Өнөөдөр /2021.08.06/ Улаанбаатар хотод суурин 19 цэгт 30 багийн 147 эмч, ажилтан ажиллаж, 7855 иргэнийг дархлаажуулахаар төлөвлөжээ.
Дархлаажуулалтын болон шинжилгээний цэгүүдийг дүүрэг тус бүрээр танилцуулж байна.
Month: August 2021
Аргын тооллын наймдугаар сарын 6, Сугар гариг. Билгийн тооллын 28, Өглөгт охин одтой, улаан нохой өдөр. Өдрийн наран 5:35 цагт мандан, 20:21 цагт жаргана. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, хүүхэд үрчлэн авах, андгай тангараг, гэрээ хэлцлээ буцаахад сайн. Нүүдэл суудал хийх, хэрүүл тэмцэл хийх, хүүхэд хөлд оруулахад муу.
Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой.
Үс шинээр үргээлгэх буюу засуулахад тохиромжгүй.
УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун өмнөөс секундэд 6-11 метр. Шөнөдөө 12-14 хэхм, өдөртөө 27-29 хэм дулаан байна.
Хур тунадас: Баруун болон төвийн аймгуудын нутгаар үүлшинэ, бусад нутгаар солигдмол үүлтэй. Шөнөдөө баруун аймгуудын нутгийн зарим газар, төвийн аймгуудын нутгийн баруун хэсгээр, өдөртөө баруун болон төвийн аймгуудын нутгийн хойд хэсгээр бороо, дуу цахилгаантай аадар бороо орно.
Салхи: Нутгийн баруун хэсгээр баруун өмнөөс баруун хойш эргэж, бусад нутгаар баруун өмнөөс секундэд 6-11 метр, баруун болон төвийн аймгуудын нутгийн зарим газраар борооны өмнө түр зуур ширүүснэ.
Агаарын температур: Шөнөдөө Монгол-Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр 3-8 градус, Их нууруудын хотгор болон говийн бүс нутгийн өмнөд хэсгээр 15-20 градус, бусад нутгаар 9-14 градус, өдөртөө Монгол-Алтай, Хангай, Хөвсгөлийн уулархаг нутгаар 18-23 градус, Орхон-Сэлэнгийн сав газар болон говийн бүс нутгийн өмнөд хэсгээр 30-35 градус, бусад нутгаар 25-30 градус дулаан байна.
БАГАНУУР ОРЧМООР: Үүлшинэ. Бороо орохгүй. Салхи баруун өмнөөс секундэд 6-11 метр. Шөнөдөө 9-11 градус, өдөртөө 26-28 градус дулаан байна.
ТЭРЭЛЖ ОРЧМООР: Үүлшинэ. Бороо орохгүй. Салхи баруун өмнөөс секундэд 6-11 метр. Шөнөдөө 6-8 градус, өдөртөө 25-27 градус дулаан байна.
2021 оны 08 дугаар сарын 07-ноос 08 дугаар сарын 11-нийг хүртэлх цаг агаарын урьдчилсан төлөв:
7-нд баруун аймгуудын нутгийн зарим газар, төвийн аймгуудын ихэнх нутгаар, 8-нд нутгийн хойд хэсгээр, 9-нд нутгийн зарим газраар, 10-нд төв болон зүүн аймгуудын нутгийн зарим газраар бороо, дуу цахилгаантай аадар бороо орно. Салхи нутгийн зарим газраар борооны өмнө түр зуур ширүүснэ. 7-ноос нутгийн хойд хэсгээр бага зэрэг сэрүүсэж Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр шөнөдөө 1-6 градус, өдөртөө 14-19 градус, говийн бүс нутгаар шөнөдөө 15-20 градус, өдөртөө 28-33 градус, бусад нутгаар шөнөдөө 7-12 градус, өдөртөө 19-24 градус дулаан байна.
Өглөө бүр тантай хамт байдаг “Өдрийн сонин”-ы баасан гаригийн дугаар 12 нүүрээр хэвлэгдэж, та бүхний гар дээр хүрч байна.
“Өдрийн сонин”-ы тэргүүн нүүрт ХҮН-ын Нийслэлийн
намын хорооны дарга,
НИТХ-ын төлөөлөгч П.Наранбаяр “Нэг
намд хэт их эрх мэдэл
өгөхөөр иргэдийн
дуу хоолой арчигдах
аюултай” хэмээснийг “Улс төр” нүүрээс үргэлжлүүлэн уншаарай.
