Month: June 2021

Categories
мэдээ нийгэм цаг-үе

Улаанбаатар хотод өдөртөө 24-26 хэм дулаан байна

УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун өмнөөс секундэд 6-11 метр. Шөнөдөө 9-11 градус, өдөртөө 24-26 градус дулаан байна.

Хур тунадас: Ихэнх нутгаар үүлшинэ. Шөнөдөө баруун аймгуудын нутгийн баруун хэсэг, зүүн аймгуудын нутгийн зүүн хэсгээр, өдөртөө баруун аймгуудын нутгийн зарим газар, төвийн аймгуудын нутгийн баруун, зүүн аймгуудын нутгийн зүүн хэсгээр бороо, дуу цахилгаантай бага зэргийн аадар бороо орно.

Салхи: Зүүн аймгуудын нутгаар баруун хойноос, бусад нутгаар баруун өмнөөс секундэд 6-11 метр, говь, тал, хээрийн нутгаар секундэд 13-15 метр хүрч ширүүснэ.

Агаарын температур: Шөнөдөө Дархадын хотгор, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр 2-7 градус, Алтай, Хэнтэйн уулархаг нутаг, Орхон, Сэлэнгэ, Ерөө, Хэрлэн, Онон, Улз, Халх голын хөндий, Дорнод-Дарьгангын тал нутгаар 6-11 градус, говийн бүс нутгийн баруун хэсгээр 15-20 градус, бусад нутгаар 9-14 градус, өдөртөө Монгол-Алтай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар 17-22 градус, Их нууруудын хотгор, Хангайн нурууны өвөр бэл болон говийн бүс нутгийн өмнөд хэсгээр 28-33 градус, бусад нутгаар 23-28 градус дулаан байна.

БАГАНУУР ОРЧМООР: Багавтар үүлтэй. Бороо орохгүй. Салхи баруун өмнөөс секундэд 7-12 метр. Шөнөдөө 6-8 градус, өдөртөө 23-25 градус дулаан байна.

ТЭРЭЛЖ ОРЧМООР: Багавтар үүлтэй. Бороо орохгүй. Салхи баруун өмнөөс секундэд 6-11 метр. Шөнөдөө 3-5 градус, өдөртөө 20-22 градус дулаан байна.

Categories
мэдээ энтертаймент-ертөнц

“Алтан судал” кино Францын кино театруудаар гарч эхэлжээ

Монголын “Алтан судал” кино Франц Улсын кино театруудаар гарч эхэлсэн гэдгийг найруулагч Д.Бямбасүрэн дуулгалаа. Тус кино нь 2020 оны хоёрдугаар сард Берлиний кино наадамд амжилттай оролцож, нээлтээ хийсэн. Тэр цагаасаа олны анхаарлыг татаж, үзэгчдээс өндөр үнэлгээ аваад буй.

Герман, Австрали, Араб, Монгол зэрэг олон улсын уран бүтээлчид хамтран ажилласан энэ киноны гол дүрүүдэд жүжигчин Н.Ялалт, Т.Энэрэл, Б.Бат-Ирээдүй, Б.Алгирчамин, С.Ариунбямба нар тоглосон юм.

“Алтан судал” уран сайхны кино нь өнгөрөгч дөрөвдүгээр сард Канадын “Reel 2 Real” наадмын шилдэг зураглалын шагнал хүртсэн. Мөн гуравдугаар сард Швейцарийн Женев хотноо болсон хүний эрхийн кино наадмаас /FIFDH/ “Мэргэжлийн шүүгчдийн гол шагнал” болон “Өсвөрийн шүүгчдийн шагнал”-ыг тус тус хүртэж байсан юм.

Categories
мэдээ нийгэм цаг-үе

НӨАТ-ын урамшууллын сугалааны тохирол ням гаригт болно

НӨАТ-ын урамшууллын энэ оны 5 дугаар сарын сугалааны тохирол энэ сарын 20-ны ням гарагт болох талаар татварын байгууллагаас мэдээллээ.

