Month: August 2021

Categories
мэдээ нийгэм

Ц.Төрхүү: Саарал усыг ундны уснаас бусад бүх зүйлд ашиглана

Ус сувгийн удирдах газрын дарга Ц.Төрхүү “Саарал ус цэвэрлэх байгууламжийг шинэ цэвэрлэх байгууламжтай уялдуулж барих ёстой.

Саарал ус боловсруулах үйлдвэр Сонгино уулын зүүн бэлд баригдах юм. Хоногт 180 мянган шоо метр бохирыг цэвэршүүлж, боловсруулна. Эхний ээлжид гарч байгаа саарал усыг III, IV цахилгаан станцад нийлүүлнэ. Одоо бол тус хоёр станц хөргүүртээ цэвэр ус ашиглаж байгаа.

Саарал усыг ундны уснаас бусад бүх зүйлд ашиглах боломжтой юм. Бид 2016, 2017, 2018 онд цэвэрлэх байгууламжийн хур лагийг цэвэрлэсэн. Одоо бараг үнэртэхгүй болчихсон. Дараагийн асуудал бол шинэ цэвэрлэх байгууламжийн асуудал яригдаж байна. Барилга, хот байгуулалтын сайд газар дээр нь ажиллаж, үүрэг чиглэл өглөө. Тэр чиглэл, үүргийн дагуу ажиллана. Хуучин цэвэрлэх байгууламж 60 гаруй жил болчихсон.

Орос технологиор барьсан, хүчин чадал нь хоногт 160-170 мянган шоо метр усыг цэвэрлэдэг. Өнөөдөр Улаанбаатар хот 1.2 сая хүн амтай. Хүн ам ихэссэн, хөрсний ус элбэг байна. 197.200 шоо метр ус ирж байна. Тиймээс зайлшгүй шинэ цэвэрлэх байгууламж шаардлагатай. Барилга угсралтын ажил 30 орчим хувьтай явна. Цэвэрлэх байгууламж ашиглалтад орсон ч хуучин цэвэрлэх байгууламжаа хамт ажиллуулах юм. Ингэснээр хоногт 410 мянган шоо метр усыг цэвэрлэх боломжтой болно” хэмээн ярилаа.

Categories
мэдээ нийгэм

Богдхан төмөр замын суурь бүтцийн барилгын ажлын зөвшөөрлийг “Тавантолгой төмөр зам” ХХК-д олголоо

Богдхан төмөр замын суурь бүтцийн барилгын ажлын зөвшөөрлийг “Тавантолгой төмөр зам” ХХК-д олголоо. Суурь бүтцийн технологийн иж бүрдэл болох инженерийн дэд бүтэц, эрчим хүч, усан хангамж, өртөө, зөрлөгийн болон дохиолол холбоо, мэдээллийн барилга, байгууламжийн зураг төсөл боловсруулж, баталгаажуулах, тэдгээрийг барихад шаардлагатай зөвшөөрлийг холбогдох хууль тогтоомжийн дагуу тухай бүр шуурхай олгож байхыг холбогдох сайд, аймаг, нийслэлийн Засаг дарга нарт үүрэг болголоо.

Монгол Улсын Засгийн газрын хуралдаанаар Богдхан төмөр замын суурь бүтэц барих тусгай зөвшөөрлийг таван жилийн хугацаатай “Тавантолгой төмөр зам” ХХК-д олгосон. Тус төмөр замын чигийг эхний 40,6 км-ийг хэсэгчилсэн байдлаар баталгаажуулж, цаашид газар чөлөөлөлтийн асуудлыг шийдвэрлэсний дараа үргэлжлүүлэн баталгаажуулна. Энэ сард Богдхан төмөр замын барилгын ажлыг эхлүүлэхээр төлөвлөж байгаа юм.

Товч мэдээ
· Монгол Улсын Ерөнхий сайд Л.Оюун-Эрдэнэ 2021 оны долдугаар сарын 21-25-нд Япон Улсад ажлын айлчлал хийсэн дүнг хэлэлцээд Үндэсний аюулгүй байдлын зөвлөлд оруулахыг Гадаад харилцааны сайдад даалгалаа.
· Цэргийн түүх, архив, хэвлэл мэдээллийн чиглэлээр хамтран ажиллах тухай Монгол Улсын Засгийн газар, Бүгд Найрамдах Турк Улсын Засгийн газар хоорондын харилцан ойлголцлын санамж бичигт гарын үсэг зурах эрхийг Батлан хамгаалахын сайдад олгов.
· УИХ-ын гишүүн Б.Энхбаяр нараас санаачлан боловсруулсан Газрын тухай хуульд нэмэлт өөрчлөлт оруулах тухай хуулийн төслийг хэлэлцээд зарим саналыг төсөл санаачлагчдад уламжлахаар тогтов.

