Month: November 2021

Хууль хүн бүрд тэгш үйлчлэхийг шаардсан “No double standart” хөдөлгөөнийг санаачлагч Д.Монголхүү багагүй хугацаанд цагдан хоригдож, өнгөрсөн пүрэв гаригт суллагдсан юм. Хуульч, өмгөөлөгчдийн зүгээс энэхүү баривчилгааг хууль зөрчсөн, Үндсэн хуульд заасан үг хэлэх, үзэл бодлоо илэрийлэх эрхэд ноцтой халдсан хэмээн буруутгаж байгаа юм. Д.Монголхүүгийн ээж А.Хандсүрэнтэй ярилцлаа. Тэрээр ардчилсан хувьсгалд гар бие оролцож явсан цөөхөн анхдагч эмэгтэйчүүдийн нэг бөгөөд эдүгээ АНУ-д амьдарч байна.

-Д.Монголхүү тэргүүтэй залуусын эхлүүлсэн хууль хүн бүрд тэгш үйлчлэхийг шаардсан хөдөлгөөнд олон залуус нэгдэж байна. Хөдөлгөөний санаачлагчид торны цаана суусан ч үйл хэргийг нь залуус үргэлжлүүлсээр байсан. Энэхүү явдлыг олон нийт нэлээд анхааралтай ажиглалаа. Ээжийнх нь хувьд та хэрхэн харж байв?

-Өнгөрсөн багагүй хугацаанд хүү маань хоригдлоо. Өнгөрсөн өвөл гэр хорооллын дахин төлөвлөлтийг эсэргүүцэж суулт зарлахдаа бас баривчлагдаж байсан юм билээ, Хол байдаг болохоор намайг зовчихно гээд хэлдэггүй юм байна. Өнөөдрийг хүртэл би дуугүй л явж ирлээ. Энэ хугацаанд их юм болж өнгөрлөө. С.Зоригийн аллагын эздийг гурван шатны шүүхээр шийдээд байсан. Тэр хоригдлуудыг өнөөдөр Ц.Нямдорж нарын хүмүүс өөрсдийнхөө эрх мэдлийн давуу байдлыг ашиглаад батлан даалтад гаргачихсан байна. Гэтэл энэ хоёр хүүхдийг гаргахгүй ямар их зовоов. Үүнийг л “double standart” гээд байгаа юм. Яахав, хүүхдийнхээ төлөө уйлж дуулаад Засгийн газрын ордны өмнө өөрийнхөө үзэл бодлыг илэрхийлээд явж байсан олон хүмүүс, ээжийг алсаас харж байлаа. Тэдэнд ингэх эрх нь байна. Ийм эрхийн төлөө л бид явж байсан. Үхтэл үр харам гэгчээр хүн алчихсан байсан ч тэр хүний хүүхэд. Тийм болохоор энэ бол бидний шүүх асуудал биш. Харин шүүж шүүмжлэх асуудал нь Засгийн газрын үйл ажиллагаа, гаргасан журмаа Ерөнхий сайдаас эхлэн өөрсдөө зөрчдөг явдал юм. Жишээ нь, тахлын үеийн хорио цээр. Мөн Засгийн газрын хэрэг эрхлэх газрын дарга Ц.Нямдорж тэргүүтэй хуулийн байгууллагын нөхөд өнөөдөр гурван шатны шүүхийн шийдвэрийг давсан үйлдэл хийж байгаа нь ялгарал үүсгэсэн. Монголд иргэд нь хууль шүүхэд итгэл алдахад хүргэж байгаа гол шалтгааны нэг энэ. Үүнийг төрийн хоёр нүүр буюу double standard гэж байгаа.

