Өнөөдөр “Болор цом-39″ яруу найргийн наадам болж байна.
Эхний даваанд 144 шүлэг ирснээс 25 нь тунаж үлдсэн. Харин одоогийн байдлаар шилдэг 5 яруу найрагч шалгараад байгаа юм.
Үүнд:
Өнгөрөгч оны “Болор цом” наадамд яруу найрагч О.Цэнд-Аюуш түрүүлсэн. Харин энэ жилийн шүүлтийг ардчилсан зарчмаар явуулна гэж Монголын зохиолчдын эвлэлийн Удирдах зөвлөлийн дарга Б.Ичинхорлоо наадам эхлэхээс өмнө мэдээлсэн
Африкийн 22 оронд коронавирусний “омикрон” хувилбарын тохиолдол илрээд байгаа талаар тус тивийн Өвчинд хяналт тавих, урьдчилан сэргийлэх төвөөс /CDC/ пүрэв гарагт мэдээллээ.
“Өнөөдрийн байдлаар Африкийн 22 оронд шинэ хувилбараар халдварласан тохиолдлууд бүртгэгдээд байна” гэж тус төвийн дарга Жон Нкенгасон тогтмол зохион байгуулдаг хэвлэлийн бага хурлын үеэрээ сэтгүүлчдэд мэдээлжээ.
Өвчинд хяналт тавих, урьдчилан сэргийлэх төвийн мэдээллээр, өнгөрсөн долоо хоногт Буркина-Фасо, Того, Египет, Кени, Марокко, Маврики зэрэг зургаан оронд “омикрон” хувилбар илэрсэн байна.
“Омикрон” Африкт маш хурдан тархаж байгаа нь тодорхой харагдаж байгааг Ж.Нкенгасон онцлон хэлжээ.
Саяхан Африкийн Холбоо “омикрон” хувилбар шинээр илэрсэнтэй холбогдуулан зорчих хөдөлгөөний хязгаарлаж, хилээр нэвтрэх хориг тавьсан нь хүмүүс, бараа бүтээгдэхүүний чөлөөт хөдөлгөөнийг хязгаарлаж, Африкийн орнуудад шууд хийгээд жинтэй нөлөө үзүүлж байгааг анхааруулсан юм.
Африкийн хэмжээнд пүрэв гаргийн байдлаар, “COVID-19” халдварын 9 259 813 тохиолдол илэрч, 226 536 хүн нас барсан байна.
Монгол Улсын Үндэсний номын сан үүсгэн байгуулагдсаны 100 жилийн ойг тохиолдуулан Тайваний үндэсний төв номын сантай хамтран “Тайван дахь Эрдэнэс” үзэсгэлэнг толилуулах гэж байна. Тайвань дахь Хааны ордон музей нь Дундадын эзэн хаад зуун зуун жил дамнан цуглуулсан эрдэнэс байдгаараа дэлхийд алдартай бөгөөд түүний дотор Монгол түүх соёл, төрд хамаарах данс бичиг, уран зураг, Монголын шашин төрийн зүтгэлтнүүдийн хэрэглэж байсан эд өлгийн олон нандин зүйлс арвин байдаг.
Тайваний Үндэсний төв номын санд монголчуудын явдал түүхийг тэмдэглэн үлдээсэн олон зуун нангиад сурвалж бичиг байдгийг төдийлөн ярьдаггүй.Тиймээс Тайваний Үндэсний төв номын сангийн хөмрөг дэх сурвалж бичгүүдээр хоёр дахь удаагаа үзэсгэлэн зохион байгуулах гэж буй юм байна. Тус үзэсгэлэн нь нангиад сурвалж бичгүүдээс гадна хаан хатдын хөрөг, уран зураг, чулууны дардас гээд үндсэн дөрвөн хэсэгт хуваагдаж байгаа аж. Энэ удаа өмнө дэлгэгдэж байсан судар бичиг, чулууны дардсуудаас гадна Дай Юан, Дай Мин, Дай Чин улсын үед зохиогдсон шастир бичиг, түүх намтар, газар зүй, аян замын тэмдэглэл, хууль цаазын бичгийн 30 нэрийн 57 ном, мөн 16 уран зургийн факсимили хуулбарууд шинээр үзэсгэлэнд тавигдах юм байна.
