Month: September 2021

Categories
мэдээ нийгэм

Монгол, Казахстан улсын хоорондын тэтгэврийн тухай хэлэлцээрийн төслийг боловсруулав

Монгол Улс, Бүгд Найрамдах Казахстан Улсын хооронд Тэтгэврийн тухай хэлэлцээрийн төсөл боловсруулах шинжээчдийн багийн IX хэлэлцээг энэ сарын 16-ны өдөр зохион байгууллаа.

Тус хэлэлцээнд Бүгд Найрамдах Казахстан Улсын Элчин зөвлөх Айдар Абишев, ХХАНХЯ-ны Нийгмийн даатгал, нийгмийн болон тэтгэврийн үндсэн хангамжийн бодлогын газрын дэд дарга Мусина.А.Ш болон холбогдох бусад албан тушаалтан, манай улсаас ХНХЯ-ны Бодлого, төлөвлөлтийн газрын дарга А.Хишигбаяр, ХНХЯ-ны Гадаад хамтын ажиллагаа, олон нийттэй харилцах хэлтсийн дарга З.Хүслэн нарын хүмүүс оролцов.

Монгол Улс, Бүгд Найрамдах Казахстан Улсын хооронд Тэтгэврийн тухай хэлэлцээрийн төслийг хэлэлцэж хоёр улсын холбогдох яам, төрийн байгууллагаас ирүүлсэн саналыг Хэлэлцээрийн төсөлд тусгах асуудлыг хэлэлцэж төслийг эцэслэн боловсруулав.

Шинжээчдийн баг дараагийн шатны хэлэлцээг 2021 оны 11 дүгээр сард зохион байгуулахаар тохиролцлоо. Тэтгэврийн тухай хэлэлцээр байгуулснаар хоёр улсын иргэдийн нийгмийн хамгааллын баталгааг хангахад нэн чухал үүрэг гүйцэтгэх юм.

Categories
мэдээ нийгэм цаг-үе

Сонгинохайрхан дүүрэгт цэцэрлэгийн гадна талбайг иж бүрэн тохижуулж, ашиглалтад орууллаа

Нийслэлийн Сонгинохайрхан дүүргийн есдүгээр хороонд байрлах 163 дугаар цэцэрлэгийн гадна талбайн тохижилтын ажлыг бүрэн дуусгаж, ашиглалтад орууллаа. Сургууль, цэцэрлэг орчмын аюулгүй байдлыг хангах, хүүхдийг эрүүл, аюулгүй орчинд сургах зорилтын хүрээнд нийслэлийн төсвийн хөрөнгө оруулалт болон хот тохижилтын санхүүжилтээр энэхүү тохижилтыг хийж гүйцэтгэсэн байна.

Сонгинохайрхан дүүргийн 163 дугаар цэцэрлэг нь 1992 онд ашиглалтад орсон бөгөөд өнөөдрийн байдлаар 380 хүүхдийн хүчин чадалтайгаар үйл ажиллагаа явуулдаг. Тус цэцэрлэгийн гаднах тохижилтын талбай хуучирч, шаардлага хангахгүй болсон тул шинэчлэн тохижуулах ажлын хүрээнд нийт 3386 ам метр талбайд элсэн тоглоом, хөгжөөнт модон тоглоомууд, хүүхдийн тайз, үзэгчдийн суудал, сандал, сүүдрэвч, ногоон зүлэг зэргийг орчин үеийн стандартад нийцүүлэн цогцоор нь тохижуулсан юм.

Тохижилт, угсралтын ажлыг “Топ универсал констракшн” ХХК дөрвөн сарын хугацаанд гүйцэтгэн, ашиглалтад орууллаа.

Нийслэлийн Сонгинохайрхан дүүргийн есдүгээр хороонд байрлах 163 дугаар цэцэрлэгийн гадна талбайн тохижилтын ажлыг бүрэн дуусгаж, ашиглалтад орууллаа. Сургууль, цэцэрлэг орчмын аюулгүй байдлыг хангах, хүүхдийг эрүүл, аюулгүй орчинд сургах зорилтын хүрээнд нийслэлийн төсвийн хөрөнгө оруулалт болон хот тохижилтын санхүүжилтээр энэхүү тохижилтыг хийж гүйцэтгэсэн байна.

