Month: May 2021

Ардчилсан намын нэхэмжлэлтэй, Улсын бүртгэлийн ерөнхий газрын Хяналт шалгалт болон Хуулийн этгээдийн бүртгэлийн газарт тус тус холбогдох, Нийслэл дэх Захиргааны хэргийн анхан шатны шүүхийн шүүгчийн 2021 оны хоёрдугаар сарын 2-ны өдрийн “Хүсэлт шийдвэрлэж, хэрэг хянан шийдвэрлэх ажиллагааг түдгэлзүүлэх тухай” 955 дугаар захирамжийг хариуцагч болон гуравдагч этгээдийн гомдлоор хянан хэлэлцэх шүүх хуралдааны явцад талуудын гаргасан хүсэлтүүдийг хэлэлцэж нэхэмжлэгчийн итгэмжлэгдсэн төлөөлөгч Н.Нямжаргалын гаргасан шүүх хурал давхцсан тул уг шүүх хуралдаанд биечлэн оролцох боломжоор хангаж өгнө үү гэсэн хүсэлтийг хүлээн авав.

Иймд шүүх хуралдааныг долоо хоногоор хойшлуулж 2021 оны тавдугаар сарын 17-ны өдрийн 09:00 цагт товлож шийдвэрлэлээ гэж Захиргааны хэргийн давж заалдах шатны шүүхийн Тамгын газраас мэдээллээ.

Энэхүү хэргийг эргэн сануулахад, АН-ын дарга асан С.Эрдэнэ УБЕГ-т хандан шинэ тамга гаргах хүсэлт гаргасны дагууУБЕГ-ын улсын байцаагчийн шийдвэр гарч, АН-ын ашиглаж байсан тамга хүчингүй болж С.Эрдэнэд шинэ тамга олгосон юм.

Үүнээс үүдэн Ц.Тувааны тал дээрх шийдвэр нь холбогдох хууль, журмыг зөрчсөн гэж нийслэлийн Захиргааны хэргийн анхан шатны шүүхэд хандсан бөгөөд шүүхээс С.Эрдэнэд олгосон тамгыг хүчингүй болгох шийдвэр гаргасан юм. Давж заалдах шатны шүүх ийнхүү хоёронтоо хойшилж байна.

Ерөнхий сайд Л.Оюун-Эрдэнэ Засгийн газрын 100 хоногт хийсэн ажлын тайланг танилцуулах үеэр Цахим хөгжлийн дөрвөн багц хууль өргөн барьж буй талаар мэдээлэл өглөө.

Тэрбээр “Цахим хөгжлийн дөрвөн багц хууль өргөн барина. Ажлын хэсгийг ХЗДХ-ийн сайд Х.Нямбаатар ахалж байгаа. Энэ хуулиуд батлагдвал бид цахим гарын үсэгтэй болно. Мөн хувь хүний мэдээлэлтэй холбоотой хууль эрх зүйн боломж бүрдэнэ. Таны мэдээлэл рүү төр нэвтрэх боломжгүй болно гэсэн үг. Ийм оролдлого гарвал заавал сигнал танд имэйл хаягаар очно.

Төрийн серверүүд хувийн серверүүдтэй холбогдоно. Иргэн та 10 оронтой нэг кодтой болно. Регистрийн болон жолооны үнэмлэхний дугаар, эрүүл мэндийн даатгалын гэрчилгээний дугаар байхгүй болох юм.

Цахимаар гэрээсээ үйлчилгээ авах систем рүү орно. Энэ нь хүнд суртал авлигыг тодорхой хэмжээнд бууруулна. Хэрвээ цахим шилжилт хийгээгүй яам байвал авлигатай тэмцэх ерөнхий сайдын тэмцэлд нэгдээгүй гэж үзнэ.

Авлига авсан хүн, авлига үүсэж байгаа хөрс суурьтай тэмцэнэ” гэлээ.

