9.00 цагт “Шангри-Ла” зочид буудалд “Coal Mongolia” чуулга уулзалт-үзэсгэлэн эхэлнэ.
09.00 цагт Туушин зочид буудалд Монгол Улсад айлчлал хийж буй ОХУ-ын хоккейн холбооны ерөнхийлөгч Владислав Третьяк мэдээлэл хийнэ. Утас:80003580
09.40 цагт Монголын хөрөнгийн биржийн байранд “Мандал даатгал” компанийн анхдагч зах зээлийн арилжааны захиалгын нээлт болно. Утас:95953141
10.00 цагт Эрүүл мэндийн хөгжлийн төвд “Эрүүл мэндийн ажилтны нийгмийн хамгааллыг дэмжих сар”-ын хүрээнд эрүүл мэндийн салбар дахь сул ажлын байрны мэдээллийг сурталчилах арга хэмжээ болно.
10.00 цагт ЭМЯ-нд Эрүүл мэндийн сайд Д.Сарангэрэл “Монгол Улсын нийгмийн эрүүл мэндийн мэргэжилтнүүдийн чадавхийг бэхжүүлэх хөтөлбөр”-т хамрагдсан 140 төлөөлөгчтэй уулзана. Утас: 99179899, 86885060
10.00 цагт Засгийн газрын XI байранд“Нийгэм дэх хүчирхийлэл:Эмэгтэйчүүдийн эрх” онол, практикийн бага хурал болно.
11.00 цагт “Үндэсний мэдээллийн төв”-д Төв аймгийн Заамар сумын иргэд “Эко алтан Заамар” компанийн хууль бус үйл ажиллагааны талаар мэдээлэл хийнэ. Утас: 91911692, 99817128
11.30 цагт “Үндэсний мэдээллийн төв”-д “Монголын соёлын ажилтны хөгжлийн эрин холбоо”-ноос Соёлын төвийн ажилтануудын их хурал зохион байгуулах талаар мэдээлэл хийнэ.
12.00 цагт “Монгол ньюс” мэдээллийн төвд цагдаа нарын хууль бус үйл ажиллагааны талаар Баянзүрх дүүргийн иргэд мэдээлэл хийнэ.
14.00 цагт “Тэнгис” кино театрт “Монголын нууц товчоо түгээмэл эх” төслийн хүрээнд бүтээсэн “Монголын Нууц Товчоо” киноны нээлт болно.
Сүүлийн үеийн их бороо Монголын томоохон асуудал болж хувирлаа. Авто зам уурссан тухай мэдээ тасраагүй байхад төмөр зам урссан тухай мэдээ олон нийтэд түгэв. Үүнд Засгийн газар онцгой ач холбогдол өгч, өөрийн эрх мэдлийн хүрээнд Зам, тээврийн хөгжлийн дэд сайд Л.Халтарыг шуурхай томиллоо. Шинэхэн сайд ч өөрийн хэрээр итгэл даахыг хичээж байгаа бололтой. Тэрээр өнгөрсөн амралтын өдрүүдэд сүүлийн үед иргэдийн шүүмжлэлд өртөөд байгаа Улаанбаатар-Дархан-Сэлэнгийн авто зам дээр Авто замын хөгжлийн төвийн дарга Р.Будтай хамт ажиллаа. Энэ нь Зам, тээврийн сайдын ажлаа авсны дараахь анхны орон нутгийн томилолт гэнэ. Хөдөөгийн сайдад их бороо гэдэг нь сайн бол Замын сайдад их бороо нь суудлыг нь булаах аюул дагуулна. Манайхан Дархан-Улаанбаатарын замыг хүн хөнөөдөг, мөнгө идсэн зам гэж ярьдаг. Үнэхээр тийм эсэхийг шалгаад тогтоочихсон баримт өнөөг хүртэл байдаггүй юм байна. Харин шинэ дэд сайд Л.Халтар үүнд эцсийн хариу өгөх зорилгоор газар дээр нь үзэхээр шийдсэн бололтой юм. Түүний шалгасан зам бол Монголын хүнсний хангамжийн маш чухал бүсийг дотоодын хамгийн том зах зээл болох нийслэлтэй холбодог зам. Өөрөөр хэлбэл Монголын эдийн засагт хамгийн том төмөр замын дараа орох авто зам. Мэргэжлийн хүний хувьд тэрээр юунаас эхлэхээ мэдэж байгаа аж. Гэхдээ дэд сайд маань зөвхөн асуудал үүсгэсэн авто зам дээр ажиллаагүй. Тухайн бүс нутгаар дайран өнгөрч байгаа улсын чанартай авто замын засвар арчлалтын ажлын явц, ургацын замын нөхцөл байдал, төмөр замын өртөөний үйл ажиллагаатай танилцах, орон нутгийн удирдлагуудтай уулзалт хийх, холбогдох үүрэг даалгавар өгөх, тулгамдаж