Categories
мэдээ нийгэм

Буянт-Ухаа Олон улсын нисэх буудлын газрыг улсын тусгай хэрэгцээнд авлаа

Нийслэлийн Хан-Уул дүүргийн 21 дүгээр хороо, “Буянт-Ухаа” олон улсын нисэх буудлын зориулалтаар 509.1 га, мөн дүүргийн 10 дугаар хорооны нутаг дэвсгэрт байрлах Иргэний нисэхийн ерөнхий газрын контор, аж ахуйн зориулалтаар 2.01 га газрыг тус тус улсын тусгай хэрэгцээнд авах шийдвэрийг өнөөдрийн Засгийн газрын ээлжит хуралдаанаар гаргажээ.

Нисэх буудал, арилжааны нислэгийн үйл ажиллагаа “Чингис хаан” олон улсын нисэх буудалд шилжсэн хэдий ч цаг үеийн шаардлагаар дамжин өнгөрөх нислэг, олон улс, орон нутгийн нислэгийн нөөц нисэх буудал, ерөнхий зориулалтын нисэх, иргэний болон улсын агаарын хөлгөөр гүйцэтгэх онцгой, тусгай үүргийн нислэг, иргэний нисэхийн сургалт үйлдвэрлэл, агаарын хөлгийн засвар үйлчилгээ, хурал зөвлөгөөн, үзэсгэлэн зохион байгуулах зорилгоор ашиглах боломжтой.

Мөн иргэний болон улсын агаарын хөлгийн онцгой байдал, гамшгаас хамгаалах, онцгой, тусгай үүргийн нислэг, энхийг сахиулах ажиллагааны нисэх онгоц хүлээн авах боломжтой хэвээр байна

Categories
мэдээ нийгэм цаг-үе

“Дельта хувилбар нь 7-8 хүнд халдвар тараах чадвартай” гэв


Монгол Улсад коронавирусийн “Дельта” хувилбар бүртгэгдсэнтэй холбогдуулан эрүүл мэндийн байгууллагын ачаалал, авч буй арга хэмжээ, эмнэлгийн байгууллагуудын нөхцөл байдлын талаар Нийслэлийн Эрүүл мэндийн газрын Эрүүл мэндийг дэмжих, нийтийн эрүүл мэндийн хэлтсийн дарга О.Энхзаяагаас тодрууллаа.

-Вакцинжуулалтын явц хэр байна вэ. Мөн Хариу арга хэмжээний багийн албан хаагчдыг вакцины III тунд хамруулж эхэлсэн. Энэ талаар мэдээлэл өгөхгүй юү?

-Монгол Улс өнгөрсөн хоёрдугаар сараас иргэдээ коронавирусийн эсрэг вакцинаар дархлаажуулж эхэлсэн. Хамгийн сүүлд 12-оос дээш насны хүүхдүүдийг вакцинжуулж эхэллээ. Өөрөөр хэлбэл, улсын хэмжээнд 12-оос дээш насны бүх иргэнийг вакцинжуулалтын бүрэн тунд хамруулах ажил үргэлжилж байна. Нэмэлт дархлаажуулалтын тухай асуудал яригдаж байгаа. Эрүүл мэндийн сайдын 2021 оны наймдугаар сарын 12-нд гарсан А/517 дугаар тушаалын дагуу вакцинжуулалтад хамгийн эхэнд хамрагдсан Хариу арга хэмжээний багийн албан хаагчдад нэмэлт гурав дахь тунг хийж эхэлсэн. Тодруулбал, эмч, цагдаа, онцгой байдлын алба хаагчдад АстраЗенека вакцины III тун хийж байгаа. Дэлхийн улс орнуудад ч вакцины хоёр тунд хамрагдсанаас хойш зургаан сарын дараа давтан тун хийж байна. Манай улсын хувьд тэр чиглэлийг бариад, давтан тунгийн ажлыг эхлүүлсэн. Эрүүл мэндийн байгууллагын ажилчид өөрсдийнхөө эмнэлэгт давтан тундаа хамрагдаж байгаа. Харин онцгой байдал, цагдаа, мэргэжлийн хяналтын байгууллагуудын ажилчдыг явуулын баг гарган вакцинжуулах, эсвэл тусгайлан гаргасан цэгүүдэд III тун хийнэ.