Хүү маань хууль шүүхийн өмнө иргэн бүр тэгш байх хүний үндсэн эрхийг хамгаалж үзэл бодлоо илэрхийлсний төлөө баривчлагдан хоригдохыг дэлхийгээр нэг харлаа. Миний хүү болон хоригдсон залуусын төлөө олон түмэн тасралтгүйгээр дуугарсаар байна. Ардчиллын үнэт зүйлийг олон талаас нь тайлбарлаж хүний заяагдмал эрхийн төлөө олон нийтийн сүлжээнд хэлж, ярилцаж дуу хоолойгоо хүчтэй нэгтгэж байсан. Энэ тэмцэл, шаардлагын үр дүнд УИХ-ын Хүний эрхийн дэд хороог хуралдуулж Монгол дахь хүний эрхийн нөхцөл байдлын талаарх асуудалд анхаарал хандуулж чадлаа. Энэ бол нэг алхам. Дүгнэлтийг бид сонссон. Байдал тун хүнд байгааг нотлон дүгнэсэн учир иргэн бүрийн оролцоо чухлыг сануулсан гэж бодож байна.

-Хүүг тань баривчлах үеийн эвгүй үйл явдлыг олон нийт харсан. Биед нь ноцтой гэмтэл учирч, хорих ангид шаналж байсан тухай хамт хоригдсон Э.Одбаяр ярьсан. Та ч бас ихэд зовсон болов уу?

-Эгэмд нь, эрэгтэй хүний зүрх тархи гэгддэг эмзэг эрхтнийг нь өшиглөж гэмтээгээд шоронд тарчлааж байсан нь миний санааг их зовоож байлаа. Хамгийн гол нь Монголын хүний эрхийн цаашдын ирээдүй миний санааг зовоож байна. Энэ улс төр, эдийн засгийн таагүй нөхцөл байдалд айл өрхүүдийн амьдралын наад захын хэрэглээ хангагдаагүй өлөн зэлмүүн байна. Тахлын өвчлөл, үхэлд Засгийн газрын оновчгүй үйл ажиллагаа, төсөв хөрөнгийн буруу зарцуулалт, УИХ-аас Засгийн газарт тавих хяналт үгүй болж, энэ хоёрын эрх мэдлийн байр солигдсоноос үүдэлтэй үр дагавраас иргэдийн үүрэх зовлон бэрхшээл мөд засагдах янз алга. Үүнд Монголын ард түмэн, ээжүүдэд, эгч нарт, гэргий нарт нь, үр хүүхдүүдэд нь хүнд тусч байгаад харамсаж халаглаж сууна. Өөрт хамаатай бүхний өмнө бид дуугаа хураах мөчөөс бидний амьдралын төгсгөл эхэлдэг гэж Мартин Лютер Кинг гэж америк залуу өнгөт арьстан ард түмнийхээ тэгш эрхийн төлөө тэмцэж алтан амиа алдсан эрхэм хүний үгийг залуус өөртөө тусгаасай гэдэг үүднээс хэлэхийг хүсч байна.

-Хуулийн байгууллагын зүгээс жагссан залуусыг хорьсон шалтгаанаа Ковидын үеийн хууль зөрчсөн, хууль сахиулагчийн шаардлагыг биелүүлээгүй зэргээр тайлбарлаж байгаа. Харин нөгөө талд эрх баригчдаас шударга ёс шаардсаныхаа хариуг ингэж авч байна гэж үзэх хүмүүс байгаа?