Төрийн албан тушаалтнууд хөрөнгө орлогын мэдүүлгээ худлаа мэдүүлсэн тохиолдолд яах вэ гэсэн сэтгүүлчийн асуултад “Машингүй гэсэн мөртлөө машин унадаг, орон сууцгүй гэсэн мөртлөө өөр хүний нэр дээр орон сууцтай байгаад байдаг. Энэ асуудлыг цахим болгож цэгцэлнэ” хэмээн хариулав.

Улаанбаатар хотод энэ жил нийтийн эзэмшлийн 14.9 га газрыг нөхөн зүлэгжүүлж, 22.9 га газрыг шинээр зүлэгжүүлнэ.

Мөн навчит болон шилмүүст мод, бут сөөг, ургамал хашлагад нийт 548.232 мод, сөөг тарина.

Нийслэлийн Байгаль орчны газраас хаврын бүх нийтээр мод тарих өдрийг энэ сарын 15-22-нд зохион байгуулахаар төлөвлөжээ. БОАЖЯ, НЗДТГ, Ойн судалгаа хөгжлийн төв хамтран мод тарих өдрийг “Өрх бүр хашаандаа мод тарья” уриан дор зохион байгуулж, нийслэлийн 100 хороотой хамтран 5000 орчим айл өрх мод тарихаар “Тарьц, суулгац-2021″ цахим үзэсгэлэн худалдааг зохион байгуулж байна.

Нийслэлийн хэмжээнд 129.4 га талбайн ногоон байгууламжийн арчилгааг мэргэжлийн 44 аж ахуй нэгж, байгууллага хариуцдаг аж.

Баянзүрх дүүргийн 10 дугаар хороо Улаанхуарангийн 1-181 тоотод өнөөдөр буюу тавдугаар сарын 10-ны өдөр иргэн Т, Ж нар нь бүлэглэн нэр бүхий 10 иргэний дунд хууль бус автомат мөрийтэй тоглоомын 3 ширхэг ширээ ашиглан мөрийтэй тоглоом зохион байгуулж Эрүүгийн хуулийн 20.17 дугаар зүйлд заасан гэмт хэргийн шинжтэй үйлдлийг илрүүлэн таслан зогсоож Баянзүрх дүүрэг дэх цагдаагийн газрын Гуравдугаар хэлтэс материалжуулан шалгаж байна гэж Цагдаагийн хэвлэл мэдээллийн газраас мэдээллээ.

Хүнс, хөдөө аж ахуй, хөнгөн үйлдвэрийн яам 100 хоногт хийсэн ажлын тайлангаа танилцуулж байна.

Нийслэлийн Орон сууцны дэд бүтцийн газраас Хот суурин газрыг дахин хөгжүүлэх тухай хууль, Гэр хорооллын газрыг дахин төлөвлөн барилгажуулах үйл ажиллагааны журам, НИТХ-ын 2013 оны 7/29, 12/43 дугаар тогтоолыг тус тус үндэслэн, гэр хорооллын газрыг дахин төлөвлөн барилгажуулах байршлуудад төсөл хэрэгжүүлэх тухай битүүмжилсэн төсөл ирүүлэх сонгон шалгаруулалт зарласан.

Гэвч нийслэлийн нутаг дэвсгэрт короновируст халдвараас сэргийлэх, тархалтыг бууруулах бүх нийтийн бэлэн байдлын зэрэг, халдварын тархалтын улаан түвшинд шилжсэнтэй холбогдуулан сонгон шалгаруулалтын нээлтийн хугацаа 2021 оны тавдугаар сарын 14-ний 10:00-11:00 цагийн хооронд байсныг тавдугаар сарын 28-ны 10:00-11:00 цагийн хооронд хүлээн авахаар хойшлуулж байна.

