Month: January 2022

Монгол Улсын Засгийн газар, ОХУ-ын “Газпром” компани “Союз Восток” хийн хоолойн төслийн ТЭЗҮ-ийг батлан, гарын үсэг зурах ёслолын ажиллагаа өнөөдөр болно.

Уг үйл ажиллагаанд Шадар сайд С.Амарсайхан, “Газпром” НХН-ийн Удирдах зөвлөлийн дарга А.Б.Миллер нар цахимаар оролцох юм. “Союз Восток” төсөл нь “Сибирийн хүч-2” хийн хоолойн төслийн үргэлжлэл болж тавигдах аж.

Өнгөрсөн арванхоёрдугаар сарын 15-ны өдөр хоёр талд хүлээлгэн өгсөн “Сибирийн хүч-2” хийн хоолойн төслийн дараагийн шатны төлөвлөлтөд шилжих зураг төсөл, хайгуулын судалгааны ажлыг гүйцэтгэх тэмдэглэлийг эцэслэн гарын үсэг зурах ажлыг мөн зохион байгуулах тухай хоёр тал хэлэлцсэн талаар Шадар сайдын ажлын албанаас мэдээлж байв.

Пара цанын дэлхийн аварга шалгаруулах тэмцээн /ДАШТ/ Норвеги улсын Лиллехаммер хотноо энэ сарын 8-24-нд болж шилдгүүдээ шалгаруулав.

Тус тэмцээний 20 км-ын зайд Монгол Улсаас үндэсний шигшээ багийн дасгалжуулагч Ж.Дашдондогийн удирдлагад хоёр тамирчин өрсөлдсөнөөс ОУХМ Ц.Дашдорж 10 дугаар, Б.Ганболд 13 дугаар байрт орлоо. Тэд Швед улсад энэ сарын 24-29-нд болох Дэлхийн цомын тэмцээний гурван зайд уралдаж хурд, хүчээ сорих юм.

Ташрамд дуулгахад, Цаначин Б.Ганболд нь “Бээжин-2022” өвлийн паралимпын наадамд оролцох эрхээ аваад байгаа билээ.

Камерун улсад болж буй Африк тивийн хөл бөмбөгийн аварга шалгаруулах Африкийн цом тэмцээний шөвгийн 16-гийн тоглолт үргэлжилж буй.

Тэмцээнийг зохион байгуулагч Камеруны шигшээ баг өнгөрсөн шөнө Коморосын шигшээ багтай Олембе хотын “Paul Biya” цэнгэлдэх хүрээлэнд тоглосон бөгөөд тоглолтын үеэр осол болж зургаан хүн амь үрэгджээ.

“Paul Biya” цэнгэлдэх хүрээлэн нь 60 мянган хүний суудалтай боловч цар тахлын улмаас 80 хувийн дүүргэлттэй ажиллуулж буй.

Гэвч нэмж 50 мянга орчим хөгжөөн дэмжигчид цэнгэлдэх хүрээлэн рүү нэвтрэх гэж оролдох үеэр олон арван хүн гэмтсэн байна.

Африкийн хөл бөмбөгийн холбооноос тухайн мөчид юу болсныг судалж байгаа талаар мэдэгдсэн бол нас барсан хүний тоо их байж болзошгүйг Камеруны албаны хүмүүс мэдээллээ.

Осол тоглолтын аль үед болсон нь тодорхойгүй байна. Камеруны шигшээ баг уг тоглолтод Коморосыг 2-1 харьцаагаар хожиж шөвгийн наймд шалгарсаУг тоглолтоос гурван цагийн өмнө Гамбийн шигшээ баг Гвинейн шигшээ багийг 1-0 харьцаагаар хожиж шөвгийн наймд Камерунтай тоглохоор болсон байна.

Баянхонгор аймгийн нэгдсэн эмнэлгийн Халдварт сүрьеэгийн тасгийн үйлчлэгч Т.Оюунчимэг ковид анх бүртгэгдсэнээс хойш “Улаан бүс”-д 14 удаа орж, нийт 2112 цаг ажилласан байна. Улаан бүсэд хамгийн олон удаа ажилласан үйлчлэгч Т.Оюунчимэгийг Засаг даргын нөөц хөрөнгөөс нэг сая төгрөг, эрүүл мэндийн салбарын “ШИЛДЭГ ЗҮТГЭЛТЭН” өргөмжлөлийг гардууллаа.

