Month: January 2019

Засгийн газрын өнөөдрийн хуралдаанаар шинийн дөрөвний ажлын өдрийг ирэх бямба гарагт шилжүүлсэн. Үүнтэй холбогдуулан улсын дугаарын тэгш, сондгой тоогоор төгссөнөөс хамаарч хөдөлгөөнд оролцох шийдвэр өөрчлөгдөхгүйг Тээврийн цагдаагийн албанаас мэдээлэв.

Тодруулбал, ирэх бямба гарагт тэгш, ням гарагт сондгой тоогоор төгссөн улсын дугаартай тээврийн хэрэгсэл хөдөлгөөнд оролцоно. Хязгаарлалттай тээврийн хэрэгсэл хориглосон авто замаар 08.00-20.00 цагт хөдөлгөөнд оролцохгүй байхыг тус албанаас анхааруулав. Харин шинийн нэгнээс дөрвөн буюу ирэх сарын 5-8-нд дугаарын хязгаарлалт үйлчлэхгүй юм.

Мөн Чингэлтэй дүүргийн нутаг дэвсгэрт ирэх бямба, ням гарагт “Дэнжийн 1000” авто замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд далангаас зүүн тийш Чингэлтэйн өргөн чөлөөтэй нийлэх уулзвар хүртэлх авто замын хөдөлгөөний баруунаас зүүн чиглэлд 08:00-17:00 цагийн хооронд тус тус нэг чигийн хөдөлгөөнд оруулах арга хэмжээг авах юм байна.

Өнгөрсөн оны арванхоёрдугаар сард Хувь хүний орлогын албан татварын тухай хуулийн 24 дүгээр зүйлийн 24.6 заалтад заасны дагуу нийслэлийн хэмжээнд Татварын ерөнхий хууль болон НӨАТ-ын тухай хуулийн хэрэгжилтийг хангуулахад дэмжлэг үзүүлэх зорилгоор МОХ, нийслэлийн Татварын газартай хамтран ажиллах санамж бичиг байгуулсан. Татварын буцаан олголтыг авахын тулд заавал и-баримттай байх тухай хуулинд тусгагдсан байгаа. Харамсалтай нь 2018 оны 9-р сард оюутнууд сургалтын төлбөрөө төлөөд и-баримтаа авах ёстой боловч энэ талаарх мэдээлэл хомс байсан учраас дийлэнх нь и-баримтаа аваагүй байсан. Иймд Нийслэлийн татварын газар, Монголын оюутны холбоо хамтран оюутан залуучууддаа их, дээд сургуульд төлсөн сургалтын төлбөрийн и-баримтаа авч хэвшье гэсэн уриалгыг гаргаж, хуулийг сурталчилах, мэдээ мэдээллэл өгөх ажлуудыг зохион байгуулсан. Сургалтын төлбөрийн хөнгөлөлийн тайлан хүлээн авах хуулийн хугацаа 2 дугаар сарын 15-ны өдөр дуусна. Их дээд сургуулиудын санхүүгийн болон сургалтын албанаас илүүтэйгээр оюутан залуучуудын хувьд мэдээ мэдээлэл бага байна. Үүнээс үүдэн сургалтын төлбөрийн и-баримтаас НӨАТ-ын 2 хувь орж ирэхгүй юм чинь аваад хэрэггүй гэсэн ойлголт их байгаа. Сургалтын төлбөрийн и-баримт нь 2 хувийн буцаан олголт орохгүй ч гэсэн сугалааны тохиролд оролцох мөн жилийн эцэст татварын буцаан олголтоор төлбөрийн 10 хувийг буцаан авах боломжтой.

И-баримттай холбоотой ямар нэгэн асуудал их, дээд сургуулиудад үүсэж байвал санал хүсэлтээ Монголын оюутны холбоонд ирүүлэх боломжтой. Сургууль дээр түгээмэл үүсэж байгаа асуудлууд гэвэл “намар авах байсан одоо боломжгүй” гэх хариу их өгч байна. Мөн и-баримтаа аваагүй оюутнуудыг авсан гэж мэдээлсэн /Монгол улсын их сургууль СИСИ оюутны системд/, “чиний баримт байхгүй байна өөр хүүхдийн и-баримт авчих үнийн дүн адилхан” гэх мэт асуудлууд гарч байна. И-баримтаа өгөхгүй байгаа их дээд сургуулийн талаарх мэдээллийг Монголын оюутны холбооны 70111143 утсаар холбогдох, монголын оюутны холбооны фэйсбүүк хаяг руу өргөдөл гомдолоо өгч болно, Монголын оюутны холбооны төв байран дээр ирж санал хүсэлт, өргөдөл гомдолоо өгөх боломжтой. Нийслэлийн татварын газар бүх их, дээд сургуулиудын захиргаанд холбогдох хуулийн талаарх мэдээллийг албан бичгээр өгсөн, Монголын оюутны холбооноос нийт салбар холбоо, зөвлөлүүдэд мэдээлэл хүргэсэн байгаа. Мөн Татварын ерөнхий газраас нийт их, дээд сургуулийн санхүүгийн албаныханд сургалт явуулсан. Санамж бичгийн хүрээнд 2019 онд оюутанууд зөвхөн сургалтын төлбөр төлөөд и-баримт авдаг биш дотуур байрны төлбөр, цайны газар, сургалтын төв, жолооны курст сурахдаа гэх мэт бүх төрлийн аж ахуйн нэгж байгууллагаас үйлчилгээ авах бүртээ төлбөрийн и-баримтаа авч байх тал дээр илүү анхаарч ажиллахаар хамтын ажиллагааны төлөвлөгөөг Нийслэлийн татварын газартай хамтран гаргаж ажиллана.