-Иргэд Дельта вирус тусахаас хэрхэн урьдчилан сэргийлэх вэ?

-Дельта вирус олон нийтийн дунд тархсан талаарх мэдээллийг Эрүүл мэндийн яам, ХӨСҮТ-ээс байнга түгээж байгаа. Амралт, зугаалгын улирал учир Дельта вирус дан ганц хотод биш, хөдөө орон нутгаар ч тархсан. Аялал, зугаалгын цаг дуусаж, суурьшлын бүсэд төвлөрөх үед халдварын тохиолдол нэмэгдэх хандлагатай байгаа. Тэгэхээр иргэд халдвар хамгааллын дэглэмээ сайн баримталж, хүн хоорондын зайгаа барих, гараа тогтмол ариутгах, амны хаалтаа зүүх, олон нийтийн газраар бага насны хүүхдийг авч явахгүй байх хэрэгтэй. 12-оос доош насны хүүхдүүдийг вакцинжуулалтад хамруулаагүй байгаа тул эцэг, эхчүүд хүүхдүүддээ онцгой анхаарч, хариуцлагатай байх шаардлагатай.

-Дельта вирусээр өвчилсөн тохиолдолд ямар шинж тэмдэг илрэх вэ?

-Коронавирусийн Альфа, Бетта, Гамма төрлийн вирус нь ойролцоогоор 2-3 хүнд халдвар дамжуулдаг байсан бол Дельта хувилбар нь 7-8 хүнд халдварлах чадвартай. Мөн гүйлгэх, гэдсээр өвдөх шинж тэмдгүүд илэрч байгаа. Одоогоор Дельта вирусээр оношлогдсон тохиолдлуудын дийлэнх нь хөнгөн хэлбэрээр өвчилж байна. Хөнгөн хэлбэртэй тул ихэнхдээ гэрийн нөхцөлд эмчилгээ хийж байгаа. Мэдээж ХӨСҮТ-ийн Тандалт, хариу арга хэмжээний багаас хяналт тавиад явж байна. Ер нь хөнгөн туссан, гэрээр эмчилгээ хийж байгаа иргэд гадуур явах тохиолдол их бий. Иргэн та хөнгөн ч бай, хүнд ч бай коронавирусийн халдвар авсан бол өөрийгөө тусгаарлан, дэглэмээ сайн барих хэрэгтэй. Эрүүл мэндийн байгууллагуудаас иргэддээ зохих шаардлага, зөвлөмжүүдийг л хүргүүлж байгаа. Тухайлбал, олон хүн бөөгнөрсөн газраар зорчихгүй байх, олон хүн бөөгнүүлж, цуглуулахгүй байх, гэртээ агаар сэлгэлт тогтмол хийж, гэр бүлийн хүрээнд агаарт гарах, дархлаагаа дэмжих хэрэгтэй.

-Эмнэлгүүдийн ажиллах хүчний нөөц, ачаалал хэр байна вэ?

-Альфа, Гамма вирусийн тохиолдол зургаа, долдугаар саруудад нэлээд өндөр байлаа. Долдугаар сарын дунд үеэс эхлэн иргэдийн хөл хөдөлгөөн татарч, амралт зугаалгын цаг эхэлсэнтэй холбогдуулан Улаанбаатар хотод халдварын тохиолдол буурч, эмнэлгийн ачаалал хөнгөрсөн. Тиймээс боломжийг ашиглаад халдварын голомтод ажиллаж байгаа эмч, эмнэлгийн байгууллагын ажилчдаа үе шаттайгаар, ээлжлүүлэн амраах, дархлааг нь дэмжих ажлыг зохион байгуулж байна. Ковидын чиглэлээр ажиллаж байсан эмнэлэг, сувиллуудаа түр хугацаанд хаах, үндсэн тусламж, үйлчилгээ рүү нь шилжүүлэх байдлаар зохицуулалт хийж байгаа. Тун удахгүй амралт, аяллын улирал дуусаж, иргэд суурьшлын бүсэд төвлөрөхтэй холбогдуулан халдварын тохиолдол нэмэгдэх төлөвтэй байгааг өмнө нь дурдсан. Тиймээс цаашид авах арга хэмжээнүүдээ төлөвлөөд, орны зохицуулалтаа хийж байна. Мөн дархлаажуулалтын цэгийг хэрхэн нэмэгдүүлэх вэ, давтан буюу III тун хийхээр болбол ямар зохион байгуулалтад орох вэ, Тандалт, хариу арга хэмжээний багийг хэрхэн нэмэгдүүлэх вэ гэх мэтээр бүхий л чиглэлээр төлөвлөлтөө хийж байгаа. Хамгийн гол нь халдварын тархалт бага байгаа энэ үед эмч, эмнэлгийн ажилтнуудаа амраан, дархлааг нь дэмжиж, эрч хүчийг сэлбэх нь нэн чухал байна.

