Month: November 2018

Өнөөдрөөс Замын хөдөлгөөний шинэ дүрэм хэрэгжинэ

Post author By
Post date 2018-11-01
No Comments on Өнөөдрөөс Замын хөдөлгөөний шинэ дүрэм хэрэгжинэ

Зам, тээврийн осол, хэрэг, тээврийн хэрэгслийн хурднаас шалтгаалсан ослыг бууруулах, жолооч, явган зорчигчийн амь насыг хамгаалах, хүүхдийг зам, тээврийн осолд өртөхөөс хамгаалах, хөгжлийн бэрхшээлтэй иргэд замын хөдөлгөөнд аюул, бэрхшээлгүй оролцох нөхцөлийг хангах, түгжрэлийг багасгах зэрэг чиглэлээр нэмэлт, өөрчлөлт оруулсан шинэ дүрэм өнөөдрөөс хэрэгжиж эхлэх юм. Тухайлбал хурднаас шалтгаалсан ослыг бууруулах үүднээс “Замын зэргэлдээх нутаг дэвсгэр, ялангуяа явган хүний хөл хөдөлгөөн ихтэй үзвэр, худалдаа, үйлчилгээний талбай зэрэг газарт цагт 20 км-ээс илүү хурдтай явахыг хориглоно” гэж тусгасан байна.

Мөн хүний амь нас, эрүүл мэнд, эд хөрөнгөд ноцтой хохирол учирсан байж болзошгүй ослын үед тусламж үзүүлэх, цагдаагийн байгууллагад мэдэгдэх, осол, байгалийн гамшиг болон бусад аюул, эрсдэлд өртөж болзошгүй нь илэрхий байдалтай зогссон жолоочийн дохиогоор зогсож, тусламж үзүүлэхийг бүх жолоочид үүрэг болгосон аж. Энэ мэтчилэн нийт 60 гаруй дүрэм журамд шинээр нэмэлт өөрчлөлт оруулсан байна.

мэдээ улс-төр

Н.Баяртсайхан: Би Жижиг, дунд үйлдвэрийг хөгжүүлэх сангаас ямар нэгэн зээл аваагүй

УИХ-ын чуулганы нэгдсэн хуралдаанаар 2019 онд баримтлах мөнгөний бодлогын үндсэн чиглэлийг хэлэлцэж байна. Үүнтэй холбогдуулан Монголбанкны ерөнхийлөгч Н.Баяртсайхан чуулганы нэгдсэн хуралдаанд оролцож байгаа юм. Жижиг, дунд үйлдвэрийг хөгжүүлэх сангаас түүнийг авсан гэдэг мэдээлэл гарсан. Энэ талаар О.Баасанхүү гишүүн Монголбанкны ерөнхийлөгч Н.Баяртсайханаас тодрууллаа. О.Баасанхүү гишүүн “Таныг Жижиг, дунд үйлдвэрийг хөгжүүлэх сангаас зээл авсан гэсэн мэдээлэл гарсан. Энэ үнэн үү. Үнэн бол хариуцлага хүлээх үү. Банкны хүүг тодорхойлдог хүн тусгай сангаас бага хүүтэй зээл авах нь шударга бус гэсэн юм.

Монголбанкны ерөнхийлөгч Н.Баяртсайхан О.Баасанхүү гишүүний дээрх асуултад хариулахдаа “О.Баасанхүү гишүүнд баярлалаа. Би энэ тухай мэдээлэл сонсоогүй. Тиймээс ямар мэдээ гарсныг нь шалгаж үзье. Би Жижиг, дунд үйлдвэрийг хөгжүүлэх сангаас ямар нэгэн зээл аваагүй. Тэгэхээр энэ бол худлаа мэдээлэл гэсэн үг. Монголбанкинд Зээлийн мэдээллийн сан гэж бий. Арилжааны банкнаас авсан бүх зээл энэ санд бүртгэгддэг. Харин Жижиг, дунд үйлдвэрийг хөгжүүлэх сангаас авсан зээл бүртгэгддэггүй. П.Сэргэлэн сайдын үед Жижиг, дунд үйлдвэрийг хөгжүүлэх сангаас гарч байгаа зээлийн мэдээллийг Зээлийн мэдээллийн санд бүртгүүлж байх нь зүйтэй гэсэн албан бичиг илгээж байсан. Үүнийгээ цаашдаа ажил хэрэг болгохын төлөө ажиллах болно” гэлээ.

