“Хамгаалах бүс, хамгаалах малгайн хэрэглээг хэвшүүлснээр зам, тээврийн аюулгүй байдлыг сайжруулах” төслийн мэдээллийн кампанит ажлын хоёрдугаар үе шат ирэх сарын 1-нээс эхэлж байгаатай холбогдуулан өнөөдөр Тээврийн цагдаагийн албаны алба хаагчдад зориулсан олон улсын сургалт-семинар зохион байгуулж байна.
Энэхүү сургалт-семинар нь замын цагдаагийн ажилтнуудад хууль сахиулах замаар суудлын бүсний хэрэглээг нэмэгдүүлэх стратеги, арга замуудын талаарх олон улсын туршлагын талаар мэдээлэл олгох, улмаар үйл ажиллагаандаа нэвтрүүлэх боломжийг бүрдүүлэх зорилготой юм. Сургалт-семинарыг Олон Улсын Аюулгүй Байдлын Сангийн Ерөнхийлөгч, зөвлөх, доктор Рэй Шүэй уригдан ирж явууллаа.
Жилд 1900 орчим зам тээврийн осол гарч байгаагийн улмаас 500 гаруй хүн амь насаа алддаг гэсэн тоон мэдээ байдаг. Үүний 80 хувийг хөдөө орон нутгийн замд гарч буй осол эзэлж байна. Мөн өнгөрсөн онд 55 хүүхэд осолд өртөж эндсэний 47 хүүхэд суудлын бүс хэрэглээгүй, эцэг эх, асран хамгаалагчтай цуг авто машинд зорчиж яваад амиа алдсан байна.
Өдрийн сонины Асуух эрхийн танхимд “Глоб интернэшнл” төв, Монголын хуульчдын холбоо, Монголын хэвлэлийн зөвлөлтэй хамтран сэтгүүлчдийн аюулгүй байдалд мониторинг хийх талаар хэвлэлийн хурал хийлээ.
Монголбанк 2018 онд алт худалдан авалтынхаа хэмжээг өмнөх оныхоос 10 хувиар нэмэгдүүлэх зорилго тавьсан бөгөөд хоёрдугаар улирлын байдлаар 11.5 тн алт худалдан аваад байгаа нь өнгөрсөн оны мөн үеийнхээс 5 хувиар илүү байна. Энэхүү зорилгодоо хүрэхийн тулд хэрэгжүүлж буй “Эх орныхоо алтыг Эрдэнэсийн сандаа” аяны хүрээнд холбогдох төрийн болон төрийн бус байгууллага, аж ахуйн нэгжүүдтэй хамтран тулгамдаж буй асуудлуудыг шийдвэрлэх бодлогын санаачлагуудыг гарган ажиллаж байна.
Олон улсын зорчигчийн 112 дугаар галт тэргэнд Замын-Үүд өртөөний төмөр замын холбооны механикч залуу дайруулж амь насаа алдсан золгүй осол гарчээ. Энэхүү хэрэг өчигдөр өглөөний 11:00 цагийн орчимд Замын-Үүд суманд болсон байна. Осол болсны дараа хохирогчийн бие хоёр хуваагдан салсан тухай эх сурвалжууд мэдээлсэн юм.
Хаврын чуулганы үеэр Хэнтий аймгийн 42-р тойрогт нөхөн сонгууль явуулах тухай УИХ-ын 62-р тогтоолыг баталсан билээ. Уг тогтоолд төрийн жинхэнэ албан хаагч сонгуульд өрсөлдөх боломжийг үүсгээгүй гэх асуудлаар нэр бүхий иргэд Үндсэн хуулийн цэцэд гомдол гаргасан юм.
НМХГ-аас хичээлийн шинэ жилийг угтан хийсэн шалгалтын талаар өнөөдөр мэдээлэл хийлээ. Тус байгууллагаас хичээлийн шинэ жил эхэлж байгаатай холбоотойгоор ЕБС, цэцэрлэгүүдэд хяналт шалгалт хийсэн байна. Шалгалтад нийслэлд үйл ажиллагаа явуулж буй төрийн болон хувийн хэвшлийн 265 сургууль, цэцэрлэгүүдийг хамруулжээ. Нийт 715 зөрчил илэрсэн бөгөөд 135 заалт бүхий хугацаатай үүрэг даалгавар өгсөн талаараа мэдээллээ. Түүнчлэн Зөрчлийн тухай хуулийн дагуу 14 албан тушаалтанд 2.4 сая төгрөгийн торгууль ногдуулж ажилласан тухай мэдээлэв. Сурагчийн форм үйлдвэрлэж байгаа байгууллагууд болон үдийн цай, ном сурах бичгүүдэд хоёрдугаар шатны шалгалтыг есдүгээр сарын 1-нээс 15-ны хооронд зохион байгуулахаар болжээ.
Ховд аймгийн Жаргалант сумын нутаг дэвсгэрт хүн, малын гоц халдварт “Боом” өвчин гарсан. Үүнтэй холбогдуулан БСШУС-ын сайдын тушаалаар тус суманд сургалтын үйл ажиллагаа эрхэлдэг өмчийн бүх хэлбэрийн цэцэрлэг, ЕБС, их, дээд сургууль, коллежийн 2018-2019 оны хичээлийн жилийн эхлэх хугацаанд өөрчлөлт оруулж, хичээлийн жилийн эхлэх хугацааг есдүгээр сарын 10-ны өдөр хүртэл түр хугацаанд хойшлуулжээ.
АТГ-аас Замын-Үүд дэх гаалийн газрын нэр бүхий гаалийн улсын байцаагч нарыг өнгөрсөн оны долдугаар сараас эхлэн авлигын хэрэгт сэжигтнээр татан шалгаж байсан билээ.
“XXI зууны Зүүн Азийн шинэ чиг хандлага” сэдэвт Зүүн Ази судлалын олон улсын аравдугаар хурал өнөөдөр нийслэл хотод эхэлж байна.