Categories
мэдээ нийгэм

Энэ сарын 22-нд Хархираа Түргэний уулс, 23-нд Алтай, Хангайн уулархаг нутгаар цас орно

Ойрын 5 хоногийн цаг агаарын урьдчилсан төлөв мэдээг хүргэж байна.

Наймдугаар сарын 22-нд Хархираа Түргэний уулсаар, 23-нд Алтай, Хангайн уулархаг нутгаар нойтон цас орно.
20-нд баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн зүүн хэсгээр, 21-нд баруун аймгуудын нутгийн хойд, төвийн аймгуудын ихэнх нутгаар бороо, дуу цахилгаантай аадар бороо, 22-нд нутгийн хойд хэсгээр, 23-нд баруун болон зүүн аймгуудын ихэнх нутаг, төвийн аймгуудын нутгийн зарим газраар бороо, уулаараа нойтон цас орно.
Салхи 22-нд нутгийн зарим газраар, 23-нд баруун болон говийн аймгуудын нутгийн зарим газраар секундэд 13-15 метр, бусад хугацаанд нутгийн зарим газраар борооны өмнө түр зуур ширүүснэ.
Хугацааны эхээр ихэнх нутгаар өдөртөө дулаахан байх боловч 21-нээс баруун аймгуудын нутаг болон төвийн аймгуудын нутгийн хойд хэсгээр сэрүүсч Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Туул, Тэрэлж голын хөндийгөөр шөнөдөө 0-5 градус, өдөртөө 10-15 градус, говийн бүс нутгаар шөнөдөө 14-19 градус, өдөртөө 24-29 градус, бусад нутгаар шөнөдөө 7-12 градус, өдөртөө 16-21 градус дулаан байна.
Categories
мэдээ нийгэм цаг-үе

Хилийн боомтууд дахь чингэлэгт тээврийн терминал ирэх сард ашиглалтад орно

Нүүрсний экспортын 95 орчим хувийг бүрдүүлдэг хилийн Гашуунсухайт, Шивээхүрэн боомтод чингэлэгт тээврийн нэмэлт терминал байгуулах ажлыг төр, хувийн хэвшил хамтран хэрэгжүүлж буй.

Есдүгээр сард ашиглалтад орох уг терминалыг “Энержи ресурс” ХХК, “Эрдэнэс Тавантолгой” ХК, “Тавантолгой” ХК-ийн хөрөнгө оруулалтаар шийдсэн бөгөөд Гашуунсухайтын боомтын ажил 70 орчим хувьтай хэрэгжиж байна.

гадаа гэх мэтийн зураг байж болно

Зургийн тодорхойлолт алга байна.

автомашин болон авто зам гэх мэтийн зураг байж болно

Categories
мэдээ улс-төр

Үндэсний дөрвөн хороо байгууллаа

Засгийн газрын ээлжит хуралдаан өнөөдөр буюу 2021 оны наймдугаар сарын 18-нд болж дараах асуудлуудыг хэлэлцэн шийдвэрлэлээ.

Үндэсний дөрвөн хороо байгууллаа

Засгийн газрын хуралдаанаар Үндэсний дөрвөн хороо байгуулж, бүрэлдэхүүнийг нь баталлаа. Үүнд:
-Цар тахлын үеийн эдийн засгийн эрчимжүүлэх, экспортыг нэмэгдүүлэх, импортыг орлох үндэсний үйлдвэрлэлийг дэмжих, төр, хувийн хэвшлийн түншлэлийг бэхжүүлэх, хөрөнгө оруулалтыг нэмэгдүүлэх үндэсний хороо
-Цахим засаглалд шилжих, хүнд суртал, авлигагүй төрийн үйлчилгээг бүрдүүлэх үндэсний хороо
-Хот, хөдөөгийн хөгжлийн тэнцвэрийг хангах, төвлөрлийг сааруулах, автозамын түгжрэлийг бууруулах үндэсний хороо
-Иргэдийн орон сууцжуулалтыг нэмэгдүүлэх, хуримтлалын нэгдсэн сан, Үндэсний баялгийн сан бүрдүүлэх, дундаж давхаргыг тэлэх үндэсний хороо
Эдгээр хороог Монгол Улсын Ерөнхий сайд ахлах бөгөөд бүрэлдэхүүнд нь Засгийн газрын холбогдох гишүүд, төрийн болон төрийн бус байгууллагын төлөөлөл багтжээ.