мэдээ нийгэм

Төрөх эмнэлэгт регистрийн дугаар олгож, шууд бүртгэлжүүлнэ

Post author By
Post date 2018-11-01
No Comments on Төрөх эмнэлэгт регистрийн дугаар олгож, шууд бүртгэлжүүлнэ

Улс орон даяар шинэ төрсөн хүүхдэд өнөөдрөөс эхлэн төрөх эмнэлэгт нь регистрийн дугаар олгож, шууд бүртгэлжүүлнэ. Түүнчлэн регистрийн дугаар олгогдсон мэдээлэл төрөлт бүртгэгдсэн тухайн өдөртөө Улсын бүртгэлийн ерөнхий газар болон Үндэсний статистикийн хороонд очих юм байна. Сум, баг, хороонд статистикийн мэдээллийг Засаг дарга хөтлөх хуультай. Тиймээс шинэ иргэний мэдээлэл тухайн нутаг дэвсгэрийн Засаг даргын хөтөлдөг “Өрхийн мэдээллийн сан”-нд орно. Баг хорооныхон тухайн өрхтэй холбогдож бүртгэлийг баталгаажуулах юм.

Харин шинээр мэндэлсэн иргэнд ар гэрийнхэн нь нэр ѳгсний дараа иргэний бүртгэлийн байгууллагад хандан тѳрсний гэрчилгээг нь авна.

мэдээ цаг-үе

Олноос тас нуусан А/88 тоот тушаал буюу ЖДҮ-ийн сангаас зээл авсан компаниудыг “Өдрийн сонин” зарлаж байна

Post author By Э. Энхболд
Post date 2018-11-01

Жижиг, дунд үйлдвэрлэлийг хөгжүүлэх сан гэж жигтэйхэн мөнгөний уурхай байдаг талаар мэдээлэл гарч тус сангаас зээл авсан улстөрчдийг шөнө нойргүй хонуулж байна. УИХ-ын гишүүд болон Засгийн газрын гишүүд “Хэзээ нэр минь гарч ирэх бол” гэсэн айдастай байгаа нь үнэн. Монгол Улсын Ерөнхийлөгч Х.Баттулга телевизийн нэвтрүүлэгт орох үеэрээ “Өмнө нь жижиг, дунд үйлдвэрлэлийг хөгжүүлэх сангийн мөнгө банкаар дамжин олгогддог байсан” гэдгийг онцолж байсан. Тэгвэл УИХ дахь АН-ын бүлгийн дарга Д.Эрдэнэбат өмнө нь банкуудаар олгож байсан жижиг, дундын зээлийг А/88 тоот тушаал гаргаж Жижиг, дунд үйлдвэрлэлийг хөгжүүлэх сангаар олгох болсон. Энэ хамгийн буруу. Улстөрчдийн сангийн мөнгөтэй холбогдох болсон шалтгаан нь арилжааны банкуудаар бус сангаар шууд олгож байгаатай холбоотой гэж байсан юм. Жирийн бизнес эрхлэгч жижиг, дунд үйлдвэрлэгчид өөрсдийн төслөө өгөөд шаардлага хангасан бол хөнгөлөлттэй зээлд хамрагддаг байсан журмыг давж гарсан Б.Батзориг сайдын баталсан А/88 тоот тушаал өчигдрийг хүртэл ил болоогүй билээ. Яаман дээрээ сайдын туслах нь хав дарчихаад УИХ дахь АН-ын бүлэгт ч ирүүлээгүй уг тушаалыг “Өдрийн сонин” зарлаж байна.

