Month: April 2021

Categories
мэдээ цаг-үе

ЭМЯ: 8600 орчим иргэн гэрийн тусгаарлалтад байна

Гэрийн ажиглалт гэсэн тэмдэглэгээ наах ажлыг тухайн орон нутгийн Онцгой комисс нь шийдвэрлэн хэрэгжүүлж байгаа“

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцууллаа.

ЭМЯ-ны хэвлэлийн ажилтан Б.Ууганбаяр “Сүүлийн 24 цагт 1169 хүнээс халдвар илэрч, батлагдсан тохиолдол улсын хэмжээнд 25364 болж байна.

Орон нутагт бүртгэгдсэн халдварууд:

Архангайд 79 хүн, Баян-Өлгийд 5, Баянхонгорт 22, Булганд 9, Говьсүмбэрт 21, Дархан-Уулд 142, Дорноговьд 1, Дорнодод 16, Дундговьд 35, Орхонд 93, Өвөрхангайд 31, Сүхбаатарт 77, Сэлэнгэд 49, Төв аймагт 168, Увсад 20, Ховдод 96, Хөвсгөлд 14, Хэнтийд 28 хүн эмнэлэгт хэвтэн эмчлүүлж байна.

Сүүлийн 24 цагт 486 хүн эдгэрсэн ингээд нийт эдгэрсэн хүний тоо 13,346 боллоо. Халдварын улмаас 3,658 хүн эмнэлэгт хэвтэн эмчлүүлж байгаагаас

  • Хөнгөн 2166
  • Хүндэвтэр 1164
  • Хүнд 270
  • Маш хүнд 58 хүн байна.

Хөнгөн хэлбэрээр өвчлөн гэртээ тусгаарлагдаж байгаа 4942 иргэнд өрхийн эрүүл мэндийн төвөөс хяналт тавьж байна. Нийтдээ 8600 орчим хүн гэрийн тусгаарлалтад байгаа.

Өнгөрсөн хоногт таван нас баралт /71, 36, 65 настай эрэгтэй, 93, 83 настай эмэгтэй/ бүртгэгдлээ. Нас барсан таван хүний нэг нь нийслэлд, нэг нь Завхан аймагт эмчилгээ хийлгэж байсан.

Маш хүнд байгаа хүний тоо нэмэгдэхийн хэрээр нас баралт нэмэгдэж байгаа” гэлээ.

Categories
мэдээ нийгэм цаг-үе

Өдрийн сонинд нэрт нийтлэлч Баабарын “Сүрэг” нийтлэл хэвлэгдлээ


Өглөө бүр тантай хамт байдаг “Өдрийн сонин”-ы лхагва гаригийн дугаар 12 нүүрээр хэвлэгдэж, та бүхний гар дээр хүрч байна.

Өдрийн сонины тэргүүн нүүрт Академич Р.Гончигдорж “Цэц УИХ-ын хууль
тогтоох эрх мэдэл рүү халдах
боломжгүй” хэмээснийг I, II нүүрээс уншаарай.

Багануур дүүргийн
Прокурорын газрын ахлах
прокурор Б.Чинбилиг “Хар тамхи, мансууруулах бодисын
эрэлт хэрэгцээ, гэмт хэргийн тоо
бодитой буураагүй” хэмээн I, VII нүүрт ярилаа.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол”-ын гуравдугаар нүүрт нэрт нийтлэлч Баабарын “Сүрэг” нийтлэл хэвлэгдлээ.

ХӨСҮТ-ийн Үйлдвэрчний хорооны даргаО.Баатарчулуун “Засгийн газар, УОК цар тахлын дэгдэлтийн бурууг ХӨСҮТ-д тохох гэж байна” гэв.

“Өдрийн сонин”-ы “Өөрөөс нь” буланд Д.Нацагдоржийн шагналт зохиолч, яруу найрагчЦ.Буянзаяа “Хүн сэтгэлийн амьтан гэхээсээ
илүүтэйгээр сэтгэл зүйн амьтан л даа” хэмээн өгүүллээ.

Харилцаа холбоо,
мэдээллийн технологийн
газрын Стратеги бодлого
төлөвлөлтийн газрын
дарга З.Гантогоо “Коронавирусийн
халдварт өртсөн байж болзошгүйг
мэдээлэх аппликэйшнийг үр дүнтэй
ашиглахад хоёр зүйл чухал” гэлээ.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы лхагва гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу. Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу.

“ӨДРИЙН СОНИН” ӨГЛӨӨ БҮХЭН ТАНТАЙ ХАМТ

Categories
мэдээ цаг-үе

ЭМЯ: 1169 хүнээс халдвар илэрч, таван хүн нас барлаа

Coronavirus in Philippines: how the COVID-19 affects Philippines

Коронавируст халдварын нөхцөл байдлын талаар Эрүүл мэндийн яамнаас ээлжит мэдээллээ хүргэж байна.