Монголын нууц товчоо, Сударын чуулганы адил Монголын гол гурван тулгуур бичгийн нэг болох Юан Ши буюу Юан улсын судар мөн 1234-1322 оны хоорон дахь Их Монгол улсын шүүхийн эрүү иргэний хэргийн эмхэтгэл болох Юан Динжан буюу Юан улсын нэвтэрхий хуулийг дурдаж болно.
Хааны ордон музейд нийт Монголын 8 их хаан, 13 хатны хөрөг зураг байдгаас манай үзэсгэлэнд 8 хаан, 8 хатны хөргийг дэлгэх юм. Тус хөргүүд нь хаан хатдын дүр төрхийг жишиж зурах зориулалттай, Их Монголын таван өнгөт улсад илгээдэг байсан загвар зургууд байсан гэдэг. Тиймээс эдгээр нь их хаан хатдын үнэн бодит дүр төрх мөн бөгөөд тэр үеийн язгууртнуудын үс гэзэг засал, дээл малгай, ээмэг зүүлт тэргүүтнийг мэдэж болох чухал судалгааны хэрэглэгдэхүүн билээ.
Авд мордож араатан намнах, шонхор тавьж шувуулах явдал морьтон монголчуудад биеийн тамираа сэргээдэг цэнгэл зугаа төдийгүй дайн байлдаанд бэлдэх хээрийн сургууль болдог байжээ. Сэцэн хааны мөн Өлзийт хаан болов уу гэж таамагладаг хөдөө хээр нөхөд сэлтийн хамт шувуулж яваа хаадын хоёр уран зураг ноёдын чухам тэрхүү ангийн ахуй амьдралыг харуулсан 13-14 дүгээр зууны шилдэг хоёр бүтээл юм. Үзэсгэлэн энэ сарын 29-нд нээлтээ хийж, 14 хоногийн турш үргэлжилнэ.
Филиппинийг дайрсан хүчтэй хар салхины улмаас амиа алдсан хүний тоо 300-г давлаа гэж тус улсын Байгалийн гамшгийн эрдслийг бууруулах, уршгийг арилгах үндэсний зөвлөл /NDRRMC/ мэдээлжээ.
Хар салхины улмаас 208 хүн амиа алдсан гэж өмнө нь “Франс Пресс” агентлаг Филиппиний цагдаагийн байгууллагын мэдэгдлээс эш татан мэдээлсэн байна. Харин тус улсын эрх баригчид 156 хүн амиа алдсан гэж мэдэгджээ. Эрх баригчдын мэдээлж байгаагаар, 275 хүн гэмтэж бэртэж, 37 хүн сураггүй алга болсон тооцогдож байна.
“Байгалийн гамшгийн улмаас амиа алдагсдын тоо 326-д хүрсэн гэж NDRRMC зул сарын баярын өмнөх өдөр буюу баасан гарагт мэдээллээ. 661 хүн бэртэж гэмтэж, 58 хүн сураггүй алга болсонд тооцогдож байна” гэж “CNN Philippines” суваг мэдээлжээ.
“Рай” хар салхи Филиппиний эрэгт 12 дугаар сарын 16-нд хүрч, хөрсний гулгалт, үерийн гамшиг дагуулсан байна.
Монгол, Хятадын Замын-Үүд, Эрээний эдийн засгийн хамтын ажиллагааны бүс байгуулах тухай Монгол Улсын Засгийн газар, БНХАУ-ын Засгийн газар хоорондын хэлэлцээрийг УИХ өчигдөр соёрхон баталлаа
Монгол Улсын Засгийн газар байгалийн баялаг, ажиллах хүчний нөөц, үйлдвэрлэлийг хөгжүүлэх замаар худалдаа, эдийн засгийг сэргээх тухай 2019 оны 6 дугаар сарын 4-ний өдөр гарын үсэг зурсан. Олон улсын хуулийн дагуу Монгол Улсын Засгийн газар, Хятадын Засгийн газар хоорондын хэлэлцээрийн төсөл соёрхон батлах тухай хуулийн төслийг чуулганаар батлуулах нь Монгол Улсын эдийн засгийн сэргээх, Замын-Үүд чөлөөт бүсийн үйл ажиллагааг идэвхжүүлэх нөхцөлийг бүрдүүлэх юм байна.
Хуулийн төслийг санаачлагч УИХ-ын гишүүн, Монгол Улсын Шадар сайд С.Амарсайхан “Эдийн засгийн хамтын ажиллагааны бүс байгуулах талаар хоёр улс харилцан тохиролцсон. Чөлөөт бүсийн тухай хуулийг 2015 онд УИХ-аар баталсан ч нэр томьёоны хувьд зайлшгүй өөрчлөх шаардлага гарсан учраас энэ оны 11 дүгээр сард нэмэлт өөрчлөлт оруулан баталсан.