Б.Батзориг сайд А/88 тоот уг тушаалыг гаргалгүй өмнөх журмаар нь банкуудаар олгоод явсан бол сайдаас огцрох хүртэл нь асуудал хурцдахгүй байв. Нэг үгээр хэлбэл, А/88 тоот тушаал түүнийг огцруулсан гэж ойлгож болно. Ноднин УИХ Жижиг, дунд үйлдвэрийг хөгжүүлэх сангийн хөрөнгийг 65 тэрбум төгрөгөөр баталж байхад “МАН гишүүддээ 65 тэрбум төгрөг хуваариллаа” хэмээн шуугиан дэгдсэн ч төд удалгүй намжсан. Үүнийг нь батлах гэсэн мэт УИХ-ын гишүүд, Засгийн газрын сайд нар тэрбумаар хэмжигдэх төсөл хамаарал бүхий компаниуддаа авсан нь ил болж ард түмнээсээ уучлалт гуйхад хүргэлээ.

Ямартаа ч олон хүнийг хөлдөө чирсэн А/88 тоот тушаал 2018 оны тавдугаар сарын 14-ний өдөр батлагдсан байна. Хүнс, хөдөө аж ахуй, хөнгөн үйлдвэрийн сайдын “Төсөлд дэмжлэг үзүүлэх тухай” уг тушаалд “Монгол Улсын Засгийн газрын тусгай сангийн тухай хуулийн 14 дүгээр зүйлийн 14.5.2 дахь заалт. 26 дугаар зүйлийн 26.3 дахь хэсэг, “Жижиг дунд үйлдвэрийг хөгжүүлэх сангаас урт хугацаатай, хөнгөлөлттэй зээл олгох төсөл сонгон шалгаруулах журам”-ын 6.2 дахь заалт, Хүнс, хөдөө аж ахуй, хөнгөн үйлдвэрийн сайдын 2018 оны А/56, А/61 дүгээр тушаал болон “Төсөл сонгон шалгаруулах хороо”-ны 2018 оны тавдугаар сарын 8-ны өдрийн шийдвэрийг тус тус үндэслэн ТУШААХ НЬ:

1. Төсөл сонгон шалгаруулах хорооны 2018 оны тавдугаар сарын 8-ны өдрийн хурлаар хэлэлцэж, төсөл нь дэмжигдсэн 125 иргэн, хуулийн этгээдийн төслийг Хүнс, хөдөө аж ахуй, хөнгөн үйлдвэрийн сайдын 2018 оны А/61 дүгээр тушаалын хүрээнд санхүүжүүлэх хуваарийг нэгдүгээр хавсралтаар баталсугай.

2. Төсөл хэрэгжүүлэгч барьцаа хөрөнгийн шаардлага хангаагүй болон бусад шалтгааны улмаас санхүүжилтийн эх үүсвэр үлдсэн тохиолдолд хоёрдугаар хавсралтад заасан есөн иргэн, хуулийн этгээдийн төслийг санхүүжүүлсүгэй.

3. Төсөл нь шалгарсан иргэн хуулийн этгээдтэй зээлийн гэрээний нөхцөл болон барьцаа хөрөнгийн шаардлага бүрэн хангасан тохиолдолд зээлийн гэрээ байгуулж, санхүүжүүлэхийг Жижиг, дунд үйлдвэрийг хөгжүүлэх сангийн захирал /С.Төгсбилэг/-т даалгасугай.

4. Гэрээний хэрэгжилтэд хяналт тавьж ажиллахыг Жижиг, дунд үйлдвэрийг хөгжүүлэх сангийн захирал /С.Төгсбилэг/-д, тушаалын хэрэгжилтэд хяналт тавьж ажиллахыг Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга /Д.Энхбат/-д тус тус үүрэг болгосугай гэжээ. Нийт 1031 төсөл ирснээс 498 төсөл нь шаардлага хангасан юм байна. Эдгээрээс тус сангийн зүгээс 134 төсөлд хөнгөлөлттэй зээл олгожээ.

А/88 тоот тушаалын хүрээнд ямар компаниуд хэдэн төгрөгийн дэмжлэг авсныг дараахь хүснэгтээр үзүүлье.

