Month: August 2018

Нүд ядарсан үед хийх дасгал

Нүдээ аль болох хүчтэй аниад хүзүү, нүүр, толгойныхоо булчингуудыг чангал. Амьсгалаа 2-3 секунд бариад, амьсгалаа хүчтэй хурдан гаргахдаанүдээ нээнэ. (5 удаа )

Нүдээ аниад нүдний ухархайн дээд ба доод хэсгийн хамраас чамархай руу гэсэн чиглэлээр илнэ.

Нүдээ аниад хөмсгөө суллана. Нүдээ зүүнээс баруун, баруунаас зүүн тийш эргэлдүүлнэ. (10 удаа)

Нүднээсээ20-30 см зайнд эрхий хуруугаа аваачаад хоёр нүдээрээхурууныхаа үзүүрийг нь 3-5 секунд ширтэнэ. Дараа нэг нүдээ 3-5 секунд аниад, дараа нь хоёр нүдээрээ ширтэнэ, дараа нь нөгөө нүдээ анина. (10-12 удаа)

Хуруугаараа чамархайн орчим зөөлөн дараад10 удаа хурдан анивчина. Нүдээ аниад 2-3 удаа гүнзгий амьсгаа авч амар. (3 удаа)

Өдөр бүр хийж хэвших дасгал

Санаа сэтгэлээ тайван болгосны дараа нүдээ хагас аниад нар зөв баруун, дээш доош аажуухан эргэлдүүлнэ. Дараа нь нүдээ огцом нээж дээрх хөдөлгөөнийгдавтаж хийнэ. Тус бүрийг 10 удаа хийснээрээ нүдний ядаргаа арилах, хараа сайжрахаас гадна толгой эргэх, нүд эрээлжлэх болон нүдний элдэв өвчнөөссэргийлж чадна.

Хараа сайжруулах цогц дасгалууд

Компьютерийн өмнө урд удаан суух нь хүний нүдний хараа муудах нэг шалтгаан болдог. Иймд нүдээ хамгаалж, хараа муудахаас сэргийлдэг, хараа тогтоодог дасгалуудыг байнга хийж сурах нь хамгийн ухаалаг, зохистой зөв шийдэл болно. Дасгалуудаас өөрт хамгийн эвтэй, тохиромжтойг нь сонгоод хийгээрэй. Дасгалуудыг өдөрт хоёроос цөөнгүй удаа хийнэ. Хослуулж хийвэл бүр ч сайн. Дасгал хийхэд ердөө таван минут л хангалттай

Хараа сайжруулах :

Нүдийг баруун, зүүн, дээш, доош нь хөдөлгөнө. Нүдээ нар зөв болон нар буруу эргэлдүүлнэ. Нүдээ хурдан, эрчимтэй анивчина. Зүүн доод булан руугаа хараад шууд дээшээ эгцлэн харна. Дараа нь нөгөө талдаа давтана. Нүдээ хооронд нь ойртуулна. Ойр ойрхон анивчих. Цонхон дээр жижиг зураас эсвэл жижигхэн цаас нааж харахгэх мэтхамгийн ойр байгаа зүйлийг ширтээд дараа нь харцаа алсадбайгаа зүйлс, уул гэх мэт рүү шилжүүлнэ. Нэг дасгалыг 6-аас доошгүй удаа давтана.

Холын xapaa муудахаас сэргийлэх:

Сандлынхаа түшлэгийг налан хойшлохдоо амьсгаагаа аваад дараа урагш тонгойхдоо амьсгаагаа гаргана. Сандлынхаа түшлэгийг налаад нүдээ чанга аниад дараа нь нээнэ. Гараа ташаандаа аваад толгойгоо баруун тийш эргүүлээд баруун тохойгоо харна. Дараа нь зүүн талдаа давтана. Дээш хараад нүдээ нар зөв болон буруу эргэлдүүлнэ. Гараа урагш сунгаад хурууныхаа үзүүрийг харна. Гараа дээш өргөхдөө амьсгаа аваад толгойгоо өргөлгүйгээр хурууны хөдөлгөөнийг дагуулан харсан хэвээрээ гараа буулгажамьсгаагаа гаргана. Энэ цогц дасгалыг компьютерийн ард 40-50 минут ажилласны дараа тогтмол хийж байх нь сайн.

