Month: June 2021

Categories
мэдээ улс-төр цаг-үе

АН-аас коронавирусийн нөхцөл байдалтай холбогдуулан ЭМЯ-нд шаардлага хүргүүлэв

Ардчилсан намаас коронавирусийн нөхцөл байдалтай холбогдуулан мэдэгдэл гаргаж, ЭМЯ-нд шаардлага хүргүүлэв.

Уг мэдэгдэлд, “Монгол Улсад “КОВИД-19” цар тахлаар 109 мянга гаруй хүн өвдөж, өдөрт 2000 гаруй халдвар бүртгэгдэж, нийт 500 гаруй хүн нас бараад байна. Нас барсан иргэдийн гэр бүлийнхэнд АН гүн эмгэнэл илэрхийлье. Үндсэн хуулийн 16 дугаар зүйлийн 16.2-т “Монгол Улсын иргэн эрүүл, аюулгүй орчинд амьдрах”, 16-6-д “эрүүл мэндээ хамгаалуулах, эмнэлгийн тусламж авах эрхтэй” хэмээн заасан байдаг. Энэ ч утгаараа цар тахалтай тэмцэх нь Засгийн газар, бүх шатны удирдлагуудын үүрэг. 109 мянга гаруй хүн өвдөж, өдөр бүр 10-оос доошгүй хүн нас барж, олон аж ахуйн нэгж зогсож, улсын төсөв тасарч байгаа нь Үндэсний аюулгүй байдалд учирсан хор хохирол хэмээн АН дүгнэж байна” хэмээжээ.

Мөн мэдэгдэлд, “Вакцинжуулалт, олон удаагийэн хөл хорио үр дүнгүй болсон хэмээн шүүмжлээд нас барсан иргэдийн ар гэрт төрөөс нөхөн төлбөр өгөх ёстой гэжээ. Түүнчлэн цаашид эрх баригч нам, Засгийн газраас хэт түрэмгийлсэн бодлого явуулбал АН улс төрийн шат дараалсан ажлыг орон даяар өрнүүлнэ гэдгээ мэдэгдэж байна” гэжээ.

Мөн тус намаас ЭМЯ-нд шаардлага хүргүүлсэн байна. Уг шаардлагад эрүүл мэндийн салбарын ажилтнуудын цалинг 3-5 дахин нэмэх, өвчилсөн ажилтнуудад нөхөн олговор олгох хэрэгтэй гэжээ. Монгол Улсад халдварын тоо буурахгүй байгаа тул эмнэлгийн ачаалал 5-10 дахин хэтэрч, эрүүл мэндийн салбар хүний нөөцийн дутагдалд орж байгааг шаардлагад дурдсан байна.

Categories
мэдээ нийгэм

Нийслэлийн ойн бүсэд 100 гаруй зүйлийн хөнөөлт шавж бүртгэгджээ

Нийслэлийн ногоон бүсийн ойн санд 5 баг, 31 овгийн 100 гаруй зүйлийн хөнөөлт шавж бүртгэгдсэнээс 18 зүйлийн модлог идэшт шавж, 6 зүйлийн навч, шилмүүсний хөнөөлт шавжийг тодорхойлсон байна. Нийслэлийн Байгаль орчны газраас ногоон бүсийн хөнөөлт, хортон шавж устгах ажил өрнүүлж буй аж.

Хөнөөлт шавж нь модны навч, шилмүүс, модлогоор хооллож модны өсөлт хөгжилтөд сөргөөр нөлөөлөн ойг доройтолд оруулдаг бөгөөд 2-3 жилийн давтамжтай хортонд нэрвэгдсэн ой дахин сэргэн ургах чадваргүй болдог.

Сүүлийн жилүүдэд ойн доройтол, уур амьсгалын өөрчлөлт зэрэг хүчин зүйлээс шалтгаалан шавжийн амьдрах таатай нөхцөл бий болж зарим зүйлийн хөнөөлт шавжийн голомт үүссэн талбайн хэмжээ өсөх хандлагатай байна. Мөн түймэр, зохисгүй мод бэлтгэл зэрэг хүний хүчин зүйл ч нөлөөлдөг байна. Тиймээс иргэд өөрөөс шалтгаалах үйлдэлд хянуур хандах нь ойг хамгаалах чухал юм. Мөн та ойн хортон шавжийн ажиглалтын мэдээллээ сумынхаа байгаль хамгаалагч, байгаль орчны хяналтын улсын байцаагч, ойн ангийнханд хүргүүлээрэй.

Ой модны хөнөөлт шавжтай тэмцэх дараах аргуудыг танилцуулж байна.