ЭМЯ-ны Хэвлэлийн төлөөлөгч Б.Ууганбаяр “Сүүлийн 24 цагт хүнд 15005 PCR шинжилгээ хийхэд 1169 хүнээс халдвар илэрлээ. Эдгээрийн 1039 нь Улаанбаатар хотод, орон нутагт 129 байна. Эдгээрийн нэг тохиолдол нь эмнэлэгийн ажилтнаас илэрчээ.

Ингэснээр Улсын хэмжээнд нийт батлагдсан тохиолдол 25364 боллоо.

Халдвар авсан 5 хүн нас барсан байна. Нийт нас баралт 56 боллоо. 71 настай эрэгтэй, 36 настай эрэгтэй, 93 настай эмэгтэй, 83 настай эмэгтэй, 65 настай эрэгтэй тус тус коронавирусийн нэн хүнд хэлбэрээр нас барлаа.

Сүүлийн 24 цагт 486 хүн эмчлэгдэж, эмнэлгээс гарлаа. Ингэснээр нийт эдгэрсэн хүний тоо 13346 болов.

Өнөөдрийн байдлаар 3358 хүн эмчлэгдэж байна.

Categories
мэдээ спорт цаг-үе

ДАШТ-ээс Монголын тамирчид хоёр хүрэл медаль хүртлээ

Э.Сүхбат, А.Хулан нар өнөөдөр мөнгөн медалийн төлөө тулалдана

Польшийн Киелче хотноо болж буй өсвөрийн дэлхийн аварга шалгаруулах тэмцээнд оролцож буй Монгол Улсын шигшээ баг хоёр хүрэл медальтай эх орондоо ирэхээр боллоо.

Эмэгтэйчүүдийн 51 кг-д Алтанбекийн Хулан 16/1 шигшээд гоц мөргөж, шөвгийн наймд үлдэх тоглолтод Украины Дарья ОЛьга Хутаринаг 4:1, медалийн төлөө Казахстаны Гульнара Турапбайг 5:0-ээр хожоод байсан. Өчигдөр мөнгөн медалийн төлөө ОХУ-ын Валерия Линьковад 0:5 хожигдон хүрэл медаль хүртэхээр болоо.

Эрэгтэй 52 кг-д Энхзоригтын Сүхбат 32, 16-д Германы Франциско Мессинео, Энэтхэгийн Викаш нарыг 5:0, 4:1-ээр хожин, медалийн төлөө тулаанд Испанийн Пантоха Мореног бүх талаар илүүрхэн ялсан. Өчигдөр мөнгөн медалийн төлөөх тулаанд ОХУ-ын Евгений Жоровтой тулалдаж 0:5 оноогоор хожигдлоо. Тоглолт манай тамирчны хяналт дор явагдсан ч шүүгчдийн шийдвэр нөгөө талд гарсан юм. Дэлхийн 50 гаруй улсын баг оролцсон энэ удаагийн ДАШТ-ээс Монгол Улс ийнхүү хоёр хүрэл медаль хүртлээ.

Categories
гадаад мэдээ

Израиль хүлэмжийн хийг 80 хувиар бууруулна

Израилийн Эрчим хүчний яам хүлэмжийн хийн ялгарлыг 2050 он гэхэд 80 хувиар бууруулах гэнэ. Орон нутгийн хэвлэлд дурдсанаар тус улсын Засгийн газраас өнгөрсөн ням гаригт үндэсний төлөвлөгөөгөө танилцуулсан байна. Түүнд дурдсанаар 2025 он гэхэд нүүрсээр галладаг бүх цахилгаан станцыг хаах гэнэ. Мөн 2050 он гэхэд эрчим хүчний салбараас ялгарах хүлэмжийн хийг 75-85 хувиар бууруулахаар зорьж байгаа юм. Нарны эрчим хүчний үйлдвэрлэлийг нэмэгдүүлэх зорилгоор нэгж үйл ажиллагаанд ногдох эрчим хүчний зарцуулалтыг жил тутам 1.3 хувиар бууруулах гэнэ.

Д.ЦЭРЭНДОЛГОР

Categories
мэдээ цаг-үе

Эрүүл мэндийн яамнаас хатуу хөл хориог 7-14 хоног сунгах санал гаргажээ

Засгийн газраас дөрөвдүгээр сарын 10-25-ныг хүртэл хатуу хөл хориог тогтоох шийдвэр гаргасан. Хөл хорионы үед халдварын тоо өндөр хэвээр, нас баралт ихсэж байгаа учир хатуу хөл хориог 7-14 хоног сунгах саналаа Эрүүл мэндийн яамнаас гаргажээ.