Буянт-Ухаа олон улсын нисэх буудлын газрыг улсын тусгай хэрэгцээнд авлаа

Нийслэлийн Хан-Уул дүүргийн 21 дүгээр хороо, “Буянт-Ухаа” олон улсын нисэх буудлын зориулалтаар 509.1 га, мөн дүүргийн 10 дугаар хорооны нутаг дэвсгэрт байрлах Иргэний ерөнхий газрын контор, аж ахуйн зориулалтаар 2.01 га газрыг тус тус улсын тусгай хэрэгцээнд авлаа.
Нисэх буудал, арилжааны нислэгийн үйл ажиллагаа “Чингис хаан” олон улсын нисэх буудалд шилжсэн хэдий ч цаг үеийн шаардлагаар дамжин өнгөрөх нислэг, олон улс, орон нутгийн нислэгийн нөөц нисэх буудал, ерөнхий зориулалтын нисэх, иргэний болон улсын агаарын хөлгөөр гүйцэтгэх онцгой, тусгай үүргийн нислэг, иргэний нисэхийн сургалт үйлдвэрлэл, агаарын хөлгийн засвар үйлчилгээ, хурал зөвлөгөөн, үзэсгэлэн зохион байгуулах зорилгоор ашиглах боломжтой. Мөн иргэний болон улсын агаарын хөлгийн онцгой байдал, гамшгаас хамгаалах, онцгой, тусгай үүргийн нислэг, энхийг сахиулах ажиллагааны нисэх онгоц хүлээн авах боломжтой хэвээр байна.

Төрийн үйлчилгээний “e-Mongolia” системийн шинэчлэлийн талаар танилцуулав

Төрийн үйлчилгээний “e-Mongolia” системийн шинэчлэл, “И-Монгол академи” сургалт, судалгааны төв байгуулах, Засгийн газрын Иргэд олон нийттэй харилцах төвийн үйл ажиллагааг сайжруулах талаар Монгол Улсын сайд, Засгийн газрын Хэрэг эрхлэх газрын дарга Ц.Нямдорж танилцуулав.
“И-Монгол академи” сургалт, судалгааны төв нь цахим засаглал, дижитал шилжилтийн талаарх нэгдсэн бодлого гаргах, бусад байгууллагуудад зөвлөгөө өгнө, сургалт зохион байгуулна. Харилцаа холбоо, мэдээллийн технологийн салбарын бодлогын судалгаа, техник эдийн засгийн урьдчилсан судалгаа, үндэслэлийг боловсруулах юм байна.
“e-Mongolia” систем 1,9 сая хэрэглэгчтэй, 3,3 сая үйлчилгээ үзүүлсэн, тус системд төрийн 56 байгууллагын 539 үйлчилгээ оржээ. Хатуу хөл хорионы үед иргэд, аж ахуйн нэгжүүд төрийн үйлчилгээг цахим хэлбэрээр авах нь зургаа дахин нэмэгдсэн байна. Нийт 1,2 сая иргэнд вакцины гэрчилгээ олгожээ. Иргэд төрийн үйлчилгээг авснаар төрийн байгууллага руу ирж очих зардал, шаардагдах баримт бичиг бүрдүүлэх зардал, үйлчилгээ авахдаа зарцуулж буй хугацааны зардал зэрэгт 27 тэрбум төгрөг хэмнэсэн гэсэн судалгаа хийжээ.
Иргэд, олон нийттэй харилцах 11 11 төв нь тусгай дугаар бүхий төрийн байгууллагууд болон бусад дуудлагын төвүүдтэй нэгдсэн уялдаа холбоогүй ажиллаж, хүний нөөцийн хүрэлцээгүйгээс иргэдийн дуудлага алдах, өргөдөл гомдлыг хуулийн хугацаанд багтаан шийдвэрлэхгүй орхигдуулах, эргэн хариу өгөхгүй байх, нэгдсэн байдлаар Засгийн газрын хэмжээнд иргэдийн санал хүсэлтийн шийдвэрлэлтийн байдлыг нэгтгэж хянаж чадахгүй зэрэг асуудал гарч байна.
Иймд тус төвийн үйл ажиллааг өргөжүүлэн, бүтэц орон тоо болон дуудлага хүлээн авах системд өөрчлөлт хийх, шийдвэрлэлтийн байдалд хяналт тавих, эргэн мэдээлэл үүрэг бүхий нэгж бий болгож, тусдаа үйл ажиллагаа явуулж байгаа олон газрын дуудлагын төвийн систем болон мэдээллийг Иргэд, олон нийттэй харилцах 11 11 төвтэй холбож, иргэдийн өргөдөл, гомдол, санал хүсэлтийн бүртгэл, хуваарилалт, шийдвэрлэлтийн эргэх холбоо бүхий хяналтын нэгдсэн тогтолцоо бий болгох шаардлагатай гэж үзэж байна.