№	Иргэн, ААН-ийн нэр		Санхүүжилтийн дүн (сая.төг)
1	А.Тэрбиш		35.00
2	“Авант клотинг” ХХК		54.00
3	“Агротехнологи шижирт” ХХК		950.00
4	“Азийн говь” ХХК		650.00
5	“Алтан нуга даваа” хоршоо		35.00
6	“Алтан олом” ХХК		250.00
7	“Аралтебе” хоршоо		200.00
8	“Арвай хүрд” ХХК		950.00
9	“Асрал” ХХК		1.700.00
10	Б.Анхбаяр		15.00
11	Б.Гарамдорж		150.00
12	“Баруун Загвар” ХХК		160.00
13	“Баруун зүүн эх сувилал” ХХК		500.00
14	“Баян Таван тэс” ХХК		250.00
15	“Баясах” ХХК		400.00
16	“Бүрэн луу” ХХК		674.00
17	Бүст улаан		350.00
18	Г.Түмэннаст		20.00
19	“Газар буудай” ХХК		950.00
20	“Ган дөрвөн учрал” ХХК		600.00
21	“Ганбат өргөө” ХХК		800.00
22	“Ганга нар трейд” ХХК		80.00
23	“Гранд степп” ХХК		1.500.00
24	Гэрдсараа		1.600.00
25	Д.Даваадорж		45.00
26	“Дархан таван нуур” ХХК		950.00
27	“Дархан эрдэнэ мах комбинат” ХХК		900.00
28	“Долоон тэнгис” ХХК		900.00
29	“Дорнод гурил” ХХК		950.00
30	“Дорнын увидас” ХХК		400.00
31	“Дүүрэн Гэгээ” ХХК		200.00
32	“Дэлгэрбаян говь” ХХК		1.600.00
33	“Жаргалант харвест” ХХК		1.200.00
34		“ЖГБ” ХХК
35		“Заан фүүдс” ХХК
36		“Идлэг фүүдс” ХХК
37		“Инжхами” ХХК
38	Иргэн А.Анхням		34.00
39	Иргэн А.Батцэцэг		20.00
40	Иргэн Б.Батболд		49.00
41	Иргэн Б.Золзаяа		100.00
42	Иргэн Д.Гантөмөр		47.00
43	Иргэн Л.Мягмаржав		300.00
44	“Их говийн төгөл” ХХК		275.00
45	“Их сангийн далай” ХХК		500.00
46	“Капитал факторит” ХХК		1.000.00
47	“Кэй Өү Эм Эм Жи Эл” ХХК		1.500.00
48	Л.Оюун-Эрдэнэ		10.00
49	М.Мөнхдөл		240.00
50	М.Цогтгэрэл		37.00
51	“Марал буян групп” ХХК		198.00
52	Модел ферм		600.00
53	“Монвурст” ХХК		800.00
54	“Монгол буйдан” ХХК		500.00
55	“Монгол шаазан” ХХК		950.00
56	“Мон-Лойс” ХХК		490.00
57	“Монтэар-Жин” ХХК		500.00
58	“Мөнгөн дайван” ХХК		400.00
59	“Мөрөн Агро” ХХК		700.00
60	“Наму дэвжих” ХХК		1.600.00
61	“Нарлаг хараа” ХХК		750.00
62	“Нүүдэлчин агро ферм” ХХК		1.000.00
63	“Оньсон тээг” ХХК		500.00
64	“Органик хүнс трейд” ХХК		200.00
65	“Өв сор хангай” ХХК		700.00
66	“Өвөрбаян бүрд” ХХК		400.00
67	“Өгөөдэй Ази”ХХК		1.000.00
68	“Өндөр бадрах” ХХК		100.00
69	“Өсөх буудай” ХХК		900.00
70	“Пример инвестмент групп” ХХК		900.00
71	Р.Мөнхцэцэг		150.00
72	Р.Энхдэлгэр		100.00
73	“Ричнес Инвестмент” ХХК		850.00
74	“Рэд Стар клуб” ХХК		800.00
75	“Сапфир стоун” ХХК		1.200.00
76	“Саруул Хангай чөлөөт бүс” ХХК		950.00
77	“Сингапур хэльт кейр” ХХК		900.00
78	“Солар хасу” ХХК		700.00
79	“Сонголон хайрхан” ХХК		750.00
80		“Сондог” ХХК
81		“Сэлши үүр” ХХК
82		“Таятан фүүд” ХХК
83	“Топкондитеэр” ХХК		950.00
84	“Тунгалаг онги” ХХК		345.00
85	“Тэнгэрийн соёмбо” ХХК		600.00
86	“Тээвэр ачлал” ХХК		1.400.00
87	“Улзын ундарга” ХХК		200.00
88	“Уран Сэлэнгэ” ХХК		300.00
89	Х.Хишигсүрэн		100.00
90	“Хаганат” ХХК		195.00
91	“Хангайн идээ” хоршоо		63.00
92	“Хантай хайрхан” ХХК		1.000.00
93	“Ханын энгэр” хоршоо		132.00
94	“Хаппи Сити” групп		400.00
95	“Хараат хайрхан уул” ХХК		200.00
96	“Хас говь” ХХК		950.00
97	“Хатан хармаг” ХХК		200.00
98	“Хаш Хэм” ХХК		900.00
99	“Хашдэ” ХХК		400.00
100	“Хишиг Арвидах трейд” ХХК		200.00
101	“Хишиг бүрэн” ХХК		150.00
102	Хос Алтайн бүрд		300.00
103	“Хос Богд агро” ХХК		650.00
104	“Хос Болор талст” ХХК		500.00
105	“Хос эрхэс” ХХК		500.00
106	“Хүй толгой трейд” ХХК		250.00
107	“Хүннү” ХХК		950.00
108	“Хүнс сервис” ХХК		500.00
109	Ц.Оюунчимэг		200.00
110	“Цагийн эрч” ХХК		950.00
111	“Цант Алтай” ХХК		900.00
112	“Цаст Согоот” ХХК		800.00
113	“ЦЕТ” ХХК		850.00
114	“Цан стайл” ХХК		750.00
115	Ч.Батчулуун		22.00
116	Ч.Оюунтуяа		250.00
117	“Чилагу” ХХК		600.00
118	Ш.Ууганбаяр		35.00
119	“Шинэ алхам классик” ХХК		200.00
120	“Ширээт онон” ХХК		1.000.00
121	“Эй Жэй Нью Тур” ХХК		80.00
122	“Эм Эм Жи Капитал” ХХК		1.000.00
123	“Эмийн үйлдвэр” ХХК		1.200.00
124	“Эпато анарваан” ХХК		1.200.00
125	“Эрдэнийн утсан хэлхээ” ХХК		100.00
НИЙТ

