Монгол Улсын Ерөнхийлөгч Х.Баттулга “Гал түймэр, гамшгийн аюултай тэмцэх чадавхыг сайжруулах, олон нийтийн оролцоог нэмэгдүүлэх чиглэлээр авах арга хэмжээний талаар” зарлиг гаргасан байна.
Тус зарлигт:
1.Гал түймэр, гамшиг ослоос урьдчилан сэргийлэх, учирч болзошгүй эрсдэлийг бууруулах болон гамшгаас хамгаалах үйл ажиллагааны санхүүжилтийг бүрдүүлэх, зарцуулах болон тусгай зориулалтын автомашин, техник, тоног төхөөрөмж, багаж хэрэгслийг худалдан авах, татвараас чөлөөлөхтэй холбоотой хууль тогтоомжийн зохицуулалтыг судалж, боловсронгуй болгох чиглэлээр холбогдох хууль, тогтоомжийн төслийг боловсруулж, УИХ-д өргөн мэдүүлэх,
2. Гал түймэр, гамшиг ослоос урьдчилан сэргийлэх, эрэн хайх, аврах сэргээн босгох үйл ажиллагаанд хэрэглэж байгаа техник, тоног төхөөрөмж, багаж хэрэгслийг стандартын шаардлагад нийцүүлэх, Онцгой байдлын байгууллагыг туулах чадвар сайтай машин, холбооны хэрэгслээр хангах болон лабораторийн шинжилгээний багаж, шаардлагатай бусад тоног төхөөрөмж, тусгай хэрэгцээт материалын хангамжийг сайжруулах арга хэмжээ авах,
3. Гал түймэртэй тэмцэх, гамшгаас хамгаалах чадавхыг бэхжүүлэх зорилгоор гал унтраах, аврах анги, шуурхай бүлгийн бие бүрэлдэхүүний тоог нэмэгдүүлэх, эрсдэл нөхцөл байдлыг эрт илрүүлэх, эрэн хайх, аврах, яаралтай тусламж үзүүлэх нисэх нэгж байгуулах, ой, хээрийн түймрийн эрсдэл бүхий сумдад гамшгаас хамгаалах ажлыг удирдлага, зохион байгуулалтаар хангах чиг үүрэг бүхий албан хаагчийн орон тоог бий болгох асуудлыг судлан шийдвэрлэх,
4. Гал түймэртэй тэмцэх, гамшгаас хамгаалах талаарх олон нийтийн санаачлагыг дэмжих зорилгоор орон нутаг дахь ойн анги, нөхөрлөл, сайн дурын бүлгийг сурган дадлагажуулах, шаардлагатай тоног төхөөрөмж, багаж хэрэгслээр хангах, гал түймэр, гамшиг, ослын голомтод ажилласан тохиолдолд урамшуулал олгох асуудлыг судлан, холбогдох арга хэмжээг төлөвлөн хэрэгжүүлэх,
5. Гал түймэр, гамшиг, ослоос урьдчилан сэргийлэх, аюул тулгарсан тохиолдолд авч хэрэгжүүлэх арга хэмжээ, зохион байгуулалтын талаар олон нийтийг мэдээлэл, заавар зөвлөмжөөр хангах, хүүхэд, залуучуудад эх оронч, байгаль орчноо хайрлан хамгаалах зөв хандлага төлөвшүүлэхэд чиглэсэн арга хэмжээг хэвлэл мэдээллийн болон иргэний нийгмийн байгууллагуудтай хамтран төлөвлөж, хэрэгжүүлэх,
6. Гал түймэр, гамшгийн аюулаас урьдчилан сэргийлэх, бэлэн байдлыг хангах, нөөц бүрдүүлэх чиглэлээр жил бүр хөрөнгө төлөвлөж, болзошгүй эрсдэлийг бууруулах, салбар хоорондын мэдээлэл харилцан солилцох, үйл ажиллагааг уялдуулан зохицуулах шуурхай удирдлагын төвийн чадавхыг сайжруулах,
7. Ой, хээрийн гал түймрээс урьдчилан сэргийлэх, тэмцэх тухай хууль, тогтоомж зөрчсөн иргэн, хуулийн этгээдэд тооцох хариуцлагыг чангатгах зэргийг тус тус Монгол Улсын Ерөнхий сайд У.Хүрэлсүхэд чиглэл болгосон байна.