Ажлын байрыг дэмжих зээлд 23.754 зээлдэгч хамрагдаад байна

Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөний хэрэгжилтийг танилцууллаа. Энэ хүрээнд ажлын байрыг дэмжих, ипотек, репо санхүүжилт, хөдөө аж ахуйг дэмжих дөрвөн төрлийн зээл олгож буй.
Ажлын байрыг дэмжих зорилтын хүрээнд үйлдвэрлэл, үйлчилгээ эрхлэгч аж ахуйн нэгж, иргэдэд жилийн гурван хувийн хүүтэй, гурван жилийн хугацаатай 2.0 их наяд төгрөг хүртэлх зээлийг банкуудын чөлөөт эх үүсвэрээр олгож байна. 2021 оны наймдугаар сарын 16-ны өдрийн байдлаар нийт 6,324.3 тэрбум төгрөгийн 62.0 мянган зээлийн хүсэлт ирүүлснээс 1,794.4 тэрбум төгрөгийг 23,754 зээлдэгчид олгоод байна.

Сайжруулсан шахмал түлшний түүхий эд болон барьцалдуулагчийн нөөц бүрдүүлэх ажлыг шуурхай зохион байгуулахыг үүрэг болгов

Монгол Улсын Ерөнхий сайд Л.Оюун-Эрдэнэ “Таван толгой түлш” ХХК-ийн сайжруулсан шахмал түлшний үйлдвэрийн үйл ажиллагаатай танилцаж, тус компанийн санхүүжилт болон үйлдвэрийн хэвийн үйл ажиллагааг хангахтай холбоотой зарим асуудлыг Засгийн газрын хуралдаанаар хэлэлцэн шийдвэрлэхээр болсон. Өнөөдрийн хуралдаанаар “Таван толгой түлш” ХХК-ийн сайжруулсан шахмал түлшний үйлдвэрийн өвөлжилтийн бэлтгэл ажлыг хангах ажлын хүрээнд дараах арга хэмжээг ажиллахыг Засгийн газрын гишүүд, албан тушаалтнуудад даалгав.
Сайжруулсан шахмал түлшний түүхий эд /мидлинг/ болон барьцалдуулагчийн нөөц бүрдүүлэх арга хэмжээг шуурхай зохион байгуулах, үйлдвэрийн тоног төхөөрөмж, сэлбэг хэрэгслийг БНХАУ-ын Эрээн хотоос татан авах, түүхий эдийн авто тээвэрлэлтийн хэвийн үйл ажиллагааг хангах зохион байгуулалтын арга хэмжээ авна.
Нийслэлийн зургаан дүүргийн нийт есөн агуулахад 11,663 тн, баруун бүсийн үйлдвэрийн хашаанд 2413 тн буюу нийт 14,005 тн түлшний нөөцтэй байна.

Categories
булангууд мэдээ сав-шимийн-ертөнц

Ангарагийг судлах Хятадын төхөөрөмж даалгавраа төлөвлөсний дагуу биелүүлж, 10 GB мэдээлэл цуглуулжээ

Ангараг гаригийг судлах Хятадын “Zhurong” явагч төхөөрөмж судлан шинжлэх, илрүүлэх даалгавруудаа төлөвлөсний дагуу гүйцэтгэлээ гэж тус улсын Сансар судлалын үндэсний газар /CNSA/ мягмар гаригт мэдээлжээ.

Наймдугаар сарын 15-ны өдрийн байдлаар, “Zhurong” Улаан нүдэн гаргийн гадаргуу дээр Ангарагийн 90 хоног /дэлхийн 92 орчим хоног/ ажиллах хугацаанд шинжлэх ухааны бүх хэрэгсэл нь холбогдох даалгавруудаа гүйцэтгэсэн байна.

