Month: October 2019

Иргэний ирүүлсэн гомдол мэдээллийн дагуу Чингэлтэй дүүрэг, 2 дугаар хороо, 23 дугаар байрны 18 тоотод байрлах эмийн санд хяналт шалгалт хийлээ.
Шалгалтаар тус эмийн сан нь тусгай зөвшөөрөлд заагдсан хаяг байршилд үйл ажиллагаа явуулаагүй, тус дүүргийн 2 дугаар хороо, 23 дугаар байрны 18 тоот хаягт зөвшөөрөлгүйгээр үйл ажиллагаа явуулсан зөрчилд 1911001044 тоот зөрчлийн хэрэг нээж, зөрчил шалган шийдвэрлэх ажиллагаа явуулж байна.

Зөрчлийн тухай хуулийн холбогдох заалтын дагуу шийтгэлийн арга хэмжээ авч, зөрчлийн үр дагаврыг арилгах талаар эрх бүхий албан тушаалтны албан даалгаврыг хүргүүллээ.

Монгол Улсын аварга шалгаруулах эрэгтэйчүүдийн 59, эмэгтэйчүүдийн 51 дэх удаагийн шатрын шигшээ тэмцээн Хөвсгөл аймгийн Мөрөн хотод есдүгээр сарын 20-29-нд амжилттай зохиогдож өндөрлөлөө.

УИХ-ын гишүүн Л.Мөнхбаатарын ивээл дор явагдсан тус тэмцээнд эрэгтэйчүүдээс “Хан-Алтай” клубийн тамирчин, спортын мастер Ү.Агьбилэг түрүүлж, “Оюунлаг” сургуулийн тамирчин, спортын мастер С.Ган-Эрдэнэ, “Шунхлай” групп, “Гэгээн арвай” клубийн тамирчин, олон улсын их мастер Б.Гүндаваа нар удаалжээ. Эмэгтэйчүүдээс “Дагшаахүү” клубийн тамирчин, ДШХ-ны мастер Б.Алтантуяа тэргүүлж, Завхан аймаг, Алдар спорт хороо, “Сакура” сургуулийн тамирчин, олон улсын их мастер Б.Мөнгөнтуул, Сэлэнгэ аймаг, Дотоодын цэргийн 805-р анги, “Монголчехметалл” ХХК, “Элит Брайн” клубийн тамирчин олон улсын их мастер А.Энхтуул нар мөнгө, хүрэл медалийн эзэн болсон байна.

Нийслэлийн гэр хорооллын айлууд жилд дунджаар сая гаруй тонн нүүрс хэрэглэдэг нь агаарын бохирдлын гол эх үүсвэр болдог гэж үздэг. Үүнтэй холбогдуулан, өнгөрсөн хавраас эхлээд түүхий нүүрс хэрэглэхийг хориглосон.

Тодруулбал, нийслэлийн төвийн бүсийн зургаан дүүргийн 220 мянган айл өрх түүхий нүүрснээс татгалзаж, оронд нь сайжруулсан шахмал түлш хэрэглэхээр болсон юм.

Гэр хорооллын дунд борлуулалтын цэгийг түлшээр тасралтгүй хангаж байх 40 хангамжийн агуулах, гэрээт 500 гаруй цэгийг өдөр бүр шаардлагатай сайн түлшээр хангаж ажиллана. Өөрөөр хэлбэл, “ХАНГАМЖИЙН БААЗ-ДУНДЫН ХАНГАМЖИЙН ТӨВ-ГЭРЭЭТ БОРЛУУЛАГЧ” гэсэн шат дамжлагаар хэрэглэгчдэд сайжруулсан түлшийг тасралтгүй хүргэж байгаа юм байна.

Өнөөдрийн байдлаар 501 борлуулагчтай сайжруулсан шахмал түлш борлуулах гэрээ байгуулж, нийт 55286 тонн түлш борлуулсан байна.

Мөн сайжруулсан шахмал түлшийг худалдан авахдаа иргэд “Сайн” картаар худалдаж авна. Тус картыг хороогоор нь дамжуулан үнэгүй тарааж байгаа юм. Мөн иргэд өөрийн оршин суугаа газрын орчинд буй түлш борлуулалтын цэгээс авч болох аж.

Сайн карт түгээх ажил

• Сүхбаатар дүүрэг 78 хувийн гүйцэтгэлтэй,
• Чингэлтэй дүүрэгт 94 хувь,
• Сонгинохайрхан дүүрэг 54 хувь,
• Баянзүрх дүүрэг 44 хувь,
• Баянгол дүүрэг 89 хувь,
• Хан-Уул дүүрэг 72 хувийн гүйцэтгэлтэй ажиллаж байгаа аж.

Одоогоор нийт 163369 картыг хороодоор дамжуулан иргэдэд хүргэжээ. Сайн картаар нэг удаагийн дээд хэмжээг нэг тонн байхаар заажээ.

