Month: January 2020

Сүүлийн үед сошиал ертөнцөөр тархаад буй, мөн иргэд, олон нийтийн зүгээс асууж тодруулж байгаа зарим зүйлд тодруулга болгон дараах зөвлөмжийг НЭМГ-аас хүргэж байна.

• Хаалганы бариулаа даавуу, самбайгаар ороохгүй. Хүний гар хүрч болох бүх л гадаргууг 2 цаг тутамд хлорын уусмал шингээсэн алчуураар арчиж, чийгтэй цэвэрлэгээ хийнэ.
• Эмнэлгийн нэг удаагийн (гаднах өнгө цэнхэр, дотор тал цагаан өнгөтэй) амны хаалтыг хэрэглэх бөгөөд хамар амаа бүрэн халхлан зүүнэ. Хүн бүр зүүхийг зөвлөхгүй. Ямар нэгэн ханиад, томуу болон амьсгалын замын өвчтэй хүмүүс бусдад халдвар тараахгүйн тулд зүүвэл илүү зохимжтой.
• Гарын ариун цэврийг сайтар сахих. Автобус, галт тэрэг зэрэг олон нийтийн газраар явах, гэртээ орж ирсний дараа, хоол бэлтгэх, идэхийн өмнө, бие зассаны дараа, ам, хамраа цэвэрлэсний дараа заавал гараа савантай бүлээн усаар сайтар угаана. Нүд, хамар, ам загатнасан тохиолдолд гараа угаасаны дараа нүүрэндээ ойртуулна.
• Гэр, албан тасалгаа, өрөө байрны агаарт спирт гэх мэт элдэв зүйл цацаж болохгүй. Энэ нь агаар хуурайшихаас гадна харшил, багтраа зэргийг өдөөнө. Харин агаар сэлгэлтийг 15 минут тутамд 3-5 минутын турш хийнэ. Гэхдээ өрөөний агаарын хэмийг хэт хүйтрүүлэхээс сэргийлэх хэрэгтэй.
• Аль болох гэртээ хооллох хэрэгтэй. Хүн бүр өөрийн аяга, халбагатай байхаас гадна бусадтай хоол, хүнсийг 1 таваг аяганаас идэхгүй байх, ус, ундаа, тамхийг хувааж хэрэглэхгүй. Олноор хувааж иддэг (солонгос, хятад хоол гэх мэт) ресторан, хоолны газраар хооллохгүй байхыг зөвлөж байна.

Чингэлтэй дүүргийн Эрүүгийн хэргийн анхан шатны шүүхэд Монголбанкны ерөнхийлөгч асан Н.Золжаргалд холбогдох хэргийн шүүх хурал гурван өдөр нууцын зэрэглэлтэй үргэлжилж, өнөөдөр шийдвэрээ гаргалаа. Шүүхээс Эрүүгийн хэрэг хянан шийдвэрлэх тухай хуулийн 33.3 дугаар зүйлийн 1 дэх хэсгийн 1.2-д заасан “Шүүх хуралдаанаар нөхөн гүйцэтгэх боломжгүй мөрдөн шалгах ажиллагааг хийлгэх” гэсэн үндэслэлээр Н.Золжаргалд холбогдох эрүүгийн хэргийг прокурорт буцаахаар шийдвэрлэсэн байна.

Улсын онцгой комисс цаг үеийн асуудлаар хуралдаж байгаа. Хуралдааны үеэр Гадаад харилцааны яамны Консулын газрын дарга Л.Мөнхтүшиг, “Засгийн газрын ээлжит бус хуралдаанаас гаргасан чиг үүргийн дагуу Ухань хотоос оюутнуудыг авчирна. Голомтын бүсэд 31 оюутан байгаа. Тухайн 31 иргэнийг авах ажиллагааг хийхэд бэлэн болсон. Хятадын талд ч албан ёсоор мэдэгдсэн. Зөвшөөрөл гармагц иргэдээ авчирна. Мөн Эрээн хотод Монголын 100 гаруй иргэн нутаг буцах хүсэлт гаргасан. Бас БНХАУ-аас ирэх бүлэг жуулчны визийг зогсоосон” гэлээ.