Нахиа, найлзуурын шавж: Найлзуурын давирхайч эрвээхэй бүхий өсвөр модыг оройн найлзуурын зангилаа орчимд үүсгэсэн давирхайн ураар ялган огтлон авч голомтыг арилган хэт олшрохоос сэргийлэх хэрэгтэй.

Навч шилмүүсээр хооллогч шавж: Энэ бүлгийн шавж байгаль дээр асар их хэмжээний шилмүүсийг хувирган ойн хөрсний үржил шимийг дээшлүүлэн модны өсөлт хөгжилтөд харин ч эерэг нөлөө үзүүлдэг. Шинэс мод нөхөн сэргэх өвөрмөц онцлогтой бөгөөд хэт олшролын дараа шилмүүсээ бүрэн алдсан хэдий ч модлог идэшт бүлгийн шавжид нэрвэгдэлгүй сэргэн ургасан шинэс модны жилийн цагиргийн өсөлт 2-5 дахин нэмэгддэг болохыг судалгаагаар тогтоосон. Гэвч модыг физиологийн доройтолд оруулахгүйн тулд эрвээхий нь шөнийн идэвхжилттэй байдаг онцлогийг харгалзан гэрлэн урхи хэрэглэн цугласан эрвээхийг түүн авч битүү шилэнд хийх замаар өндөглөх боломжийг багасгах арга хэрэглэх нь зүйтэй байна.

Модлог идэшт шавьж: Байгаль дээр модны холтос, модлог эдээр хооллон түүний задран хувирах явцыг түргэсгэн хөрсний үржил шимийг дээшлүүлэхэд шийдвэрлэх үүрэгтэй. Гэвч түймэр, навч шилмүүсээр хооллогч шавж болон мод бэлтгэлийн улмаас физиологийн доройтолд орж сульдсан болон эмх замбараагүй үүсгэсэн модны хожуул, үзүүр, ёзоор, мөчирт өсөж бойжин модыг хатаан хуурайшуулах, хэрэгцээний чанарыг үүсгэх зэргээр физиологи, техникийн хөнөөл учруулдаг. Холтос, модлог идэшт бүлгийн шавж хэт олшрохоос урьдчилан сэргийлж, тоо толгойг багасгахын тулд:а/суурин газарт барилга байгууламжийн зориулалтаар бэлтгэж холтослосон модон дээр нисэн ирж олноор цуглан нийллэгт орж байх үед нь түүж цуглуулан устгана.б/ойн нөхцөлд өндрийн янз бүрийн байршилд 4-р сарын сүүлч 5-р сарын эхээр дундаж насны 3-5 мод унаган цугласан шавжийг түүн битүү саванд хийнэ.

Цуглуулсан шавжаа 70 градусын спирт, архинд хийж аймаг, сум, газар нутаг, хүний нэр, он, сар, өдөр бүхий товч тэмдэглэлийн (зөвхөн бал харандаагаар бичнэ) хамт түр хадгалан шинжилгээ, судалгааны зориулалтаар мэргэжлийн ажилтнуудад хүргүүлж болно. Аль бүлгийн шавжтай тэмцэх арга хэмжээг хэрэгжүүлэх явцад хортон бүхий өсвөр мод, түүж цуглуулсан бие гүйцсэн шавжны биеийн ерөнхий онцлог хэлбэрийг заан тэдгээрийн тоог тухай бүр тэмдэглэж байвал зохино. Энэ нь уг хортон шавжны тоо толгой хэт олшрохоос сэргийлсэн, тэмцсэн арга хэмжээний үр дүнг тооцох үндсэн баримт материал болох ач холбогдолтой юм.

Categories
мэдээ нийгэм цаг-үе

Д.Амартүвшин: Бидний бизнес, санхүү, хүсэл мөрөөдөл бүгд гацсан тул бид гашуудал зарлаж байна

Бизнес эрхлэгчид “Тэвчээр тасарлаа” уриатай хөдөлгөөнийг эхлүүлжээ. Үүний дагуу Сүхбаатарын талбайд хүн хоорондын зай барьж, хоёр минут дороо гацаж флашмоб хийх юм.

Энэ талаар Д.Амартүвшин “Флашмоб бол урлагийн төрөл. Энэ бол жагсаал, цуглаан биш. Бид Сүхбаатарын талбай дээр хуульчтай очно. Ямар нэг хуулийн шаардлага хүлээлгэх гэвэл манай хуульч уулзана. Хэчнээн хүний амьдрал хэцүү байгааг үүгээр илэрхийлэхийг хүслээ. Хүмүүс ирэхдээ цар тахал, хөл хорионы улмаас хэдий хэмжээний хохирол амссан, хэдэн ажилтнаа цомхтгосон зэрэг өөрт тохиолдсон асуудлаа цаасан дээр бичээд ирээрэй” хэмээсэн юм.