Сонгинохайрхан дүүргийн 163 дугаар цэцэрлэг нь 1992 онд ашиглалтад орсон бөгөөд өнөөдрийн байдлаар 380 хүүхдийн хүчин чадалтайгаар үйл ажиллагаа явуулдаг. Тус цэцэрлэгийн гаднах тохижилтын талбай хуучирч, шаардлага хангахгүй болсон тул шинэчлэн тохижуулах ажлын хүрээнд нийт 3386 ам метр талбайд элсэн тоглоом, хөгжөөнт модон тоглоомууд, хүүхдийн тайз, үзэгчдийн суудал, сандал, сүүдрэвч, ногоон зүлэг зэргийг орчин үеийн стандартад нийцүүлэн цогцоор нь тохижуулсан юм.

Тохижилт, угсралтын ажлыг “Топ универсал констракшн” ХХК дөрвөн сарын хугацаанд гүйцэтгэн, ашиглалтад орууллаа.

Categories
мэдээ улс-төр

УИХ-ын Түр хорооны дарга Ц.Даваасүрэн Рио Тинто Зэсийн группийн Өсөлт, хөгжил хариуцсан Ерөнхий захирлыг хүлээн авч уулзав

Оюу толгой ордын ашиглалтад Монгол Улсын эрх ашгийг хангуулах тухай Монгол Улсын Их Хурлын 2019 оны 92 дугаар тогтоолын хэрэгжилтэд хяналт тавих, шаардлагатай бол санал боловсруулж, дүнг нэгдсэн хуралдаанд танилцуулах үүрэг бүхий Түр хорооны дарга Ц.Даваасүрэн “Рио Тинто” Зэсийн группийн Өсөлт, хөгжил хариуцсан Ерөнхий захирал С.Мөнхсүхийг хүсэлтийн нь дагуу хүлээн авч уулзав.

Уулзалтаар “Рио Тинто” Зэсийн группийн захирал Б.Болд, Туркойз Хилл Ресурс компанийн захирал Стийв Тибоу нараас Монгол Улсын Ерөнхий сайдад ирүүлсэн албан захидал, түүнд холбогдсон асуудлуудын талаар ярилцаж, хоёр талын байр суурийг харилцан илэрхийлэв.

Түр хорооны дарга Ц.Даваасүрэн төслийг цаашид амжилттай явуулахад менежментийн төлбөрт Дубайн гэрээгээр олон улсын 15 банк, санхүүгийн байгууллагаас авсан 6 тэрбум ам.долларын зээлийн асуудлыг шийдвэрлэх зайлшгүй шаардлагатай байгаа талаар онцлон дурдлаа гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.

Categories
мэдээ улс-төр

Инженерийн хангамж, үйлчилгээний байгууллагуудын шилдгүүд тодорлоо

Улаанбаатар хотын Захирагчийн ажлын албанаас инженерийн хангамж, үйлчилгээний байгууллагууд өвөлжилтийн бэлтгэлээ танилцуулах “Хот өвөлд бэлэн” арга хэмжээг есдүгээр сарын 10-нд зохион байгуулсан. Энэ үеэр хог хаягдал, тээвэрлэлт, зам талбайн цэвэрлэгээ, үйлчилгээ болоод инженерийн хангамжийн 43 байгууллага 2021-2022 оны өвөлжилтийн бэлтгэл ажил, тоног төхөөрөмж, машин техник, хувцас, хэрэглэлийн бэлэн байдлаа иргэд, олон нийтэд танилцуулсан юм. Тэгвэл өнөөдөр Хотын Ерөнхий менежерийн шуурхай зөвлөгөөнөөр тус арга хэмжээнд хамт олноо манлайлан оролцсон аж ахуйн нэгжүүдийг шалгаруулж, шагнал гардуулав.

Арга хэмжээнд Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, Нийслэлийн Хот байгуулалтын асуудал хариуцсан төслүүдийн удирдагч Б.Сүхбаатар, Нийслэлийн Агаар, орчны бохирдлын асуудал хариуцсан төслүүдийн удирдагч З.Төмөртөмөө болон албаныхан оролцлоо. Байр эзэлсэн аж ахуйн нэгжүүдэд өргөмжлөл болон шаардлагатай багаж хэрэгслийг гардуулсан юм.