Замын-Үүд дэх
Гаалийн газрын дарга Б.Отгонсүх “Эрээнээс Улаанбаатар руу
10 сая төгрөгөөр тээвэр хийсэн ачаа
хоёр хоногийн дараа ирнэ” гэв.
“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Ж.Лхүмбийн хэрэг 100 жилийн дараа дахин
сэргэх нь үү” хэмээн өгүүллээ.
Эдийн засагч Г.Батжаргал “Том мөнгөн дэвсгэрт
гаргах нь авлига, хээл хахуулийг
өөгшүүлнэ гэж хөгжилтэй орнууд үздэг” хэмээн “Эдийн засаг” нүүрт ярилаа.
Энэ удаагийн “Өдрийн сурвалжлага”-аа Үндэсний соёл амралтын
хүрээлэнгээс бэлтгэлээ. “Хүүхдийн паркаар үйлчлүүлж
буй зарим иргэд өөрсдөө маск
зүүсэн ч хүүхдүүддээ зүүлгэхгүй
байна” гэв.
Хэнтий аймгийн төвд
2017 онд бүлэг этгээд
24 настай бүсгүйн амийг
зэрлэгээр хөнөөсөн онц
ноцтой гэмт хэрэг гарсан
байдаг. Хохирогчийн
эгч Г.Ганчимэг “Хуулийн байгууллагын бартаат замаар бүдчисээр
одоо л үнэний нар ёлтойж байна” гэж “Өөрөөс нь” нүүрт ярилаа.
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы баасан гаригийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.
Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.
“Өдрийн сонин”-той холбоотой мэдээ мэдээллийг 19001987-гоос лавлана уу.
“ӨДРИЙН СОНИН” ӨГЛӨӨ БҮР ТАНТАЙ ХАМТ
“Токио-2020” олимпийг зохион байгуулагчдын өвөрмөц санаа морин спортын оролцогчдыг мухардалд оруулаад байна.
Associated Press агентлагийн мэдээлснээр, хэд хэдэн унаач саадын тулгуур болсон сумочийн баримлаас морьд үргэж, арайхийн айдсаа давж, харайж байна гэж гомдложээ.
Хэд хэдэн морь саадыг давахдаа сүмочийн баримлаас айсан гэнэ. Тамирчид морьдоо тайвшруулахыг хичээж байсан. Сумочийг ийм ойроос харахдаа тэд цочдог гэж Францын унаач Пенелопа Лепревос ярьсан байна.
Баримал яг л жинхэнэ юм шиг. Морьдод саадыг давах үед өөртэй нь “барилдах” гэж буй дүртэй сүмоч таалагдахгүй байгаа нь лавтай гэж унаач Тедди Флок мөн тодруулсан байна.
Морин спортын тэмцээний дэвжээнд япончууд жижиг ордон, гейша, бөмбөр гээд төрөл бүрийн гоёмсог саад байгуулжээ. Гэхдээ тэдний дундаас сумочийн баримал нүдэнд онцгой тусаж байгаа аж. Энэ баримлаас болж зарим тамирчид шаардлагатай оноо авч чадаагүй байж магадгүй гэж тус агентлаг онцолжээ.
Олимпийн наадамд оролцох Монголын марафончид болох Ц.Бямбажав, Б.Мөнхзаяа нар дасгалжуулагч Б.Доржпаламын хамт өчигдөр Токиод хүрэлцэн очсон. Тэгвэл манай тамирчид өнөөдөр марафон гүйлт болох Саппоро хотыг зорин нислээ. Манай нөгөө марафонч болох Б.Сэр-Од дасгалжуулагч О.Оюунтуяагийн хамтаар Японд бэлтгэлээ базааж байгаа юм.
Олимпийн наадмын сүүлчийн өдрүүдэд манай марафончид хурд хүч, тэсвэр тэвчээрээ сорин уралдана. Тухайлбал, наймдугаар сарын 7-нд Б.Мөнхзаяа, 8-нд Б.Сэр-Од, Ц.Бямбажав нар хурд сорих юм.