Цар тахлын үед бизнес эрхлэгчид туйлдаа хүрч байгааг илэрхийлэн “Тэвчээр тасарлаа” гэх хөдөлгөөнийг эхлүүлсэн гэдгийг хэлсэн юм. Иргэд өөрсдийн байрлалд хоёр минутын турш хөдөлгөөнгүй зогсох бөгөөд хоёр жилийн хугацаанд тулгарсан бэрхшээлүүдээ цаасан дээр бичин барьж байгаа юм.

Иргэдийн хувьд бизнес эрхлэгчдэд тулгарч буй асуудлуудыг нэгтгэн, дөрвөн заалт бүхий шаардлагыг Улсын онцгой комисст хүргүүлэхээр болоод байгаа талаараа хэлсэн юм. Цар тахлын үед бизнес эрхлэгчид туйлдаа хүрч, зарим нь гэрийнхээ тавилгыг зарж, хоол хүнсээ авч байна гэдгийг өнөөдрийн флашмобд оролцогчид хэлж байв.

Хоёр минутын турш хөдөлгөөнгүй зогсож, эсэргүүцэл илэрхийлсэн бизнес эрхлэгчид нэгдсэн мэдээлэл өгч байна.

Д.Амартүвшин “Бидний бизнес, санхүү, хүсэл мөрөөдөл бүгд гацсан тул бид гашуудал зарлаж байна. Бид үүнээс илүү тэвчихгүй нь. Дарга нар наадам хийдэг, дарга нар жагсаж болдог харин иргэд хоригддог юм байна. Биднийг нэг жил зургаан сар хааж, хорьсон. Бид ажлаа эхэлмээр байна” гэлээ.

Өнөөдрийн хөдөлгөөнд оролцсон бизнес эрхлэгч “Бизнес эрхлэгчид байр, машин, өөрт байгаа зүйлсээ зараад жил зургаан сарыг даван тууллаа. Өнөөдрөөс цааш бид тэвчихгүй нь ээ. Одоо зарах зүйл үлдсэнгүй. Бид төрөөс халамж, мөнгө хүсээгүй. Бид ажлаа эхлүүлмээр байна” гэсэн юм.

Categories
мэдээ энтертаймент-ертөнц

Хүүхэлдэйн киноны дүрд дуу оруулсан 10 алдартан

Хүүхэлдэйн киног зөвхөн хүүхдүүд төдийгүй насанд хүрэгчид ч гэсэн үзэж баясдаг. Тэгвэл дуу хоолойгоороо үзэгчдийн сэтгэлд хоногшсон жүжигчин, дуучин зэрэг алдартнуудыг танилцуулахаар бэлдлээ.

Та бидний үзэх дуртай “The Incredible’s” (2004), “Coraline” (2009), “Kung Fu Panda” (2008) зэрэг хүүхэлдэйн киноны дүрүүдэд хэн дуу оруулсан талаарх сонирхолтой баримтыг үзээрэй.

ҮЗЭГЧДИЙН СЭТГЭЛД ХОНОГШСОН БҮТЭЭЛҮҮДЭД ДУУ ОРУУЛСАН АЛДАРТНУУДЫГ ТАНИЛЦУУЛЖ БАЙНА

WILL SMITH

  • Бүтээсэн дүр: “Shark Tale” (2004) анимэйшний Oscar
  • Сонирхолтой баримт: Тус бүтээл нь 75 сая ам.доллараар бүтэж 367.3 сая ам.долларын ашиг олжээ.

ANGELINA JOLIE

  • Бүтээсэн дүр: “Kung Fu Panda” анимэйшний Master Tigress, “Shark Tale” анимэйшний Lola
  • Сонирхолтой баримт: “Kung Fu Panda” киноны тухай тэрээр “Энэ бүтээлээс хамгийн их таалагддаг зүйл гэвэл бид гарал үүслээсээ үл хамаарч ирээдүйд хэн байх сонголтоо өөрсдөө хийдэг юм шүү гэх үзэл санаа” хэмээн хэлжээ.

JUSTIN TIMBERLAKE

  • Бүтээсэн дүр: “Trolls” анимэйшний Branch
  • Сонирхолтой баримт: Дуучин Justin Timberlake нь тус бүтээлийн дуунуудыг хамтран бичсэн.