САНХҮҮЖҮҮЛЭХ ТӨСЛИЙН ЖАГСААЛТ

№	Иргэн, ААН-ийн нэр		Санхүүжилтийн дүн (сая.төг)
1	“Хустайн интернэшнл” ХХК		200.00
2	“Анар номин трейд” ХХК		700.00
3	“Намжсод” ХХК		250.00
4	“Жамме” ХХК		300.00
5	“Замбалгарав” ХХК		750.00
6	“Жетте майнинг” ХХК		800.00
7	“Грийн тауэр констракшн” ХХК		500.00
8	“Алтан шандас зээрд”		200,00
9	“Нью силк рөүд”		400.00
НИЙТ		4.100.00

мэдээ нийгэм

Монгол Улс, БНХАУ, ОХУ гурван орны олон талт хамтын ажиллагааг хөгжүүлнэ

Post author By
Post date 2018-11-01
No Comments on Монгол Улс, БНХАУ, ОХУ гурван орны олон талт хамтын ажиллагааг хөгжүүлнэ

Монгол Улс, БНХАУ, ОХУ гурван орны найрсаг харилцаа эдийн засаг болон соёлын олон талт хамтын ажиллагааг хөгжүүлэх, хөрөнгө оруулалтыг нэмэгдүүлэх зорилгын хүрээнд 2018 оны 11 дүгээр сарын 1-ний өдрөөс 11 дүгээр сарын 4-ний өдрийн хооронд Монгол улсын Улаанбаатар хотод “Улаанбаатар – Улаанцав– Улаан-Үд Хотуудын Хамтын Ажиллагаа 2018” нэгдсэн арга хэмжээг зохион байгуулж байна.

