Month: February 2019

Увс аймгийн Баруунтуруун сум дахь 0311-р ангийн байлдагч хил дээр харуулын үүрэг гүйцэтгэж байгаад энэ сарын 30-ний өглөө 09.30 цаг орчимд ор сураггүй алга болсон талаар өчигдөр мэдээлсэн билээ. Завхан аймгийн Асгат сумаас цэргийн албанд татагдсан байлдагч Ц.Вангансүрэнг эрэн хайх ажиллагааны явцад ОХУ-ын хил давсаныг тогтоосон юм. Тэрбээр АКА буу, 50 ширхэг сумтай, морио унаад айлын мал туугаад хил гарсан гэх мэдээлэл байгаа юм. Тиймээс эрэн хайх ажиллагаа ямар шатанд үргэлжилж байгаа талаар ХХЕГ-аас асуухад “Одоогоор тодорхой зүйл хэлэх боломжгүй. Байлдагч Ц.Вангансүрэнг олоогүй байна. Эсэн мэнд байгаа гэдэгт найдаж байна” гэлээ.

Парисын хэлэлцээрт оруулах Монгол Улсын хувь нэмэр, Үндэсний тодорхойлсон хувь нэмэр (ҮТХН)-ийг салбаруудын оролцоотойгоор тодорхойлох зорилго бүхий нэгдсэн семинар боллоо.

Монгол Улс Парисын хэлэлцээрийг соёрхон баталж, 2030 он гэхэд нийт хүлэмжийн хийн ялгарлаа 14 хувиар бууруулах зорилт тавьсан. Энэ хүрээнд сэргээгдэх эрчим хүчийг дэмжих, хүлэмжийн хийн ялгарлыг тооцох, тайлагнах тогтолцоог бүрдүүлэн чадавхжуулах, уур амьсгалын санхүүжилтийг дэмжих чигэлэлээр тодорхой арга хэмжээ авч, үр дүнтэй бодит төсөл хөтөлбөрүүдийг олон талын болон хоёр талын механизмуудыг ашиглан тууштай хэрэгжүүлсээр ирсэн.

2020 оноос хэрэгжиж эхлэх Парисын хэлэлцээрийн хэрэгжилтийг хангах бэлтгэл ажлыг дэлхий нийтээр тэргүүлэх зэрэгт үзэж байна. Монгол Улсын хувьд ч энэ чиглэлээр эрчимтэй арга хэмжээ аван ажиллаж байгаа. Тодруулбал
Парисын хэлэлцээрт оруулах Үндэсний тодорхойлсон хувь нэмэр/ ҮТХН/-ийн зорилтыг салбаруудын оролцоотойгоор шинэчлэн тодорхойлж, урт хугацаанд үе шаттай авч хэрэгжүүлэх төлөвлөгөө, зураглалыг 2020 онд батлуулан НҮБ-ын Уур амьсгалын суурь конвенцид хүргүүлэхээр төлөвлөн, ажиллаж байна.

Парисын хэлэлцээрт оруулах Монгол Улсын хувь нэмэрийг салбаруудын оролцоотой тодорхойлох энэ удаагийн семинарыг Германы олон улсын хамтын ажиллагааны нийгэмлэгтэй хамтран зохион байгуулсан юм. Тус семинарын хүрээнд дэлхийн уур амьсгалын өөрчлөлтөд хамгийн их нөлөөлж буй Уул уурхай, Эрчим хүчний салбарын хуралдааныг өнгөрсөн өдрүүдэд явуулсан. Харин өнөөдөр нэгдсэн хуралдаанаа ийнхүү амжилттай зохион байгууллаа.

Энэ удаагийн семинарт салбаруудын уур амьсгалын өөрчлөлтийн асуудал хариуцсан албаны төлөөллүүд болон холбогдох мэргэжилтнүүд оролцож, ҮТХН-ийг тодорхойлоход авч хэрэгжүүлэх арга хэмжээ, салбаруудын оролцоо, шаардлагатай дэмжлэг, 2019 онд хийж гүйцэтгэх ажлын төлөвлөгөөний талаар хэлэлцэж шийдвэрлэсэн юм.

Монгол Улсын Засгийн газрын энэ оны нэгдүгээр сарын 09-ний хуралдаанаар Улсын аварга малчин, хошой аварга малчин, аварга саальчин, фермер, тариаланч хамт олон, тариаланчдыг тодруулсан. 2018 оны нохой жилд салбартаа манлайлсан Улсын аваргуудын шагналыг энэ өдрүүдэд гардуулж байна.

Хаан банкны бүх салбар өнөөдөр, маргааш уртасгасан цагаар буюу 8:00-20:00 хүртэл ажиллахаар боллоо. Хоёрдугаар сарын тэтгэвэрийн мөнгийг Хаан банкны тооцооны төвүүд шинэ нэмэгдлийн хамт хэвийн олгож байна. НӨАТ-ын буцаан олголтын эхний хэсэг харилцагчдын дансанд шилжин орж байгаа. Иймээс нийт харилцагчид болон тэтгэвэр авагчидад хандан дараах мэдээлэлийг хүргэж байна.

• Заавал салбар тооцооны төвд ирэлгүйгээр тэтгэвэр болон нэмэгдлийн мөнгө. НӨАТ-ын буцаан олголтоо цахим банкаар шалган авах боломжтой.
• Мөн өндөр настай болон эрүүл мэндийн асуудалтай харилцагчдыг харгалзах хүнтэй үйлчлүүлэхийг зөвлөж байна.