Ээлжит хонжворт энэ оны 5 дугаар сарын 1-31-нд худалдан авалт хийсэн төлбөрийн баримтууд хамрагдах тул бүртгүүлэхийг мэдээлж байна. 6 дугаар сарын 19-ны өдрийн 23 цаг 59 минутаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой. Энэ удаагийн супер хонжвор 40 сая төгрөг байна.

Categories
амьдралын-өнгө мэдээ

Увсын цэнхэр хязгаараар аялаарай

Увс аймаг нь мөнх цаст өндөр уулс, ой тайга, тал хээр, говь цөл зэрэг дэлхийн бүхий л бүс бүслүүрийг өөртөө шингээсэн онгон дагшин нутагтай, дэлхийд ховордсон ан амьтантай тул жуулчдын сонирхлыг зүй ёсоор татдаг билээ.

Уур амьсгалын хувьд ч эрс тэс, хатуу ширүүн. Өвөлдөө -50 хэм хүрч хүйтрэн, зундаа 45 хэм хүрч халдаг. Газар нутгийн 18.3 хувь нь улсын тусгай хамгаалалтад, 6.6 хувь нь орон нутгийн тусгай хамгаалалтад байдаг. Хамгийн нам цэг нь далайн түвшнээс дээш 759 м өргөгдсөн Увс нуур, хамгийн өндөр цэг нь далайн түвшнээс дээш 4278 м өргөгдсөн Дэглий цагаан ноён оргил билээ.

Увс аймаг нь засаг захиргааны хувьд 19 сум, 92 багт хуваагддаг. Аймгийн төвд хамгийн ойрхон сум Түргэн 28 км, хамгийн алслагдсан нь Зүүнхангай сум 365 км зайтай. Тус аймагт дөрвөд, баяд, халх, хотон ястнууд голлон амьдардаг.

Увс нуурын ай сав газар нь 1993 онд Дархан цаазат газар, 1997 онд Дэлхийн Шим мандлын нөөц газарт, 2003 онд Дэлхийн байгалийн өвд бүртгэгдсэн. Түүнчлэн, Олон улсын ач холбогдол бүхий ус, намгархаг газар, ялангуяа усны шувууд олноор амьдардаг орчны тухай РАМСАР-ын конвенцид Айраг нуур 1999 онд, Увс, Ачит нуур 2004 онд тус тус бүртгэгдсэн байдаг.

Тус аймагт аялал жуулчлал Ховор амьтдын өлгий нутгийн аялал жуулчлалын бүс, Амралт, рашаан сувиллын аялал жуулчлалын бүс, Түүх соёлын аялал жуулчлалын бүс, Тусгай сонирхлын аялал жуулчлалын эко бүс гэсэн дөрвөн чиглэлээр хөгжиж байна.

Ховор амьтдын өлгий нутгийн аялал жуулчлалын бүсээр аялах маршрутад Цагаан шувуут, Түргэн уул, Баянзүрх уул, Гоожуурын хүрхрээ зэрэг нэн ховор ба ховор ургамал, амьтны бүрдэл бүхий дархан цаазат газрууд багтана. Энэхүү аяллын бүсэд өндөр уулын мөнх цас, мөсөн гол, түргэн урсгалт голууд, хүрхрээ, нуур зэрэг байгалийн өвөрмөц тогтоцтой газар их бий.

Ханхөхий, Хархираа, Түргэний уулсаар буга, гахай, аргаль, янгир, ирвэс, шилүүс, хадны суусар, нохой зээх, хээр тал зарим голын хөндий, уулархаг нутгаар чоно, үнэг, дорго, тарвага зэрэг ан амьтан ихээр амьдардаг. Увс, Хяргас, Үүрэг, Айраг, Ачит нуурт хун, нугас, хотон шувууд, уул талаар хойлог, тоодог, тас, бүргэд, ёл, Ховд, Бөхмөрөний голд алтан гургалдай, тогоруу зэрэг төрөл бүрийн жигүүртэн шувууд бий. Агнуурын амьтдаас хярс, мануул, өмхий хүрэн, солонго гахай, бор гөрөөс, ногтруу, дагуурын ятуу элбэг тархсан.