Мөн зарлигтаа Гамшиг осолгүй, аюулгүй Монгол Улсын төлөө бүх нийтийн оролцоог нэмэгдүүлэх агуулга бүхий мэдээлэл түгээх, бүтээл, нэвтрүүлэг хийх үйлсэд иргэд, хэвлэл мэдээллийн байгууллагуудыг идэвхийлэн оролцохыг уриалжээ гэж Онцгой байдлын ерөнхий газраас мэдээллээ.
Монгол Улсын Ерөнхий сайд У.Хүрэлсүх 2019 оны 09-р сарын 28-нд Чингис хотод ажиллах үеэрээ Хэнтий аймгийн Зоонозын өвчин судлалын төвд шинэ УАЗ-22069 маркийн фургон автомашин гардуулан өгч, ажлын амжилт хүслээ. Тус автомашин хүлээлгэн өгөх үйл ажиллагаанд ХХААЯ-ны сайд Ч.Улаан, Хэнтий аймгийн Засаг дарга Н.Ганбямба, Хэнтий аймгийн Засаг даргын орлогч Г.Хэрлэнчулуун, Хэрлэн сумын засаг дарга Ц.Идэрбат, Хэнтий аймгийн ЭМГ-ын дарга Ц.Гэрэлмаа нарын албаны хүмүүс оролцлоо.
Он гарсаар эхний 9 сард улсын хэмжээнд 3274 удаагийн ахуйн гал түймэр гарч, 7.9 тэрбум төгрөгийн хохирол учирсан байна. Гал түймрийн улмаас 46 хүн нас барж, 42 хүн түлэгдэж гэмтэн, 578 толгой мал хорогдож, 1302 гэр, орон сууц шатжээ.
Улсын Их Хурлын эрхэм гишүүд ээ,
Улсын Их Хурлын 2019 оны намрын ээлжит чуулганы нээлтийн ажиллагаа өнөөдөр (2019.10.01) 10 цаг 14 минутад гишүүдийн 62.7 хувийн ирцтэйгээр эхэллээ. Чуулганы нээлтэд Монгол Улсын Засгийн газрын гишүүд, Үндсэн хуулийн цэцийн дарга болоод Улсын Их Хурлаас удирдлагыг нь томилдог болон ажлаа тайлагнадаг төрийн байгууллагуудын дарга нар, Монгол Улсад суугаа гадаад орнуудын Дипломат төлөөлөгчдийн газрын тэргүүн, олон улсын байгууллагын төлөөллүүд оролцлоо.
Зорилгоо хэрэгжүүлэх нэг зам нь эрх зүйн хүрээнд хийгдэх өөрчлөлт юм. 2019 оны намрын чуулганы түүхэн үүрэг, ач холбогдол чухамхүү үүнд чиглэнэ хэмээн онцоллоо.
Түүнчлэн УИХ-ын дарга, Тасралтгүй муудаж, хасах үзүүлэлт рүү ороод байсан эдийн засаг сэргэлээ гэж итгэлтэй хэлж болохоор байна. Эдийн засгийн өсөлт 2017 онд 5.3 хувь, 2018 онд 7.2 хувь, 2019 оны эхний хагас жилийн байдлаар 7.3 хувьд хүрч, 2018 оны нэгдсэн төсвийн гүйцэтгэлээр төсвийн тэнцэл 27.8 тэрбум төгрөгийн ашигтай гарсан нь 2010 оноос хойш 8 жилийн дараа анх удаа Монгол Улсын нэгдсэн төсөв эерэг үр дүнтэй гарсан үзүүлэлт болж байна.
2019 оны есдүгээр сарын 26-27-нд шилжих шөнө малын бэлчээрээс нь 30 бог мал алдагдсан гэх дуудлага мэдээлэл тус сарын 29-нд Дорноговь аймаг Өргөн сумын III багийн иргэн Н.Б-ээс цагдаагийн байгууллагад иржээ.
НҮБ-ын Хүн амын сан, ЮНЕСКО болон ЮНЕСКО-ийн Монголын үндэсний комисс нь НҮБ-ын Хүүхдийн сан, Дэлхийн эрүүл мэндийн байгууллага, Монгол Улсын Боловсрол, соёл, шинжлэх ухаан, спортын яамтай хамтран Бэлгийн боловсролын олон улсын арга зүйн удирдамжийн Монгол эхийг танилцуулах арга хэмжээг 2019 оны есдүгээр сарын 30-ны өдөр хамтран зохион байгуулав.