Month: August 2021

Categories
булангууд мэдээ шинжлэх-ухаан-технологи

НАСА дэлхийн хүн амыг баяжуулах солирыг судална


Калифорнийн Технологийн Институтын эрдэмтэд “Psyche 16” хэмээх солирыг хэт ягаан туяаны тусламжтай судалсан аж.

Үүний үр дүнд тус солирыг 10 мянган квадриллион буюу нэг сая тэрбум ам.долларын үнэ хүрэх үнэт метал агуулагдаж байгаа болохыг тогтоож чадсан байна. Тиймээс Агаарын нислэг, сансрын уудмыг шинжлэн судлах төв (NASA) тус солир руу 2022 оны наймдугаар сард тусгай хөлөг илгээхээр болсон бөгөөд төлөвлөгөөний дагуу “Psyche 16” солирт 2026 онд хүрэх гэнэ.

No description available.

1852 оны гуравдугаар сарын 17-нд Италийн одон орон судлаач Аннибале де Гаспарис жижиг гаригийн хэмжээтэй нэгэн астеройд илрүүлсэн бөгөөд үүнийгээ Грекийн домгийн бурхны нэрээр “Психе” хэмээн нэрлэжээ.

Тус астеройдын нийт өртгийг 10 мянган квадриллион доллар хэмээн тооцоолж байгаа ба энэ нь дэлхийн бүх хүмүүсийг долларын тэрбумтан болгохуйц хэмжээний үнэтэй гэсэн үг. “Psyche 16” нь Бархасбадь, Ангараг гаригийн хоорондох солирын бүсэд оршдог.

No description available.Одоогийн байдлаар NASA-ийн зорилго бол тус солирын гарал үүсэл, бүтэц зэргийг нарийн тодорхойлон олж мэдэх явдал юм.

“Psyche” бол М төрлийн солирууд дундаа хамгийн том нь юм. М төрлийн солирууд нь үнэт металлаар баялаг бөгөөд манай нарны аймаг үүсэх явцад задарсан олон гарагуудын цөмийн хэлтэрхийнүүд байж болзошгүй гэдэг.

Б.Ангирмаа

Categories
мэдээ нийгэм

Дуудлага, мэдээллийн 90 хувийг шийдвэрлэв

“Ковидын нэгдсэн лавлах 119 төв”-ийн утсанд өнгөрсөн 24 цагийн хугацаанд иргэдээс 3439 дуудлага мэдээлэл бүртгэгджээ. Дуудлага, мэдээллийн тоо өмнөх өдөртэй харьцуулахад 9,8 хувиар буурсан бөгөөд нийт хүлээн авсан дуудлагын 90 хувьд үйлчилжээ.

Тус лавлах утсанд 6 дугаар сард 281,466 дуудлага мэдээлэл хүлээн авч 76 хувьд нь, 7 дугаар сард 180,583 дуудлага хүлээн авч 93 хувьд, харин 8 сар гарсаар өнөөдрийн байдлаар 51,501 дуудлага хүлээн авснаас 45,935 буюу 89 хувьд нь үйлчилж, шийдвэрлэн ажиллаад байна.

Иргэдээс, шинжилгээний цэгийн байршил, цаг авах, хариу авах, дархлаажуулалтын хуваарь болон байршил, эмнэлгийн тусламж үйлчилгээ, эмнэлзүйн шинж тэмдэг илэрсэн, батлагдсан болон түүний ойрын хавьтал, тусгай үүргийн нислэгийн хуваарь, тусгаарлагдсан буудал, байршил болон гэрийн тусгаарлалттай холбоотой зөвлөгөө, нийслэл болон орон нутаг руу орох, гарах хөдөлгөөн, нийтийн тээвэр, тээврийн хэрэгслийн хөдөлгөөний зохицуулалтын талаар санал хүсэлт, мэдээлэл зонхилж байна гэж УОК-ын Шуурхай штабаас мэдээллээ.

Categories
мэдээ нийгэм

Ногоочдыг худалдаагаа чөлөөтэй хийх боломжоор хангана

Хүнсний ногооны жижиглэн худалдаа эрхлэгчид худалдаа хийх боломжоор хангахгүй, төрийн зохицуулалт буруу байгаа тухай Шударга өрсөлдөөн, хэрэглэгчийн төлөө газарт гомдол ирүүлжээ.