Амралт, рашаан сувиллын аялал жуулчлалын бүсэд Хяргас нуурын Хар тэрмисийн сувилал, Улаангомын Чандмань уулын рашаан, Зүүнговийн Уртбулаг, Түргэний Бургастай, Дэлгэрмөрөн, Хавцал, Наранбулагийн Халиунбулаг, Өлгийн Сондуулт, Хяргасын Модот, Хуст, Зүүнхангайн Хүнх, Өмнөговийн Ногоон цэгээн, Бөхмөрөний Ганц харгай зэрэг төрөл бүрийн өвчнийг анагаах үйлчилгээтэй эмчилгээний рашаанууд багтсан байдаг.

Зүүнговийн Уртбулагийн рашаан нь элснээс бургилан гардаг өвөрмөц сонин рашаан бөгөөд ходоод, цөс, үе мөч, бөөр зэрэг өвчнөө эмчлэхээр жилдээ 120 гаруй хүн зорин очдог юм.

Тус аймгийн нутаг дэвсгэрт эртний түүх соёлын дурсгалт зүйл болон хүн чулуу 129, буган хөшөө 26, хадны сүг зураг 101 цэгт 41500 гаруй, бичиг тэмдэгт хөшөө 25, гэрэлт хөшөө 1, түүнчлэн Өмнөговь сумын Улиастайн шил, Давст сумын Торхилог багийн нутагт эртний хотын үлдэгдэл, олон мянган хиргисүүр, цөөнгүй тооны эртний сүм, хийдийн үлдэгдэл, туурь бүртгэгдсэн байдаг. Мөн Улаангомын Чандмань уулын аркеологийн олдвор нь эртний түүх соёлын нандин өвд тооцогддог билээ. Түүнчлэн он цагийн хувьд Хүрэл зэвсгийн үед хамаарагдах 5, чулуун зэвсгийн үед хамаарагдах 4, төмөр зэвсгийн үеийн 3, Хүннүгийн үед хамаарагдах ховор олдворууд, дундад зууны үеийн 1 хадны зураг Увс аймагт бий. Иймээс эдгээр түүх соёлын дурсгалт зүйлсийг үзэх гэсэн жуулчдын тоо жилээс жилд өсөн нэмэгдсээр байна.

Тусгай сонирхлын аялал жуулчлалын эко бүсэд адал явдалт, усан, явган, хөдөөний аялал, нуурын усанд орох, элсэн дээр хэвтэж биеэ шарах зэрэг төрөл бүрийн аялал багтдаг бөгөөд үүнээс жуулчин өөрөө сонгож дурын чиглэлдээ аялах боломжтой юм.

Одоогийн байдлаар Увс аймагт 6 жуулчны бааз, амралтын газар тогтмол үйл ажиллагаа явуулж байна. Сүүлийн жилүүдэд тус аймагт ирж байгаа жуулчдын 50 хувь нь Хархираа, Түргэн, Цагаан шувуутын уулсаар, 25 хувь нь Увс, Хяргас нуур, 5 хувь нь Алтан элс, Хан хөхийн чиглэлээр аялжээ.

Холбоо харилцаа сайн хөгжсөн тул жуулчид дэлхийн аль ч улс оронтой саадгүй харилцах боломжтой.

Энэ жилийн хувьд хэдийгээр зуны урин дулаан цаг ирсэн ч гэсэн улс орон даяар коронавирусний халдварын улмаас хөл хорио тогтоогоод байна. Гэвч цар тахал намжиж, сайн сайхан цаг ирэхээр уул, усны диваажин Увсын цэнхэр хязгаараар тухлан саатаарай. Таныг сонирхолтой, адал явдалтай, бас зугаатай аялал хүлээж байна.