Нүд ядарсан үед хийх:

Нүдээ аль болох хүчтэй аниад хүзүү, толгойныхоо булчингуудыг чангалж2-3 секунд бариад нүдээ нээнэ. Таван удаа давтана. Нүдээ аниад нүдний ухархайн дээд ба доод хэсгийн хамраас чамархай руу гэсэн чиглэлээр илнэ. Нүдээ аниад хөмсгөө суллана. Нүдээ зүүнээс баруун, баруунаас зүүн тийш эргэлдүүл. 10 удаа давт. Эрхий хуруугаа нүднээс 20-30 см зайнд аваачаад хоёр нүдээрээ үзүүрийг нь 3-5 секунд ширтэнэ. Дараа нэг нүдээ 3-5 секунд аниад, дараа нь ахиад хоёр нүдээрээ ширтэнэ, дараа нь нөгөө нүдээ анина. 10-12 удаа давт. Хуруугаараа чамархайн орчим зөөлөн дараад 10 удаа дараалан анивчина. Нүдээ аниад 2-3 удаа гүнзгий амьсгаа авч амар. 3 удаа давтана.

Нүдний массаж:

Нүдээ аниад долоовор болон дунд хуруугаараа наймын тоо хэлбэртэй хөдөлгөөнөөр иллэг хийх нь нүдний цусны эргэлт, мэдрэлд сайн нөлөө үзүүлдэг. Ухархайн доод хэсэгт хөдөлгөөн нь хамар луу чиглэсэн, дээд хэсэгт нь хөмсөгний дээгүүр. Дасгалыг 8-16 удаа давтана.

Нил цэцэг

Нил цэцэг нь гэрэл их шаарддаг. Энэ нь мөнхийн хайрын бэлгэдэл бөгөөд гэр бүлийг хэрүүлгүй тайван амгалан амьдрахад тусалдаг.

Мирт

Мөнхийн ногоон навчтай энэхүү ургамал нь цав цагаахан цэцэгтэй. Үзэсгэлэнтэйгээс гадна түүнд анагаах бодис бий. Гэрлэлтийг бат бөх байлгах бөгөөд гэр бүлд аз жаргал авчирдаг. Зарим оронд хосуудын хуримаар энэхүү цэцгийг бэлэглэдэг аж.

Годонхой буюу эрчүүдийн цэцэг

Нарны гэрэлд тун дургүй бөгөөд байнга усаар шүршүүлэх дуртай. Энэ цэцэг нь эрчүүдэд хүч чадал өгдөг бөгөөд эр хүний ноён нурууг бэлгэддэг учраас эрчүүдийн цэцэг, эрчүүдийн аз жаргалын цэцэг хэмээн нэрлэдэг байна.

Унтаахай хатан буюу аз жаргалын цэцэг

Та үнэхээр сайхан хайртайгаа учрахыг, хайртай хүнтэйгээ аз жаргалтай амьдрахыг хүсч байгаа бол Унтаахай хатан буюу аз жаргалын цэцгийг гэртээ тариарай.

Аихризон буюу дурлалын мод

Тасалгааны нөхцөлд энэ цэцэг 30 см хүртэл ургана. Навчнууд нь жижиг бөгөөд зүрхэн хэлбэртэй. Аихризон буюу дурлалын мод нь мэдээж хайр дурлалыг бэлгэддэг. Мөн та гэртээ Хятад сарнай, Нөмөргөнө, Ногоодой зэргийг сонгон таривал танай гэр бүл аз жаргалтай, эрүүл энх байхын үндэс болох боломжтой.

Иргэн С.Мишгээ Зөрчлийн тухай хуулийг эсэргүүцэж өлсгөлөн зарлахаар болсон тухай мэдээлэл хийлээ. Тэрээр намрын чуулган эхлэх өдөр өлсгөлөн зарлах аж. Зөрчлийн тухай хууль нь амьдралд нийцэхгүй байгаагаас цагдаа, иргэний хооронд байнга мөргөлдөөн гарч байгаа тул ийм шийдвэрт хүрсэн гэлээ.