JOHNNY DEPP

  • Бүтээсэн дүр: “Corpse Bride” (2005) Victor Van Dort
  • Сонирхолтой баримт: Энэхүү бүтээлийн найруулагч Tim Burton болон Johnny Depp нар нийт найман кинонд хамтран ажилласны нэг нь “Corpse Bride” юм.

ALEC BALDWIN

  • Бүтээсэн дүр: “Boss Baby” (2017) анимэйшний Tom McGrath
  • Сонирхолтой баримт: “The Boss Baby: Family Business” нэртэй хоёрдугаар анги нь 2021 оны есдүгээр сарын 21-нд нээлтээ хийнэ.

CHLOЁ GRACE MORETZ

  • Бүтээсэн дүр: “Red Shoes and the Seven Dwarfs” (2019) анимэйшний Snow White, “The Addams Family” (2019) анимэйшний Wednesday Addams
  • Сонирхолтой баримт: Өдгөө 24 настай тэрээр долоон настайдаа жүжигчний гараагаа эхэлж байжээ.

NICOLAS CAGE

  • Бүтээсэн дүр: “The Croods” анимэйшний Grug
  • Сонирхолтой баримт: Энэхүү бүтээл нь 135 сая ам.доллараар бүтэж 587.2 сая ам.долларын ашиг олжээ.

OPRAH WINFREY

  • Бүтээсэн дүр: “Bee Movie” (2007) анимэйшний шүүгч Bumbleton, “The Princess and the Frog” (2009) анимэйшний Eudora
  • Сонирхолтой баримт: Дэлхийд алдартай хөтлөгч Oprah-гийн “The Oprah Winfrey Show” ток шоу нь 25 жилийн турш эфирт цацагдсан аж.

SAMUEL L.JACKSON

  • Бүтээсэн дүр: “The Incredibles” (2004) анимэйшний Frozone
  • Сонирхолтой баримт: Тэр бол “Marvel”-ийн кино ертөнцийн алдарт Nick Fury-гийн дүрийг бүтээгч билээ.

DAKOTA FANNING

  • Бүтээсэн дүр: “Coraline” (2009) анимэйшний Coraline Jones
  • Сонирхолтой баримт: Уг бүтээл нь 60 сая ам.доллараар бүтэж 124.6 сая ам.долларын ашиг олсон юм.

Categories
амьдралын-өнгө мэдээ нийгэм

Ирэх сарын цаг агаарын ерөнхий төлөв

Цаг уурын байгууллагаас ирэх долдугаар сарын цаг агаарын ерөнхий төлөвийг гаргасан байна. Энэ сард газар тариалангийн бүс нутгаар олон жилийн дунджаас ахиу хур тунадас орох бол нутгийн өмнөд хэсгээр агаарын температур олон жилийн дунджаас дулаан, хур тунадас олон жилийн дунджаас бага байх төлөвтэй байна.

Баруун аймгуудын нутгаар. Энэ сард агаарын дундаж температур Ховд, Говь–Алтай, Баянхонгорын өмнөд хэсгээр олон жилийн дунджаас дулаан, Увсын ихэнх нутаг, Завханы хойд хэсгээр олон жилийн дунджаас хүйтэн, бусад нутгаар дунджийн орчим, хур тунадас Ховд, Говь–Алтай, Баянхонгорын өмнөд хэсгээр олон жилийн дунджаас бага, бусад нутгаар олон жилийн дунджийн орчим байна. Нэгдүгээр арав хоногийн эхэн болон сүүлч, хоёр ба гуравдугаар арав хоногийн дунд үе болон гуравдугаар арав хоногийн сүүлчээр агаарын температур өмнөх үеэсээ 4–6°С–аар сэрүүснэ. Харин нэг ба хоёр, гуравдугаар арав хоногийн дунд үеэр ихэнх нутгаар 28–32°С хүрч хална. Нэгдүгээр арав хоногийн эхэн болон сүүлч, хоёр ба гуравдугаар арав хоногийн дунд үе болон гуравдугаар арав хоногийн сүүлчээр ихэнх нутгаар бороо орно. Дуу цахилгаантай. Борооны өмнө салхи зарим газраар 12–14 м/с, зарим үед түр зуур 16-18 м/с хүрч ширүүсч болзошгүй.