Тээврийн цагдаагийн албаны Жижүүрийн шуурхай удирдлагын хэлтэс 2020.01.29-ний өдөр нийт 272 дуудлага мэдээлэл хүлээн авснаас 200-н зам тээврийн ослын шинжтэй дуудлага мэдээлэл бүртгэгдсэн.

Бүртгэгдсэн зам тээврийн ослын улмаас 6 хүн гэмтэж бэртсэн байна.

Нийт хүн бэртсэн ослыг хэлбэрээр нь авч үзвэл

• Явган зорчигч мөргөх хэлбэрээр -4

• Мөргөлдөх хэлбэрээр-2 тус тус бүртгэгдсэн байна.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 25 жолоочийг илрүүлж хуулийн дагуу хариуцлага тооцсон байна.

Улсын онцгой комисс цаг үеийн асуудлаар өнөөдөр хуралдлаа. Энэ үеэр Эрүүл мэндийн сайд коронавирусээс урьдчилан сэргийлэх ажлын талаар мэдээлэл өглөө.

Эрүүл мэндийн сайд Д.Сарангэрэл “Амны хаалт, гар ариутгах бүтээгдэхүүний үйлдвэрлэлийг хувийн хэвшил хариуцдаг. Улсдаа ганц үйлдвэр нь БНХАУ-аас түүхий эдээ авдаг. Түүхий эдийн үйлдвэр нь БНХАУ-ын Хубэй мужид байдаг тул түүхий эдээ авахад асуудал үүсч байна. Тиймээс олон улсын байгууллагад хандаж байна. Мөн эмнэлгийн ажилтнуудад хувийн хамгаалах хэрэгслийн нөөц алга. Ноцтой халдвар гарсан үед эмнэлгийн ажилтнуудыг иж бүрэн хамгаалах орчин үеийн хамгаалах хэрэгсэл нэн шаардлагатай байгаа. ДЭМБ-ын мэргэжилтэнтэй маргааш хийх уулзалтаар хамгаалах хувцас нийлүүлэх талаар ярилцана” гэлээ.

БНХАУ-ын Уханьд анх илэрч, дэлхийн цөөнгүй оронд тархаад буй коронавирусийн халдвар авсан 7711 тохиолдол бүртгэгдэн, 170 хүн нас барж, 124 иргэн эдгээд байгаа билээ. ЭМЯ-наас цаг үеийн мэдээлэл шуурхай хүргэн, иргэдийг сэрэмжлүүлсээр байгаа. Хэдийгээр Монгол Улсад халдвар бүртгэгдээгүй ч Цагаан сарын үеэр халдвар тархах эрсдэл өндөр байгаа.

Үүсээд буй цаг үеийн асуудлаар Монгол Улсын онцгой комисс яг одоо хуралдаж байна. Хуралдаанаар Цагаан сарын үеэр болдог Төрийн золголт, нутгийн зон олон, байгууллагууд, олноороо Цагаан сар тэмдэглэхийг хязгаарлах шйидвэр гаргалаа.

Цагдаагийн ерөнхий газрын Нийтийн хэв журам хамгаалах Олон нийтийн аюулгүй байдлыг хангах албаны Хүрээлэн буй орчны хяналтын хэлтсийн алба хаагчид Засгийн газрын 2019 оны 62 дугаар тогтоолын хэрэгжилтийг хангах зорилгоор “Агаарын чанарыг сайжруулах бүс”-д түүхий нүүрсний хэрэглээнд тогтмол хяналт шалгалтыг зохион байгуулан ажиллаж байна.

Ун шалгалтын үеэр Хан-уул дүүргийн 10 дугаар хорооны нутаг дэвсгэр Морингийн даваа 12-568 тоотод нийтийн халуун усны үйл ажиллагаа явуулдаг иргэн “Г” зөвшөөрөлгүй түүхий нүүрс хэрэглэж байсныг илрүүлэн Хан-Уул дүүргийн Мэргэжлийн хяналтын хэлтэст шалгуулж, хариуцлага тооцуулахаар материалыг шилжүүллээ.