, БНХАУ-ын Шинжаан Уйгарын Өөртөө Засах оронтой авто замаар холбон хил дамнасан тээврийн коридор бий болж, өөрийн орны нутаг дэвсгэрээр олон улсын транзит тээврийг нэвтрүүлэх, Монгол улсын нийгэм, эдийн засаг, дотоодын авто тээврийг эрчимтэй хөгжүүлэх, улмаар хөрш орнуудын дамжин өнгөрөх ачаа, зорчигч тээвэрлэлтийг нэмэгдүүлж, дотоодын худалдаа, зах зээлийг хөгжих боломж нэмэгдэнэ.

Баруун бүсийн тээвэр ложистикийн төвийн ТЭЗҮ, зураг төсөв хийгдсэн. Ингэснээр зах зээлийн эрчим, худалдаа, транзит тээврийн урсгалын төв болох боломж Увс аймагт бий болж байна.

Сангийн сайд С.Жавхлан гол нэрийн барааны бүтээгдэхүүний үнийн өсөлт болон валютын ханшийн талаар өнөөдөр мэдээлэл өглөө.

Энэ үеэр “НӨАТ-ын буцаан олголтын хоёр хувийг нэмэх бодлого ойрын хугацаанд байхгүй”-г хэллээ.

Түүнчлэн “Өргөн хэрэглээний бараа бүтээгдэхүүн буюу шатахуун, мах, гурил гэсэн гурван зүйлийн үнэд анхаарна. Инфляц импортоос шалтгаалж буй тул бусад бараа бүтээгдэхүүнд зохицуулалт хийх боломжгүй. Шатахуунтайгаа байхад бизнесүүд зогсохгүй. Мах, гурилыг төрөөс бүрэн хяналтдаа авч, зохицуулалт хийхийг хичээж ажиллах болно.

Өнөөдөр 15:30 цагаас Засгийн газрын хуралдаан зарлалаа. Дараа нь ҮАБЗ-д танилцуулж таарах байх” гэв.

“Шударга ёсыг эрхэмлэе” зөвлөгөөн болж байна.

Энэ үеэр Хууль зүй дотоод хэргийн сайд Х.Нямбаатар “Нийслэлийн төр захиргааны байгууллагад ажиллаж байгаа хүмүүс бүгд хандлагаа өөрчлөх шаардлагатай байна. Зөвшөөрөл лицензийн бичгийг заавал 30 хоногт гэхгүйгээр шийдэж болох тухай юм. Төр захиргааны байгууллагууд зарим үйл ажиллагаагаа хувийн аж ахуйн нэгжүүдэд шилжүүлэх хэрэгтэй.

Сургууль, цэцэрлэг, эрүүл мэндийн хүртээмж, газрын алба, эрчим хүч, дулаантай холбоотой иргэдийн бухимдлыг төрүүлж буй олон асуудал бий.

Төр, хувийн хэвшлийн тухай хуулийг Засгийн газраас УИХ-д өргөн барихаар болоод байна” гэлээ.

Уг зөвлөгөөнд Хууль зүй дотоод хэргийн сайд Х.Нямбаатараас гадна Нийслэлийн засаг дарга Д.Сумъяабазар болон бусад албаны хүмүүс оролцож, авлига, албан тушаалын гэмт хэргийн эрсдэлийг бууруулах, хүнд суртлыг багасгах чиглэлд хэрэгжүүлж буй арга хэмжээний талаар мэдээлэл өгөх юм байна.

Ц.ОРГИЛМӨНХ