Month: November 2020

Categories
мэдээ нийгэм

Цахим орчинд согтууруулах ундаа борлуулсан 88 зөрчлийг илрүүлжээ

Улсын онцгой комисс Бүх нийтийн бэлэн байдлын зэрэгт шилжүүлсэн шийдвэрээс хойш өнөөдрийг хүртэлх хугацаанд цахим орчинд согтууруулах ундаа борлуулж байсан 88 зөрчил илэрсэн байна. Мөн тээврийн хэрэгслээр худалдан борлуулж байсан зөрчил илэрч улмаар долоон тээврийн хэрэгслийг түр саатуулаад байна” гэж ЦЕГ-ын Хэвлэл мэдээллийн төвийн дарга, дэд хурандаа Б.Баатархүү ярьсан юм.

Улсын онцгой комиссын шийдвэрээр Бүх нийтийн бэлэн байдлын зэрэгт шилжсэн энэ цаг үед архи, согтууруулах ундаа худалдан, борлуулахгүй байгаа билээ

Categories
мэдээ цаг-үе

Ховд аймаг руу тээвэрлэгдэж очсон 10 хүний шинжилгээний эцсийн хариу сөрөг гарчээ

Улаанбаатараас Ховд аймаг руу тээвэрлэгдэж очсон 10 хүний хоёр нь түргэвчилсэн оношлуураар шинжилгээний хариу эерэг гарсан билээ. Эдгээр 10 хүнд давтан буюу PCR сорьцын шинжилгээ хийж баталгаажуулахад эцсийн хариу бүгд сөрөг гарчээ.