Төвийн аймгуудын нутгаар. Энэ сард агаарын дундаж температур Өвөрхангай аймгийн өмнөд хэсгээр ОЖД–аас дулаан, бусад нутгаар дунджийн орчим, хур тунадас Булган, Сэлэнгэ, Төв аймгийн нутаг, Архангай, Хөвсгөлийн зүүн хэсгээр ОЖД–аас ахиу, бусад нутгаар дунджийн орчим байна. Нэгдүгээр арав хоногийн эхэн болон сүүлч, хоёрдугаар арав хоногийн сүүлчээр агаарын температур өмнөх үеэсээ 4–6°С–аар сэрүүснэ. Харин нэг ба хоёрдугаар арав хоногийн дунд үеэр ихэнх нутгаар 28–32°С хүрч хална.Нэгдүгээр арав хоногийн эхэн болон сүүлч, хоёрдугаар арав хоногийн дунд, гуравдугаар арав хоногийн дунд үе болон сүүлчээр ихэнх нутгаар бороо орно. Дуу цахилгаантай. Борооны өмнө салхи зарим газраар 12–14 м/с, зарим үед түр зуур 16-18 м/с хүрч ширүүсч болзошгүй.

Зүүн аймгуудын нутгаар. Энэ сард агаарын дундаж температур Сүхбаатарын баруун өмнөд хэсгээр ОЖД–аас дулаан, бусад нутгаар олон жилийн дунджийн орчим, хур тунадас Хэнтий, Дорнодын хойд хэсгээр олон жилийн дунджаас ахиу, бусад нутгаар дунджийн орчим байна.Нэгдүгээр арав хоногийн эхэн болон сүүлч, гуравдугаар арав хоногийн дунд үеээр агаарын температур өмнөх үеэсээ 3–8°С–аар сэрүүснэ. Харин гуравдугаар арав хоногийн эхээр ихэнх нутгаар 30–34°С хүрч хална. Нэгдүгээр арав хоногийн эхэн болон сүүлч, хоёр ба гуравдугаар арав хоногийн дунд үеэр ихэнх нутгаар бороо орно. Дуу цахилгаантай. Салхи борооны өмнө ширүүсч зарим газраар 12-14 м/с, зарим үед түр зуур 16–18 м/с хүрч ширүүсч болзошгүй.

Говийн аймгуудын нутгаар. Энэ сард агаарын дундаж температур нийт нутгаар олон жилийн дунджаас дулаан, хур тунадас Өмнөговь, Дорноговийн нутгаар олон жилийн дунджаас бага, бусад нутгаар олон жилийн дунджийн орчим байна. Нэгдүгээр арав хоногийн дунд үе, гуравдугаар арав хоногийн сүүлчээр агаарын температур өмнөх үеэсээ 3–5°С–аар сэрүүснэ. Харин хоёрдугаар арав хоногийн дунд үеэр ихэнх нутгаар 32–36°С хүрч хална.Нэг ба хоёрдугаар арав хоногийн дунд үе, гуравдугаар арав хоногийн дунд болон сүүлчээр зарим газраар түр зуурын бороо орно. Дуу цахилгаантай. Борооны өмнө салхи зарим газраар 12–14 м/с, зарим үед түр зуур 18-20 м/с хүрч ширүүсч болзошгүй.

Categories
мэдээ улс-төр цаг-үе

С.Баярцогт нарт холбогдох хэргийн шүүх хуралдаан хойшиллоо

С.Баярцогт, Б.Бямбасайхан, Б.Ариунсан, Д.Ганболд, Б.Бадрал нарт холбогдох хэргийг шүүх хуралдаан хүндэтгэн үзэх шалтгаанаар шүүх бүрэлдэхүүн хүрэлцэхгүй болсон тул хойшиллоо.

Улсын Дээд шүүхийн хяналтын шатны Эрүүгийн хэргийн шүүгчдийн нэгдсэн хуралдаанаар С.Баярцогт, Б.Бямбасайхан, Б.Ариунсан, Д.Ганболд, Б.Бадрал нарт холбогдох хэргийг хоёр шүүгчийн тусгай саналыг үндэслэн 2021 оны зургадугаар сарын 28-ны өдөр хянан хэлэлцэхээр товлон зарлаад байсан.

Эрүүгийн хэрэг хянан шийдвэрлэх тухай хуулийн 40.11 дүгээр зүйлийн 4 дэх хэсэгт зааснаар Эрүүгийн хэргийн шүүгчдийн нэгдсэн хуралдаан нь Улсын дээд шүүхийн Ерөнхий шүүгчээс гадна Эрүүгийн хэргийн танхимын нийт шүүгчийн дөрөвний гурваас доошгүй нь оролцсоноор хүчинтэйд тооцогддог бөгөөд хүндэтгэн үзэх шалтгаанаар шүүх бүрэлдэхүүн хүрэлцэхгүй болсон тул шүүх хуралдаан хойшилсон гэж УДШ-ээс мэдээллээ.