Categories
мэдээ нийгэм

Тусгаарлан ажиглах байранд 10 гаруй мянган иргэн байна

Улсын хэмжээнд одоогоор 302 тусгаарлан ажиглах байранд 11 699 иргэн байна.

Үүнээс нийслэлд 17 тусгаарлах байранд 274, эмнэлгийн 40 байршилд 5892, орон нутагт 245 эмнэлэг, тусгаарлан ажиглах байранд 5533 иргэн байгаа аж.

Өчигдөр, эмнэлэг болон тусгаарлах ажиглах байранд 1703 иргэн нэмэгдэж, 1226 иргэн гэрийн ажиглалтад шилжиж, 48 иргэн шилжин эмчлүүлж байв.

Тусгаарлан ажиглах байранд ОБЕГ, цагдаа, эрүүл мэндийн байгууллагын 2754 алба хаагч үүрэг гүйцэтгэж байгааг УОК-ын Шуурхай штабаас мэдээллээ.

Categories
мэдээ нийгэм цаг-үе

Согтуугаар тээврийн хэрэгсэл жолоодсон 91 зөрчил илрүүлжээ

Тээврийн цагдаагийн албаны Жижүүрийн шуурхай удирдлагын хэлтэст өчигдөр зам тээврийн ослын шинжтэй 198 дуудлага бүртгэгдэж, ослын улмаас хоёр хүн гэмтэж, нэг хүн амиа алджээ.

Ноцтой ослыг хэлбэрээр нь авч үзвэл:

  • Явган зорчигч автомашинд мөргүүлэх хэлбэрээр-1
  • Гэрлийн шон мөргөх хэлбэрээр-1
  • Онхолдох хэлбэрээр-1 бүртгэгдсэн байна.

Мөн хугацаанд улсын хэмжээнд согтууруулах ундааны зүйл хэрэглэсэн үедээ тээврийн хэрэгсэл жолоодсон 91 зөрчлийг хяналт шалгалтаар илрүүлжээ.

Жолооч нарыг согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, эцэг эх, асран хамгаалагч нар бага насны хүүхдийг хараа хяналттай гараас хөтөлж хөдөлгөөнд оролцох, явган зорчигчид зам тавьж өгөх, явган зорчигчид гарц, гарамтай хэсгээр зам гарах, хүүхдийг харгалзах хүнгүй замын хөдөлгөөнд оролцуулахгүй байх, мотоциклтой замын хөдөлгөөнд оролцохдоо хамгаалах малгай хэрэглэх, хурд хэтрүүлэх байхыг Тээврийн цагдаагийн албанаас анхаарууллаа

Categories
мэдээ нийгэм цаг-үе

Улаанбаатарт шөнөдөө 11 хэм дулаан байна

Малчид, иргэдэд зориулсан мэдээ: Өнөө маргаашдаа зүүн аймгуудын нутгаар салхитай, сэрүүхэн байна.

2021 оны 06 дугаар сарын 19-ний 20 цагаас 06 дугаар сарын 20-ны 20 цаг
хүртэлх цаг агаарын урьдчилсан мэдээ

Хур тунадас: Ихэнх нутгаар үүлшинэ. Шөнөдөө баруун аймгуудын нутгийн баруун хэсэг, зүүн аймгуудын нутгийн зүүн хэсгээр, өдөртөө баруун аймгуудын нутгийн зарим газар, төвийн аймгуудын нутгийн баруун, зүүн аймгуудын нутгийн зүүн хэсгээр бороо, дуу цахилгаантай бага зэргийн аадар бороо орно.

Салхи: Зүүн аймгуудын нутгаар баруун хойноос, бусад нутгаар баруун өмнөөс секундэд 6-11 метр, говь, тал, хээрийн нутгаар секундэд 13-15 метр хүрч ширүүснэ.