Эх сурвалж: Ховд аймгийн “Онцгой комисс”-ын шуурхай штаб.2020.11.16

Categories
мэдээ

ЗГ:ХЭНТИЙ АЙМАГТ СЭЖИГТЭЙ ГУРВАН ТОХИОЛДЛЫН ШИНЖИЛГЭЭНИЙ ЭЦСИЙН ХАРИУ ГАРААГҮЙ БАЙНА

Улсын онцгой комиссын ээлжит шуурхай хуралдаанаар Бүх нийтийн бэлэн байдлын зэргийн үед авч хэрэгжүүлж байгаа арга хэмжээ, явцын талаар холбогдох байгууллагуудын мэдээллийг сонсов. Хуралдааны дараа комиссын гишүүд мэдээлэл өглөө. Хэнтий аймагт түргэвчилсэн оношлуураар шинжилгээ хийхэд гурван хүнээс халдвар илэрсэн. Гэхдээ PCR болон сорьцын шинжилгээ хийж баталгаажуулахаар Дорнод аймгийн вирус судлалын салбар лабораторид явуулж, гурван хүнийг тусгаарлаад байна. Түргэвчилсэн оношлуураар хийсэн шинжилгээ эцсийнх биш. Тухайлбал Дархан-Уул аймагт 4,500 хүнд түргэвчилсэн оношлуураар шинжилгээ хийхэд долоон хүнийх эерэг, харин PCR болон сорьцын шинжилгээгээр сөрөг гарч байсан юм. Орон нутгийн иргэдийг энэ сарын 18-ны өдөр Улаанбаатар хотоос оршин суугаа газар луу нь явуулах болсон тухай мэдээллийг Улсын онцгой комиссын гишүүд үгүйсгэлээ. Халдвар тээгчийн ойрын болон дам хавьтлуудын шинжилгээний хариу ямар гарахаас хамаарч хугацааг товлох юм. Цаашид УИХ-ын гишүүд, Улсын онцгой комиссын гишүүн биш хүмүүс баталгаагүй, бүрэн бус мэдээллийг олон нийтэд түгээхгүй байх тухай албан тоотыг Монгол Улсын Шадар сайд, Улсын онцгой комиссын дарга Я.Содбаатар илгээжээ. Үйл ажиллагааг нь хязгаарлаагүй нэр бүхий байгууллага, салбарын ажилтан, албан хаагчдын автомашинд тусгай зөвшөөрөл олгосныг түр зогсоолоо. Ажилтнууд өмнөхийн адил ажлын үнэмлэх, иргэний үнэмлэхээ үзүүлж зорчиж байх юм. Энхсаран сувилалд хууль тогтоомж, халдвар хамгааллын дэглэм зөрчигдсөн эсэхийг шалгаж байгаа Ажлын хэсгийн дүгнэлт хараахан гараагүй байна. Сувилалд тусгаарлагдсан 81 иргэнийг Дрийм, Кентавр, үйлчилгээний 17 ажилтныг Сүнжин гранд зочид буудалд шилжүүлсэн бөгөөд давтан шинжилгээний хариу сөрөг гарвал иргэдийг гэрийн 14 хоногийн тусгаарлалтад гаргах юм. Маргаашаас нөөцийн махыг нийслэлийн хэмжээнд 237 дэлгүүрээр буюу нэг хороонд 1-2 дэлгүүр байхаар тооцон борлуулж эхэлнэ. Өнөөдрийн байдлаар 242 мянган хүнд 4.8 тэрбум төгрөгийн хүнсний талон /том хүнд 32 мянга, хүүхэд 8,000/ олгоод байна. Мөн халамжийн мөнгийг иргэдийн данс руу нь шилжүүлсэн бөгөөд маргаашаас хүүхдийн 100 мянган төгрөгийг шилжүүлж эхлэх юм байна. Монгол Улсын Шадар сайд, Улсын онцгой комиссын дарга Я.Содбаатар 18.00 цагт аймаг, нийслэлийн удирдлагуудтай цахим хурал хийн нөхцөл байдал, цаашид анхаарах асуудлын талаар ярилцаж, үүрэг, чиглэл өгнө гэж Засгийн газрын Хэвлэл мэдээлэлтэй харилцах хэлтсээс мэдээллээ.

Categories
мэдээ цаг-үе

Тусгай зөвшөөрөл олгосныг түр зогсоолоо

Улсын онцгой комиссын ээлжит шуурхай хуралдаанаар бүх нийтийн бэлэн байдлын зэргийн үед авч хэрэгжүүлж байгаа арга хэмжээ, явцын талаар холбогдох байгууллагуудын мэдээллийг сонсож, хуралдааны дараа комиссын гишүүд мэдээлэл хийлээ.

Хэнтий аймагт түргэвчилсэн оношлуураар шинжилгээ хийхэд гурван хүнээс халдвар илэрсэн. Гэхдээ PCR болон сорьцын шинжилгээ хийж баталгаажуулахаар Дорнод аймгийн вирус судлалын салбар лабораторид явуулж, гурван хүнийг тусгаарлаад байна. Түргэвчилсэн оношлуураар хийсэн шинжилгээ эцсийнх биш. Тухайлбал Дархан-Уул аймагт 4,500 хүнд түргэвчилсэн оношлуураар шинжилгээ хийхэд долоон хүнийх эерэг, харин PCR болон сорьцын шинжилгээгээр сөрөг гарч байсан юм.

Орон нутгийн иргэдийг энэ сарын 18-нд Улаанбаатар хотоос оршин суугаа газар луу нь явуулах болсон тухай мэдээллийг Улсын онцгой комиссын гишүүд үгүйсгэлээ. Халдвар тээгчийн ойрын болон дам хавьтлуудын шинжилгээний хариу ямар гарахаас хамаарч хугацааг товлох юм. Цаашид УИХ-ын гишүүд, Улсын онцгой комиссын гишүүн биш хүмүүс баталгаагүй, бүрэн бус мэдээллийг олон нийтэд түгээхгүй байх тухай албан тоотыг Монгол Улсын Шадар сайд, Улсын онцгой комиссын дарга Я.Содбаатар илгээжээ. Үйл ажиллагааг нь хязгаарлаагүй нэр бүхий байгууллага, салбарын ажилтан, албан хаагчдын автомашинд тусгай зөвшөөрөл олгосныг түр зогсоолоо. Ажилтнууд өмнөхийн адил ажлын үнэмлэх, иргэний үнэмлэхээ үзүүлж зорчиж байх юм.