Categories
мэдээ нийгэм онцлох-нийтлэл туслах-ангилал

Монголын ТОП-100 ААН-ийг зарлаж, “Эрдэнэт үйлдвэр” ТӨҮГ тэргүүллээ

Монгол Улсын Засгийн газар, МҮХАҮТ хамтран 2020 оны Монгол Улсын ТОП 100 ААН –ийг танилцууллаа.

Энэ оны хувьд КОВИД-19 цар тахлын нөхцөл байдлаас шалтгаалж 2020 оны ТОП-100 аж ахуйн нэгжийг өргөмжлөх, эрэмбийг зарлах арга хэмжээг хоёр дахь жилдээ цахимаар зохион байгууллаа.

Уг шалгаруулалтыг Сангийн яам, Гааль, Татварын Ерөнхий Газар, Нийгмийн Даатгалын Ерөнхий Газар, Улсын бүртгэл, Статистикийн ерөнхий газар зэрэг байгууллагуудтай хамтарсан ажлын хэсэг байгуулан албан ёсны мэдээ тайланд үндэслэн жагсаадаг бөгөөд Монгол Улсын 2020 оны ТОП 100 ААН-ийг Эрдэнэт Үйлдвэр ТӨҮГ, Эрдэнэс Таван Толгой ХК, Оюу Толгой ХХК, Хаан банк, Энержи Ресурс ХХК тэргүүллээ.

Өнгөрсөн оны хувьд Монгол Улсын ДНБ-ий хэмжээ 5.3 хувиар агшсан. Уул уурхай, олборлох салбар, үйлчилгээ, тээвэр, мэдээлэл холбоо, бөөний болон жижиглэн худалдааны салбар буурсан үзүүлэлттэй гарсан. Энэ нь ДНБ-ий хэмжээ буурахад нөлөөлсөн. Гадаадын шууд хөрөнгө оруулалт 29 хувиар буурсан бол Татварын ерөнхий газрын мэдээллээр 27,000 аж ахуйн нэгж үйл ажиллагаагаа зогсоосон. 132,000 аж ахуйн нэгж татварын тайлан ирүүлсэн ч үүний 98,000 буюу 74.2 хувь нь Х тайлан ирүүлжээ.

Бизнес эрхлэгчдийн хувьд 2020 он түүхэн сорилттой, тодорхой бус байдал давамгайлсан амаргүй, хүнд жил болж өнгөрсөн билээ. Дэлхийн эдийн засгийн форумын эрсдэлийн шинжээчдийн үзэж байгаагаар коронавирусний тархалтаас улбаатай энэ удаагийн эдийн засгийн хямрал нь Дэлхийн хоёрдугаар дайнаас хойших хамгийн хохирол ихтэйд тооцогдож байгаа юм.

2020 оны хувьд бараа, бүтээгдэхүүний эрэлт буурсан, иргэдийн худалдан авах чадвар доройтсон, нийлүүлэлт доголдсон, бүхий л салбарын бүтээмж унасан. Дэлхий эдийн засаг ч тодорхой бус байдалд орж, төлөвлөж байгаагүй зардал, сорилт аж ахуйн нэгжүүдийн хувьд гэнэт бий болсон. Эдгээр нь 2020 оны ТОП 100 аж ахуйн нэгжийн эрэмбэ, дарааллыг ихээхэн өөрчилж, шинэ шинэ салбар урагшлах, зарим нь ухрах нөхцөлийг бүрдүүлжээ.

2020 ОНЫ ТОП 100 ААН-ИЙН ЭХНИЙ 10 БАЙРТ:

  1. Эрдэнэт үйлдвэр ТӨҮГ
  2. Эрдэнэс Тавантолгой ХК
  3. Оюу Толгой ХХК
  4. Хаан банк
  5. Энержи Ресурс ХХК
  6. Улаанбаатар төмөр зам ХНН
  7. Худалдаа хөгжлийн банк
  8. Ти Ти Жи Ви Си Өү ХХК
  9. Голомт банк
  10. АПУ компани тус тус оржээ.

ТОП 100 ААН-ийг тэргүүлсэн Эрдэнэт үйлдвэр ТӨҮГ сүүлийн 20 жилийн 19-т нь уг жагсаалтад багтаж байгаа бөгөөд өнгөрсөн онд 743.9 тэрбум төгрөгийн татварыг төлжээ. 2020 онд тус үйлдвэр 11,700,00 тн зэсийн баяжмал олборложээ.

ТОП 100 АЖ АХУЙН НЭГЖ ХЭЛБЭРЭЭР

  • 87 нь хязгаарлагдмал хариуцлагатай компани
  • 9 хувьцаат компани,
  • 2 төрийн өмчит хувьцаат компани,
  • 2 төрийн өмчит компани байна.