Тэрээр хэлэхдээ “Би өлсгөлөн зарлахдаа Монгол Улсын Жагсаал цуглааны журамд захирагдаж хийнэ. Би худалдаа эрхэлдэг учраас энэ талаар гаргасан хуулийг эсэргүүцэж байгаа юм. Жишээ нь Зөрчлийн тухай хуульд татвараа төлөөгүй бол 1.5 саяар торгодог. Ядаж 200-аас нэг сая болгож болоогүй юм уу. Мөн зөвшөөрөлтэй худалдаа хийх газар зөвшөөрөлгүй худалдаа наймаа хийвэл 50 мянгаар торгоно. Үүнийг ч мөн адил 10-50 мянга төгрөгөөр торгоно гэсэн заалт оруулах байсан. Би Зөрчлийн хуулийг тэр чигээр нь эсэргүүцээгүй. Тийм учраас УИХ-ын эрхэм гишүүдээ ард иргэдийнхээ амьдралд ойрхууль батлаач ээ.Үүнээс чинь болоод цагдаа, иргэний хооронд байнга мөргөлдөөн гарч байна. Иймээс би цагдаагийн байгууллагын нийт албан хаагчдаас хувиасаа болон жижиг худалдаа эрхлэгч иргэдийн өмнөөс уучлалт хүсч байна. Энэ бол бялдуучлал биш. Дараагийн нэг эмзэглэж байгаа зүйл бол зургадугаар сарын 28-нд надад Зөрчлийн хэрэг үүсгээд намайг үзэл бодлоо илэрхийлсний төлөө өчигдөр шүүхээр оруулсан. Үүнийгээ 40 гаруй хоногийн хугацаанд мэдүүлээгүй хэр нь Баянзүрх дүүргийн цагдаагийн хоёрдугаар хэлтсийн үүднээс намайг гавласан. Би гэр бүлдээ хэлэх гэтэл “Та шүүх дээр очоод ярь” гэсэн. Зөрчилд холбогдсон этгээд ар гэртээ мэдэгдэх ёстой.Гэтэл намайг хүн гэж тоогоогүй. Мөн ажлаа хийж байгаа цагдаагийн албан хаагч нар хувийн характераар ханддаг. Ийм муухай Зөрчлийн хууль үйлчлээд байна” гэв.

С.ОЮУНЖАРГАЛ

Эрүүл мэндийн даатгалын үндэсний зөвлөлийн зургадугаар сарын 25-ны өдрийн хуралдаанаар “Эрүүл мэндийн даатгалын сангаас үнийн хөнгөлөлт үзүүлэх зайлшгүй шаардлагатай эмийн нэр төрөл, үнийн дээд хязгаар, хөнгөлөх хэмжээ”-г шинэчлэн баталсан билээ.

Өмнө нь 817 худалдааны нэрийн эмэнд хөнгөлөлт үзүүлж байсан бол,энэхүү шинэчилсэн жагсаалтаар:

173 ерөнхий нэршлийн 650 гаруй худалдааны нэрийн эмэнд 20-80 хувь,

хүүхдийн зайлшгүй шаардлагатай 61 ерөнхий нэршлийн 170 гаруй худалдааны нэрийн эмэнд 50-80 хувийн хөнгөлөлтийг үзүүлэхээр болжээ.

Шинэчилсэн жагсаалтыг хүргэж байна.

УИХ-ын тогтоолоор баталсан “Монгол Улсын Засгийн газрын 2016-2020 оны үйл ажиллагааны хөтөлбөр”-т: “Хүнсний бүтээгдэхүүн үйлдвэрлэлийн өрсөлдөх чадварыг дээшлүүлж, нэмүү өртөг шингэсэн бүтээгдэхүүн экспортлох боломжийг бүрдүүлнэ”, Засгийн газрын тогтоолоор баталсан “Гурван тулгуурт хөгжлийн бодлого”-д: “Хөдөө аж ахуйн боловсруулах үйлдвэрлэлийг олон улсын стандартад нийцүүлэн хөгжүүлж, хүнс экспортлогч орон болох” зорилт тавьсан. Мөн Засгийн газрын 2016 оны 212 дугаар тогтоолоор “Мах, сүүний анхдугаар аян”-ыг орон даяар өрнүүлж, махны экспортыг нэмэгдүүлж, 2020 он гэхэд жилд 100 мянган тоннд хүргэхийг зорьж буй. Тэгвэл эдгээр бодлого, зорилт, арга хэмжээний үр дүнд махны экспортын хэмжээ нэмэгдэж байгаа талаар таатай мэдээллийг хүргэе.