Монгол Хятадын Худалдааг дэмжих холбоо, БНХАУ-ын ӨМӨЗО-ны Улаанцав хотын ардын засгийн ордон, Монгол Оросын Худалдааны танхим, “Мишээл Экспо” ХХК нь арга хэмжээний ерөнхий зохион байгуулагчаар ажиллаж буй бөгөөд Нийслэлийн засаг даргын тамгын газар, БНХАУ-ын ӨМӨЗО-ны ардын засгийн ордон, ОХУ-ын Буриад улсын Улаан-Үд хотын захиргаа, БНХАУ-ын ӨМӨЗО-ны олон улсын худалдааг дэмжих хороо, ОХУ-ын Буриад улсын ардын хурал, ОХУ-ын Буриад улсын бүс нутгийн хөгжлийн сан, Монгол улс дахь ОХУ-ын худалдааны төлөөлөгчийн газар нь арга хэмжээний дэмжигч байгууллагаар тус тус ажиллаж байна.

Энэхүү арга хэмжээний хүрээнд:

Гурван хотын дарга нарын албан уулзалт
Гурван хотын эдийн засаг, хамтын ажиллагааны бизнес форум 11 дүгээр сарын 1-нд Новотел зочид буудалд
Гурван улсын бараа бүтээгдэхүүний үзэсгэлэн худалдаа 11 дүгээр сарын 2-оос 4-ний өдрүүдэд Мишээл Экспо төвд тус тус болно.

2018 оны 11 дүгээр сарын 1-ний 15:00 цагт Новотел зочид буудалд “МОНГОЛ-ХЯТАД-ОРОС ГУРВАН УЛСЫН АЖ АХУЙН НЭГЖ ХООРОНДЫН ЭДИЙН ЗАСАГ, ХУДАЛДАА, ХӨРӨНГӨ ОРУУЛАЛТ, ХАМТЫН АЖИЛЛАГААНЫ ЧУУЛГА УУЛЗАЛТ”- ыг зохион байгуулж байна. Чуулга уулзалтад гурван хотуудын албан төлөөлөгч нар, холбогдох салбарын яамд, газар, холбоо байгууллагууд, аж ахуйн нэгжүүдийн төлөөлөл оролцож тээвэр ложистикын салбар, эдийн засаг, худалдаа, хөрөнгө оруулалт, аялал жуулчлалын, боловсрол, эрүүл мэнд, хөдөө аж ахуй, мал аж ахуйн чиглэлд аж ахуйн нэгжүүдийн хамтран ажиллах боломжууд, хамтран ажиллахад тохиолдож байгаа бэрхшээлүүдийг хэлэлцэж тэдгээрийг шийдвэрлэж болох арга замуудыг хэлэлцэх юм. Мөн бизнес форумын үеээр гурван орны төрийн болон бизнесийн байгууллагууд хамтран ажиллах санамж бичигт гарын үсэг зурна.

Арга хэмжээний нээлт 2018 оны 11 дүгээр сарын 2 -ны 10 цагт “Мишээл экспо” Олон улсын үзэсгэлэн худалдааны төвд болох ба 11 дүгээр сарын 2- ноос 4-ний өдрүүдэд 10.00-18.00 цагийн хооронд гурван улсын төлөөлөл 110 гаруй аж ахуйн нэгжийн бараа бүтээгдэхүүний хамтарсан үзэсгэлэн худалдаа болно.

гадаад мэдээ

Дэлгүүр рүү юм авахаар ороод хүүхдээ төрүүлжээ

Post author By
Post date 2018-11-01
No Comments on Дэлгүүр рүү юм авахаар ороод хүүхдээ төрүүлжээ

ОХУ-ын Называевск хотын нэгэн эмэгтэй дэлгүүр рүү юм авахаар ороод хүүхдээ төрүүлжээ. Эмэгтэй худалдагчийн дэргэд ирээд “төрөх нь” гэж хэлээд тусламж хүсчээ. Кассчин эмэгтэй нааш цааш холхиж түүнд тусламж дуудсан бол энэ үеэр дэлгүүрээр үйлчлүүлж байсан иргэд болж буй үйл явдлыг тайван хүлээн авчээ. Удалгүй түргэн тусламж ирсэн ч эмэгтэй хэдийнэ эсэн мэнд амаржсан байсан аж. Хүүхэд 3,6 килограмм жинтэй бөгөөд Иван гэдэг нэр хайрлажээ. Хүүхэд түүний зургаа дахь хүүхэд нь юм байна.