ТОП-100 АЖ АХУЙН НЭГЖ САЛБАРААР:

  • Худалдаа үйлчилгээ 28
  • Уул уурхай, олборлох үйлдвэр 24,
  • Газрын тосны хангамж 10,
  • Барилга, зам 9,
  • Хүнсний үйлдвэрлэл 7,
  • Банк санхүү 6,
  • Харилцаа холбоо 6,
  • Хүнд үйлдвэр 5,
  • Цахилгаан дулааны үйлдвэрлэл, усан хангамж 2,
  • Тээвэр ложистик 1,
  • Хөнгөн үйлдвэр 1

ҮЗҮҮЛЭЛТ ТУС
БҮРТ ТЭРГҮҮЛСЭН 10 ААН

БОРЛУУЛАЛТЫН ОРЛОГЫН ЭРЭМБЭЭР

# Нэр
1 Оюутолгой ХХК
2 Эрдэнэт үйлдвэр ТӨҮГ
3 Эрдэнэс-Таван толгой ХК
4 ХААН Банк
5 Улаанбаатар төмөр зам ХНН
6 Энержи Ресурс ХХК
7 Худалдаа Хөгжлийн Банк
8 Голомт Банк
9 Ти Ти Жи Ви Си Өү ХХК
10 Бодь-Интернэшнл ХХК

ТАТВАРЫН ЭРЭМБЭЭР

# Нэр
1 Эрдэнэт үйлдвэр ТӨҮГ
2 Эрдэнэс-Таван толгой ХК
3 Оюутолгой ХХК
4 Энержи Ресурс ХХК
5 НИК ХХК
6 АПУ ХК
7 Шунхлай ХХК
8 Голомт Банк
9 Лекс-Ойл ХХК
10 Ти Ти Жи Ви Си Өү ХХК

АЖИЛЛАГСДЫН ТООНЫ ЭРЭМБЭЭР

# Нэр
1 Эрдэнэт үйлдвэр ТӨҮГ
2 ХААН Банк
3 Төрийн Банк
4 Оюутолгой ХХК
5 Говь ХК
6 Таван толгой түлш ХХК
7 Номинтав Трейд ХХК
8 Улаанбаатар төмөр зам ХНН
9 Голомт Банк
10 Энержи Ресурс ХХК

АШГИЙН ХЭМЖЭЭНИЙ ЭРЭМБЭЭР

# Нэр
1 Эрдэнэт үйлдвэр ТӨҮГ
2 М Си Эс холдинг ХХК
3 Эрдэнэс-Таван толгой ХК
4 ХААН Банк
5 Хүрэн толгой коал майнинг ХХК
6 Тийсс Монгол ХХК
7 Ти Ти Жи Ви Си Өү ХХК
8 АПУ ХК
9 Бодь-Интернэшнл ХХК
10 Баян Айраг Эксплорэйшн ХХК

ХӨРӨНГИЙН ХЭМЖЭЭНИЙ ЭРЭМБЭЭР

# Нэр
1 Эрдэнэс-Таван толгой ХК
2 Эрдэнэс Монгол ХХК
3 Петрочайна Дачин Тамсаг ХХК
4 Эрдэнэт үйлдвэр ТӨҮГ
5 Монголын алт (МАК) ХХК
6 ХААН Банк
7 Худалдаа Хөгжлийн Банк
8 Улаанбаатар төмөр зам ХНН
9 Энержи Ресурс ХХК
10 Болдтөмөр Ерөө Гол ХХК
Categories
мэдээ нийгэм

Хими эмчилгээний үр дүнд Э.Ананд хүүгийн нурууны хавдар нь 39 хувиар багасжээ

Найман настай Э.Ананд хүү монголчуудынхаа цуглуулсан хандиваар эмчилгээгээ хийлгэхээр БНСУ-ыг зорьсон билээ. Хүү эндээс явахдаа багана нурууны түрж ургасан хүнд хэлбэрийн хавдартай болох нь тогтоогдсон бөгөөд бүсэлхийнээс доош мэдээгүй өтгөн, шингэнээ гаргадаг буйгаа мэдрэхээ больсон байсан юм.

Харамсалтай нь БНСУ дахь эмнэлэгт үзүүлсний дараа цусны хорт хавдартай болох нь мөн тогтоогдож, эмчилгээ хийлгэж буй билээ. Э.Анандын ээж Ц.Даваа хүүгийнхээ биеийн байдал, эмчилгээний үр дүнгийн талаар мэдээлжээ.