БАГЦ	БАЙРШИЛ
1	Сонгинохайрхан дүүргийн 10 дугаар хорооны нутаг дэвсгэр Арьс ширний үйлдвэрийн ажилчдын байр орчим ГХДТ-2013/1/ багцын 11.5 га
2	Сонгинохайрхан дүүргийн 5, 6, 7 дугаар хорооны нутаг дэвсгэр, “Ханын материал” орчим ГХДТ-2013/2/ багцын “Б2”, “В”, “Г1” нийт 53.6 га
3	Сонгинохайрхан дүүргийн 1, 2, 20 дугаар хорооны нутаг дэвсгэр, “Цэргийн хотхон” орчимын А хэсэгчилсэн талбай /нийт 28.2 га/

Нэг. Төсөл хэрэгжүүлэхийг сонирхож буй этгээд нь шалгаруулалтад оролцож, урилгад заагдсан төсөл хэрэгжүүлэгчийн сонгон шалгаруулалтын баримт бичгийг авах хүсэлтээ бичгээр ирүүлэх ба эргэн төлөгдөхгүй нөхцөлөөр 300,000 (гурван зуун мянган) төгрөгийн төлбөрийн баримтын эх хувийг хавсаргасан байна.

Төлбөрийн данс: Нийслэлийн төрийн сан банк: УБ.ОСДБГазар 100200051029 тоот дансанд компанийн нэр, төслийн баримт бичгийн нэр, багцын дугаар, дансыг тодорхой бичнэ.

Хоёр. Урилгын дагуу төсөл хэрэгжүүлэгчийн сонгон шалгаруулалтын баримт бичгийг худалдан авч, танилцсан этгээд төсөл хэрэгжүүлэх саналаа зааврын дагуу битүүмжилсэн байдлаар эх хувь, хуулбар хувь, цахим хувийг бэлтгэн 2021 оны 05 дугаар сарын 28-ны өдрийн 10:00-11:00 цагийн хооронд Орон сууцны дэд бүтцийн газрын Бодлого хэрэгжилтийн хэлтэст /“Соёлын төв өргөө” 11 давхар 1115 тоотод/ хүлээлгэн өгнө. Тус өдрийн 11:40 цагт сонирхогчдод оролцогчдын мэдээллийг нээлттэй зарлана.

Оролцогчийн санал гаргагч нь сонгон шалгаруулалтын баримт бичигт тусгагдсан болон дор дурдсан нийтлэг материалуудыг бүрдүүлсэн байна. Үүнд:

1. Аж ахуйн нэгж байгууллагын гэрчилгээ, тусгай зөвшөөрлийн хуулбар, ерөнхий танилцуулга.
2. 2019, 2020 оны санхүүгийн тайлан, аудитын дүгнэлт.
3. Татвар, нийгмийн даатгал, банк болон бүх шатны шүүх, шийдвэр гүйцэтгэлийн газраас авсан тодорхойлолт.
4. Нотариатаар баталгаажуулсан гэрээ /Түншлэлийн хувьд талууд хамтран ажиллахаа илэрхийлсэн түншлэлийн гэрээ эсхүл барилга угсралт, зураг төсөл зэрэг үйл ажиллагааг гүйцэтгэх, хамтран ажиллах, туслан гүйцэтгэх гэрээ/.
5. Барилгажилтын төсөл /Загвар зураг, гадна шугам сүлжээний шийдэл/.
6. Төсөл хэрэгжүүлэх аргачлал, төлөвлөгөө, сараар гаргасан үйл ажиллагааны нарийвчилсан төлөвлөгөөний хамт.
7. Оршин суугчдыг төсөл хэрэгжүүлэх хугацаанд түр суурьшуулах төлөвлөгөө.
8. Зураг төслийн болон барилга угсралтын ажлын туршлага, сүүлийн 3 жилд хийж гүйцэтгэсэн барилга, хөрөнгө оруулалтын мэдээлэл.
9. Санхүүгийн эх үүсвэр /төсөлд шаардагдах нийт хөрөнгө оруулалтын эх үүсвэрийг нотолсон дансны хуулга, зээлжих эрх, банкны баталгааг Монгол хэлээр орчуулж, баталгаажуулсан байх/.