Агаарын температур: Шөнөдөө Дархадын хотгор, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр 2-7 хэм, Алтай, Хэнтийн уулархаг нутаг, Орхон, Сэлэнгэ, Ерөө, Хэрлэн, Онон, Улз, Халх голын хөндий, Дорнод-Дарьгангын тал нутгаар 6-11 хэм, говийн бүс нутгийн баруун хэсгээр 15-20 хэм, бусад нутгаар 9-14 хэм, өдөртөө Монгол-Алтай, Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар 17-22 хэм, Их нууруудын хотгор, Хангайн нурууны өвөр бэл болон говийн бүс нутгийн өмнөд хэсгээр 28-33 хэм, бусад нутгаар 23-28 хэм дулаан байна.

УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун өмнөөс секундэд 6-11 метр. Шөнөдөө 9-11 хэм, өдөртөө 24-26 хэм дулаан байна.

БАГАНУУР ОРЧМООР: Багавтар үүлтэй. Бороо орохгүй. Салхи баруун өмнөөс секундэд 7-12 метр. Шөнөдөө 6-8 хэм, өдөртөө 23-25 хэм дулаан байна.

ТЭРЭЛЖ ОРЧМООР: Багавтар үүлтэй. Бороо орохгүй. Салхи баруун өмнөөс секундэд 6-11 метр. Шөнөдөө 3-5 хэм, өдөртөө 20-22 хэм дулаан байна.

2021 оны 06 дугаар сарын 21-нээс 06 дугаар сарын 25-ныг
хүртэлх цаг агаарын урьдчилсан төлөв

21-нд баруун болон төвийн аймгуудын нутгийн зарим газраар, 22-нд баруун аймгуудын нутгийн баруун хэсэг, төвийн аймгуудын нутгийн зарим газраар, 23, 24-нд нутгийн хойд хэсгээр бороо, дуу цахилгаантай аадар бороо орно. Салхи 21- 23-нд Алтайн салбар уулсаар секундэд 13-15 метр, борооны өмнө түр зуур ширүүснэ. Ихэнх нутгаар дулаарч Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Байдраг, Тэрэлж, Хэрлэн, Онон, Улз голын хөндий, Дарьгангын тал нутгаар шөнөдөө 4-9 хэм, өдөртөө 19-24 хэм, Их нууруудын хотгор, Хангайн нурууны өвөр бэл, говийн бүс нутгийн өмнөд хэсгээр шөнөдөө 17-22 хэм, өдөртөө 28-33 хэм, бусад нутгаар шөнөдөө 9-14 хэм, өдөртөө 24-29 хэм дулаан байна.

Categories
гадаад мэдээ

Крымд үерт автсан бүсээс 1800 орчим хүнийг нүүлгэн шилжүүлжээ

Хүчтэй аадар бороо орсны улмаас үерт автсан бүсээс аврагчид 1800 орчим хүнийг нүүлгэн шилжүүллээ гэж ОХУ-ын Онцгой байдлын яамны Крым дахь Ерөнхий газар мэдээлэв.

“Одоогийн байдлаар 200 орчим хүн түр хугацаагаар байрлуулах таван төвд байрлаж байна. Үерийн бүсээс 1773 хүнийг нүүлгэн шилжүүлсэн. Керчь хотоос 1492 хүн, үүнээс 275 нь хүүхэд, Ялта хотоос 281 хүн нүүлгэн шилжүүлснээс 46 нь хүүхэд байна” гэж мэдээлэлд дурджээ.

Зургаадугаар сарын 17-нд шилжих шөнө Крымийн зүүн хэсэгт хүчтэй аадар бороо орж, үерийн гамшиг нүүрлэжээ. Керчь болон түүний ойролцоох нутгуудад бараг хоёр сард орох хур тунадас унасан байна.

Хүчтэй аадар бороо орсны дараа Крымд бүс нутгийн хэмжээнд онцгой байдал зарлажээ.