-Хүний эрхийн дэд хорооны хурал дээр ХЭҮК-ын УИХ-аас сонгогддог бүрэн эрхийн байгууллагын Г.Нарантуяа гишүүний илтгэлийн эхний хоёр өгүүлбэрт бүх зүйлийг багтааж хэллээ. Тодруулбал, Монгол Улсын хүний эрхийн нөхцөл байдал улам бүр хумигдаж байна гэж тодорхойлсныг би давтан хэлмээр байна. Тийм ч учраас өнөөдөр хүний эрхийн төлөө тэмцэж байгаа, цагдаагийн байгууллагад нэлээд олон зүйл ангиар шалгагдаж хоригдсон миний хүү болон Одбаяр хоёрын тэмцлийн ирээдүй нэлээд бүрхэг байна гэж би хэлмээр байна. Тэгэхээр цаашид хүүхдүүдээс золиос шаардах нь, Монголын ард түмний залуу үед нэлээд том сорилт ирж байна гэж харж байна. Нөгөө талаар өнөөдөр залуучууд эх орноо, ирээдүйгээ бүтээдэг цаг үе ирсэн байна. Тэмцдэггүй ард түмэн мөхдөг гэдэг. Хэлэх яах вэ, үнэхээр мэдэж зөвшөөрч байгаа бол үүнд хүсэл зоригоо нэгтгэж, үг дуу хоолой тэмцлээ идэвхжүүлж, хуулийг гууль болгодог өөртөө ашигтайгаар урвуулан ашигладаг, баталсан хуулиа эрх ашгийнхаа үүднээс өөрчилдөг, байдлын эсрэг тэмцэж байж өөрчлөхөөс өөр арга замгүй.

-Д.Монголхүүгийн талаар ярихгүй юу. Ямар хүүхэд байв. Та ямар хүмүүжлийг өгөхийг хичээж байв?

-Би хүүгээ зөв хүн болж төлөвшсөн гэж хэлнэ. Багадаа гурван эгчийнхээ хайр энэрэл дунд өссөн учраас зөөлөн зантай. Аав нь алсын тээвэрт явдаг хүн байсан учир гэртээ байхаас байхгүй нь их. Би баяр ёслол, амралтын өдөр ч ялгаагүй ажилладаг үзэл суртлын тэргүүн фронтын байлдагч буюу урлаг соёлын ажилд зүтгэж явсан. Сүүлд нь ардчилсан холбоонд эргэлт буцалтгүй орж, ардчилсан хувьсгалын төлөө 20-иод жил тэмцэж явсан болохоор хүүхдүүдтэйгээ чөлөөт цагаа өнгөрөөх боломж тун бага байлаа. Тиймээс хүү маань тэр үеийн монгол гэр бүлд хүүхдүүд яаж өсдөг байсан түүний нэгэн адил өсч хүмүүжсэн. Энэ хугацаанд миний хүүхдүүд архи ууж, тамхи татаж, шүүх цагдаагийн хаалга татсан тохиолдол гаргаж, ээжийгээ зовоосонгүйд ихэд талархаж явдаг. Энэ төлөвшил нь явж, явж миний хүүд өөрийнхөө бодлоор бусдыг аялдан дагалддаггүй итгэл үнэмшил суусан нь өнөөдөр илүү тод харагдаж байгаа болов уу.

Монголчууд тэр сайн охин, тэр сайн хүү, тэр сайхан айлын хүүхэд, удам судар нь тийм юм шүү гэж ярих их дуртай. Миний хүү шиг өөрийгөө олсон, бусдын төлөө гэж зүрх сэтгэлээ зориулж, бусдад үзэн ядагдах зоригтой, өөрийгөө илэрхийлэх чадвартай, бусдын төлөө өөрийгөө зольж чадах иргэншлийг, ийм итгэл, зоригийг төлөвшүүлж чадсан юм байна гэж бахархаж сууна.

-Та өөрөө ардчилсан хувьсгалд гар бие оролцож явсан хүн. Монголын нийгэм, улс төрийн байдалд ямар байр суурьтай явдаг вэ?