Тодруулбал, явагч төхөөрөмж гаригийн гадаргуу дээр 889 метр аялж, шинжлэх ухааны хэрэгслүүд нь 10 GB орчим мэдээлэл цуглуулжээ. Одоо “Zhurong”-ийн үйл ажиллагаа хэвийн, хангалттай эрчим хүчтэй байгаа ажээ.

Сансар судлалын үндэсний газрын мэдээлснээр, цаашид төхөөрөмж эртний тэнгис болон Утопиа нам дор газрын зүүн хэсэгт орших эртний газрын хооронд очиж, нэмэлт даалгавруудыг гүйцэтгэх төлөвтэй байна.

“Zhurong” судлах, илрүүлэх даалгаврыг гүйцэтгэхдээ долоо хоногийн мөчлөгтэй ажиллажээ. Ингэхэд навигацийн камер нь явах замаа төлөвлөх, очих цэгээ илрүүлэн сонгоход нь тусалжээ.

Мөн гадаргын доод хэсгийг судлах зориулалттай радар нь Ангарагийн гадаргуу доорх давхар бүтцийн мэдээллийг олж авсан бөгөөд үүгээр гүехэн гадаргуугийн бүтцийг шинжилж, газар доор ус, мөс байсан эсэхийг судлах боломжтой байна.

Ийнхүү явагч төхөөрөмжийн тээсэн шинжлэх ухааны долоон хэрэгслийн цуглуулсан өгөгдлийг боловсруулж, баталгаажуулжээ. Хятадын судалгааны багуудын хувьд Сар, сансрын судалгааны төвд хүсэлт гаргах боломжтой ажээ.

БНХАУ тойрог замын нислэгийн аппарат, газардагч төхөөрөмж, явагч төхөөрөмж зэргээс бүрдсэн “Tianwen-1” сансрын аппаратаа Хайнань мужийн сансрын буудлаас 2020 оны долдугаар сарын 23-нд хөөргөсөн бөгөөд тавдугаар сарын 15-нд Улаан нүдэн гариг дээр газардсан юм.

Categories
мэдээ нийгэм цаг-үе

Б.Болор-Эрдэнэ: Жолооны үнэмлэхээ мартаж гарсан ч торгодоггүй болно

Засгийн газрын хуралдаанаас гаргасан шийдвэрийг Харилцаа холбоо, мэдээллийн технологийн газрын дарга Б.Болор-Эрдэнэ танилцууллаа.

Тэрбээр “”И-Монголиа” академийн сургалт судалгааны төвийг Харилцаа холбоо мэдээллийн технологийн газрын дэргэд байгуулах асуудал шийдэгдлээ. “И-Монголиа” систем 1.9 сая хэрэглэгчтэй. Тус системийн баг цахим боловсролыг сайжруулах сургалт ордог тул хэрэглээ нэмэгдэж байгаа.

“И-Монголиа 1” системээс 539 үйлчилгээг цахимаар авдаг. Энэ үйлчилгээнүүдэд иргэдэд зориулсан лавлагаа тодорхойлолтоос гадна лицензүүд орсон.

Энэ жилийн ICT Expo арга хэмжээнд 100 орчим компани оролцож, цахим үндэстэн болъё гэдэг уриатай олон услын түвшний үзэсгэлэнг хүүхдийн паркад хийхээр төлөвлөж байна. “И-Монголиа 2”-ыг хиймэл оюун ухаан суурьтай, тухайн иргэнд зориулсан платформыг буюу “И-Монголиа 2”-ыг үүсгэх үүрэг Ерөнхий сайд өгсөн.

“И-Монголиа 2” энэ оны аравдугаар сарын 1-нд ашиглалтад орох бөгөөд таван асуудал оруулж ирж байгаа.

  1. Монгол Улсын иргэн дунджаар таваас 12 бичиг баримттай. Энэ бүх бичиг баримтуудыг оруулж ирсэн.
  2. Хиймэл оюун ухаан ашиглан өөрт нь зориулсан үйлчилгээг санал болгоно.
  3. Хэрэглэгчдэд илүү хялбар ойлгомжтой
  4. ААН-үүдэд зориулсан шинэ үйлчилгээ
  5. Авлига хүнд сурталтай үйлчилгээг эхэлж цахимжуулна.