Т.Оюунчимэг эмчлүүлэгчдийн тав тухыг хангаж өрөө тасалгаанд цэвэр агаар, цэвэр орчныг бүрдүүлж цэвэрлэхээс гадна эмч сувилагч нарын ачааллаас хуваалцаж халдвар авсан хүнийг гаднаас тасагт хэвтүүлэх, эм тариа зөөвөрлөх, эргэлтийг зохицуулах, өрөө тасалгааны халдвар хамгааллын дэглэмийг сахиулах зэргээр үүргээ амжилттай биелүүлж иржээ.

Испанид тэжээвэр амьтдыг албан ёсоор гэр бүлийн гишүүнээр бүртгэх шинэ хууль батлагджээ.

Энэхүү хууль дөрвөн жилийн турш боловсруулагдсаны эцэст Испанийн доод танхимаар батлагдаж 2022 оны 1 дүгээр сарын 5-наас эхлэн гэрийн тэжээвэр амьтад хуулийн дагуу “объект буюу өмч” биш харин “сэтгэл хөдлөл, мэдрэмжээ илэрхийлэх чадвартай амьтан” болсон байна.

Герман, Швейцар, Португал, Франц, Австри зэрэг Европын бусад улсууд ч амьтдыг “сэтгэл хөдлөл, мэдрэмжээ илэрхийлэх чадвартай амьтан” гэж үздэг байна.

Нэмж дурдахад, хосууд буюу гэр бүл салсан тохиолдолд тэжээвэр амьтны амьдралыг хуулийн дагуу шүүхээр шийдэгдэнэ. Энэ нь амьтны хувь заяаг гэр бүлийн бусад гишүүдийнхтэй адил чухалчлан авч үзэж буйн илрэл юм. Хэрэв хоёр эзэмшигчийн аль нэг нь амьтдад харгис хэрцгий хандсан түүхтэй бол асран хамгаалах эрхгүй болох юм байна.

Монгол Улс, АНУ-ын хооронд шууд нислэгтэй болох талаар Монгол Улсын Гадаад Харилцааны Яам, ИНЕГ, МИАТ ХК, АНУ-д суугаа Монгол Улсын Элчин Сайдын Яамны төлөөлөгчид цахим уулзалт хийлээ.

Талууд цахим уулзалтаар шууд нислэг үйлдэх бэлтгэл ажлын талаар ярилцаж, ажлын явц, цаашид авах арга хэмжээний талаар санал, мэдээлэл солилцлоо.

Монголын агаарын тээврийн МИАТ компани 2021 оны зургадугаар сард АНУ-д гацсан зарим иргэдээ хувийн хамгаалалтын хэрэгслээр нүүлгэн шилжүүлэх анхны шууд нислэгийг үйлдсэн. Харин хоёр дахь шууд нислэгийг 2020 оны наймдугаар сард хийсэн.

МИАТ ХК холын зайн Боинг 787 онгоцны харьцуулсан судалгаа, ашиг орлого болон бусад үйл ажиллагааны сүүлийн үеийн мэдээг гаргасан байна.

МИАТ ХК 2019 онд Боинг 787-9 онгоц хүлээн авсан бөгөөд Улаанбаатарын агаарын тээврийн компанид Европ болон Хойд Америкийн хотууд руу нислэг үйлдэх боломжийг олгож, зоригтой аялагчдад цоо шинэ боломжуудыг

Бадминтоны шилжин явах цомын “Skytel cup” анхдугаар тэмцээн 21 багийн 121 тамирчин дөрвөн насны ангилалд өрсөлдөв.

Тэмцээний насанд хүрэгчдийн эмэгтэйчүүдийн ангилалд “Хан Хиллс” клубийн Э.Сумъяасүрэн, эрэгтэйчүүдээс “Дархан-Од” клубын Д.Хэрлэн нар түрүүллээ.

Холимог хосын 25-40 насны сонирхогчдын төрөлд “Дархан-Од” клубийн Л.Ганзориг, Х.Оюун, холимог хосын +40 насны ангилалд “Сүлдэт Налайх” клубийн Ц.Лхагваа, Б.Урандөл нар алтан медаль хүртэв.