Зургаадугаар сарын 16-18-ны хооронд орон сууц орчмын 426 газар, 365 орон сууц, сургууль, эмнэлэг гэх зэрэг 18 объект усанд автжээ. Одоогийн байдлаар зургаан хотын 64 орон сууц усанд автсан хэвээр байгаа аж.

Categories
мэдээ спорт

Шигшээ багийн тамирчид олимпийн бэлтгэлдээ гарлаа

Унгар Улсын нийслэл Будапешт хотод энэ сарын 6-13-ны өдрүүдэд зохиогдсон жүдо бөхийн насанд хүрэгчдийн ДАШТ-д оролцоод ирсэн Үндэсний шигшээ багийн тамирчид Төв аймгийн Батсүмбэр сум, Баянголын аманд орших “Champions camp” бэлтгэлийн баазад олимпийн бэлтгэлдээ гарлаа.

Энэ удаагийн олимпийн бэлтгэлийг шигшээ багийн ахлах дасгалжуулагч, гавьяат тамирчин, гавьяат дасгалжуулагч Х.Болдбаатар, дасгалжуулагч ОУХМ П.Нямлхагва, Ч.Болдбаатар, Б.Батгэрэл, гавьяат тамирчин М.Бундмаа нарын бүрэлдхүүнтэй шигшээ багийн 40 гаруй тамирчид бэлтгэлд хамрагдаж байна.

Олимпийн бэлтгэлд шигшээ багийн дасгалжуулагчид, тамирчдаас гадна эмч, терапист багш, сэтгэлзүйч, хоолны арга зүйч гэсэн бүрэлдхүүнтэйгээс гадна Монгол Улсын нэрийн өмнөөс эрэгтэйчүүдийн -81кг жинд барилдаж буй дэлхийн аваргын алт, хүрэл медальт Саейд Моллаей, өөрийн дасгалжуулагч Мансоури Касваей Мохаммад нар энэ сарын сүүлчээр шигшээ багийн бэлтгэлд хамрагдахаар болжээ.

Categories
мэдээ нийгэм

Жил бүр таван оюутан Хонконгийн их, дээд сургуульд тэтгэлгээр суралцана

Монгол Улсаас БНХАУ-ын Засаг захиргааны онцгой бүс Хонконгт суугаа Ерөнхий консул Г.Жаргалсайхан Хонконгийн Боловсролын нарийн бичгийн дарга Кевин Йеунгтэй энэ сарын 17-нд уулзаж боловсрол, шинжлэх ухааны салбарт хамтран ажиллах тодорхой асуудлаар санал солилцжээ. Талууд цаашид хамтын ажиллагаагаа өргөн хүрээнд эрчимжүүлэхээр тохиролцсон байна.

Мөн уулзалтын үеэр нарийн бичгийн дарга Кевин Йеунг Монгол Улсын Боловсрол, шинжлэх ухааны яам, Хонконгийн Боловсролын газар хооронд байгуулж буй санамж бичигт гарын үсэг зуржээ. Санамж бичигт манай талаас Боловсрол, шинжлэх ухааны сайд Л.Энх-Амгалан гарын үсэг зурсан бөгөөд энэ өдрөөс хүчин төгөлдөр болж байна. Энэхүү баримт бичгийг байгуулсны үндсэн дээр Хонконгийн Засгийн газраас “Бүс ба Зам–Монгол Улс” тэтгэлэгт хөтөлбөрийг шинээр бий болгож, уг тэтгэлэгт хөтөлбөрийн хүрээнд 2022 оноос эхлэн жил бүр Хонконгийн их, дээд сургуульд суралцах тав хүртэлх монгол оюутанд сургалтын төлбөрийн 100 хувийн тэтгэлэг олгох юм байна. Нэг оюутны сургалтын төлбөр 200 сая төгрөг ажээ.
Дашрамд дурдахад, Азийн топ 10 их сургуулийн гурав, дэлхийн топ 100 их сургуулийн тав нь Хонконгод байдаг юм.