Жолооны үнэмлэхээ мартаж гараад машинаа бариад явж байтал цагдаа зогсоогоод хурууны хээгээр нь таныг мөн гэдгийг баталчихаад байхад үнэмлэхгүй явж байна гэж торгодог. Тэгэхээр энэ асуудлуудыг шийднэ. Виз бөглөхөд гадаад паспортынхоо бүх датаг оруулдаг. Тэр бүх мэдээллийг гаргаж өгнө. Ингэснээр лавлагаа тодорхойлолт авах нь багасна. Иргэдийн хувьд олон бичиг баримт аваад явах шаардлагагүй.

Шинээр гэр бүлтэй эсвэл нялх хүүхэдтэй болох, байр, машин авахтай холбоотой үйлчилгээг оруулна. Эрүүл мэнд, боловсрол, нийгмийн хамгааллын үйлчилгээг хамгийн түрүүнд оруулна. Мэдээж хэрэг “И-Монголиа 1”-ийг сайжруулах шаардлагатай. Тиймээс тухайн аппликэйшн болон вэбийг ашиглахад хялбар болгоно. Хурууны хээгээр, нүүрээр таних функцуудыг оруулахаар ажиллаж байна. Ажил бүтээхэд туслах багц үйлчилгээ нэмэлтээр орж байгаа.

Иргэдийн ойлгодог хэллэгээр үйлчилгээг гаргаж өгөх боломж бүрдсэн. ААН, бизнес эрхлэгчдийн зүгээс хамгийн их гомдол гаргадаг зүйл нь компани байгуулах. Компанийн нэрээ хайхаас эхлээд гэрчилгээгээ хүргүүлээд авах хэмжээнд хүртэл энэ үйлчилгээг нэвтрүүлнэ. Ачаа тээвэрлэлтийн С зөвшөөрлийн асуудлыг цахимжуулна. “И-Монголиа 2″-ын хөгжүүлэлтийг 200-300 сая төгрөгт багтааж хийнэ” гэлээ.

Categories
мэдээ нийгэм

Эрүүл мэндийн салбарын ажилчдад 814 сая төгрөгийн урамшуулал олгоод байна

Монгол улсын хэмжээнд жил бүрийн наймдугаар сар Эрүүл мэндийн ажилчдын нийгмийг хамгаалах сар байдаг. Энэ хүрээнд ХӨСҮТ нийт ажилчдынхаа нийгмийн хамгааллыг дэмжиж үе шаттай ажлуудыг зохион байгуулж байна. Тухайлбал Эрүүл мэндийн Сайдын А298 тоот тушаалаар улаан бүсэд ажилласан эмч эмнэлгийн ажилчдад 121,3 сая төгрөгийн урамшууллыг хоёр удаа олгож, Монголын улсын төсвийн тодотгол болон Эрүүл мэндийн Сайдын А496 тоот тушаалаар 821 хүнд 814 сая төгрөгийн урамшуулал үзүүлсэн байна. Түүнчлэн ажилчдынхаа амрах өрөө зарим тасгууд болон эмнэлгийн дээврийг зассан байна.

Сүрьеэгийн клиникийн сэхээн амьдруулах эрчимт эмчилгээний тасгийн сувилагч Д.Отгонлхагва хүнд хэвтрийн эмчлүүлэгчийн гар, хөл биеийн бэхэлгээг өөрийн гараар загвар гарган оёж урлан сэхээн амьдруулах тасгууддаа бэлэглэжээ. Түүний хувьд ХӨСҮТ-д 30 гаруй жил ажиллаж байгаа бөгөөд байгууллагаасаа авсан урамшууллаараа ийнхүү талархсан сэтгэлээ илэрхийлсэн байна.

ХӨСҮТ-өөс Олон улсын сувилагчдын баярын өдрөөр хоёр ажилтны нийгмийн асуудлыг шийдвэрлэж байрны урьдчилгаа болох 10 сая төгрөгийг тус бүр олгосон юм. Энэ хагас сайн өдөр байрандаа орно хэмээн ХӨСҮТ-ийн Лаборант Б.Отгонжаргал ярьж байлаа. Түүний хувьд ХӨСҮТ-д 30 гаруй жил ажиллаж байгаа бөгөөд одоогоор улаан бүсэд орж ажиллаж байгааг онцолж байсан юм.

ХӨСҮТ ажилчдынхаа Нийгмийн хамгааллыг дэмжиж долдугаар сарын 1-нээс эхлэн цалингийн 20 хувьтай тэнцэхээр урамшуулал олгож байна. ХӨСҮТ-д ажиллаж байгаа эмч эмнэлгийн ажилчид удирдлагууддаа болон Эрүүл мэндийн сайд С.Энхболдод баярласан талархсанаа илэрхийлж байлаа.