Хог хаягдал, зам талбайн цэвэрлэгээний чиглэлээр үйл ажиллагаа явуулдаг аж ахуйн нэгжүүдээс дараах байгууллагууд шалгарлаа.

Тэргүүн байр ОНӨААТҮГ:

  • Хот тохижилтын газар ОНӨААТҮГ
  • Чингэлтэй ТҮК

Дэд байр ОНӨААТҮГ:

  • СХД-ийн тээвэрлэлт үйлчилгээний төв ОНӨААТҮГ
  • “Улаанбаатар шинэчлэл” ХХК

3-р байр ОНӨААТҮГ:

  • Сүхбаатар дэшил ОНӨААТҮГ
  • “Охь мандал” ХХК

Инженерийн хангамжийн чиглэлийн байгууллагуудаас дараах аж ахуйн нэгжүүд шалгарлаа.

Тэргүүн байр ОНӨААТҮГ:

  • Ус сувгийн удирдах газар ОНӨААТҮГ
  • Хувийн орон сууц, нийтийн аж ахуйн хөгжлийн төв ТББ

Дэд байр ОНӨААТҮГ:

  • Улаанбаатар дулааны сүлжээ ТӨХК
  • “Төгс гэрэлтүүлэг” ХХК

3-р байр ОНӨААТҮГ:

  • Улаанбаатар цахилгаан түгээх сүлжээ ТӨХК
  • “Информатик” ХХК
Categories
мэдээ нийгэм

ЗӨВЛӨМЖ: Томуу, томуу төст өвчнөөс сэргийлцгээе

Томуугийн улиралд томуу, томуу төст өвчний 70-80 хүртэлх хувийг сургууль, цэцэрлэгийн насны хүүхдүүдийн өвчлөл эзэлдэг тул урьдчилан сэргийлэх зорилгоор дараах арга хэмжээг авч хэрэгжүүлэхийг хүүхдийн байгууллагын удирдлага, эмч, багш нарт зөвлөмж болгон хүргэж байна. Үүнд:

  1. Сургууль, цэцэрлэгт хүүхдийг хүлээн авахдаа биеийн байдлыг нягтлан үзэж томуу, томуу төст өвчин /ТТӨ/, амьсгалын замын халдварын шинж тэмдэгтэй болон өвчилсөн хүүхэд, өвчилсөн багш ажилчдыг хичээл, сургуулиас 7 хоног хүртэл чөлөөлж, өвчний хүндрэлээс сэргийлэх, гэрт нь тусгаарлах, эмчилж эдгэрүүлэх
  2. Сургууль, цэцэрлэгийн анги танхим, биеийн тамирын заал, хурлын танхимд чийгтэй цэвэрлэгээ, агааржуулалтыг өдөрт 2-3 удаа хийж анги, танхимын дулааныг 18-20 хэмд байлгах
  3. Сургуулийн өдрийн цай, цэцэрлэгийн хоолны цэсийг аминдэмээр баялаг, илчлэг сайтай хоол хүнсээр бүрдүүлэх, бага насны хүүхдүүдэд аньс, чацарганы шүүс, аарцыг халуун бүлээнээр нь уулгах
  4. Ам, хамрын хөндийг цэвэрлэн, хамраар зөв амьсгалах дасгал, цэгэн иллэг хийлгэж сургах, хүүхдийг тогтмол цагт унтуулж, хэвшүүлэх
  5. Томуу, томуу төст өвчин, амьсгалын замын халдварын дэгдэлтийн үед сургууль, цэцэрлэгт хүүхдийг олноор цуглуулах үйл ажиллагааг /өдөрлөг, уулзалт, тэмцээн гэх мэт/ зохион байгуулахгүй байх
  6. Сургууль, цэцэрлэгийн хүүхдүүдэд томуу, томуу төст өвчнөөс урьдчилан сэргийлэх талаар сургалт сурталчилгаа хийх, халдвараас сэргийлэх энгийн арга /гарын ариун цэвэр, амьсгалын замын халдвартай үед ханиаж, найтаахдаа ам, хамраа таглах гэх мэт/-ыг зааж сурган, хэвшүүлэх
  7. Эцэг, эхчүүдэд хүүхэддээ тавих халамж анхаарлыг сулруулахгүй байж, өвчилсөн бол харьяа Өрхийн эрүүл мэндийн төвийн эмчид хандаж зөвлөгөө авах, дур мэдэн эмчилгээ хийхгүй байхыг зөвлөх
  8. Хүүхдийг улирлын байдалд тохируулан хувцаслах, олон нийтийн газар авч явахгүй байх, өвчилсөн бол гэрт нь байлгаж, бусдад халдвар тараахгүй байхыг зөвлөж байна.
Categories
мэдээ нийгэм