-Монголын улс төрийн өнөөгийн нөхцөл байдлын талаар би бусадтай адил юм ярьж чилээмээргүй байна. Учир нь би өнөөдөр гадаадад амьдарч байна. Өдөр тутам амьдрал ахуйд нь, хамарт нь ус хүрсэн зовлон гачигдал дунд байгаа ард түмэн өөр өөрийнхөө үгийг хэлж, үзэл бодлоо илэрхийлэх нь зөв байх. Түрүүчээсээ миний хүү болон Одбаяр, бусад залуус миний хэлэх үгийг төлөөлж ярьж байна. Түүнийхээ золиосонд ч шоронд ороод олон давхар хэрэгт унаад явж байгаа учир би дахин давтан нуршиж, хүмүүсийн эгдүүцлийг төрүүлж, троллуудын идэш болмооргүй байна. Хууль хүчний байгууллагуудын удирдлагууд өөрсдийнхөө албан тушаал эрх мэдлээ ашиглан хууль зөрчиж хүний эрх, эрх чөлөөнд халдаж иргэдийн ажил амьдрал, амь насаар тоглож байна. Дээр үед санхүүгийн тайлан тооцоог хоёр төрлөөр гаргаж, нэгийг нь жинхэнэ газраа өгч, нөгөөхийг нь дарж санхүүгийн луйвар хийж ашигладаг албан газар албан тушаалтнуудын тухай сонсогддог байсан. Улс болон аж ахуйн нэгжийн давхар тайлантай ажилладаг байсан нь тухайн үедээ тэр л нийгмийн гажуудлын илэрхийлэл байлаа. Гэтэл өнөөдөр ардчилал гараад 31 жил болчихсон байхад Үндсэн хуулиас давсан, өөрийнхөө хүсэл зоригоор хуулиа тайлбарлаж, иргэдээ хэрэгт түлхэж, гэмт хэрэгтэн болгож байгааг бид нар олон үйлдэл дээр харлаа. Үүнийг хүлцэж тэвчишгүй. УИХ дахь Хүний эрхийн дэд хорооны хурал дээр өнөөгийн цагдаа хүчний байгууллагын удирдлагуудын хэлж байгаа тайлбар, өөрсдийнх нь үзэл хандлагад багтсан үг хэллэгээс Монголын ард түмэн олон зүйл ойлгож авсан байх. Дээрээ суудлаа олохгүй бол доороо гүйдлээ олохгүй гэгчээр нэгэнт эрх бүхий этгээдүүдийн өөрсдийнх нь хуулиас давсан үг үйлдэл нь иргэд рүү нөлөөлж, энэ нь явж явж иргэд хоорондын сөргөлдөөн, бүр дайсагналын үндсэн хөрс нь болж байгаад би харамсаж байна.

Миний хүүгийн төлөө, хүний эрхийн төлөө, үгээ хэлж, үзэл бодлоо илэрхийлж байсан, үгээрээ үйлдлээрээ шоронд хамт хоригдож өлсгөлөн зарласан Э.Одбаяр, дэлхийн өнцөг булан бүрээс үзэл бодоо илэрхийлж байсан хүн бүрд гүн талархлаа танай сониноор дамжуулан илэрхийлж байна. Сайн үйлс бүхэн дэлгэрэх болтугай. С.Зориг маань монгол хүний саруул ухаанд итгэдэг гэж хэлсэн. Үүн дээр би Монголын залуу үеийн зүрх сэтгэлд энэ үг асаатай яваа юм шүү гэж нэмж хэлье.

Б.ЭНХЗАЯА

Малч­ид, иргэдэд зориулсан мэдээ: Ойрын хоногуудад нутгийн хойд хэсгээр ялимгүй цас орж, ихэнх нутгаар салхитай байна.

Өнөөдрийн /11.16-ны/ 20 цаг
хүртэлх цаг агаарын урьдчилсан мэдээ:

Хур тунадас: Баруун аймгуудын нутгаар үүлэрхэг, бусад нутгаар үүлшинэ. Шөнөдөө Алтай, Хангайн уулархаг нутгаар, өдөртөө Хангай, Хөвсгөлийн уулархаг нутаг, Орхон-Сэлэнгийн сав газраар ялимгүй цас орно. Бусад нутгаар цас орохгүй.