Худалдаа эрхлэлтэд төр оролцох тусам л асуудал даамжирна. Хороолол дунд зараг л дээ. Иргэдэд хүрч үйлчлэх тусам л таатай байна

Уг гомдлын дагуу газар дээр нь ажиллаж тус асуудал Өрсөлдөөний тухай хуулийн 13 дугаар зүйлд заасан “Төрийн захиргааны байгууллага, нутгийн өөрөө удирдах болон нутгийн байгууллагаас өрсөлдөөнийг хязгаарласан шийдвэр гаргахыг хориглоно” гэдгийг зөрчжээ. Уг асуудлаар Агентлагийн дарга Б.Бат-Эрдэнэ “Жижиглэн худалдааг битгий хаа. Төвлөрүүлэх тусам үнэ чинь нэмэгдэнэ. Хаах тусам хомсдол үүснэ. Худалдаа эрхлэлтэд төр оролцох тусам л асуудал даамжирна. Хороолол дунд зараг л дээ. Иргэдэд хүрч үйлчлэх тусам л таатай байна. Авто зам дээр машин түгжрээд байна гээд замын хажуу дахь худалдааг хааж болохгүй. Машинд зориулсан хот биш” хэмээн байр сууриа илэрхийлэв.

Иймд ШӨХТГ-аас хүнсний ногоо тариалагч иргэд, өрх, ААН-үүдийн бизнесийн үйл ажиллагааг дэмжиж ногоочдод тулгараад буй талбайн асуудал, чөлөөт худалдаа, цагийн хязгаарлалтад уян хатан байж сонгох боломжийг олгох тухай саналыг Нийслэлийн засаг дарга бөгөөд Улаанбаатар хотын захирагч Д.Сумъяабазарт 2021 оны 7 дугаар сарын 23-ны өдөр хүргүүлсэн. Тус саналыг хүлээн авч Улаанбаатар хотын Ерөнхий менежер НОК-ийг 2021 оны наймдугаар сарын 17-ны өдөр хуралдуулж дараах шийдвэрийг гаргав.

Үүнд:

  • “Алтан намар-2021” хүнсний ногооны үзэсгэлэн худалдааг зохион байгуулж буй ажлын явцыг танилцуулж, ногоочдод тулгараад буй хүндрэлтэй асуудлуудыг шуурхай шийдвэрлэдэг байхыг Нийслэл, дүүрэг, хороод нэгдсэн шийдэлд хүрэв.
  • Хүн ихээр төвлөрүүлэхгүйн тулд ногооны жижиглэн худалдаачдыг хотхон, хороолол, байрны дунд шинэ ургацын ногоо зарж болох бөгөөд тэднийг дэмжин ажиллахыг дүүрэг, хорооны засаг дарга нарт үүрэг өгөв.
  • Архи, согтууруулах ундааны зөвшөөрөл олгохоос бусад жижиглэн худалдаа эрхлэлтийн асуудлыг Дүүргийн ЗДТГ-ын дэргэдэх “Худалдаа үйлчилгээг зохицуулах зөвлөл” олгоно. Өмнө нь ч ийм байсан, уг асуудлыг дахин сануулав. Тиймээс ногоочид “Алтан намар” үзэсгэлэн худалдаанд заавал оролцох шаардлагагүй бөгөөд өөрийн хүссэн газарт худалдаа эрхлэх зөвшөөрөл авч болно гэсэн үг. Худалдаа эрхлэхдээ өөрийн болон ойр орчмын газрын ариун цэврийг сахих, хог хаяхгүй, ногоон байгууламж сүйтгэхгүй байх зэргийг мөрдөх юм.

Тус хуралд ШӨХТГ, Нийслэлийн 6-н дүүргийн Засаг дарга, хэлтсийн дарга, нийслэлийн ХХААГ-ын дарга Д.Баянбат, НМХГ-ын дэд дарга Б.Алтантуяа болон холбогдох албаны хүмүүс оролцов.

Categories
мэдээ нийгэм

Хариу арга хэмжээний багийн албан хаагчдыг вакцины III тунд хамруулж эхэллээ

“Ковид-19” цар тахлын эсрэг тэргүүн эгнээнд ажиллаж буй Хариу арга хэмжээний багийн ажилтан, албан хаагчдыг III тунд хамруулж эхлээд байна. Эрүүл мэндийн сайдын тушаалын дагуу АстраЗенека вакцины хоёр тундаа бүрэн хамрагдсан эрүүл мэнд, онцгой, цагдаа, мэргэжлийн хяналтын байгууллагын 41 мянган ажилтан, албан хаагчийг нэмэлт тунд хамруулах юм. Алба хаагчдад АстраЗенека вакцины гурав дахь тунг сайн дурын үндсэн дээр хийнэ.