Холын зайд уралдах тамирчдыг эрсдэлээс хамгаалахын тулд хойд нутгийн сэрүүн уур амьсгалтай Саппоро хотод марафоны уралдааныг зохион байгуулахаар шийдвэрлэсэн. Гэвч энэ жил тус хотод урьд урьдынхаас илүү халуун байгаа юм.
Өнөөдөр гэхэд Саппород 33 хэмийн халуун байгаа бөгөөд 8-ны өдөр агаарын температур бага зэрэг буурч, 30 градус орчим байх төлөвтэй.
Б.Хонгорзул хүрэл медалийн төлөө Риогийн олимпийн аварга, дэлхийн хошой аварга АНУ-ын Хелен Луйз Марулист – харьцаагаар ялагдсанаар тавдугаар байр эзэллээ.
Эхний үед Хелен хоёр удаа манай тамирчны ард нь гарч 4 оноо авснаар үе дуусав. Харин хоёрдугаар үед АНУ-ын тамирчин торгуулийн 1 оноо алдаж дахин ард нь гарсан ба улмаар 11-0 харьцаагаар АНУ-ын тамирчин яллаа.
Анхны олимпдоо оролцсон 20 настай Б.Хонгорзул эхний шатандаа Европын аваргын хүрэл медальт Францын Матилд Ривиерийг ялсан.
Харин шөвгийн наймд Риогийн олимпын аварга, дэлхийн гурван удаагийн аварга Японы Рисако Кавайд 7-0 харьцаагаар ялагдсанаар хүрэл медалийн төлөө барилдсан юм.
Одоогоос зургаан жилийн өмнө буюу 2015 онд барьж дуусгасан Замын-Үүдийн дулааны станцыг ашиглалтад оруулах талаар Монгол Улсын Шадар сайд С.Амарсайхан Дорноговь аймагт албан томилолтоор ажиллах үеэрээ мэдэгдсэн байна. Тус суманд баригдсан 90 мегаваттын хүчин чадал бүхий дулааны станц гурван зуухтай бөгөөд дулаан хангамжийн багц ажлын хүрээнд 16 сая орчим долларын өртгөөр боссон юм.
Дулааны станцын хувьд ихээхэн хүчин чадалтай байгууламж бөгөөд зарим тохируулга хийгдээгүй, хэрэглэгч байхгүйн улмаас өнөөг хүртэл ажиллаагүй юм.
Чөлөөт бүсийг нээгээд ашиглалтад оруулбал хөрөнгө оруулагчид нэмэгдэж хэрэглэгч буй болох тухай ч албаныхан өгүүлсэн.
Тиймээс дулааны станцын нэмэлт санхүүжилтыг Засгийн газрын нөөц сангаас гаргахаар шийдвэрлэж ирэх 10 дугаар сард багтаан ашиглалтад оруулахаар болжээ.
Зургаан настай Х.Ивээл охин Гиннессийн дээд амжилтын шалгаруулалтад орохоор болсон талаар охины аав, Монголын Оюун Ухааны Академийг үүсгэн байгуулагч Х.Хатанбаатар мэдээллээ.
Х.Ивээл охин өнгөрсөн дөрөвдүгээр сард Спорт өрөлтийн Дэлхийн аварга шалгаруулах тэмцээнд оролцож, 7-р байр буюу тусгай байрт шалгарч байв.
Одоо 3-р ангид орох Х.Ивээл бэлтгэл дээрээ “Цикл” өрөлтийг 8 секундэд гүйцэтгэдэг бөгөөд аавын хамт Оросын Россия-1 сувгийн “Гайхалтай хүмүүс” шоу нэвтрүүлэгт 2019 онд оролцож үзэгчид, шүүгчдийг гайхшруулж байсан билээ.
УИХ дахь АН-ын бүлгээс Ерөнхийлөгч У.Хүрэлсүхэд хандаж, “М.Энхсайханд уучлал үзүүлэхийг хүссэн” албан бичгийг долдугаар сарын 9-ны өдөр илгээсэн.
Өнөөдөр /2021.08.05/ Монгол Улсын Ерөнхийлөгч У.Хүрэлсүх улс төрийн хилс хэргээр буруутгагдан дөрвөн жил зургаан сарын ял шийтгэл хүлээсэн Монгол Улсын Ерөнхий сайд асан М.Энхсайханд уучлал үзүүлэх зарлигийг гаргасан байна.