ТӨСЛИЙН ТАЛААРХ ДЭЛГЭРЭНГҮЙ МЭДЭЭЛЭЛ

Хаяг: Монгол улс, Улаанбаатар хот, Сүхбаатар дүүрэг, 8 дугаар хороо,

Амарын гудамж, “Соёлын төв өргөө” 11 давхар 1115 тоот,

Утас: 7011-0733 /ажлын цагаар/,

Вэб сайт: www.hia.ub.gov.mn

НИЙСЛЭЛИЙН ОРОН СУУЦНЫ ДЭД БҮТЦИЙН ГАЗАР

Мэргэжлийн хяналтын ерөнхий газрын мэдээллийг хүргэж байна.

Халдваргүйжүүлэлт:

Улсын хэмжээнд нийт 207 аж ахуйн нэгж, байгууллага, нийтийн эзэмшлийн гудамж талбайд хийгдсэн 66.688 м2 талбайд хийгдсэн урьдчилан сэргийлэх халдваргүйжүүлэлт, 98 объектын 30.320 м2 талбайд хийгдсэн голомтын эцсийн халдваргүйжүүлэлтэд хяналт тавин ажилласан. Хяналт шалгалтаар зөрчил илрээгүй байна.

Вакцинжуулалт:

Орон нутгийн хэмжээнд хяналт шалгалтад хамрагдсан дархлаажуулалтын цэгүүдэд нийт вакцин тариулсны дараах урвал хүндрэл илрээгүй бөгөөд шалгалтаар илэрсэн гурван дутагдлыг арилгуулах талаар мэргэжил арга зүйн зөвлөгөө өгчээ. Тухайлбал, цэгийн вакцины өрөө агааржуулалтгүй, салхивчгүй, байгалийн гэрэлтүүлэггүй байжээ.

Вакцин татан авалт: 2021.05.09-10-ны өдрийн хоёр удаагийн нислэгээр БНХАУ-с нийлүүлэгдэж буй Синофарм үйлдвэрийн 642400 хүн/тун Веросел вакцины хадгалалт, тээвэрлэлтийн байдалд хяналт тавин ажилласан. Вакцины савалгааг шалгахад хайрцаг тус бүрт freeze tag, мөсөн гелен элемент байрлуулсан, хайрцаг нь хөөсөнцөр хана болон тагтай, савалгаа нь бүрэн, бүтэн, хаягжуулалт тод, гаргацтай, эвдрэл, гэмтэл, цоорсон, хаяг, шошгон дахь мэдээлэл арилж баларсан тохиолдол илрээгүй байна.

Орон нутаг руу тээвэрлэгдэж буй вакцины хадгалалт, тээвэрлэлтийн горимд мэргэжлийн хяналтын байгууллагаас хяналт тавьж байгаа бөгөөд 05.08-ны өдөр хүртэлх байдлаар 21 аймаг руу тээвэрлэгдсэн нийт 510788 хүн/тун вакцины тээвэрлэлтийн явцад хадгалалтын дэглэм алдагдаагүй, илэрсэн зөрчилгүй байна.

Aюултай хог хаягдал:

Орон нутгийн хэмжээнд 10 аймгаас ирүүлсэн тандалтын мэдээгээр 112 эмнэлэг, эм хангамжийн байгууллага, 23 тусгаарлан ажиглах байр, 41 сорьц цуглуулах, түргэвчилсэн оношилгооны цэг, 77 дархлаажуулалтын түр цэг нийт 252 цэгээс 3164,9 кг хог хаягдал тээвэрлэж, цуглуулсан байна. Тухайн өдөр 1558,3 кг хогийг устгаснаас 1061 кг хогийг халдваргүйжүүлсний дараа булж, 680,3 кг хог хаягдлыг шатаах зууханд шатааж устгасан байна.