Энхсаран сувилалд хууль тогтоомж, халдвар хамгааллын дэглэм зөрчигдсөн эсэхийг шалгаж байгаа ажлын хэсгийн дүгнэлт хараахан гараагүй байна. Сувилалд тусгаарлагдсан 81 иргэнийг Дрийм, Кентавр, үйлчилгээний 17 ажилтныг Сүнжин гранд зочид буудалд шилжүүлсэн бөгөөд давтан шинжилгээний хариу сөрөг гарвал иргэдийг гэрийн 14 хоногийн тусгаарлалтад гаргах юм. Маргаашаас нөөцийн махыг нийслэлийн хэмжээнд 237 дэлгүүрээр буюу нэг хороонд 1-2 дэлгүүр байхаар тооцон борлуулж эхэлнэ. Өнөөдрийн байдлаар 242 мянган хүнд 4.8 тэрбум төгрөгийн хүнсний талон /том хүнд 32 мянга, хүүхэд 8,000/ олгоод байна. Мөн халамжийн мөнгийг иргэдийн данс руу нь шилжүүлсэн бөгөөд маргаашаас хүүхдийн 100 мянган төгрөгийг шилжүүлж эхлэх юм байна.

Монгол Улсын Шадар сайд, Улсын онцгой комиссын дарга Я.Содбаатар 18.00 цагт аймаг, нийслэлийн удирдлагуудтай цахим хурал хийн нөхцөл байдал, цаашид анхаарах асуудлын талаар ярилцаж, үүрэг, чиглэл өгнө гэж Засгийн газрын Хэвлэл мэдээлэлтэй харилцах хэлтсээс мэдээллээ.

Categories
мэдээ цаг-үе

ЭМЯ: 11 цагаас хойш халдварын шинэ тохиолдол нэмэгдээгүй

Эрүүл мэндийн яамнаас коронавирусийн халдварын нөхцөл байдлын талаар 17.00 цагийн ээлжит мэдээллээ хийж байна.

Мэдээллийн эхэнд ХӨСҮТ-ийн Тандалт судалгааны албаны дарга А.Амбасэлмаа “11.00 цагаас хойш нийт голомтын ойрын хавьтлын 56 хүнд шинжилгээ хийхэд коронавирус илрээгүй. Мөн Сэлэнгэ аймгийн батлагдсан тохиолдлын хавьтлуудад түргэвчилсэн шинжилгээ хийхэд илрээгүй. Ойрын хавьтлын тоо 348 болсон бөгөөд түүний 272-ыг нь шинжилгээнд хамруулсан. Хоёр дахь давтан шинжилгээг 45 хүнд, гурав дахь давтан шинжилгээг найман хүнд хийгээд байна.

Ойрын хавьтлын тоо нэмэгдэж 348 болсон бөгөөд үүнээс 76 хүний шинжилгээ үргэлжлэн хийгдэж байна. Хоёр дахь хавьтлын 2 мянга гаруй хүний шинжилгээг хийх ёстойгоос 400 гаруй шинжилгээ үргэлжлэн хийгдэж байна” гэлээ.

Categories
мэдээ цаг-үе энтертаймент-ертөнц

Дэлхийн алдартнууд хөл хориог хэрхэн өнгөрүүлж байна вэ

Нийтээрээ хөл хорионы дэглэмд байгаа энэ цагийг дэлхийн хэмжээний одод, алдартнууд хэрхэн өнгөрүүлж байгааг сонирхоно уу.


