Month: May 2021

Баруун бүсийн төв-Ховд аймгийн Онцгой байдлын газрын Гал түймэр унтраах, аврах 48 дугаар ангийн “Гал унтраах, аврах ажиллагааны тусгай зориулалтын авто машины граж”-ийн өргөтгөлийн барилгыг орон нутгийн 150 сая төгрөгийн хөрөнгө оруулалтаар барихаар төлөвлөсөн.

Эхний ээлжинд энэ жил 75 сая төгрөгийг төсөвт суулгаж, авто гражийн өргөтгөлийн барилгыг “Зөөлөн тэмүүлэл ХХК” барьж гүйцэтгэхээр болж, барилгын суурь ажлыг эхлүүллээ.

Онцгой байдлын газар нь 5 автомашины багтаамж бүхий автогражтай. Монгол Улсын Засгийн газар, Бүгд Найрамдах Беларусь Улсын Засгийн газартай хамтран хэрэгжүүлсэн “Онцгой байдлын албаны гамшигтай тэмцэх техник, тоног төхөөрөмжийн хүчин чадлыг сайжруулах төсөл”-ийн хүрээнд тус газарт өнгөрсөн хавар тусгай зориулалтын 3 авто машиныг нийлүүлсэн. Эдгээр авто машиныг хадгалах гражны хүрэлцээ муу учир ийнхүү гал унтраах, аврах ажиллагааны тусгай зориулалтын 4 автомашины граж барих юм гэж Баруун бүсийн төв-Ховд аймгийн Онцгой байдлын газраас мэдээллээ.

Өнгөрсөн шөнө 03:00 цагийн орчимд Сонгинохайрхан дүүрэг, Хөрс худалдааны төвийн эсрэг талд согтуу жолооч замын хажуугийн 10 гаруй метр урт хашлага болон нарс мод дайрсан хэрэг гарчээ. Тээврийн цагдаагийн албанаас жолоочид хариуцлага тооцохоор ажиллаж байна.

Иймд Тээврийн цагдаагийн албанаас өөрийнхөө болон бусдын эрүүл мэнд, амь нас, нийтийн өмчийг хамгаалж, согтуугаар тээврийн хэрэгсэл жолоодохгүй байхыг анхааруулж байна.

ОБЕГ-ын харьяа Үндэсний аврах бригадын Агаарын ажиллагааны салбараас шүхэрчин аврагчдын дадлага буултыг “Үдлэг” нислэг буултын талбайд зохион байгуулж байна.

Шүхрийн зааварлагч, шүхэрчин аврагч, десантчин аврагч, нисэх төхөөрөмжийн нисгэгч нарын ур чадварыг дээшлүүлэх зорилготой юм.

Алба хаагчид нисдэг тэргээр нислэг үйлдэж, шүхрийн буулт хийж дадлага туршлагаа ахиулж байна гэж ОБЕГ-ын харьяа Үндэсний аврах бригадаас мэдээллээ.

Шинэ орон сууцны дундаж үнэ 2.6 сая төгрөг хүрч, өмнөх сараас нэг хувиар өсчээ.

Харин өмнөх оны мөн үетэй харьцуулахад 8.8 хувиар өссөн үзүүлэлттэй байгааг “Тэнхлэг зууч” компаниас мэдээлэв.

Дөрөвдүгээр сарын байдлаар орон сууцны үнийн ерөнхий индекс 1.178 нэгж хүрч, өмнөх сараас 1.2 хувиар өссөн байна. Үүнд шинэ болон хуучин орон сууцны үнийн индексийн өсөлт голлон нөлөөлжээ. Нийлүүлэлтийг харвал, нийтийн орон сууцны 388 төслөөс 250 нь захиалга авч байна. Үүний дийлэнх нь Хан-Уул, Баянзүрх дүүрэгт хэрэгжиж байгаа аж.

Өнөөдөр хаврын бүх нийтээр мод тарих өдөр тохиож байна. Энэ өдөр Байгаль орчин, аялал жуулчлалын яамнаас “Өрх бүр хашаандаа мод тарья” аяны нээлт боллоо. Тус аяны хүрээнд нийслэлийн 6 дүүргийн 100 хороонд 25000 хашаанд мод суулгах бэлтгэл ажлыг хангасан бөгөөд хамгийн олон гэр хорооллын өрхтэй Сонгинохайрхан дүүргээс аяныг эхлүүллээ.

Цагдаагийн байгууллагад 2021 оны 05 дугаар сарын 14-ний өдөр ирсэн дуудлага, мэдээллийг хүргэж байна.

Өчигдөр цагдаагийн ерөнхий газрын 102 утсанд иргэдээс 1765 гомдол, мэдээлэл иржээ.

Мөн зөрчлийн 1499, гэмт хэргийн 74, хулгайн 18, гэр бүлийн хүчирхийлэл, 129, согтуугаар автомашин жолоодсон 77, эрүүлжүүлсэн 187, хүний биед халдсан 56, архидан согтуурсан нийт 82 тохиолдол бүртгэгдсэн байна.