Улсын хэмжээнд 03 дугаар сарын 16-ны өдрийн байдлаар 39 тусгаарлан ажиглах байранд нийт 1976 иргэн байна.
Үүнээс нийслэлд 26 тусгаарлан ажиглах байранд 1818 иргэн, орон нутагт 13 тусгаарлан ажиглах байранд 158 иргэн байгаа юм.
Тусгаарлан ажиглах байранд Онцгой, Цагдаа, Эрүүл мэндийн байгууллагын нийт 432 алба хаагч хамтран үүрэг гүйцэтгэж байна гэж УОК-ын Шуурхай штабаас мэдээллээ.
Өнөөдөр УИХ дахь хоёр Байнгын хороо хуралдана. Тодруулбал:
1.Нийгмийн бодлогын байнгын хорооны хуралдаан 10.00 цагаас “Их Эзэн Чингис хаан” танхимаас цахим хэлбэрээр хуралдаж. дараах асуудлыг хэлэлцэнэ.
2.Төрийн байгуулалтын байнгын хорооны хуралдаан 11.00 цагаас “Жанжин Д.Сүхбаатар” танхимаас цахим хэлбэрээр хуралдана.
Мэргэжлийн сүмогийн харү башёгийн хоёр дахь өдрийн барилдаанууд өчигдөр (2021.03.15) явагдлаа. Харамсалтай нь, энэ удаагийн башёд барилдаж байсан ганц ёкозүна болох Хакүхо М.Даваажаргал баруун өвдөгний бэртлээ сэдрээн, үлдсэн башёг өнжихөөр болжээ. Өдгөө 36 настай их аваргын хувьд ийнхүү сүүлийн таван башёг өнжиж, эсвэл дундаас нь орхиж байна. Тэрбээр башёгийн хоёр дахь өдөр Такарафүжиг давсан бөгөөд энэ үеэр өвдөгний бэртлээ сэдрээжээ.
.
Орхон аймгийн Баян-Өндөр сумын Хүрэнбулаг багийн 20 дугаар байр дулааны шугамын худаг руу хүн унажээ. Энэ тухай дуудлагыг 03.15-ны өдрийн 22:26 цагт хүлээн авсан байна.
Тус аймгийн Гал түймэр унтраах, аврах 56 дугаар ангийн алба хаагчид 3.5 км замыг туулан 22:31 цагт очиж, иргэн Ө /59 настай, эрэгтэй согтуу/ 4 метрийн дулааны шугамын худагт унасан байсныг 8 минут ажиллан эсэн мэнд гаргажээ. Тэр даруй эмнэлгийн байгууллагад хүлээлгэн өгсөн гэж ОБЕГ-аас мэдээллээ
Дархлаажуулалтыг доорх дарааллын дагуу хийж байна. Вакцинд хамрагдах зорилтот бүлэгт:
-Эрүүл мэндийн салбар
-Хариу арга хэмжээний багийн гишүүд
-Худалдаа үйлчилгээ
-Үйл ажиллагаа нь зогсолтгүй явагдах шаардлагатай байгууллагууд
-Ерөнхий боловсролын сургуулийн багш, ажилчид
-60-64 насныхан
Монголын Үндэсний Бөхийн Холбооны Тэргүүний үүрэг гүйцэтгэгч Ц.Магалжав 2021 оны гуравдугаар сарын 14-ний өдөр Аваргуудын зөвлөл болох аваргуудтай уулзлаа. Уулзалтад Улсын аварга О.Балжинням, С.Мөнхбат, Г.Эрхэмбаяр, Ч.Санжаадамба, Н.Батсуурь, П.Бүрэнтөгс, аймгийн арслан Р.Дамдин, аймгийн заан Р.Сэддорж нар оролцож Монгол Үндэсний өв соёл болох үндэсний бөхийнхөө талаар санал солилцсон юм.
Коронавируст халдварын нөхцөл байдлын талаар мэдээлэл хүргэж байна.
ХӨСҮТ-ийн Халдварт өвчний тандалт, судалгааны албаны дарга Ж.Байгалмаа “Сүүлийн хоногт 11183 хүнд хийсэн коронавирусийн халдвар илрүүлэх шинжилгээний явцад 127 хүнээс халдвар илэрсэн.
Сүүлийн 24 цагт зөөвөрлөгдсөн тохиолдол бүртгэгдээгүй. Эдгээр нь Улаанбаатар хот болон Архангай аймагт бүртгэгдсэн. Ингэснээр Улаанбаатар хотод бүртгэгдсэн халдварын тоо 3329, аймаг орон нутагт 349-д хүрлээ.