Дашрамд, Нийслэлийн Засаг дарга С.Амарсайхан Засгийн газраас хэрэгжүүлж байгаа сайжруулсан түлшний талаар санаатайгаар худал мэдээлэл тараасан иргэн, аж ахуй нэгжийг холбогдох хуулийн дагуу арга хэмжээ авахыг Цагдаагийн газар, Тагнуулын ерөнхий газарт үүрэг болгосон юм.

Онцгой байдлын ерөнхий газрын даргын Б/987 дугаар тушаалаар ОБЕГ-ын Гамшгийн шуурхай удирдлагын газрын ахлах мэргэжилтэн, хошууч Ч.Лхамжавыг тус газрын Холбоо, зарлан мэдээлллийн хэлтсийн даргаар, Б/877 дугаар тушаалаар НОБГ-ын СБД-ийн Онцгой байдлын хэлтсийн дарга, хурандаа Т.Мөнхдоржийг Өвөрхангай аймгийн Онцгой байдлын газрын даргаар, Б/874 дүгээр тушаалаар НОБГ-ын БГД-ийн Онцгой байдлын хэлтсийн урьдчилан сэргийлэх асуудал хариуцсан мэргэжилтэн, хошууч Н.Оюунболдыг Дорноговь аймгийн ОБГ-ын Замын-Үүд сум дахь Онцгой байдлын хэлтсийн даргаар тус тус томиллоо. Мөн ОБЕГ-ын даргын Б/883 дугаар тушаалаар НОБГ-ын Налайх дүүргийн Онцгой байдлын хэлтсийн орлогч, Гамшгаас хамгаалах төлөвлөлт, бэлэн байдал хариуцсан ахлах мэргэжилтэн, дэд хурандаа Л.Чинбатыг Налайх дүүргийн Онцгой байдлын хэлтсийн даргаар, Б/925 дугаар тушаалаар Дорноговь аймгийн Онцгой байдлын газрын орлогч, урьдчилан сэргийлэх тасгийн дарга-гамшгаас хамгаалах улсын хяналтын байцаагч, дэд хурандаа Д.Бэхбаярыг НОБГ-ын СБД-ийн Онцгой байдлын хэлтсийн даргаар тус тус томиллоо. Түүнчлэн ОБЕГ-ын даргын Б/1033 дугаар тушаалаар НОБГ-ын БЗД-ийн Онцгой байдлын хэлтсийн дарга, дэд хурандаа В.Батсайханыг ХУД-ийн Онцгой байдлын хэлтсийн даргаар, мөн тушаалаар ХУД-ийн Онцгой байдлын хэлтсийн дарга, хурандаа Д.Даваасүрэнг БЗД-ийн Онцгой байдлын хэлтсийн даргаар тус тус сэлгэн томиллоо гэж Онцгой байдлын ерөнхий газраас мэдээллээ.

Нийслэлийн мэргэжлийн хяналтын газраас иргэний ирүүлсэн гомдол мэдээллийн дагуу Чингэлтэй дүүрэг, 2 дугаар хороо, 23 дугаар байрны 18 тоотод байрлах эмийн санд хяналт шалгалт хийлээ. Шалгалтаар тус эмийн сан нь тусгай зөвшөөрөлд заагдсан хаяг байршилд үйл ажиллагаа явуулаагүй, тус дүүргийн 2 дугаар хороо, 23 дугаар байрны 18 тоот хаягт зөвшөөрөлгүйгээр үйл ажиллагаа явуулсан зөрчилд 1911001044 тоот зөрчлийн хэрэг нээж, зөрчил шалган шийдвэрлэх ажиллагаа явуулж байна. Зөрчлийн тухай хуулийн холбогдох заалтын дагуу шийтгэлийн арга хэмжээ авч, зөрчлийн үр дагаврыг арилгах талаар эрх бүхий албан тушаалтны албан даалгаврыг хүргүүллээ.

Өчигдөр нүхэн жорлонд хүн унаж амиа алдсан харамсалтай хэрэг гарчээ. Баянгол дүүргийн 16 дугаар хороонд нүхэн жорлонд цогцос байна гэсэн дуудлага 13:19 цагт Онцгой байдлын байгууллагад иржээ. Дуудлагын дагуу аврах ангийн зургаан алба хаагч 13:30 цагт очиж, нийслэлийн Сонгинохайрхан дүүргийн харьяат 27 настай, эрэгтэйн цогцсыг дөрвөн метрийн гүнтэй нүхэн жорлонгоос гаргаж, цагдаагийн байгуулагад шилжүүлэн өгчээ.

Хан-Уул дүүргийн 15-р хороо Гандийн гудамжнаас Хурд хороолол орох 0,5 км авто замыг 2019 оны 10-р сарын 02-ны өдрөөс 10-р сарын 23-ны хооронд хааж авто замын засвар шинэчлэлтийн ажил хийж гүйцэтгэх тул тус замаар зорчих иргэд та бүхэн Нийслэл хүрээ өргөн чөлөөний авто замыг сонгон хөдөлгөөнд оролцоно уу.
Тус ажлын хүрээнд борооны ус зайлуулах шугам сүлжээ, авто зам, явган замын шинэчлэлт, гэрэлтүүлгийн ажлууд хийгдэнэ.