Энэхүү хэрэг өнгөрөгч аравдугаар сарын 11-д болсон бөгөөд бичлэгийг өчигдрөөс эхлэн олон нийтэд хүргэжээ.

мэдээ улс-төр

УИХ, Засгийн газар хууль зөрчсөн үйлдлүүдээ зогсоо гэв

Post author By
Post date 2018-11-01
No Comments on УИХ, Засгийн газар хууль зөрчсөн үйлдлүүдээ зогсоо гэв

УИХ-ын чуулганы пүрэв гаригийн хуралдаан эхэлж байна. Хуралдааны эхэнд УИХ-ын дарга М.Энхболд товчхон тайлбар хийсэн. Тэрбээр “Ерөнхийлөгчийн албан бичгийн хариуг би ойрын хугацаанд өгнө. Энэ албан бичигтэй холбоотой заавал Төрийн байгуулалтын байнгын хороо хуралдах шаардлагагүй” гэв.

Үүний дараа УИХ дахь Ардчилсан намын бүлгийн дарга Д.Эрдэнэбат “УИХ, Засгийн газар хууль зөрчсөн үйлдлүүдээ зогсоотол чуулган, байнгын хорооны хуралдаануудад оролцохгүй” гэдгийг мэдэгдлээ.

УИХ дахь Ардчилсан намын бүлгээс УИХ-ын гишүүдийг зохион байгуулалттайгаар авлигадсан У.Хүрэлсүхийн засгийн газрыг огцруулахыг шаардсан байна. Мөн сонгогчдын итгэлийг хөсөрдүүлэн шударга ёс, үндэсний эрх ашгийг уландаа гишгэж, өөрийн компаниудад зээл авсан УИХ-ын гишүүдэд хариуцлага тооцох ёстой гэж үзжээ. Энэ бүхнээс болж алдагдсан боломжийг иргэдэд буцаан олгох ажлыг УИХ , Засгийн газар яаралтай зохион байгуулахыг шаардаад, хуралдаануудад суухгүй гэлээ.

Өнөөдрийн чуулганы хуралдаанаар төлөвлөсөн асуудлаа хэлэлцэж эхлэв. “Төрөөс мөнгөний бодлогын талаар 2019 онд баримтлах үндсэн чиглэл батлах тухай” УИХ-ын тогтоолын төслийн анхны хэлэлцүүлгийг хийж эхэллээ.

мэдээ улс-төр

УИХ дахь МАН-ын бүлэг төсвийн асуудлаар хуралдаж байна

Post author By
Post date 2018-11-01
No Comments on УИХ дахь МАН-ын бүлэг төсвийн асуудлаар хуралдаж байна

УИХ дахь МАН-ын бүлэг төсвийг дахин эргэж харах асуудлыг хэлэлцэхээр өнөөдөр 08:00 цагт хуралдааны тов зарласан билээ. Өчигдөр УИХ-ын Төсвийн байнгын хорооны дарга Б.Чойжилсүрэн “Төсвийн хоёрдугаар хэлэлцүүлгийг дахин хийж таарахаар байна” гэсэн мэдээллийг албан бусаар өгсөн юм.

Мөн өчигдөр үдээс хойш Засгийн газар ээлжит бусаар хуралдаж, ХХААХҮ-ийн сайд Б.Батзоригийг албан үүргээс нь чөлөөлөх асуудал болон ирэх оны төсөвт суусан зарим асуудлыг эргэн харах талаар хуралдсан билээ. Ерөнхий сайд У.Хүрэлсүх “Ирэх оны төсөвт мал ахуйн салбарыг эдийн засгийн эргэлтэд оруулах төсвүүдийг суулгаж өгөхөд анхаарна” гэж өчигдрийн бүлгийн хуралдааны үеэр ярьсан нь анхаарал татаж буй юм.

Бүлгийн хуралдаанаар төсвийн хоёрдугаар хэлэлцүүлгийг дахин хийх, эсвэл Засгийн газраас төслөө эргүүлэн татах, бусад байдлаар хэрхэн засч болох асуудлаар байр сууриа нэгтгэх аж.