  • JUSTIN BIEBER, HAILEY BIEBER нар Тик Ток-д нэгдлээ

Дэлхийн одод ч мөн Тик Ток давалгаанд нэгдэж байгааг харахад “Тик ток хийтлээ уйдаж болохгүй” гэдэг үг худлаа болж байх шиг байна шүү.

  • Miley Cyrus инстаграм хуудсандаа олны танил эрхмүүдтэй чухал сэдвүүдээр ярилцсан лайв контент хийж байна\

Энэ үеийг ашиглаад та ч бас өөрийн бодож явдаг сошиал контентоо эхлүүлж болох юм.

  1. Lauren Conrad хүүхдүүдтэйгээ цагийг зугаатай өнгөрүүлж байна

Дэрээр гоёмсог сууц хийсэн байгааг хар даа. Уйдаж байвал та ч бас туршаад үзээрэй.

  • Reese Witherspoon болон Laura Dern нар цэвэр агаарт алхаж явна

Хөл хорионд байгаа хэдий ч цэвэр агаар хамгийн чухал шүү.

  • John Legend инстаграм хуудсаараа дамжуулан дагагчдадаа өөрийн тоглолтыг шууд хүргэлээ

“Зай барих нь хамгаас чухал. Гэхдээ энэ нь уйдаж сууна гэсэн үг биш. Тиймээс би та бүгдийн урам зоригийг сэргээхээр гэртээ бяцхан тоглолт хийлээ” хэмээн бичжээ.

  • Дуучин Шакира Пенсельваны их сургуулийн онлайн сургалтыг амжилттай дүүргэжээ

Каринтиныг үр бүтээлтэй давах хамгийн шилдэг аргуудын нэг нь мэдээж онлайн сургалтанд хамрагдах билээ.

  • Camila Cabello бясалгалаар өөрийгөө цэнэглэж байна

Туршиж үзэх зүйлсийн жагсаалтанд бясалгал, иог багтана. Өөрийгөө сонсох, өнгөрсөн эдүгээг эргэцүүлэх боломжийг бясалгал танд олгоно.

Бэлтгэсэн: Ч.БИНДЭРЪЯА

Categories
мэдээ цаг-үе

Ховд аймагт нууцаар тээвэрлэгдэж очсон хоёр хүний шинжилгээнд халдвар илэрчээ

Улаанбаатараас Ховд руу нууцаар тээвэрлэгдэж очсон 10 хүний 2 нь түргэвчилсэн оношлуураар эерэг гарсан байна. Эцсийн хариу давтан буюу “PСR” шинжилгээгээр гарах юм байна.

Эх сурвалж: Ховд аймгийн “Онцгой комисс” -ын хуралдаан.2020.11.16

Categories
мэдээ онцлох-нийтлэл туслах-ангилал энтертаймент-ертөнц

Trend Live-ийн эзэн Э.Түвшинсайхан: “Ай даа, жолооч ах минь” дуу ингэж их хандалт авна гэж бодоогүй


“Миний захиа” дууны үгийг өөрчлөн “Ай даа, жолооч ах минь” хэмээн дуулсан нь нэг хоногийн дотор 300 мянган хүнд хүрээд буй Э.Түвшинсайхантай ярилцлаа. Тэрбээр Батлан хамгаалахын их сургуулийн нэгдүгээр курсэд сурдаг юм байна.

-Таны “Ай даа жолооч ах минь дээ нууцаа битгийн нуугаач дээ” гэсэн дуу нь сошиалд нэлээд “од” болж байна…

-Хорио цээрийн дэглэмтэй үед бид чинь гэртээ л хөгжилтэй байхгүй бол гадуур гарч болохгүй. Мааз маягаар хийсэн дуу маань их олон хүнд хүрсэн байсан. Зарим нь дургүйцсэн хандлага ажиглагдсан. Ер нь хандалт их авна гэж бодоогүй. Нэг харсан чинь 299 мянган хүн үзэж, 11 мянган хүн өөрийн хүссэн эможигоо дарсан байсан. /инээв/

-Хөл хорионы үед хүмүүсийн авьяас илэрлээ гээд байсан. Өөр бичлэг хийх үү?