Хууль батлагдсаны дараа Монгол, Хятадын Замын-Үүд, Эрээний эдийн засгийн хамтын ажиллагааны бүс байгуулах тухай хоёр улсын Засгийн газар хоорондын хэлэлцээрийг соёрхон батлах шаардлагатай болсон. Хэлэлцээрийг баталснаар Замын-Үүд Чөлөөт бүс хөдлөх бололцоо бүрдэнэ” гэв.
Мөн Замын-Үүд хөгжөөгүй шалтгаан нь хууль эрх зүй болон хоёр улсын эдийн засгийн хамтын ажиллагааны гэрээг батлуулж амжаагүй байсантай холбоотой. Эрээн болон Замын-Үүдэд тус бүр 900 га талбайд чөлөөт бүс гаргахаар төлөвлөжээ.
Ийнхүү Чөлөөт бүсийн тухай хууль болон Монгол, Хятадын Замын-Үүд, Эрээний эдийн засгийн хамтын ажиллагааны бүс байгуулах тухай хоёр улсын Засгийн газар хоорондын хэлэлцээр батлагдсанаар Чөлөөт бүсийн асуудал хууль эрх зүйн асуудал бүрэн шийдэгдэж, бүтээн байгуулалт, бараа үйлдвэрлэл, тээвэр, аялал жуулчлал хөгжих, цаашлаад бүс нутгийн хэмжээнд эдийн засгийн шинэ гарц, боломжууд нээгдэж байна.
Коронавирусийн Омикрон хувилбарын тархалт, дэлхийн орнуудын хязгаарлалт, хөл хориотой холбоотойгоор газрын тосны үнэ дахин сэргэж байна.
Өнөөдрийн байдлаар Брент газрын тосны үнэ 2.1 хувиар өсөж, 76.85 ам.доллар болсон бол, WTI төрлийн газрын тосны үнэ 1.4 хувиар өсөж, 73.79 ам.долларт хүрчээ.
Омикрон хувилбарын тархалттай холбоотойгоор БНХАУ-ын Сиань хотод хатуу хөл хорио тогтоож, 13 сая оршин суугчдаа гэрт байх тушаал өгсөн. Мөн Шотланд Улс арванхоёрдугаар сарын 26-наас эхлэн 21 хоногийн турш хязгаарлалт тогтоохоор болж, Австралийн амны хаалтаас татгалзсан хоёр муж эргэн амны хаалтаа тогтмол зүүхийг шаардаж эхэлсэн аж.
Малчид, иргэд, тээвэрчдэд зориулсан мэдээ: Өнөө маргаашдаа нутгийн зүүн хагаст жавартай хүйтэн байна.
2021 оны 12-р сарын 24-ний 12-18 цаг хүртэлх цаг агаарын мэдээ: Цэлмэг. Зөөлөн салхитай. 20-22 хэм хүйтэн байна.
2021 оны 12 сарын 24-ний 20 цагаас 12 сарын 25-ны 20 цаг
хүртэлх цаг агаарын урьдчилсан мэдээ
Хур тунадас: Ихэнх нутгаар солигдмол үүлтэй. Шөнөдөө Увс нуурын хотгор болон говийн бүс нутгийн өмнөд хэсгээр, өдөртөө Увс нуурын хотгороор цас орно. Бусад нутгаар цас орохгүй.
Салхи: Ихэнх нутгаар баруун хойноос секундэд 5-10 метр, говь, тал хээрийн нутгаар секундэд 12-14 метр хүрч ширүүснэ.
Агаарын температур: Шөнөдөө Дархадын хотгор болон Завхан голын эх, Тэс, Эг-Үүр, Орхон, Сэлэнгэ, Хараа, Ерөө, Туул, Хэрлэн, Халх голын хөндий, Дарьгангын тал нутгаар 37-42 хэм, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Тэрэлж, Онон, Улз голын хөндийгөөр 32-37 хэм, говийн бүс нутгийн баруун өмнөд хэсгээр 18-23 хэм, бусад нутгаар 25-30 хэм, өдөртөө Дархадын хотгор, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан голын эх, Орхон-Туулын бэлчир орчмоор, Идэр, Тэс, Эг, Үүр, Сэлэнгэ, Хараа, Ерөө, Онон, Улз, Халх голын хөндий, Дарьгангын тал нутгаар 22-27 хэм, Монгол-Алтайн уулархаг нутаг болон говийн бүс нутгийн баруун өмнөд хэсгээр 10-15 хэм, бусад нутгаар 16-21 хэм хүйтэн байна.
УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 37-39 хэм, бусад хэсгээр 28-30 хэм, өдөртөө 17-19 хэм хүйтэн байна.
БАГАНУУР ОРЧМООР: Багавтар үүлтэй. Цас орохгүй. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. Шөнөдөө 34-36 хэм, өдөртөө 17-19 хэм хүйтэн байна.
ТЭРЭЛЖ ОРЧМООР: Багавтар үүлтэй. Цас орохгүй. Салхи баруун хойноос секундэд 5-10 метр. Шөнөдөө 35-37 хэм, өдөртөө 18-20 хэм хүйтэн байна.
2021 оны 12 дугаар сарын 26-наас 12 дугаар сарын 30-ныг
хүртэлх цаг агаарын урьдчилсан төлөв
28-нд Монгол-Алтай, Хангай, Хөвсгөл, Хэнтийн уулархаг нутгаар, 29-нд төв болон говийн аймгуудын нутгийн зарим газраар цас орж, явган шуурга шуурна. Бусад хугацаанд цас орохгүй. Салхи 26-нд тал, хээрийн нутгаар секундэд 13-15 метр хүрч ширүүснэ. 26-наас ихэнх нутгаар өдөртөө хүйтний эрч бага зэрэг суларч Дархадын хотгор, Завхан голын эх, Хүрэнбэлчир орчим, Идэр, Тэс, Байдраг голын хөндийгөөр шөнөдөө 35-40 хэм, өдөртөө 21-26 хэм, Увс нуурын хотгор, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар шөнөдөө 30-35 хэм, өдөртөө 16-21 хэм, говийн бүс нутгийн баруун өмнөд хэсгээр шөнөдөө 18-23 хэм, өдөртөө 6-11 хэм, бусад нутгаар шөнөдөө 24-29 хэм, өдөртөө 11-16 хэм хүйтэн байна.
Үүнээс зөрчлийн дуудлага мэдээлэл 1456, хулгайтай холбоотой 21, гэр бүлийн хүчирхийллийн дуудлага 137, гэмт хэргийн шинжтэй 69 мэдээлэл ирсэн байна.
Үүнээс гадна автомашин согтуу жолоодсон 105, олон нийтийн газар зүй бусаар биеэ авч явж, танхайрсан 146, хүний биед халдсан 57, Архидан согтуурахтай тэмцэх тухай хууль зөрчсөн 53, эрүүлжүүлэх байранд хоносон 240, оршин суугчдын амгалан тайван байдал алдагдуулсан 63 тохиолдол гарчээ.
Өчигдөр нийслэлийн хэмжээнд нэгдүгээр тунд 63, хоёрдугаар тунд 134, нэмэлт сэргээх тунд 1881, нийт 2078 иргэн дархлаажуулалтад хамрагджээ. Вакцинжуулалт эхэлснээс хойш нийслэлийн нийт хүн амын нэгдүгээр тунгийн хамралт 75 хувь, хоёрдугаар тунгийн хамралт 71.7 хувьтай байна. Харин дархлаа сэргээх нэмэлт тунгийн хамрагдалт 41.5 хувь байна. Зорилтот бүлгийн буюу 2987 жирэмсэн эх, 12-15 насны 68271 хүүхэд, 16-17 насны 26902 хүүхэд тус тус дархлаажуулалтын бүрэн тунд хамрагджээ.
Улсын начин Э.Энхбат өнгөрсөн дөрөвдүгээр сард олимпийн аварга Н.Түвшинбаярт зодуулж тархи болон бусад эд эрхтэндээ хүнд гэмтэл авсан билээ. Түүнийг ар гэр нь удаан хугацааны турш БНСУ-д эмчлүүлж байгаад арванхоёрдугаар сарын 18-ны өдөр Монгол Улсад авчирсан.
Харамсалтай нь, улсын начин Э.Энхбат Улаанбаатар Сонгдо эмнэлгийн эрчимт эмчилгээний тасаг эмчлүүлж байгаад өнөөдөр 18.00 цагийн орчимд нас барсан талаар эх сурвалж мэдээллээ.
Талийгаачийн гэр бүл, найз нөхөд, төрөл төрөгсөд ньд гүн эмгэнэл илэрхийлье.