Нийслэлийн хэмжээнд Улаанбаатар хотын эрүүл мэндийн байгууллагын аюултай хог хаягдал устгалын төвлөрсөн байгууламж болох Элемент ХХК, Элемент медикал ХХК-д өдөр бүр хяналт, тандалт хийж байгаа бөгөөд 05.09-ний өдөр 7 эмнэлэг, эм хангамжийн байгууллага, 35 тусгаарлан ажиглах байр, 18 сорьц цуглуулах, түргэвчилсэн оношилгооны цэг, 51 дархлаажуулалтын түр цэг, Буянт-Ухаа боомт дахь ХМХА зэрэг нийт 111 цэгээс 4971,4 кг хог хаягдал тээвэрлэж, цуглуулсан байна. Цуглуулсан 4813 кг хогийг устгасанаас 3471,6 кг хогийг халдваргүйжүүлсний дараа булж, 1341,4 кг хог хаягдлыг шатаах зууханд шатааж устгасан байна. Дээрх үйл ажиллагаанд 7 тээврийн хэрэгсэл, 24 хүн ажиллажээ.

Зөвлөн туслах үйлчилгээ, түр журмын хэрэгжилт:

Орон нутгийн хэмжээнд 121 обьектод зөвлөн туслах үйлчилгээ үзүүлж, түр журмын хэрэгжилтэд хяналт тавин ажиллаж байна. Шалгалтаар 272 зөрчил илрүүлэн 40 хувийг нь газар дээр нь арилгуулж, 13 объектод зөвлөмж хүргүүлэв.

Нийслэлийн хэмжээнд Давхардсан тоогоор хүнсний худалдааны 386, хүнсний үйлдвэр 1, хоол үйлдвэрлэл үйлчилгээний 23, хүнсний бус бараа бүтээгдэхүүний худалдааны 40 төв зэрэг нийт 568 аж ахуйн нэгж, байгууллага, иргэн шалгалтад хамрагдаж, 49 зөрчлийг илрүүлэн 83.7%-ийг газар дээр нь арилгуулж, мэргэжил арга зүйн зөвлөгөө өгсөн. Хан-Уул дүүргийн Фермерүүд захад албан шаардлага, Хүннү молл худалдааны төвд зөвлөмж хүргүүлжээ.

Хилийн хяналт шалгалт:

Улс хоорондын ачаа тээшийн тээвэрлэлт, эрдэс баялгийг экспортлох үеийн эрүүл ахуй, халдвараас сэргийлэх дэглэмийн мөрдөлт, халдваргүйжүүлэлтийн үйл ажиллагаанд хяналт шалгалт хийгдэж байгаа бөгөөд 05.09-ний өдөр улсын хилээр орсон 218 тээврийн хэрэгсэлд урьдчилан сэргийлэх болон эцсийн халдваргүйжүүлэлтийг хийж, 189 зорчигч жолоочид эрүүл мэндийн хяналт тандалт хийж, COVID-19 халдвараас сэргийлэх талаар зөвлөгөө өгсөн. Мөн улсын хилээр гарсан 193 тээврийн хэрэгсэлд урьдчилан сэргийлэх болон эцсийн халдваргүйжүүлэлтийг хийж, 162 зорчигч жолоочид эрүүл мэндийн хяналт тандалт хийж, COVID-19 халдвараас сэргийлэх талаар зөвлөгөө өгсөн. Тээврийн хэрэгслийн жолооч, зорчигч нарт халдварын шинж тэмдэг илрээгүй.

Лабораторийн мэдээлэл

2021.05.09-ний өдөр улсын хэмжээнд мэргэжлийн хяналтын байгууллагын харьяа 25 лабораторид 98 дээж шинжилгээнд ирж, 94 дээжийн хариу гарсан бөгөөд хүнсний түүхий эд, бүтээгдэхүүний 1 дээж шаардлага хангаагүй байна.

Эх сурвалж: МХЕГ