Салхи: Нутгийн баруун болон төвийн аймгуудын нутгаар баруунаас баруун хойш эргэж, бусад нутгаар баруун өмнөөс секундэд 7-12 метр, Алтайн салбар уулсаар зарим үед секундэд 16-18 метр хүрч ширүүсэж, шороон шуурга шуурна.

Агаарын температур: Шөнөдөө Монгол-Алтайн уулархаг нутаг, Дархадын хотгор, Завхан голын эх, Хүрэнбэлчир орчмоор 17-22 градус, Хангай, Хөвсгөл, Хэнтэйн уулархаг нутаг, Идэр, Тэс, Эг, Үүр, Туул, Тэрэлж голын хөндийгөөр 12-17 градус, Их нууруудын хотгор, говийн бүс нутгийн өмнөд хэсгээр 1-6 градус, бусад нутгаар 6-11 градус хүйтэн, өдөртөө Монгол-Алтайн уулархаг нутаг, Дархадын хотгороор 8-13 градус, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 3-8 градус хүйтэн, говийн бүс нутгийн өмнөд хэсгээр 5-10 градус, бусад нутгаар 0-5 градус дулаан байна.

УЛААНБААТАР ХОТ ОРЧМООР: Үүлшинэ. Цас орохгүй. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 6-11 метр. Шөнөдөө Яармаг-Сонгины орчмоор 15-17 градус, бусад хэсгээр 8-10 градус хүйтэн, өдөртөө 2-4 градус дулаан байна.

БАГАНУУР ОРЧМООР: Үүлшинэ. Цас орохгүй. Салхи баруун өмнөөс секундэд 6-11 метр. Шөнөдөө 13-15 градус хүйтэн, өдөртөө 1-3 градус дулаан байна.

ТЭРЭЛЖ ОРЧМООР: Үүлшинэ. Цас орохгүй. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 6-11 метр. Шөнөдөө 15-17 градус хүйтэн, өдөртөө 1-3 градус дулаан байна.

2021 оны 11 дүгээр сарын 17-ноос 11 дүгээр сарын 21-нийг
хүртэлх цаг агаарын урьдчилсан төлөв:

17-нд төв болон зүүн аймгуудын нутгийн хойд хэсгээр, 18-нд баруун аймгуудын нутгийн хойд, төвийн аймгуудын нутгийн баруун хэсгээр ялимгүй цас, 19-нд баруун аймгуудын нутгийн баруун, төв, зүүн аймгуудын нутгийн хойд хэсгээр, 20-нд баруун болон төвийн аймгуудын ихэнх нутаг, говийн аймгуудын нутгийн хойд хэсгээр цас орж, цасан шуурга шуурна. Салхи 17, 18-нд нутгийн зарим газраар, 19-нд Алтай уулархаг нутгаар, 20-нд говь, талын нутгаар секундэд 16-18 метр хүрч ширүүсэж, шороон шуурга шуурна. Монгол-Алтайн уулархаг нутаг, Дархадын хотгор, Завхан голын эх, Хүрэнбэлчир орчим, Тэс голын хөндийгөөр шөнөдөө 21-26 градус, өдөртөө 4-9 градус, Хангай, Хөвсгөл, Хэнтэйн уулархаг нутаг, Идэр, Эг, Үүр, Туул, Тэрэлж голын хөндийгөөр 14-19 градус хүйтэн, өдөртөө 3 градус хүйтнээс 2 градус дулаан, говийн бүс нутгийн өмнөд хэсгээр шөнөдөө 2-7 градус хүйтэн, өдөртөө 3-8 градус дулаан, бусад нутгаар шөнөдөө 8-13 градус хүйтэн, өдөртөө 0-5 градус дулаан байна. 19-нд нутгийн хойд хэсгээр, 20-нд ихэнх нутгаар хүйтэрнэ.