-Гоё санаа байвал бичлэг хийх байх аа. Гэхдээ хүмүүс хэрхэн хүлээж авахыг мэдэхгүй юм.

-Та дуулдаг уу?

– Дуулдаг. Би чинь дуу хуурийн өлгий Дундговь нутгийн хүү шүү дээ. Аймгийнхаа дууны хэд хэдэн тэмцээнд орж байсан.

-Тэгэхээр одоо аймагтаа байгаа юу?

-Одооогоор хотод хөл хорионд орчихсон. Гэрээс гарахгүй байгаа болохоор л хөгжилтэй байх үүднээс бичлэг хийгээд л байна даа.


-Аль сургуулийн оюутан бэ. Бидэнд өөрийгөө танилцуулаач?

-Батлан хамгаалахын их сургуульд сурдаг. Аав ээж маань аймагтаа ажиллаж амьдардаг. Орон даяар хөл хорионы хатуу дэглэм тогтоосон болохоор бүгд л гэртээ дархлаагаа дэмжээд байж байна. Ер нь бол аймаг руугаа явмаар л санагдаж байна.

-Хөл хорионы дэглэмийг арванхоёрдугаар сарын 1-нийг хүртэл сунгачихсан шүү дээ. Танайх хүнсээ хэр базаав?

-Манай эгч хүнсээ авчихдаг болохоор сайн мэдэхгүй байна. Гэхдээ карентины хугацааг давчихаар хүнс байгаа байх.

-Таны хувьд бүх нийтийн хөл хорионы үеэр юу хийж амжуулж байна вэ?

-Хичээлээ хийгээд л байж байна даа. Цахимаар хичээл орж байгаа учраас өөрөө л хичээхгүй бол сурахад жаахан хүнд санагддаг. Хүссэн сургуульдаа орчихсон болохоор хичээж байгаад амжилттай төгсөнө өө.

-“Ковид-19” халдвараас хэрхэн сэргийлж байна?

-Гэртээ аль болох дархлаагаа дэмжих хоол хүнс хэрэглэж байгаа. Гадуур гарахгүй байгаа.

-Найз охинтой юу?

-Найз охин байхгүй ээ. Харин краш байгаа.

-Хөл хорио тавигдахаар хамгийн түрүүнд юу хийхээр төлөвлөсөн бэ?

-Хамгийн түрүүнд хичээлдээ явах байх. Тэгээд боломж олдвол краштайгаа кино үзнэ дээ /инээв/.

-Иргэддээ зориулж зөвлөмж өгөөч?

-Аливаа зүйлийг эерэгээр хүлээн авч, бухимдаж дархлаагаа битгий унагаарай гэж хүсэж байна.

“…Одоо ч гэсэн оройтоогүй ээ

Олуулаа дэглэмээ сахицгаая аа

Гараа тогтмол угааж, маскаа зүүгээд коронавирусээс сэргийлцгээе…” гээд “Мааз” дууныхаа сүүлийн бадгийг зөвлөмөөр байна /инээв/.

Энэ дашрамд жолооч Д ах болон түүний гэр бүлийнхнээс уучлал гуйж байна. Хүний хувийн нууцад халдах ч юм уу, хэн нэгнийг доромжлох гэж ийм юм хийгээгүй шүү гэж танай сайтаар дамжуулан хүсэж, тэр ах болон гэр бүлд нь нийт монголчууддаа эрүүл энхийг хүсье хэмээсэн юм.