Тэрбээр “Хүү бид 2 эмнэлэгтээ хэвтээд яг нэг сарын хугацаа өнгөрчээ. Энэ хугацаанд эхний хими эмчилгээ маань дуусаж, 5 удаагийн нөхөн сэргээх эмчилгээ хийгдээд одоо 2 дахь хими эмчилгээ маань эхлээд явж байна. Эхний хими эмчилгээ маань 3 төрлийн хими тариа 12 цагийн зайтайгаар 7 хоногийн турш хийгдсэн ба үүний үр дүнд нурууны хавдар 39 хувиар багасаж 7,3 см болсон байна. Цусан дахь хавдар ч мөн төдий хэмжээгээр буурсан гэсэн үзүүлэлт гарсан. Одоо 2 дахь хими эмчилгээ мөн л 3 төрлийн хими тариа 24 цагийн турш 7 хоног хийгдэнэ.

Гэвч цусны хавдрыг бүрэн эмчлэхийн тулд дахин нэг удаагийн хими эмчилгээ хийсний дараа үүдэл эс шилжүүлэн суулгах шаардлагатай гэсэн. Харин сайн мэдээ нь хими эмчилгээний дараа нурууны хавдар нь бүрэн устана гэж хэллээ.

Төлбөр мөнгөний хувьд санасныг бодоход нэлээн өндөр гарчээ. За яахав болгоноо болгоно. Энэ хүртэл явсан, эцсийг нь хүртэл явж хүүгээ заавал эдгээнэ. Эцэст нь хэлэхэд Монголчууд та бүхэндээ дахин дахин талархлааа. Та бүхэндээ хамгийн сайн сайхныг хүсэн ерөөе” хэмээжээ.

Categories
мэдээ нийгэм

Монгол моторс групп шинэ загварын автомашинуудаа танилцууллаа

Монгол моторс групп хэрэглэгчийн өдрийг тэмдэглэж, шинэ загварын автомашинуудаа танилцуулав. Энэ удаад “Киа моторс” компани “OPTIMA” –гийн шинэ өнгө төрх, загварыг танилцуулсан юм. Үзэгч таны харах энэ машин бол хосолмол хөдөлгүүртэй “OPTIMA K5” машиныг тав дахь загвар. Байгаль орчинд ээлтэй, чамин, тансаг гэдгээрээ бусад суудлын автомашинаас онцлог юм. Харин “Хьюндай моторс” компанийн танилцуулсан шинэ машин бол хүнс болон ачааны тээвэрт ашиглахад тохиромжтой Н350. 2021 онд үйлдвэрлэсэн шинэ загварын энэ машинаас одоогоор таван ширхэгийг л оруулж иржээ.

May be an image of car

Ийнхүү “Монгол моторс групп” компани хоёр шинэ загварын машинаа танилцуулахаас гадна авсан машинаараа нэг сая км явсан жолооч нарыг шалгаруулж урамшууллаа. Киа брэндийн суудлын автомашин, бага даацын ачааны автомашин болон Хьюндай брэндийн ачааны автомашин, автобус, Мобис брэндийн оригинал сэлбэг хэрэгслийн албан ёсны дистрибьютер Монгол Моторс Групп ХХК нь хэрэглэгчдийнхээ дуу хоолойг сонсохыг чухалчилдаг. Тиймдээ ч борлуулалтын дараах үйлчилгээний чанар, шуурхай байдлыг нэмэгдүүлэх, баталгаат сэлбэг хэрэгслийг дуураймал сэлбэг хэрэгслээс хэрхэн ялгах, үр өгөөжийг хэрхэн тооцоолж сонголтоо хийх зэрэг мэдээллийг олгохоор хэрэглэгчийн өдөрлөгийг жил бүр зохион байгуулдаг юм.

May be an image of car

Categories
мэдээ нийгэм цаг-үе

2020 оны Монголын ТОП-100 аж ахуйн нэгжийг тодруулж байна

Монгол Улсын Засгийн газар, МҮХАҮТ хамтран 20 дахь жилдээ Монгол Улсын ТОП-100 аж ахуйн нэгжүүдийг эрэмбэлэн өргөмжлөх арга хэмжээг цахимаар зохион байгуулж байна.

ТОП 100 ААН-ийг эрэмбэлэхдээ Сангийн яам, Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Улсын бүртгэлийн ерөнхий газар, Үндэсний статистикийн хорооны албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ гэсэн үндсэн 5 үзүүлэлтийг чухалчилдаг байна.

Жагсаалтын 56-100-д эрэмбэлэгдэж байгаа компаниудын дийлэнх нь худалдаа, үйлчилгээний компаниуд байгаа юм.