ОБЕГ: Иргэд хашааныхаа өвсийг шатааснаас гал алдаж байна

Хүйтний улирал эхэлж, ахуйн гал түймрийн дуудлага Онцгой байдлын газарт бүртгэгдэх нь ихэсч байна. Сүүлийн үед хашаа байшин, гарааш, машиндаа, гэртээ гал алдсан дуудлага зонхилох болов.

Тухайлбал, өчигдөр /2021.09.16/ Баянзүрх, Сүхбаатар дүүрэг болон Ховд аймагт айлын байшин болон амбаар, машин шатсан байна. Мөн самар түүх, аялал зугаалгад гарах, хашааны шар өвсөө шатаах зэрэг олон шалтгаанаар гал түймэр гарч байгаа талаар нийслэлийн Онцгой байдлын газар /НОБГ/ болон нийслэлийн Байгаль орчны газраас өнөөдөр /2021.09.17/мэдээлэв.

Улсын хэмжээнд санамсаргүй гал түймрийн улмаас өнгөрсөн онд нийслэлд 126 удаагийн хээрийн түймэр гарч, 59.7 га талбай шатсан байна. Энэ онд улсын хэмжээнд ой хээрийн 25 дуудлага тохиолдол бүртгэгдсэн. Үүнээс ойн 1765 га, хээрийн 120 мянган га талбай өртсөн байна. Харин айл өрхүүд хавар, намар хашаандаа шар өвс шатаах, цахилгаан, зуухны аюулгүй байдал алдагдсны улмаас гал алдаж эд хөрөнгө эрүүл мэндээрээ хохирох шалтгаан болж байна. Иймд ил задгай тамхины иш, хог хаяхгүй байхыг анхааруулсан юм.

Categories
амьдралын-өнгө мэдээ

Сураггүй алга болсон иргэний цогцсыг олжээ

Наймдугаар сарын 23-ны өдөр гэрээсээ мотоциклтой гараад сураггүй болсон 36 настай эрэгтэйн цогцсыг есдүгээр сарын 15-нд олсон байна.

Тодруулбал, Архангай аймгийн Өлзийт сумын Ямаат багийн “Хужирт” гэдэг газар /аймгийн төвөөс зүүн хойд зүгт 136 км-т, сумын төвөөс зүүн хойд зүгт 20 км-т/ “Орхон” голын усанд нэг хүний цогцос байна, гаргаж өгнө үү гэсэн хүсэлтийг Цагдаагийн байгууллагаас есдүгээр сарын 15-ны өдрийн 19:15 цагт Онцгой байдлын газарт тавьжээ.

Тус аймгийн Онцгой байдлын газрын Эрэн хайх, аврах салбарын алба хаагчид мөн өдрийн 19:50 цагт ангийн байрлалаас хөдөлж, есдүгээр сарын 16-ны өдрийн 02:24 цагт Өлзийт суманд очиж хоноглоод 07:50 цагт голомтод очиж цогцос гаргах ажиллагааг эхлүүлсэн байна.

Голын эргээс 50 метрийн зайд голын дунд орших арлаас 09:08 цагт цогцсыг гаргаж Цагдаагийн мөрдөн байцаагчид шилжүүлэн өгчээ.

Categories
амьдралын-өнгө мэдээ цаг-үе

АҮТ: Улаанбаатараас Өмнөговь, Дундговь аймаг руу зорчих нийтийн тээврийн хөдөлгөөнийг түр зогсооно

Коронавирусийн нөхцөл байдал болон орон нутагт илрэх халдварын тоо буурахгүй, хариу арга хэмжээг эрчимжүүлэх, иргэдийн эрүүл мэндийг хамгаалах зорилгоор Өмнөговь аймгийн Засаг даргын 2021 оны А/1013 дугаар тушаалаар 2021 оны есдүгээр сарын 13-ны өдрийн 06:00 цагаас есдүгээр сарын 25-ны 06:00 цаг хүртэл хөл хорио тогтоосон.