Categories
мэдээ нийгэм

Гэр хорооллын ус түгээх байрууд хэвийн горимоор ажиллаж байна

Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ, Барилга, хот байгуулалтын сайд Б.Мөнхбаатар нар Ус сувгийн удирдах газар, цэвэрлэх байгууламж болон гэр хорооллын ус түгээх байруудын хэвийн ажиллагаа, халдвар, хамгааллын дэглэм хэрхэн мөрдөгдөж байгааг шалгалаа. Бэлэн байдлын зэрэгт шилжсэн энэ өдрүүдэд Ус сувгийн удирдах газрын ус хангамжийн насос, тоног төхөөрөмжид ямар нэг саатал, доголдол гараагүй, ажилтан, албан хаагчдаа хамгаалалтын хувцас, амны хаалт, бээлийгээр хангасан, хамгаалах хэрэгслийн нэг сарын нөөцтэй байгаа тухай газрын дарга Ц.Төрхүү танилцуулав. Удирдах газар хоногт 150-160 мянган м3 цэвэр ус олборлон нийслэлийн нэг сая гаруй хүн, 4500 гаруй үйлдвэр, аж ахуйн газарт түгээж, 160-170 мянган м3 бохир ус татаж зайлуулдаг. Гэр хорооллын 321 худаг шугамд холбогдсон, холбогдоогүй 247 худгийг өдөрт 57 автомашин усаар хангадаг бөгөөд нийлүүлэлт, түгээлт зэргийг Удирдлагын төвөөс хянаж байна. 1959 онд ашиглалтад орсон цэвэр усны төв станц нийслэлчүүдийн хоногийн нийт хэрэглээний гуравны нэг буюу 55-65 мянган м3 ус олборлодог. 2014 оноос шинээр давсны уусмалаас хлор гарган авах электролизийн төхөөрөмж ашиглаж эхэлжээ.

Бэлэн байдлын зэрэгт шилжсэнтэй холбоотойгоор аж ахуйн нэгж, байгууллагууд ажлаа зогсоосон. Ингэснээр усны нийлүүлэлт, борлуулалт буурч улмаар ажилтнуудынхаа цалинг өгөхөд хүндрэл гарч болзошгүй байна. Үүнээс болж бохир ус хүлээн авах насос, хаалтанд хуримтлагдсан их хэмжээний ноос, ноолуур, хялгасыг ажилчид гараараа авч зайлуулдаг. Мөн нэг литр усыг 13 төгрөгөөр хүргэж гэр хороололд нэг төгрөгөөр, орон сууцны хэрэглэгчдэд 71 мөнгөөр борлуулдаг, ундны усны эх үүсвэрийн хамгаалалтын бүсэд газар олгосон зэрэг нь ажлаа хэвийн явуулахад хүндрэл учруулдаг байна. Цар тахлын халдварын голомтыг устгах, ойрын болон дам хавьтлыг бүрэн тогтоон шинжилгээнд хамруулж байдлыг хяналтдаа авах, эдийн засаг, бизнес, бусад салбарын хэвийн үйл ажиллагааг хангах нь нэн тэргүүний зорилт болж байгааг Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ хэлэв гэж Засгийн газрын Хэвлэл мэдээлэлтэй харилцах хэлтсээс мэдээллээ.

Categories
мэдээ нийгэм

Дипломат болон албаны 472 паспортыг хүчингүй болгожээ

Дипломат, албан гадаад паспортын ашиглалтад тавих хяналтыг сайжруулах зорилтын хүрээнд 2016-2019 онд олгосон нийт 472 паспорт /дипломат – 64, албан – 408/-ыг хүчингүй болгосон байна.

Энэхүү шийдвэр нь дипломат, албан гадаад паспорт эзэмшигчдэд тавигдах хариуцлагыг нэмэгдүүлж, паспорт олгох шалгуурыг өндөрсгөх, хадгалах, хяналт тавих ажиллагааг нарийвчлах чиглэлээр Гадаад харилцааны яамнаас хэрэгжүүлж буй шат дараатай арга хэмжээний нэг хэсэг юм.