АстраЗенека вакцины хоёр тун хийлгэсэн бол гуравдугаар тунд дархлаа өндөр тогтож буй олон улсын судалгаа гарчээ. Харин иргэдэд нэмэлт буюу гурав дахь тунг хийх эсэх талаарх эцсийн шийд гараагүй, судлагдаж байна. Учир нь вакцинууд өөр тул нарийвчилсан судалгаа хийж байгаа гэнэ. Мөн нэмэлт тунг вакцинд хамрагдсанаас хойш зургаан сарын дараа хийлгэх нь илүү үр дүнтэй гэж олон улсын судлаачид үзжээ.

Categories
мэдээ нийгэм

НӨАТ-ын татварыг тэглэхгүй

Сангийн сайд Б.Жавхлан мэдээлэл өгөх үеэр сэтгүүлчид түүнээс НӨАТ-ын хувь хэмжээг бууруулах, эсэхийг асуув. Сангийн сайд энэ асуултад хариулахдаа “НӨАТ-ын тухай хууль бол далд эдийн засгийг бууруулах давхар ач холбогдолтой. Мөн улсын төсвийн орлогод НӨАТ-ын татвар томоохон байр суурь эзэлдэг. Сангийн яам одоогийн тогтолцоогоо тогтвортой хадгална.

Манайх шиг НӨАТ-ын буцаан олголтыг иргэдэд өгдөг улс байхгүй. Цөөн улсад зөвхөн сугалаагаар буцаан олгодог. Манай улсад НӨАТ-ын орлого арван хувь байгаа нь бусад улсын дунджаас бага. ОХУ, БНХАУ-д 16-21 хувийн НӨАТ-ын татвартай гэв.

Энэ оны эхний долоон сарын байдлаар улсын төсвийн тэнцвэржүүлсэн орлого 7.7 их наяд төгрөгт хүрч, өмнөх оны мөн үеэс 2.8 их наяд төгрөгөөр нэмэгдэв. Төсвийн орлого нэмэгдэхэд
• Орлогын албан татвар 2 дахин,
• Нэмэгдсэн өртгийн албан татвар 36 хувь өссөн нь голлох нөлөөг үзүүлэв гэж ҮСХ-ноос мэдээлсэн юм.

Categories
мэдээ энтертаймент-ертөнц

​Дэлхийн нарыг ховор хардаг 10 хот

Нарны хэт ягаан туяа нь хүний арьсанд хавдар үүсгэх аюултай гэж үздэг ч өглөө, оройн нарыг хүн төрөлхтний биед онцгой ашиг тустай гэдгийг хэд хэдэн судалгаагаар нотолсон байдаг.

Гэтэл дэлхийн нар харах хувь заяа бараг байдаггүй зарим хотын иргэд хурц нар харахаараа баяр наадам болсон мэт л баясдаг аж.

1.Мурманск – ОХУ

No description available.

Оросын Мурманск нь Хойд туйлын тойрогт багтдаг хамгийн том хот юм. Энд туйлын шөнө 40 хоног үргэлжилдэг бөгөөд энэ үеэр нар тэнгэрийн хаяанд хүртэл харагддаггүй. Өдөр нь шөнөөс ялгаагүй харанхуй учраас энд амьдрахаар шийдсэн хүмүүс сэтгэлзүйгээ бэлдэх хэрэгтэй болдог. Нартай өдрийн тоо жилд 71-ээс хэтрэхгүй.

2.Курина – Швед

No description available.

Шведийн хамгийн хойд хэсэгт орших Кируна хот нь Хойд туйлын тойргоос 150 километрийн зайд оршдог. Энд цагаан шөнө жилд хоёр удаа болдог бөгөөд туйлын шөнө сар хүрэхгүй хугацаагаар үргэлжилдэг. Жилд нартай өдрийн дундаж тоо 70 байдаг.

3.Южно-Курилск – ОХУ

No description available.

Кунашир арал дээрх тосгон Южно-Курилск нь Алс Дорнодын бүс нутагт харьяалагддаг. Оршин суугчид жилийн 69 өдөр л нар үздэг. Жил бүрийн аравдугаар сард Южно-Курилск хотод зургадугаар сараас ч илүү дулаан байдаг нь сонирхолтой.