Хамтын ажиллагааны төлөвлөгөө батлагдаж амжаагүй байгаа ч 2018-2019 оны хичээлийн жилийн хоёрдугаар улирал эхлэнгүүт дараах 3 ажлыг хамтарч хийхээр төлөвлөөд байна. Үүнд:

1.Татварын буцаан олголт и-баримтаа хамгийн бага өгсөн их, дээд сургуулиудын жагсаалтыг гаргаж тухайн сургуулийн оюутнуудад мэдээлэл өгөх үүднээс сургалт зохион байгуулна.

2.“Манлайлал оролцоо хөгжил” сэдвээр 1000 лекц зохион байгуулна. Тухайн лекцийн үеэр татварын тухай мэдлэг мэдээл олгоно, зөвхөн 1000 оюутанд сургалт явуулаад өнгөрөх биш фэйсбүүк, сошиал дээр мэдээлэл хүргэж ажилана;

3. Нийслэлийн хэмжээнд үйл ажиллагаа явуулж буй нийт их дээд сургууль, мэргэжил сургалт үйлдвэрлэлийн төв, коллежуудын оюутны холбоо, зөвлөлийн дарга нарын дунд “И-БАРИМТ” сэдэвт хэлэлцүүлэг зохион байгуулна.

Онцгой байдлын ерөнхий газрын харьяа Гамшиг Судлалын Хүрээлэн нь сорилтын болон шалгалт тохируулгын лабораторийн чадавхид тавих ерөнхий шаардлага MNS ISO/IEC 17025:2007 стандартын шаардлагыг хангаж, 2009, 2012, 2015 онуудад Стандарт хэмжил зүйн газраар тус тус итгэмжлүүлэн үйл ажиллагаандаа нэвтрүүлэн ажиллаж байгаа билээ.

Цаашид нэвтрүүлсэн чанарын стандартыг өргөжүүлэх зорилгоор “Дат Консалтинг” ХХК-тай хамтран ажиллах гэрээнд гарын үсэг зурлаа.

Хамтын ажиллагааны хүрээнд менежментийн тогтолцооны (ISO 9001, ISO 14001, ISO 45001) стандарт, сорилтын болон шалгалт тохируулгын лабораторийн чадавхид тавих ерөнхий шаардлага MNS ISO/IEC 17025:2018 стандартын чиглэлээр сургалт зохион байгуулах, үйл ажиллагаандаа нэвтрүүлэн ажиллах юм.

Мөн гамшгаас хамгаалах, гамшгийн эрсдэлийг бууруулах, хөдөлмөрийн аюулгүй ажиллагааны чиглэлээр хамтарсан судалгаа, шинжилгээний ажил гүйцэтгэх, аж ахуйн нэгж, байгууллага, иргэдийн гамшгаас хамгаалах, гамшгийн эрсдэлийг бууруулах, менежментийн тогтолцооны (ISO 9001, ISO 14001, ISO 45001) стандартын талаарх мэдлэгийг дээшлүүлэх чиглэлд мэдээлэл сурталчилгаа хийх, арга зүйн зөвлөмжөөр хангах, дотоодын болон гадаадын олон улсын холбогдох байгууллагуудтай харилцан хамтын ажиллагааг өргөжүүлэх чиглэлээр хамтран ажиллана.

Засгийн газраас мэдээлэл хийлээ.

Сангийн яамны сайд Ч.Хүрэлбаатар: Өнөөдөр хоёр мэдээлэл өгье гэж бодлоо. Эхнийх хилийн боомтын үйл ажиллагааг сайжруулах, гаалийн шинэчлэлийн асуудлыг Засгийн газрын хуралдаанаар оруулж, шийдвэрлэлээ. Хоёрдугаарт НӨАТ-ын буцаан олголттой холбоотой мэдээлэл өгье.

Засгийн газрын өнөөдрийн хуралдаанаар хилийн боомтын үйл ажиллагааг сайжруулах, гаалийн шинэчлэл хийхтэй холбоотой Засгийн газрын тогтоол гарлаа. Энэ тогтоолтой холбоотой зарим зүйлийг хэлье. Монголын уул уурхайн баялаг, ашигт малтмал зургаан боомтоор гарч байгаа. Үүнтэй холбоотой хэд хэдэн асуудал байдаг.

1 Гарч байгаа эрдэс баялагийн сорьцын асуудал тодорхойгүй байдаг. Өнөөдрийн хурлаар авто тээврийн хэрэгсэл бүрээс сорьц авдаг түүн дээрээ үндэслэн татвараа авдаг байх тоглоолыг оруулж өгсөн.

2 Хилээр гарч байгаа авто тээврийн хэрэгслийг бүртгэдэг, цахим хэлбэрээр хянадаг байх шийдвэр гарлаа.

3 Ашигт малтмал гаргаж байгаа зургаан боомт дээр рентген тоног төхөөрөмжүүдийг суурилуулах, камержуулах нэгдсэн мэдээллийн нэг системийг бий болгож, хяналт хийх асуудлыг тогтоолд тусгасан.

НӨАТ-ын буцаан олголтоор нийт 800,8 мянган хүнд 120 тэрбум гаруй НӨАТ-ын буцаан олголтын маргааш өглөөнөөс эхлэн олгож эхэлнэ. Энэ жил НӨАТ-ын буцаан олголт 60-аад хувиар нэмэгдсэн. Хамралт мөн 40-өөд хувиар нэмэгдсэн.