Манай улс 2017-2018 онд 27,9 мян.тонн үхрийн мах, 43,6 мян.тонн адууны мах экспортлохоор тогтоож, хонь, ямааны маханд экспортын хэмжээ, хязгаар тогтоохгүй байхаар шийдвэрлэсэн. Энэ хүрээнд 2018 оны эхний зургаан сарын байдлаар 9557.6 тонн дулааны аргаар боловсруулсан мах, 8868.5 тонн адууны мах, 775.6 тонн хонины болон ямааны мах, 620 тонн үхрийн мах, 498.4 тонн дайвар бүтээгдэхүүн нийт 20320.1 тонн мах, махан бүтээгдэхүүн экспортолж, 44,9 сая ам.доллар буюу 110,6 тэрбум төгрөгийн орлого олсон болохыг Гаалийн ерөнхий газраас мэдээлж байна. Энэ нь өмнөх оны мөн үетэй харьцуулахад мах, махан бүтээгдэхүүний экспортын хэмжээ 2,8 дахин нэмэгдсэн үзүүлэлт юм.

Экспортын хэмжээ нэмэгдсэн байдлыг өмнөх оны мөн үетэй харьцуулж, махны төрөл тус бүрээр авч үзвэл, 2018 оны 6 дугаар сарын байдлаар адууны махны экспорт 1.5 дахин их, хонины болон ямааны мах 4.3 дахин их, дулааны аргаар боловсруулсан мах, махан бүтээгдэхүүн 8.1 дахин их тус тус нэмэгджээ. Одоогийн байдлаар мах, махан бүтээгдэхүүн экспортлох зөвшөөрөлтэй 30 гаруй аж ахуйн нэгж байгаа бөгөөд сүүлийн үед дулааны аргаар боловсруулсан мах, махан бүтээгдэхүүний экспорт нэмэгдэх төлөвтэй байна.

Нийслэлийн Засаг даргын зөвлөлийн хурал болж байна. Өнөөдрийн хурлаар хичээлийн шинэ жил эхлэх гэж байгаатай холбогдуулан тээврийн хэрэгслийн дугаарын хязгаарлалтад өөрчлөлт оруулах талаар хэлэлцлээ.Хэлэлцээрээр замын хөдөлгөөнийг зохицуулах зарим шийдвэрүүдийг гаргасан байна. Үүнд зарим уулзвар дээр гэрлэн дохиог өөрчлөх, ачааны машинуудын хөдөлгөөнийг зарим газарт хязгаарлах мөн Нарантуул, Хархоринхудалдааны төвүүдийн орчмын замын хөдөлгөөнийг багасгах зорилгоор зарим ажлуудыг хийж байна. Том оврын автомашинуудыг өдрийн цагаар хөдөлгөөнийг хязгаарлана. Явган зорчигчийн хөдөлгөөн нэмэгдэхтэй холбогдуулан хайс, хашлагууд нэмж барих шаардлагатай аж.

Тээврийн хэрэгслийг энэ сарын 25, 26-ны өдрүүдэд тэгш, сондгойгоор хязгаарлаж явуулах санал гаргажээ. Харин энэ амралтын өдрүүд болох 18,19-нд дугаарын хязгаарлалт хийхгүй бөгөөд Замын цагдаагийнхан бүрэн бүрэлдэхүүнээрээ ажиллаж зохицуулалт хийхээр боллоо.

Улсын Онцгой комиссын ажлын хэсэг Сэлэнгэ аймгийн Сайхан суманд ажиллаж байна. Энэ үеэр Сэлэнгэ, Дархан-Уул аймгийн Онцгой комиссыг хуралдуулан, үер усны нөхцөл байдал, авч хэрэгжүүлж байгаа арга хэмжээ, өвөлжилтийн бэлтгэл, бэлэн байдлыг хэрхэн хангаж байгаа талаар мэдээлэл сонслоо.