Б.ЦЭНДСАЙХАН

Хог хаягдлын менежментийг сайжруулахад үйлдвэрлэгч, импортлогчийн хариуцлагыг нэмэгдүүлэх талаар уулзалт, хэлэлцүүлэг боллоо Байгаль орчин, аялал жуулчлалын яамнаас Азийн сантай хамтран хэрэгжүүлж буй Хог хаягдал ба уур амьсгалын өөрчлөлт төслийн хүрээнд аймаг, дүүргийн холбогдох мэргэжилтнүүдийн дунд “Хог хаягдлын менежментийг сайжруулахад үйлдвэрлэгч, импортлогчийн хариуцлагыг нэмэгдүүлэх нь” сэдэвт уулзалт хэлэлцүүлгийг зохион байгууллаа. Тус төслийг ХБНГУ-ын Байгаль орчин, байгаль хамгаалал, барилга байгууламж, цөмийн зэвсгийн аюулгүй байдлын асуудлыг хариуцсан яам, НҮБ-ын Байгаль орчны хөтөлбөрийн Олон улсын хүрээлэн буй орчны технологийн төвийн (UNEP-IETC) санхүүжилтээр хэрэгжүүлж байгаа юм.

Энэхүү уулзалт, хэлэлцүүлгийн зорилго нь хог хаягдлын менежмент, эдийн засгийн зохицуулалтыг сайжруулахад үйлдвэрлэгч, импортлогчийн хариуцлагыг нэмэгдүүлэх боломжит арга замуудын талаар мэдээлэл өгч, харилцан санал солилцохоос гадна хог хаягдлын менежментийг сайжруулах үндэсний хөтөлбөрийн үйл ажиллагааны төлөвлөгөөг тодотгон боловсруулахтай холбоотой харилцан ярилцаж, санал солилцох юм. Мөн уулзалт, хэлэлцүүлгийн хүрээнд Улаанбаатар хотын хог хаягдлын бүтцийн судалгааны үр дүнгээс танилцуулж, цаашид орон нутагт бүтцийн судалгаа хийх арга, аргачлалын талаархи мэдээллийг 21 аймгийн хөрөнгө оруулалт, хөгжлийн бодлогын хэлтсийн мэргэжилтнүүдэд танилцууллаа.

Монгол Улс Биологийн зэвсэг боловсруулах, үйлдвэрлэх, нөөцлөхийг хориглох, тэдгээрийг устгах тухай конвенцид 1972 онд, Биоаюулгүй байдлын Картагены Протоколд 2002 онд нэгдэн орсон хэдий ч биологийн болзошгүй аюул үүсэх эрсдлийг бууруулах, урьдчилан сэргийлэх, бэлэн байдлыг хангах, гамшгийн дараах менежментийн асуудлыг цогцоор шийдвэрлэх үндэсний эрх зүйн орчинг сайжруулах, байгууллага, хүний нөөцийг чадавхижуулах, хяналтыг чангатгах нэн шаардлагатай байгаа билээ.

БОАЖЯ-ны дэргэдэх Биоаюулгүй байдлыг хангах үндэсний хороо, Европын Холбооны Хими, биологи, цацраг идэвхит болон цөмийн эрсдлийг бууруулах (CBRN CoE санаачилга) санаачилгатай хамтран “Төв Азийн орнуудад биоаюулгүй байдал, биохамгааллын үндэсний хууль эрхзүйн орчинг сайжруулах, мэргэжлийн сургалтыг зохион байгуулах бүсийн Р53” төслийг 2017-2019 онд хэрэгжүүлж байна.

Энэхүү төслийн санхүүжилтээр “BSC II биоаюулгүйн кабинетийн тохиргоо, засвар үйлчилгээ”-ний сургалтыг 2019 оны нэгдүгээр сарын 21-нээс хоёрдугаар сарын 2-ны өдрүүдэд Английн Эрүүл мэндийн байгууллагатай хамтран зохион байгуулж байна. Уг сургалтад Халдварт өвчин судлалын үндэсний төв, Зоонозын өвчин судлалын үндэсний төв, Улсын мал эмнэлэг ариун цэврийн төв лабораторийн биоаюулгүйн кабинетийн засвар үйлчилгээ хариуцсан 6 инженер хамрагдаж байна.

Сургалт нь Олон улсын NSF/ANSI 49-2018 стандартын дагуу BSC II биоаюулгүйн кабинетийн тохиргоо, засвар үйлчилгээг онол, практикийн хосолсон аргачлалаар явуулж байгаа бөгөөд шалгалтандаа тэнцсэн тохиолдолд Олон улсын итгэмжлэгдсэн гэрчилгээг 5 жилийн хугацаанд засвар үйлчилгээ хийх эрхтэйгээр гардан авна.

Өчигдөр Дорноговь аймгийн Айраг сумын Цагаан дөрвөлж багийн 4 км-ын гарам гэдэг газар иргэн Б-гийн жолоодож явсан “Волва Шаланз” загварын том оврын автомашин, ачааны галт тэрэгтэй мөргөлдсөн ноцтой осол гарчээ. Тодруулбал, тус машин нь Бор-Өндөр сумаас Айраг сумын чиглэлд зорчиж явсан Улаанбаатар төмөр замын ачааны галт тэрэгтэй мөргөлдөж, төмөр хийцэд хоёр хүн хавчуулагдаж нэг нь амиа алдаж, нөгөө нь хүнд бэртэл авсан байна. Ослын газар ажилласан онцгой байдлын газрын алба хаагчид төмрөнд хавчуулагдсан 36 настай эрэгтэй П-г гаргаж, 44 настай эрэгтэй Б нас барсан байсныг гарган, цогцсыг цагдаагийн байгууллагад хүлээлгэн өгсөн байна.