Хөл хорионы хугацаа дуусах дөхөж буй тул хөл хориог сунгах тухай тус яамны саналыг өнөө орой болох УОК-ын хурлаар хэлэлцэж, Засгийн газарт уламжлах юм байна.

ЭМЯ-наас хатуу хөл хориог анхнаасаа 14-28 хоног сунгах санал хүргүүлсэн боловч эдийн засагт сөрөг нөлөөтэй хэмээн үзэж 15 хоногоор тогтоожээ.

Categories
их-уншсан мэдээ онцлох-нийтлэл туслах-ангилал улс-төр

Авах вакциныхаа үнийг одоо хүртэл төлөөгүй байгаа юу

Хөл хорионы үеэр дархлаажуулалтдаа хамрагдана гэсэн иргэдийн хүлээлт талаар болсон. Хоёрдугаар тун вакцинаа хугацаанд нь хийлгэж чадаагүй иргэд төр засгийн шийдвэрийг хүлээсээр сууна. Мэдээж эрх мэдэлтэй, танил тал сайтай хүмүүс нь цаг алдалгүй вакцинаа хийлгэчихсэн байж таараа. Энгийн иргэдийн тухайд “Бухын доодохыг харж үнэг турж үхнэ” гэгч л болж байна. Энэ байдал цаашид ч хэвээр үргэлжлэх бололтой. Засгийн газар ирэх долоо хоногоос Синофарм вакцины хоёрдугаар тунгийн вакцинжуулалт эхэлнэ, одоогоор 14.1 сая тун вакцины 11 төрлийн гэрээ хийгдэж байгаа хэмээн мэдэгдээд байсан. Гэсэн ч Засгийн газар вакцин авах гэрээ хэлцлүүдээ эцэслэн шийдэж, үнэ хөлсөө ч төлөөгүй бололтой юм. Энэ талаараа Засгийн газрын хуралдаанаар өнөөдөр л ярилцаж, вакцин худалдан авах төсвөө хаанаас, хэрхэн гаргах вэ гэдгээ шийдэх юм байна.

Энэ нь ч үнэний ортойдог. Саяхан Шадар сайд С.Амарсайхан ОХУ-аас Монгол Улсад суугаа Онц бөгөөд Бүрэн эрхт Элчин сайд И.К.Азизовыг хүлээн авч уулзжээ. Талууд уулзалтаар ОХУ-аас “Спутник-V” вакцины нэг сая тунг ойрын хугацаанд нийлүүлэх асуудлаар хэлэлцэн, санал солилцож. Энэ үеэр Элчин сайд И.К.Азизов “Гэрээ хэлэлцээрийн хүрээнд вакцин татан авах Монголын талын санал хүсэлтийг уламжлах болно” гэдгээ мэдэгдсэн байна. Товчхондоо талууд вакцин авах тухай санал л солилцож, манай талын санал хүсэлтийг цааш уламжлах тухайгаа л Элчин сайд илэрхийлсэн байгаа юм. Ямар ч зүйл тодорхой шийдэгдээгүй, зөвхөн санал солилцох, хэлэлцээ хийх шатандаа яваа гэдэг нь энэ уулзалтаар түвэггүй харагдаж байна. Зах дээр гучин жил зогссон монголчууд үнийг нь төлөөгүй бол наймаа бүтдэггүй гэдгийг мэдэхийн цаагуур мэднэ. Хоёр жил вакцин яриад одоо хүртэл мөнгө нь шийдэгдээгүй байгааг юу гэж ойлгох вэ. Бид ямар хүмүүсээр удирдуулаад байна вэ гэдгээ бодож үзэх цаг ирсэн байна.

Categories
мэдээ

“АстраЗенека” вакцины 50400 тун өнөөдөр бууна

AstraZeneca Could Have Vaccine Against South African Variant By End-2021: Report

Олон улсын вакцин хангамжийн КОВАКС хөтөлбөрийн хүрээнд өнөөдөр /2021.4.21/ “АстраЗенека” вакцины 50400 тунг хүлээн авна. Хөл хорионы үе тул вакциныг хүлээж авах албан ёсны үйл ажиллагаа болохгүй аж. Тус хөтөлбөрийн хүрээнд Монгол Улсад гурав дахь ээлжийн вакциныг хандивлаж буй нь энэ юм. Анх гуравдугаар сарын 12-нд “АстраЗенека” вакцины 14400 тун, гуравдугаар сарын 24-нд “Файзер” вакцины 25740 тунг хандивласан юм. “Файзер” вакциныг эрхтэн шилжүүлэн суулгасан болон, архаг хууч өвчтэй, дархлаа нь сул байгаа иргэдэд хийсэн билээ.