4.Жуно – АНУ

No description available.

Аляска мужид оршдог Жуно хотын 99 хувийг зах хязгааргүй тайга хүрээлсэн байдаг. Нарны хувьд жилд дунджаар 64 хоногоос илүүгүй хугацаанд л гарах бөгөөд бусад үед нь байнгын бүрхэг байдаг.

5.Кёльн – Герман

No description available.

Германы Кёльн хотыг албан ёсоор “Рейн мөрөн дээрх метрополис” гэж нэрлэдэг. Энэ хот нь Европын эдийн засагт томоохон үүрэг гүйцэтгэдэг боловч жилд ердөө 62 өдөр нар үздэг аж. Атлантын далайгаас ирдэг борооны үүлс, манан энэ хотыг дүнсгэр, гунигтай болдог байна.

6.Бирмингем – Их Британи

No description available.

Англи улс нь манан, бороотой цаг агаараараа алдартай. Тус улсын хоёр дахь том хот Бирмингем нь ихэнхдээ мананд хучигдсан байдаг бөгөөд иргэд нь жилд ердөө 56 хоног л цэлмэг хөх тэнгэр хардаг байна.

7.Принц Руперт – Британийн Колумби

No description available.

Кайенн арал дээрх Принц Руперт боомт хот нь Скене голын аман дээр уулсын дунд оршдог. Үзэсгэлэнтэй хэдий ч мананд хучигддаг тус хот жилд 50 орчим өдөр л нартай байдаг.

8.Никольское – ОХУ

No description available.

Камчаткын хязгаарын нутаг дэвсгэрт орох Никольское тосгон бол Берингийн хоолойн арлууд дээрх цорын ганц суурин юм. Тосгоны иргэд үүлэрхэг цаг агаарт бүр дассан бөгөөд жилд 41 өдөр л нарны туяа үздэг гэнэ.

9.Торшавн – Дани

No description available.

Дэлхийн хамгийн үүлэрхэг хот бол Данийн Торшавн юм. Энэ хотод өдөрт хоёр цагаас илүү (жилд нийт 36 өдөр гэсэн үг) нар гардаггүй аж.

10.Ян Майен – Норвеги

No description available.

Атлантын далай дахь Норвегийн Ян Майен арал манай гарагийн хамгийн нарны гэрэл бага үздэг газар юм. Тиймээс энд хэзээ ч хүмүүс суурьшиж байгаагүй бөгөөд сүүлийн үед л цаг уур, навигацийн станцууд байгуулагдаж цөөн хэдэн ажилчид байрлах болсон байна. Тус арал дээр нарны туяа жилийн 34 хоногт л манан дундуур цухуйн гарч ирдэг гэнэ.

Б.АНГИРМАА

Categories
мэдээ энтертаймент-ертөнц

​Тархины тухай сонирхолтой баримтууд


1. Тархины хувьд бодит байдал ба төсөөлөл нь нэг зүйл.

Тархи нь ямар нэгэн бодлыг бодит эсвэл төсөөлөл гэдгийг мэдэлгүйгээр ханддаг. Тиймээс л өөдрөг бодолтой хүн илүү жаргалтай байдаг аж.

No description available.

2. Оюуны ажил тархийг ядраадаггүй

Тархи ядарсан мэдрэмж нь бидний сэтгэл хөдлөлөөс болдог.

3. Тархи ихэвчлэн автомат горимд ажилладаг

Бидний ихэнх бодлууд өмнөх өдрийн бодлууд байдаг. Тийм болоод гутранги үзэлтэй хүмүүст өөрчлөгдөх хэцүү байдаг. Ер нь бясалгал хийж, тархиа цэвэрлэх нь зүйтэй юм.

4. Бид бодож байгаа зүйлээ хардаг

Та юу хармаар байна түүнийгээ бодож төсөөлөх хэрэгтэй.

5. Тархийг булчин шиг дасгалжуулах хэрэгтэй

Тархинд булчин шиг дасгал хөдөлгөө хэрэгтэй. Цэвэр агаарт дасгал хийх, шинэ зүйл сурах, зөв хооллолт, сайн унтах, шинэ газар үзэх, ном унших гэх мэт дасгалуудаас хийж болох юм.

6. Тархи амардаггүй.