буй асуудлуудыг шийдвэрлэхээр ажилласан юм. Зам тээврийн осол гардаг 26 цэг байдгаас есөн цэгт хамгийн олон давтамжтай гэж судалгааны дүн гарчээ. Судалгааны дүнгээр бидний нэрлэж заншсанаар 52-ын даваа, 60 даваа, Шавартайн голын гүүр, Тахилтын даваа, Нарийн хөндий, Цайдмын хөндий, Хустайн даваа гэсэн цэгүүдэд хамгийн их осол гардаг юм байна. Шалтгаан нь өгсүүр даваатай, үзэгдэх орчин хязгаарлагдмал огцом эргэлттэй бөгөөд манайхан хурд хэтрүүлдгээс болдог аж. Өнгөрсөн долоо хоногоос Зам тээврийн хөгжлийн төв, Тээврийн цагдаагийн албатай хамтран хурд хэмжигчийг нэмж байршуулах, авто замын хөдөлгөөнт эргүүлийг тус хэсэгт ажиллуулах шийдвэр гаргасан гэнэ. Үүнтэй холбоотой шийдвэрийн биелэлт, хэрэгжүүлэх ажлын талаар ЗТХТ, Тээврийн цагдаагийн газар, тус чиглэлийн замын цагдаагийн удирдлагуудтай энэ үеэр уулзаж санал солилцож үүрэг чиглэл өгчээ. Гэхдээ энэ шийдвэрийг хэрэгжүүлэх төсөв мөнгө байхгүй. Одоогийн байдлаар замын эргүүл гэсэн нэртэй хүмүүсийг тарчигхан төсвөөр ажиллуулж байгаа юм байна
Авто осол үүсэх бас гол шалтгаан бол техникийн бүрэн бус байдал. Энэ асуудалд дэд сайд багагүй анхаарал хандуулж байгаа нь ажиглагдсан. Авто замын цагдаагийнханы мэдээллээр бол өмнө нь замын цагдаагийн хэсгийн дэргэд авто засварын газар ажиллаж байсан юм байна. Цагдаагийнхан техникийн бүрэн бус автомашины жолоочид арга хэмжээ авахаас илүүтэйгээр аюулгүй байдлаа хангах зөвлөгөө өгдөг байсан гэнэ. Ингэснээр жолооч нар цагдаагийн шалгалтын хэсгийн ойр байгаа засварын газраас шаардлагатай сэлбэгийг авч, цааш амар тайван байдлаар аяллаа үргэлжлүүлнэ. Гэтэл нөгөө л монгол араншингаар “Цагдаагийнхан өөрсдийн бизнесээ зам дагуу шалгалтын цэгээр хийж байна” гэсэн хийрхлээс болж зам дагуу ажиллаж байсан засварын газар хаагджээ. Цагдаагийнхан ч үүнээс болж засварын газрыг хаасан гэнэ. Инээдтэй нь нөгөө шүүмжлээд байсан иргэд тухайн бүсэд засварын газар нээсэнгүй. Ингэснээр ослын тоо нэмэгдсэн үү гэхээс буураагүй нь лавтай. Цагдаагийнхан өмнөх зарчмаар хэнээс хамааралгүй засварын газар нээх санал тавьсан ч улстөрч дэд сайд болгоомжтойгоор “Жолооч нараас судалгаа авах хэрэгтэй” гэсэн болгоомжтой хариулт өгөв.
5000 жилийн өмнө вавилончууд хумсаа ингэж буддаг байжээ
Дэлхийн хамгийн үнэтэй хумсны будаг “Azature”
Эртний хятад язгууртан бүсгүй
Өглөө бүр тантай хамт байдаг “Өдрийн сонин”-ы мягмар гаригийн дугаар 16 нүүрээр хэвлэгдэж, та бүхний гар дээр хүрч байна.
16 давхар барилга дээрээс хоёр эмэгтэй үсэрч амиа хорлох гэж байсныг цагдаагийн алба хаагчид таслан зогсоожээ.
Майкл Вайсс дасгалжуулагчтай Монголын шигшээ баг нутагтаа болж буй “Зүүн Азийн АШТ-ий эрхийн төлөөх тэмцээн”-ий эхний тоглолтоо өчигдөр Макаогийн эсрэг хийж 4:1-ээр хожлоо.
Эрүүл мэндийн яамнаас Монголын нүдний эмч нарын нийгэмлэг, Монголын диабетийн холбоотой хамтран “Чихрийн шижингийн шалтгаант нүдний хүндрэлээс урьдчилан сэргийлэх, харааны гажгийн эрт илрүүлэлт, харааны шилний тусламж, үйлчилгээний талаар туршлага солилцох олон улсын уулзалт”-ыг зохион байгууллаа.
Өнөөдөр Монголын үйлдвэрчний эвлэлийн холбооноос багш нарын ажил хаялтын талаар хэвлэлийн хурал хийлээ.