Монгол Улсын Засгийн газар Хятадын “Синофарм” компаниас “ВероСелл” вакцины 900 мянган тун, ОХУ-ын шууд хөрөнгө оруулалтын сангаас “Спутник V” вакцины нэг сая тунг худалдан авах гэрээ байгуулсан. Үүнээс “ВероСелл” вакцины 300 мянган тунг хүлээн авсан. Одоо Хятадаас “ВероСелл” вакцины 600 мянган тун мөн ОХУ-аас “Спутник V” вакцины нэг сая тунг авахаар ажиллаж байгаа юм. Эх сурвалжийн мэдээлж буйгаар дээрх вакцинууд тун удахгүй ирэх ажээ.

Монгол Улс нь “АстраЗенека”, “Синофарм” компанийн “ВероСелл”, мөн “Спутник V”, Файзер зэрэг дөрвөн төрлийн нийт 800 мянга 140 тун вакцин хүлээн авсан юм. Тодруулбал,
  • Хоёрдугаар сарын 22-ны өдөр хүмүүнлэгийн шугамаар БНЭУ-ын Засгийн газраас “АстраЗенека” вакцины 150 мянган тун
  • Хоёрдугаар сарын 22-ны өдөр Хятадын Засгийн газраас хүмүүнлэгийн шугамаар “Синофарм”-ын “ВероСелл” вакцины 300 мянган тун
  • Хоёрдугаар сарын 27-ны өдөр арилжааны шугамаар ОХУ-аас “Спутник V” вакцины 10 мянган тун
  • Гуравдугаар сарын 12-ны өдөр олон улсын вакцин хангамжийн “КОВАКС ” хөтөлбөрийн шугамаар “AstraZeneca” вакцины 14.400 тун,
  • Гуравдугаар сарын 24-ний өдөр уг хөдөлбөрийн шугамаар “Файзер” вакцины 25.740 тун,
  • Дөрөвдүгээр сарын 2-ны өдөр “ВероСелл” вакцины 300 мянган тунг арилжааны шугамаар тус тус хүлээн авсан юм.
Categories
гадаад мэдээ

Азийн “Давос” өнөөдөр өндөрлөнө

Жил бүр уламжлал болгон зохион байгуулж ирсэн Боаогийн Азийн чуулга уулзалт үргэлжилж байна. Хятадын Хайнань мужийн Боао хотноо өнгөрсөн мягмар гаригт эхэлсэн уг форум “Хувьсан өөрчлөгдөж буй дэлхий ертөнц: “Бүс ба зам” гэсэн уриан дор болж байгаа юм.

БНХАУ-ын дарга Си Жиньпин чуулга уулзалтыг нээж үг хэлэхдээ “Хятад улс коронавируст цар тахалтай тэмцэхдээ бусад улстай хүчин чармайлтаа нэгтгэх зорилгоор нээлттэй байдлаа нэмэгдүүлнэ. Олон талт хамтын ажиллагааны зарчим, Дэлхийн худалдааны байгууллагын статусыг бэхжүүлэхийг дэмжиж байна. Бид ард түмнийхээ ашиг сонирхолд онцгой анхаарал хандуулах, амь насыг нь хамгаалах, эрүүл мэндийн хөгжлийн түвшинг нь дээшлүүлэх ёстой. Цар тахал үргэлжилсээр байгаа ч бид даван туулах болно” гэж цохон тэмдэглэжээ. Тэрээр цааш нь хэлэхдээ “Өнөөдөр өндөрлөх тус форумд 60 гаруй улсын 2600 гаруй төлөөлөгчөөс гадна 18 улсын мэдээллийн агентлаг, 160 гаруй хэвлэл мэдээллийн байгууллагын төлөөлөл хурлыг газар дээрээс нь сурвалжилж байна.

Энэ нь цар тахлаас хойш өргөн хүрээг хамарсан олон улсын анхны томоохон арга хэмжээ болж буйг дэлхийн хэвлэл мэдээллийн хэрэгслүүдэд онцолжээ.

Д.ЦЭРЭНДОЛГОР

Categories
мэдээ цаг-үе

Нэгдүгээр улирлын НӨАТ-ын буцаан олголтыг өнөөдөр иргэдийн дансанд шилжүүлнэ

НӨАТ-ын буцаан олголтыг 2020 оноос улирал тутамд олгоно

НӨАТ-ын 2021 оны нэгдүгээр улирлын буцаан олголтын урамшуулал өнөөдөр буюу 2021 оны дөрөвдүгээр сарын 21-ны өдөр иргэдийн дансанд орно. Нийт 1.023.235 иргэн 40.6 тэрбум төгрөгийн буцаан олголт авна.