Биднийг унтаж байхад ч гэсэн тархи ажиллаж л байдаг.

7. Хааяа тархийг цэвэрлэх хэрэгтэй

Мянга мянган сөрөг бодлуудаар дүүргэхгүйн тулд тархиа цэвэрлэх хэрэгтэй. Үүний тулд бясалгал хийхийг зөвлөж байна.

8. Мартах нь сайн. Учир нь мэдрэлийн системийн уян хатан байдлыг хадгална

Шинэ дурсамжаа хадгалахын тулд бид хуучин дурсамжаа бага багаар мартдаг. Ерөнхийдөө таагүй зүйл, бодохыг хүсдэггүй дурсамжуудаасаа туршлага хуримтлуулсныхаа дараа ангижирч гэгээлэг дурсамжуудаар дүүргэх хэрэгтэй.

9. Тархи өвдөлт мэдэрдэггүй

Тархинд өвдөлт мэдрэгч байдаггүй нь хачирхалтай.

10. Бид өөрсдийн тархийг өөрчилж чадна

Шинэ зүйл хийхэд үүнтэй зэрэгцэн маш олон мэдрэлийн холбоосууд бий болдог. Хэрвээ бид ямар нэгэн зүйлийг чадахгүй гэж бодвол тархины гүнд энэ бодол нь аль хэдийнэ биелэлээ олж эхэлдэг. Харин чадна гэж бодвол тархи таныг зорилгодоо хүрэхэд тань туслах болно.

Г.Байгальцэцэг

Categories
мэдээ үндэсний-бөx

Улсын харцага Ө.Бат-Өлзийг Ховд бөхийн дэвжээ 10 сая төгрөгөөр шагнажээ

Монгол Улсад залуучуудын байгууллага үүсэж хөгжсөний 100 жил, Монголын Үндэсний Бөхийн Холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан Улс, аймгийн цолтой 512 бөхийн барилдаан Хүй долоо худагт болж өнгөрлөө.

Тус барилдаанд Улсын харцага Ө.Бат-Өлзий Аймгийн арслан Э.Ууганбаяраар ес давж түрүүлсэн юм.

Ес даван түрүүлсэн, зургаа даван шөвгөрсөн чансаатай бөхчүүддээ Ховд бөхийн дэвжээ хүндэтгэл үзүүлж, Нутгийн ах Асиан сити ХХК-ийн ерөнхий захирал А.Баянмөнх түрүү бөхийг 10 сая төгрөгөөр, зургаа давсан 3 бөхийг тус бүр 3 сая төгрөг, Ховд аймгийн наадмын түрүү бөхийг 1 500 мяган төгрөгөөр урамшуулсан байна.

Categories
мэдээ нийгэм цаг-үе

“Дельта” хувилбарын дараагийн давлагаа эхэлж байгаа учир вакцины гурав дахь тунг хийнэ” гэв

“Ковид-19” халдвараас урьдчилан сэргийлэх вакцины гурав дахь тунгийн асуудлаар Эрүүл мэндийн яамнаас мэдээлэл хийж байна.

УОК-ын дэргэдэх Эрдэмтдийн зөвлөлийн гишүүн О.Батбаяр:
-Өнгөрсөн хугацаанд 10 хувийг эзэлж байсан бол сүүлийн үед илэрч байгаа эерэг тохиолдолд дельта хувилбар 30 хувийг эзэлж байна. Тэр дундаа Баян-Өлгий аймагт 80 хувь, Ховд аймагт 55 хувь гэх мэтээр шинэ хувилбарын тархалт эрчимжиж байна. Мөн вакцины үр дүнгийн үзүүлэлт дэлхий дахинд буурч байна.

Хоёр тунгийн вакцин хийлгэсэн ч дельта вирусийн халдвар авахад биеийн байдал хүндрэх магадлалтай байгааг дэлхийн мэргэжилтнүүд анхааруулж байгаа аж.

“ХОЁР ТУНГАА ХИЙЛГЭСЭН Ч ХАЛДВАР АВСАН БОЛ ГУРАВ ДАХЬ ТУНГ ХИЙЛГЭХ ШААРДЛАГАГҮЙ”

“Альфа, бетта, дельта” хувилбар гээд вирусийн төрлийн аль алин дээр нь гурав дахь тунгийн саармагжуулалт өндөр байгааг дэлхийн судлаачид тогтоосон. Тиймээс энэхүү олон улсын судалгааг үндэслэл болгож Монгол Улс гурав дахь тунгийн судалгааг ХӨСҮТ-д эхлүүлж бүүстер тун буюу нэмэлт тунгийн судлах үүрэг авсны дагуу ажиллаж, эмнэлзүйн туршилт хийж байна.