Сүүлийн 24 цагт 52 хүн эдгэрч, эмнэлгээс гарлаа. Нийт халдварын тохиолдлын 73 хувь буюу 3083 хүн эдгэрээд байна.
Одоогоор 1014 хүн эмчлэгдэж буй бөгөөд биеийн байдлын зэргийг үнэлвэл:
Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ХӨСҮТ-өөс танилцууллаа.
ХӨСҮТ-ийн албаны дарга Ж.Байгалмаа “Сүүлийн хоногт 11183 хүнд хийсэн коронавирусийн халдвар илрүүлэх шинжилгээний явцад 127 хүнд халдвар илэрсэн. Шинээр илэрсэн 127 тохиолдлын 123 нь хяналтад авсан голомтод илэрсэн тохиолдлуудын ойрын хавьтлын хүмүүс, дөрвөн хүний халдвар авсан эх уурхайг тогтоохоор ажиллаж байна. Ингэснээр нийт батлагдсан тохиолдол 4210 боллоо. Шинээр илэрсэн тохиолдлуудаас нэг нь Архангай аймагт батлагдсан байна.
Одоогоор 1014 хүн эмчлэгдэж буй бөгөөд биеийн байдал нь маш хүнд 3, хүнд 5 хүн байгаа” гэв.
Ингэснээр улсын хэмжээнд бүртгэгдсэн нийт 4210 тохиолдлоос 3083 буюу 73 хувь нь эдгэрээд байна.
Коронавирусийн халдвар авч, Завхан аймгийн Шилүүстэй суманд эмчлүүлж байгаа 6 иргэнээс 2 нь эдгэрч, өчигдөр (2021.03.15) гэрийн тусгаарлалтад шилжжээ.
Энэ нь халдвар хамгааллын дэглэмийг орон нутгийн онцлогт тохируулан, халдварыг сумын эмнэлэгт эмчилсэн анхны тохиолдол боллоо.
Одоогийн байдлаар Завхан аймаг руу орох, гарах тээврийн хэрэгслийн хөдөлгөөнийг 2021 оны гуравдугаар сарын 31-ний өдөр хүртэл хязгаарлаад байна. Аймаг дотроо зөвхөн Шилүүстэй сумаас бусад сум хоорондын хөдөлгөөн хэвийн үргэлжилнэ.
Аж ахуйн нэгж, байгууллага, иргэдэд олгосон нийт зээлийн өрийн үлдэгдэл хоёрдугаар сарын эцэст 17.1 их наяд төгрөг болж, өмнөх сараас 86.4 тэрбум төгрөг буюу 0.5 хувиар, өмнөх оны мөн үеэс 205.1 тэрбум төгрөг буюу 1.2 хувиар буурчээ. Нийт зээлийн өрийн үлдэгдлийн 8.7 их наяд төгрөг нь иргэдийнх байна.
Хэвийн зээлийн өрийн үлдэгдэл хоёрдугаар сарын эцэст 13.8 их наяд төгрөг болж, өмнөх сараас 129.3 тэрбум төгрөгөөр, өмнөх оны мөн үеэс 702.4 тэрбум төгрөгөөр буурчээ. Хэвийн зээлийн өрийн үлдэгдэл нийт зээлийн өрийн үлдэгдлийн 80.3 хувийг эзэлж, өмнөх оны мөн үеэс 3.1 пунктээр буурсан үзүүлэлттэй гарчээ.
Хугацаа хэтэрсэн зээлийн өрийн үлдэгдэл хоёрдугаар сарын эцэст 1.4 их наяд төгрөг болж, өмнөх сараас 38.7 тэрбум төгрөг буюу 2.9 хувиар, өмнөх оны мөн үеэс 321.9 тэрбум төгрөг буюу 31.2 хувиар өсжээ.
Банкны системийн хэмжээгээр чанаргүй зээл хоёрдугаар сарын эцэст 2 их наяд төгрөг болж, өмнөх сараас 4.2 тэрбум төгрөг буюу 0.2 хувиар, өмнөх оны мөн үеэс 175.3 тэрбум төгрөг буюу 9.5 хувиар өссөн байна. Чанаргүй зээл нийт зээлийн өрийн үлдэгдлийн 11.8 хувийг эзэлж, өмнөх оноос 1.1 пунктээр өссөн гэж Үндэсний статистикийн хорооноос танилцууллаа.