Millennium Challenge Account-Mongolia (“MCA-Mongolia”) is a state-owned entity established by the Government of Mongolia to implement the USD 350 million Mongolia Water Compact signed with the Millennium Challenge Corporation (“MCC”), a U.S. government foreign aid agency.

MCA-Mongolia is looking to hire Chief Operating Officer.Under the direction of the Chief Executive Officer (CEO), the Chief Operating Officer (COO) is responsible for day-to-day management of the financial management and procurement oversight of the Compact.

The COO is specifically responsible for ensuring that MCA’s organizational health is a key component of this expansion and optimization and shall be an advocate within team members, MCA leadership and MCA partners to highlight the value of an efficient and effective Operations function.

Responsibilities

Administration & compliance:

• Leads the development of strategy, policy, technical documents, and tools across the different Operations functions

1. Communicates with MCA management, MCC partners, and MCA’s Board of Directors on MCA’s organizational health credibility, goals and progress
2. Provides leadership and direction in managing projects which cross organizational and jurisdictional lines in matters pertaining to critical MCA administration and operations
3. Ensures that MCA complies with applicable domestic regulatory and legal requirements as well as internal policies and bylaws of both MCA and MCC

Financial management:

• Interfaces with the Independent Auditors and the Office of Inspector General (United States) on all financial and administrative matters;
• Leads the overall Finance function of the MCA and ensure that sufficient finance and accounting support is provided to the operational and programmatic functions of the MCA

1. Oversees the production of periodic reports, including annual fiscal reports
2. Evaluates Compact requirements and develops policies and plans for managing the MCA’s fiscal resources

Talent management:

1. Oversees the Performance Evaluation process and compliance with HR Policy;

• Oversees the development of MCA Performance Framework which will highlight annual performance goals for MCA-Mongolia and present these goals to the Board

Qualifications

• Ten (10) years or more management experience, with experience as a senior manager in a similar organization, or specialized and varied senior management experience in financial and/or acquisition management, human resources, and strategic planning.
• Demonstrated ability to design and implement metrics that measure the effectiveness and efficiency of internal processes
• Demonstrated ability to communicate effectively (in English and Mongolian), both orally and in writing. English language proficiency at ILR Level 4 or above is preferred
• Demonstrated the development and implementation of an organization’s organizational health initiatives to ensure it functioned according to the policies and best practices surrounding human resources

Core competencies and skills:

• Present compelling rationale on new policies/products addressing controversial or new issues/approaches.
• Refined priority setting skill that support consistency in delivery in highly responsive timeframes

• Dynamic and experienced leader with a proven track record for effective team management and results-driven leadership;
• Organized and results-oriented, with the ability to translate Compact strategy and objectives into tasks and work plans.
• Skilled in building consensus among employees and developing strong relationships with outside stakeholders.
• Able to identify and propose solutions to mitigate and manage risks.
• A strong negotiator, able to inspire confidence and create trust.
• Punctual and reliable with high interpersonal, problem-solving, and multitasking skills.
• Able to work under pressure and plan personal workload effectively.
• Accomplished in developing, motivating and supporting teams, including coaching and creating development opportunities to maximize production and quality of work and achieve goals

Education

• Advanced degree in Business Management, Business Administration, or course related to Finance and Accounting
• Both international and locally acknowledged professional qualifications is preferred but not required

INTERESTED APPLICANTS, PLEASE SUBMIT THE FOLLOWING DOCUMENTS:

• Curriculum vitae containing detailed work experience in similar work and projects
• Cover letter confirming interest and availability
• Soft copies of higher degree diplomas and professional certificates (if available)

Application deadline: 5PM on 21 November, 2021

Telephone: +976 77118250, +976 77118251

Email: info@mongoliatalentnetwork.com

WE THANK ALL THE INTERESTED APPLICANTS; HOWEVER, WE WILL ONLY CONTACT APPLICANTS WHO PASSED THE INITIAL SCREENING.