“Дельта” хувилбарын дараагийн давлагаа эхэлж байгаа гэж үзсэн учир вакцины гурав дахь тунг хийхээр болж байна.

Энэхүү судалгаа нь олон улсад болон Монгол Улсад тодорхой үр дүн хараахан өгөөгүй байгаа учир шууд хийх үндэслэлгүй. Вакцинжуулалт хийснээс хойш тухайн хүний цусанд үүсэж байгаа тархац, тогтоц хэр удаан үргэлжилж байгаа талаарх судалгааг Монголд төдийгүй олон улсад гараагүй байна.

Төрийн албан хаагчдад гурав дахь тунг хүчээр хийж байгаа талаарх мэдээлэл гарсан байсан. Тийм зүйл байхгүй. Тэд сайн дурын үндсэн дээр хийлгэж байгаа. АстраЗенека вакцины нөөц тодорхой хэмжээнд байгаа ч өмнө нь хийлгэсэн бүх хүнд гурав дахь тунг хийх боломж байхгүй. Энэ асуудлыг бид хэлэлцэж байгаа.

Хоёр дахь тун төдийгүй гурав дахь тунг хийлгэсэн ч халдвар авах магадлалтай. Тухайн хүний дархлааны түвшингээс шалтгаална. Гурав дахь тунг хийх зорилго нь халдвараас хамгаалах дархлааны түвшинг нь өсгөж байна гэсэн үг. Ялангуяа эмч, эмнэлгийн байгууллагын ажилтнуудыг нэн түрүүнд хамруулснаар хариу арга хэмжээндээ дэмжлэг үзүүлж байгаа юм.

Вакцин хийлгэснээс хойш 6 сарын дараа вакцины хамгаалах түвшин буурч байгаа гэсэн олон улсын судалгаа байна. Тиймээс хамгаалах чадвар алсдаа буурах нь тодорхой. Зургаа дахь сарын вакцины сорьцыг одоо цуглуулж байгаа ба хариу нь гарах хараахан болоогүй байна. Хоёр тунгаа хийлгэсэн ч халдвар авсан бол гурав дахь тунг хийлгэх шаардлагагүй.

“Дельта хувилбарын” дараагийн давлагаа эхэлж байгаа гэж үзсэн учир вакцины гурав дахь тунг хийхээр болж байна.

Categories
мэдээ нийгэм

Ховд аймагт олон хоног бороо орсны улмаас замд үер бууж, 10 метр орчим өргөнтэй сэтэрчээ

Үер буусны улмаас орон нутгийн замд эвдрэл, гэмтэл үүсч авто тээврийн хөдөлгөөнд саад учрах болжээ.

Тухайлбал дөрөв хоног үргэлжлэн орсон борооны улмаас Ховд аймаг орох зам 10 метр орчим өргөнтэй сэтэрсэн бол цааш 500 метрийн зайд дахин эвдрэл үүсжээ. Мөн тус аймгийн Мөст сумаас таван километрт зам сэтэрсэн байна. Одоогоор албан ёсоор зам хаах шийдвэр гараагүй байгаа тул жолоочид ослоос сэрэмжлүүлэх үүднээс сэтэрсэн замын хоёр талд чулуугаар овоолго үүсгэжээ.

Онцгой байдлын албанд өчигдөр /2021.08.17/ Завхан, Хөвсгөл аймгуудад хүчтэй аадар бороо орж иргэд автомашинтайгаа үерийн усанд урссан дуудлага иржээ. Тухайлбал Завхан аймгийн Онцгой байдлын газрын алба хаагчид зургаан зорчигчтой “Патрол” загварын суудлын автомашин, таван зорчигчтой “Приус 20” загварын суудлын автомашин “Рашаан гол”-д урсаж байсныг татан гаргажээ.

Мөн Хөвсгөл аймгийн Алаг-Эрдэнэ сумын Хатгал тосгоны “Бэлчирийн сайр”, Бэрхэвшийн сайр” гэдэг газарт таван суудлын автомашин уруйн үерт урсаж байсныг зорчигчийн хамт аюулгүй газарт татан гаргасан байна.