Тус шийдвэр гарсантай холбогдуулан хот хоорондын нийтийн тээврийн “Улаанбаатар- Өмнөговь Даланзадгад сум” чиглэлийн үйлчилгээг энэ сарын 17-ны өдрөөс эхлэн 25-ны өдрийн 06:00 цаг хүртэл түр зогсоож байгааг мэдэгдэж байна.
Мөн “Улаанбаатар- Дундговь Мандалговь- Сайхан-Овоо сум” чиглэлүүдийн үйлчилгээг энэ сарын 17-ны өдрөөс эхлэн тодорхойгүй хугацаагаар хязгаарлаж байгааг мэдэгдэж байна гэж Автотээврийн Үндэсний төвөөс мэдээллээ.
Categories
мэдээ нийгэм цаг-үе

Хөдөлмөрийн тухай хуулинд жирэмсэн болон 3 хүртэлх насны хүүхэдтэй ажилтан цахимаар ажиллах зохицуулалт нэмжээ

2022 оны нэгдүгээр сарын 1-нээс дагаж мөрдөх Хөдөлмөрийн тухай хуулийн шинэчилсэн найруулгад Жирэмсэн болон 3 хүртэлх насны хүүхэдтэй ажилтан ажил олгогчтойгоо цахимаар ажиллах гэрээ байгуулж болно гэсэн шинэ зохицуулалт орсон.

Энэ нь ажилтан, ажил олгогч хоорондоо тохиролцоод хөдөлмөрийн гэрээ байгуулах боломжтой гэсэн үг юм.

Хөдөлмөрийн тухай хуулийн шинэчилсэн найруулгатай танилцах бол https://www.legalinfo.mn/– ээс харж болно.

Categories
мэдээ улс-төр

АН: Нөхөн сонгуульд эвийг эрхэмлэн, эрх баригчдаас хариуцлага нэхэж оролцоно


УИХ дахь Ардчилсан намын бүлгийн гишүүд, Ардчилсан намаас УИХ-ын 28 дугаар тойрогт нэр дэвшигч Монгол Улсын баатар Э.Бат-Үүл, 18 тойрогт нэр дэвшигч УИХ-ын гишүүн асан Б.Гарамгайбаатар нарыг өнөөдөр /2021.09.17/ хүлээн авч уулзаж, амжилт хүслээ.
Уулзалтын үеэр Бүлгийн дарга Д.Ганбат “Аравдугаар сарын 10-ны өдөр маш хариуцлагатай сонгууль болно. Энэхүү нөхөн сонгуульд 1990 оны Ардчилсан хувьсгалыг эхлүүлж, өдий хүртэл тууштай зүтгэж яваа хоёр эрхэм нэр дэвшин өрсөлдөж байгаад олзуурхаж байна. Улс орон нэг нам, нэг хэсэг хүний дарангуйлалд орохын сул талыг сүүлийн жилүүдэд болж өнгөрсөн үйл явдлууд тодхон харууллаа. Та бидний ардчиллын замаар замнасан 30 жилийн үр дүн талаар болох учиргүй. Үүнд бид өөрсдөдөө ч дүгнэлт хийх ёстой” гэв.
Түүнчлэн Бүлгийн гишүүд, нэр дэвшигч нар харилцан санал солилцож, энэ удаагийн УИХ-ын нөхөн сонгууль Ардчилсан намын хувьд эв нэгдлийг эрхэмлэн нэгдэн нягтарч, эрх мэдэлтнүүдээс хариуцлага нэхсэн, улс орны хувьд үзэл санааны сонгууль болох ёстой гэдгийг онцлов.

May be an image of 4 people, people sitting and people standing

Уулзалтын дараа хамтдаа дурсгалын зураг татуулж, нэр дэвшигчдэд амжилт хүсэн Ардчилсан намын туган дээр гарын үсгээ зурцгааж, дэмжиж ажиллахаа илэрхийлж бэлэглэлээ.