мэдээ спорт

Олимпийн наадмын марафон гүйлтийг өглөөний 5:30 цагт эхлүүлэхийг эмч нар уриалжээ

Японы эмч
нар өчигдөр Токио 2020 Зуны Олимпийн наадмыг зохион байгуулагчдад хандаж, наадмын
марафон гүйлтийн уралдааныг өглөө 5:30 цагаас эхлүүлэхийг уриалжээ.

Өглөө эрт
уралдааныг эхлүүлэхгүй бол өдрийн халууны улмаас тамирчид амиа алдах аюултайг
тэд анхааруулсан байна. Энэ зун Токиод түүхэнд тохиолдоогүй их халуун болсон.
Цаашдаа ч илүү их халдаг болно гэж үзэж байгаа.

Олимпийн
наадмыг зохион байгуулагчид өмнө нь халуунаас сэргийлэхийн тулд марафоны эхлэх
цагийг 30 минутаар урагшлуулж, өглөөний 7:00 цаг болгоод байв. Тэгвэл Японы
Анагаах Ухааны Холбооны эмч мэргэжилтнүүд үүнийг хангалтгүй гэж үзжээ.

“Бид үүнд их
санаа зовж байна. Хэт халуун агаар зөвхөн тамирчдад бус, зохион байгуулагч
ажилчдад, үзэгчдэд сөргөөр нөлөөлж, шуурхай дуудлагын ачааллыг нэмэгдүүлснээр
эмнэлгийн байгууллагууд, бусад өвчтөнүүдэд ноцтой асуудал үүсгэнэ гэж үзэж
байна” хэмээн Японы Анагаах Ухааны Холбооны тэргүүлэгч гишүүн Кимиюки Нагашима
ярьжээ.

Жил бүр Япон
даяар агаарын хэт халалтын улмаас хэдэн зуун хүн амиа алддаг. Өнгөрсөн зун энэ
тоо дээд хэмжээндээ хүрсэн юм. 1964 онд Токиод Зуны Олимпийн наадам зохион
байгуулагдахад чийглэг, халуун цаг агаараас зугтаж, аравдугаар сард шилжүүлж
байжээ.

мэдээ нийгэм

Удирдах бүрэлдэхүүнд гамшгаас хамгаалах мэдлэг олгов

Post author By
Post date 2018-11-01
No Comments on Удирдах бүрэлдэхүүнд гамшгаас хамгаалах мэдлэг олгов

Төв аймагт 11 дүгээр сарын 03-05-ны өдрүүдэд Гамшгаас хамгаалах иж бүрэн сургууль зохион байгуулагдахтай холбогдуулан ОБЕГ-ын дэд дарга, хурандаа Б.Ууганбаяраар ахлуулсан ажлын хэсэг тус аймагт ажиллаж байна.

Ажлын хэсгийн бүрэлдэхүүн аймгийн Онцгой комисс, орон нутгийн гамшгаас хамгаалах алба, мэргэжлийн анги, төрийн болон төрийн бус байгууллага, аж ахуйн нэгж байгууллагуудын удирдлагуудад гамшгаас хамгаалах менежмент, гамшгаас хамгаалах алба, мэргэжлийн ангийн дүрэм, төлөвлөлт бэлэн байдал, байр зүйн зургийн тухай ойлголт, түүний ашиглалт, байгууллагын галын аюулгүй байдал, мал амьтны гоц халдварт өвчний үед хорио цээрийн дэглэм тогтоох зэрэг сэдвүүдээр сургалт явууллаа.

Мөн Олон улсын шилжилт хөдөлгөөний газрын хөтөлбөрийн ажилтнууд “Хуарангийн удирдлага зохион байгуулалт, шилжин суурьшигчдын нөхцөл байдлын үнэлгээ” сэдвээр сургалт явуулж, гадны улс орнууд гамшгийн үед хэрхэн шилжин нүүдэг, шилжин суурьшсан газар ямар шаардлага хангасан байдаг талаар мэдээлэл өгсөн юм.

Сургалтад Төв аймгийн Онцгой комисс, орон нутгийн бүх шатны Засаг дарга, албад, мэргэжлийн анги, төрийн болон төрийн бус байгууллага, аж ахуйн нэгж байгууллагуудын дарга нар оролцлоо гэж Онцгой байдлын ерөнхий газраас мэдээллээ.

Recent Posts

Recent Comments

Archives

Categories