Сэлэнгэ аймгийн хувьд он гарсаар аймгийн хэмжээнд нийт 72 удаагийн аюулт үзэгдэл тохиолдож, 318 сая төгрөгийн хохирол учирсан. Харин дээрх аюулт үзэгдэл ослоос иргэд, аж ахуйн нэгж, байгууллагын 1,5 тэрбум төгрөгийн эд хөрөнгийг авран хамгаалсан байна. Өнгөрсөн долдугаар сарын 17-нд Сэлэнгэ аймгийн төв, Сүхбаатар сумын нутаг дэвсгэрт хүчтэй аадар бороо орсны улмаас цахилгаан эрчим хүч, харилцаа холбоо, инженерийн шугам сүлжээ тасалдаж, олон улсын болон орон нутгийн авто зам, төмөр замын хэсэгт саатал үүсч, нийтийн орон сууц, гэр байшин үерийн усанд автжээ. Үерийн улмаас нийт 1,6 тэрбум төгрөгийн хохирол учраад байна. Тиймээс энэхүү хөрөнгийн асуудлыг шийдвэрлэж өгөх хүсэлтээ Улсын Онцгой комисст илэрхийллээ. Мөн аймгийн хэмжээнд нийт 9490 гаруй малчин өрхийн 1,6 сая мал өвөлжинө. Өнөөдрийн байдлаар аймгийн өвс тэжээлийн аюулгүй нөөцдөө 3000 боодол өвс, 1000 боодол ногоон тэжээлийг бэлтгэхээр ажиллаж байна. Харин Дархан-Уул аймгийн хувьд өвөлжилтийн бэлтгэл ажлыг хангах хүрээнд Засаг даргын нөөц хөрөнгөөс нийт 11,5 сая төгрөгийг шийдвэрлэн, дэд бүтцийн болон өвс, тэжээлийн нөөц бүрдүүлэхээр ажиллаж байгаа хэмээн танилцууллаа.

Мэдээллийн дараа, Шадар сайд Ө.Энхтүвшин дээрх хоёр аймгийн удирдлагуудад, орон нутгийн эрчим хүчний үйлдвэр, нийт аж ахуйн нэгж, байгууллага, иргэдийн өвлийн бэлтгэлийг сайтар хангуулж, нүүрс, түлшийг бэлтгүүлж, шаардлагатай аюулгүйн нөөцийг бүрдүүлэх, орон сууцны цэвэр бохир ус, дулааны шугам хоолой, авто замын засвар үйлчилгээг хугацаанд нь хийж дуусгах, ургац хураалтад ажиллах хүн хүч, техникийн бэлтгэл, бэлэн байдлыг хангуулан цаг агаарын гамшигт үзэгдлээс ургацаа хамгаалах, урьдчилан сэргийлэх арга хэмжээг авах, үерийн улмаас учирсан хохирлын хэмжээ, гамшгийн хор уршгийг арилгах, хойшлуулшгүй сэргээн босгоход зарцуулсан зардлыг нарийвчлан тогтоох үүрэг чиглэл өглөө гэж Онцгой байдлын ерөнхий газраас мэдээллээ.

Хур бороо их орсонтой холбоотойгоор Баянзүрх дүүргийн 19 дугаар хороо, Хорооллын доторх 3 км зорчих хэсэгт их хэмжээний борооны ус тогтож, авто замын эвдрэл гарч, тээврийн хэрэгсэл зорчиход хүндрэлтэй байдал үүссэний улмаас иргэн, оршин суугчдын хүсэлтийн дагуу зам засврын ажлыг эхлүүлэхээр ажиллаж байна. Гүйцэтгэгч байгууллагаар “Экспресс зам” ХХК ажиллах юм.

Нийслэлийн Аялал жуулчлалын газрын урилгаар Япон Улсын ардын урлагийн “Мүгэнжүкү” хамтлаг 8 дугаар сарын 20-ны Даваа гаригт 17:00 цагаас Багануур дүүргийн соёлын ордонд үнэ төлбөргүй тоглолтоо толилуулах гэж байна.

Мөн 8 дугаар сарын 21-ний Мягмар гаригт 19:00 цагаас Төмөр замын соёлын ордонд нийслэлийн иргэдэд үнэ төлбөргүй тоглоно.

Мүгэнжүкү хамтлаг нь 2000 онд Нагоя хотын Нагакүтэ-д байгуулагдсан. Японы Тоохокү бүс нутаг буюу зүүн хойд нутгийн ардын дууг голлон тоглодог хамтлаг юм гэж нийслэлийн Аялал жуулчлалын газраас мэдээллээ.